KALATIA 1
1
1Ko au ko Paulo, ko te apositolo e se mai tino io me mai se tino, kae mai i a Iesu Keliso mo te Atua te Tamana, tela ne fakatu ne ia a Iesu mai tino 'mate. 2E fakatalofa atu au fakatasi mo taina Kelisiano katoa kola e 'nofo mo au ki Ekalesia i Kalatia.
3Ke i a koutou a te alofa tauanoa mo te filemu mai i te Atua te Tamana mo Iesu Keliso te Aliki o tatou.
4Ne tuku atu a Keliso ne ia eiloa mo agasala a tatou, ke fakasaoloto tatou mai te vaitaimi masei tenei, e pela eiloa mo te loto o te Atua te Tamana o tatou. 5Ke i te Atua te tavaega e se gata mai, e se gata mai eiloa. Amene.
Ko te Tala 'Lei e Tasi
6Ko oko eiloa i toku ofo i a koutou, i te vave o tiakina ne koutou a ia tela ne kalagagina ne ia koutou i te alofa tauanoa o Keliso,#1.6: mai i te alofa tauanoa o Keliso; i nisi lomiga e isi i ei mai i tena alofa tauanoa. ka ko 'fuli koutou ki se tala 'lei fakaatea. 7E se fai pela me isi ake foki se isi tala 'lei, ka ko te mea e isi ne tino mai i a koutou e olotou kosugina koutou, kae taumafai foki o fuli te tala 'lei a Keliso. 8Kae kafai ko matou konei, io me se agelu mai i te lagi, e talai atu se tala 'lei e kese mai te mea ne folafola atu ne matou, ke maua sona kaitoa. 9Pela mo omotou muna ne fai atu muamua, kae nei ko toe fai atu foki ne au: kafai se tino e folafola atu ki a koutou se tala 'lei e kese mai i te tala 'lei ne talai atu ne matou, ke maua sena kaitoa!
10E a, e salasala nei ne au a te loto o tino, me ko te loto o te Atua? Io me taumafai au ke taku'leia au ne tino? Kafai e tumau foki toku fia taku'leia ne tino, ko se 'tau o fai au mo tavini a Keliso.
Ko Fai Paulo mo Apositolo
11Taina, e fakailoa atu ne au ki a koutou, me i te tala 'lei tela ne folafola atu ne au, e se se tala 'lei a se tino. 12I te mea, e seki maua mai ne au mai se tino io me ne akoga au i ei, ka ko Iesu Keliso eiloa ne fakaasi mai ne ia ki a au.
13 #
Galu 8.3; 22.4,5; 26.9-11 Ne 'logo koutou i toku olaga mua i te faka Iutaia, i toku fakasaua masei ki te Ekalesia a te Atua, kae ne taumafai foki au o ofa. 14#Galu 22.3Ne tulaga muamua foki au i faifaiga o te lotu faka-Iutaia i oku kautama i toku fenua, i toku toaga malosi ki munatuku a oku tamana.
15 #
Galu 9.3-6; 22.6-10; 26.13-18 Ka ko te Atua ne filifili ne ia a au i tona alofa tauanoa, ka koi tuai o fanau mai au, ne kalagagina foki au ne ia ke tavini atu ki a ia. 16Kae ne loto foki ke fakaasi mai tena Tama ki a au, ko te mea ke folafola atu ne au a ia ki fenua fakaatea, kae ne seki filifili au mo se tino. 17Ne seki fano foki au ki Ielusalema, ki a latou kola ne mua o fai mo apositolo i a au, kae ne fano eiloa au ki Alapi; toe foki ei au ki Tamaseko. 18#Galu 9.26-30I te tolu tausaga fakamuli ifo, au ne fano ki Ielusalema o asi a Petelu, kae ne 'nofo fakatasi maua i vaiaso e lua. 19Ne seki fetaui au mo nisi apositolo, kae na fua ko Iakopo#1.19: sose isi Apositolo ake vagana ei Iakopo; io me me isi ake foki se isi apositolo; te tino fua ne fetaui maua ko Iakopo. fua te taina o te Aliki.
20A mea konei, e tusi atu ne au ki a koutou i mua o te Atua, kae se loi atu au.
21Fakamuli ifo, au ne fano ki Sulia mo Kilikia, 22kae ne seki lavea 'lei eiloa oku foliga ne Ekalesia a Keliso i Iutaia. 23Ne 'logo fua latou i te pati, “A ia tela ne fakasaua mai ki a tatou i aso ko teka atu, kae nei ko talai mai ne ia te fakatuanaki tela ne taumafai a ia o ofa!” 24Ne 'viki atu ei latou ki te Atua ona ko au.
Currently Selected:
KALATIA 1: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
