EFESO 1

1 # Galu 18.19-21; 19.1 Ko au ko Paulo, ko te apositolo a Keliso Iesu i te loto o te Atua.#1.1: I nisi lomiga e seai i Efeso. Ko tusi atu au ki Kelisiano katoa kola e fakamaoni ki a Keliso Iesu:

2Ke i a koutou te filemu mai i te Atua te tou Tamana, mo te Aliki ko Iesu Keliso.

Ko Fakamanuiaga Faka te Agaga i a Keliso

3 # Kolo 1.3 Ke fakafetai atu tatou ki te Atua te Tamana o te tou Aliki ko Iesu Keliso, tela ne fakamanuia mai ki a tatou e alatu i a Keliso i fakamanuiaga kesekese faka te Agaga ne aumai mai te lagi. 4Ka koi tuai o faite te lalolagi, ko leva ne filifilia tatou ne te Atua ke fai mō ia i a Keliso, ko te mea ke tapu tatou, kae ke se fai mea 'se foki tatou i ona mua. 5Ne filifilia ne ia tatou i tena loto malie katoatoa ke fai tatou mo ana tama e alatu i a Iesu Keliso. 6Ke tavae la ne tatou a te 'malu o te alofa tauanoa o te Atua, tela ne tuku mai fua ne ia ki a tatou i tena Tama fagasele!

7 # Kolo 1.14 Ko maua ne tatou a te saolotoga i te mate o Keliso,#1.7: i te toto o Keliso; io mete mate faka taulaga o Keliso. ko fakamagalo foki otou agasala e pela eiloa mo te lasi o te maumea o tena alofa tauanoa, 8tela ne tuku fakauke mai ne ia ki a tatou! I te poto o te Atua mo ana fuafuaga 'tau katoatoa, 9ne fai ei ne ia a te mea ne fakamoemoe a ia ki ei, kae ne fakaasi mai foki ne ia ki a tatou tena fuafuaga 'funa, tela ne fuafua ne ia ke fakakatoatoa i a Keliso. 10Se fuafuaga mo te fakakatoatoaga o te taimi tonu, tela e tuku fakatasi ei ne ia a mea katoa, ko mea i te lagi mo mea i te lalolagi; ka ko Keliso te ulu o mea katoa.

11Me ne fai a mea katoa ki te fuafuaga mo te mafaufau o te Atua, kae ne filifili matou ne te Atua ke fai mo ona tino i te 'soko fakatasi mo Keliso, ona ko tena fuafuaga tela ne fakavae ki te mea ko leva ne fuafua ne ia mai te kamataga. 12Tela la, ko 'tau i a matou kola ne mua o maua te fakamoemoe i a Keliso, o tavae atu ki te 'malu o te Atua.

13E pena foki koutou i te lagonaga ne koutou a te muna tonu, tela ko te Tala 'Lei o te otou fakaolataga; ne talitonu koutou ki a Keliso, tuku atu ei ne te Atua a te Agaga Tapu tela ne folafolagina, ke fai mo fakamailoga me e a ia koutou. 14A te Agaga, ko te fakamaoniga o te tou tofi e maua, e pela eiloa mo te folafolaga a te Atua ne fai ki ona tino, kae taku tonu mai foki ne ia i te Atua e tuku ne ia a te saolotoga katoatoa ki a latou kola e fai mō ia. Ke vikia ne tatou tona 'malu!

Ko te 'Talo a Paulo

15I te taimi ne logo ei au i te otou fakatuanaki ki te Aliki ko Iesu, mo te otou a'lofa ki tino katoa o te Atua, 16ko se gata eiloa taku fakafetai ki te Atua ona ko koutou. E masaua faeloa ne au a koutou i aku tinoga, 17kae fakatagi atu au ki te Atua o te tou Aliki ko Iesu Keliso, ko te Tamana 'malu, tela e tuku atu ne ia a te Agaga ke fai ne ia koutou ke 'poto, e fakaasi atu foki ne ia a te Atua ki a koutou, ko te mea ke iloa ne koutou a ia. 18Au e 'talo ke ma'tala otou mafaufau, ke matea ne koutou tona mainaga, ko te mea ke iloa ne koutou a te fakamoemoega ne kalagagina ei koutou ne ia; ke iloa foki ne koutou a te lasi o fakamanuiaga fakaofoofogina ne folafola ne ia ki ona tino, 19ke iloa foki te malosi o tona mana i loto i a tatou kola e fakatuanaki, kae e pau faeloa a te malosi tenei i a tatou mo te mana malosi, 20#Sala 110.1tela ne fakaaoga ne ia i tena fakatuakega o Keliso mai te mate, kae fakanofo ne ia i tona feitu fakaatamai i te lagi. 21E sili te pule a Keliso i kona i pule katoa faka te lagi, i fonopule, i malosi mo aliki, e maluga foki i tulaga tāua i te lalolagi nei, e pela foki mo te sua lalolagi. 22#Sala 8.6#Kolo 1.18Ne fai ne te Atua a Keliso ke pule i mea katoa, kae ne tuku atu foki a ia ki te Ekalesia ke fai mo Aliki sili o mea katoa. 23A te foitino o Keliso ko te Ekalesia, ko te katoatoaga foki o ia tela ne fakakatoatoa ne ia a mea katoa i so se koga.

Currently Selected:

EFESO 1: Tusi Tapu

Highlight

Copy