EFESO 2
2
Mai te Mate ki te Ola
1 #
Kolo 2.13
I taimi ko teka atu nei, a koutou ne 'mate i otou amioga masei mo otou agasala. 2I aso foki kona, koi tautali eiloa koutou i auala ma'sei o te lalolagi; ne faka'logo koutou ki te pule o te mana fakatiapolo i te lagi, ko te agaga tela e pule ne ia a tino kola e se faka'logo ki te Atua. 3*E tonu i a tatou katoa nei, ne pau eiloa mo latou, kae ne ola foki tatou i manako faka te foitino, kae fai foki a mea e fiafia ki ei o'tou foitino mo o'tou mafaufau. A tatou foki ne fanau o te fakasalaga a te Atua, e pela eiloa mo tino katoa.
4Ko oko loa i te lasi a te alofa 'nau o te Atua, tela la, ko oko foki eiloa i te lasi a tona alofa mo tatou, 5me i te taimi ne 'mate ei tatou i o'tou agasala, ne fakaola ne ia tatou i a Keliso; ko te alofa tauanoa o te Atua ko fakaolagina ei koutou. 6I te tou 'soko tasi mo Keliso Iesu, ne fakatu ake ei ne ia tatou fakatasi mo ia, ke pule fakatasi tatou mo ia i te lagi. 7Ne fai ne ia a te mea nei, e fakaasi ei a te lasi o te maumea o tena alofa tauanoa i aso konei mai mua, e alatu i te alofa ne fakaasi mai ne ia ki a tatou i a Keliso Iesu. 8Ne fakaolagina tatou i te alofa tauanoa o te Atua, e alatu i te fakatuanaki. E se se mea ne fai ne koutou, kae se meaalofa eiloa a te Atua. 9E seai se mea i konei e 'tau o fakamata'mata koutou ki ei, me se ko fua o galuega a koutou. 10A tatou ne faite ne te Atua, kae i te tou 'soko tasi mo Keliso Iesu, ko fai ei ne ia tatou ke ola i se olaga fai mea 'lei, tela ko leva ne fakatoka ne ia mo tatou ke fai ne tatou.
Ko Tasi Tatou Katoa i a Keliso
11Ke masaua ne koutou i a koutou ne tino o fenua fakaatea i te otou fa'naumaiga, kae e fakaigoa ne tino Iutaia koutou me ko tino se pilitome, tela ko te fakailoga e fai ne tagata ki olotou foitino. Ke masaua ne koutou me ne pena koutou i aso ko teka. 12I aso foki kona, koi mavae eiloa koutou keatea mo Keliso. Ne tino fakaalofa foki koutou, kae se aofia foki koutou i tino filifilia a te Atua. E seai eiloa se vaega o koutou i feagaiga, kola ne fakavae i luga o folafolaga a te Atua ne fai ki ona tino. Ne 'nofo foki koutou i te lalolagi nei mo te seai o se fakamoemoega, mo te seai foki o te Atua. 13Kae nei, i te otou 'soko tasi mo Keliso Iesu, tela la, ko koutou kola ne 'mao muamua, nei ko pili mai koutou ki ei, e alatu i te mate o Keliso. 14Me ko oti ne aumai ne Keliso ki a tatou a te filemu, i te fai ne ia a tino Iutaia mo fenua fakaatea ke tasi. Ne lepe foki ne ia a te 'pui o te fai fili tela e tu i te la va. 15#Kolo 2.14Ne lepe foki ne Keliso a Tulafono faka-Iutaia, e pela foki mo olotou fakatonuga mo tulafono fakaopoopo, ko te mea ke fai ne ia a Iutaia mo tino o fenua fakaatea, ke fai mo tino fou e tasi i a ia, ke maua ei te filemu. 16#Kolo 1.20Ne fakamalepe ne Keliso te fai fili o latou i te mate o ia i luga i te sataulo; kae ne fakalei foki ne ia a Iutaia mo tino o fenua fakaatea, ke fai mo foitino e tasi, kae fakafoki mai ki te Atua. 17#Isa 57.19Tela la, ne vau a Keliso, kae ne folafola foki ne ia a te Tala 'Lei o te filemu ki tino katoa; ki a koutou e tino o fenua fakaatea kola ne 'mao muamua mai te Atua, e pela foki ki tino Iutaia kola ne pili ki a ia. 18Ona ko Keliso, ko mafai ei tatou katoa, tino Iutaia mo fenua fakaatea o o'mai ki mua o te Tamana i te Agaga e tasi.
19Tela la, a koutou ko se toe taku ne fakaalofa io me ne tino fakaatea; ka ko koutou nei ko tino tonu o te fenua o te Atua, kae ne tino foki o te kāiga o te Atua! 20A koutou foki, ko ati ake i luga i te fakavae ne fakatakato ne apositolo mo pelofeta, #2.20: te fakavae ne fakatakato ne Apositolo mo Pelofeta; io me te fakavae tela, ko apositolo mo pelofeta.te fatu tulimanu tela ko Keliso Iesu. 21Ko ia eiloa tena e taofi mau ne ia a te fale katoa, kae fai foki ne ia ke tupu ake ke fai mo fale tapu 'malu i te Aliki. 22I te 'soko tasi foki mo ia, ko ati fakatasi ake ei koutou mo nisi tino katoa ki se fale e tasi, tela e nofo i ei a te Atua, e alatu i tona Agaga.
Currently Selected:
EFESO 2: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
EFESO 2
2
Mai te Mate ki te Ola
1 #
Kolo 2.13
I taimi ko teka atu nei, a koutou ne 'mate i otou amioga masei mo otou agasala. 2I aso foki kona, koi tautali eiloa koutou i auala ma'sei o te lalolagi; ne faka'logo koutou ki te pule o te mana fakatiapolo i te lagi, ko te agaga tela e pule ne ia a tino kola e se faka'logo ki te Atua. 3*E tonu i a tatou katoa nei, ne pau eiloa mo latou, kae ne ola foki tatou i manako faka te foitino, kae fai foki a mea e fiafia ki ei o'tou foitino mo o'tou mafaufau. A tatou foki ne fanau o te fakasalaga a te Atua, e pela eiloa mo tino katoa.
4Ko oko loa i te lasi a te alofa 'nau o te Atua, tela la, ko oko foki eiloa i te lasi a tona alofa mo tatou, 5me i te taimi ne 'mate ei tatou i o'tou agasala, ne fakaola ne ia tatou i a Keliso; ko te alofa tauanoa o te Atua ko fakaolagina ei koutou. 6I te tou 'soko tasi mo Keliso Iesu, ne fakatu ake ei ne ia tatou fakatasi mo ia, ke pule fakatasi tatou mo ia i te lagi. 7Ne fai ne ia a te mea nei, e fakaasi ei a te lasi o te maumea o tena alofa tauanoa i aso konei mai mua, e alatu i te alofa ne fakaasi mai ne ia ki a tatou i a Keliso Iesu. 8Ne fakaolagina tatou i te alofa tauanoa o te Atua, e alatu i te fakatuanaki. E se se mea ne fai ne koutou, kae se meaalofa eiloa a te Atua. 9E seai se mea i konei e 'tau o fakamata'mata koutou ki ei, me se ko fua o galuega a koutou. 10A tatou ne faite ne te Atua, kae i te tou 'soko tasi mo Keliso Iesu, ko fai ei ne ia tatou ke ola i se olaga fai mea 'lei, tela ko leva ne fakatoka ne ia mo tatou ke fai ne tatou.
Ko Tasi Tatou Katoa i a Keliso
11Ke masaua ne koutou i a koutou ne tino o fenua fakaatea i te otou fa'naumaiga, kae e fakaigoa ne tino Iutaia koutou me ko tino se pilitome, tela ko te fakailoga e fai ne tagata ki olotou foitino. Ke masaua ne koutou me ne pena koutou i aso ko teka. 12I aso foki kona, koi mavae eiloa koutou keatea mo Keliso. Ne tino fakaalofa foki koutou, kae se aofia foki koutou i tino filifilia a te Atua. E seai eiloa se vaega o koutou i feagaiga, kola ne fakavae i luga o folafolaga a te Atua ne fai ki ona tino. Ne 'nofo foki koutou i te lalolagi nei mo te seai o se fakamoemoega, mo te seai foki o te Atua. 13Kae nei, i te otou 'soko tasi mo Keliso Iesu, tela la, ko koutou kola ne 'mao muamua, nei ko pili mai koutou ki ei, e alatu i te mate o Keliso. 14Me ko oti ne aumai ne Keliso ki a tatou a te filemu, i te fai ne ia a tino Iutaia mo fenua fakaatea ke tasi. Ne lepe foki ne ia a te 'pui o te fai fili tela e tu i te la va. 15#Kolo 2.14Ne lepe foki ne Keliso a Tulafono faka-Iutaia, e pela foki mo olotou fakatonuga mo tulafono fakaopoopo, ko te mea ke fai ne ia a Iutaia mo tino o fenua fakaatea, ke fai mo tino fou e tasi i a ia, ke maua ei te filemu. 16#Kolo 1.20Ne fakamalepe ne Keliso te fai fili o latou i te mate o ia i luga i te sataulo; kae ne fakalei foki ne ia a Iutaia mo tino o fenua fakaatea, ke fai mo foitino e tasi, kae fakafoki mai ki te Atua. 17#Isa 57.19Tela la, ne vau a Keliso, kae ne folafola foki ne ia a te Tala 'Lei o te filemu ki tino katoa; ki a koutou e tino o fenua fakaatea kola ne 'mao muamua mai te Atua, e pela foki ki tino Iutaia kola ne pili ki a ia. 18Ona ko Keliso, ko mafai ei tatou katoa, tino Iutaia mo fenua fakaatea o o'mai ki mua o te Tamana i te Agaga e tasi.
19Tela la, a koutou ko se toe taku ne fakaalofa io me ne tino fakaatea; ka ko koutou nei ko tino tonu o te fenua o te Atua, kae ne tino foki o te kāiga o te Atua! 20A koutou foki, ko ati ake i luga i te fakavae ne fakatakato ne apositolo mo pelofeta, #2.20: te fakavae ne fakatakato ne Apositolo mo Pelofeta; io me te fakavae tela, ko apositolo mo pelofeta.te fatu tulimanu tela ko Keliso Iesu. 21Ko ia eiloa tena e taofi mau ne ia a te fale katoa, kae fai foki ne ia ke tupu ake ke fai mo fale tapu 'malu i te Aliki. 22I te 'soko tasi foki mo ia, ko ati fakatasi ake ei koutou mo nisi tino katoa ki se fale e tasi, tela e nofo i ei a te Atua, e alatu i tona Agaga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific