GALUEGA 13
13
Ko Filifilia Panapa mo Saulo ke Olo atu o Folafola te Tala 'Lei
1I loto i te Ekalesia i Anitioka e iai ne pelofeta mo faiakoga: ko Panapa, ko Simeona tela e fakaigoa ko te Tino uli, ko Lukio te tino Kulene, ko Manaena tela ko te tama puke a matua o Helota te tino Pule,#13.1: Helota: Helota Anitipa, te pule o Kalilaia (onoono ki te Luka 3.1). mo Saulo. 2Ka koi tapuaki atu latou ki te Aliki kae fakaliki'liki mo tapuakiga, ne fai mai ki a latou a te Agaga Tapu, “Tofi ake mo oku a Panapa mo Saulo, ke fai ne laua a te galuega tela ko oti ne kalagagina ei ne au.” 3Ne fakaliki'liki mo tapuakiga kae 'talo latou, kae fakaeke atu foki olotou lima ki luga i a laua, uga atu ei laua ke olo.
Ko te Galuega a Panapa mo Saulo i Kupelu
4I te ugaatuga tenei a Panapa mo Saulo ne te Agaga Tapu, ne olo atu laua ki Selukeia; mai kona ne ma'laga atu ei laua i te vaka ki Kupelu. 5I te la okoatuga ki Salamina, ne folafola atu ne laua a te muna a te Atua i loto i te fale tapuaki o tino Iutaia. Ne fesoasoani ki a laua a Ioane Maleko i te galuega.
6Ne ma'laga atu laua i luga i te motu katoa tena ke oko atu ki te sua feitu o te fa'kai ko Pafo. Ne fetaui laua i kona mo te tagata fai vailakau e igoa ki a Pa‐Iesu, se tino Iutaia tela e fakaloiloi ne ia tino i a ia se pelofeta. 7A ia se taugasoa o Sekio Paulo te Kovana o te motu tena, se tagata poto foki eiloa. Ne kalagagina ne te Kovana tena a Panapa mo Saulo ke o'mai ki ona mua, me fia fakalogo a ia ki te muna a te Atua. 8Ka ko laua ne fakalavelavegina ne te tagata fai vailakau ko Elima, ko te igoa faka Eleni tena o Pa‐Iesu, ne taumafai a ia ke fuli keatea te Kovana mai te fakatuanaki. 9Ka ko Saulo tela foki e igoa ki a Paulo, ne fonu a ia i te Agaga Tapu, ka ko se kemo eiloa ona mata ki te tino fai vailakau; 10kae fai atu, “A koe se tama a te Tiapolo! A koe ko te fili o mea 'lei katoa; ko fonu koe i vaega togafiti ma'sei katoa, e taumafai faeloa koe o 'fuli te muna tonu a te Aliki ki te muna loi! 11Ka oko ifo te lima o te Aliki ki a koe i te taimi nei; ka kivi koe, kae se matea foki ne koe a te mainaga o te la i ne aso.” I te taimi eiloa tena, ko se ile a Elima, kae ne taumafai foki o fanofano sale ke maua ne ia se tino o takitaki a ia. 12Tena ne talitonu ei te Kovana i te laveaga ne ia a te mea tena ne tupu; ko oko eiloa i tona ofo i te akoakoga e uiga ki te Aliki.
Ko te Galuega i Anitioka i Pisitia
13Ne malaga atu i te vaka a Paulo mo tena potukau mai Pafo ki Peleka i Pafulia; ka ko Ioane Maleko ne tuku ne ia a laua i kona, kae toe foki atu ki Ielusalema. 14Ne olo atu a laua mai Peleka ki Anitioka i Pisitia. I te Sapati, ne olo laua ki loto i te fale tapuaki kae saga'saga ki lalo. 15I te otiga ne faitau a muna mai te Tulafono a Mose mo tusi a pelofeta, ne uga mai te fekau mai tino pule o te fale tapuaki e penei: “Omotou taina, kafai e isi ne muna a koulua e fia fai atu o fakamalosi ki te kaulotu, na fai nei.” 16Tela, tu ake ei Paulo ki luga, kae kamata o fakagasue atu ona lima kae fai atu penei:
“A koutou e tino Isalaelu, mo tino kola e ma'taku ki te Atua, faka'logo mai! 17#Eso 1.7; Eso 12.51A te Atua o te fenua tenei ko Isalaelu, ne filifili ne ia a tupuga o tatou, ne fai foki ne ia latou mo fenua taua i te taimi ne 'nofo ei a latou i te fenua ko Aikupito. Ne ave keatea foki a latou mai Aikupito ne te Atua i te malosi o tena mana. 18#Nume 14.34; Teu 1.31E tusa mo te fa sefulu tausaga ne kufaki ei a ia i olotou amio#13.18: ne kufaki ne ia; i nisi lomiga e isi foki iei ne tausi ne i a. i te koga lavaki. 19#Teu 7.1; Iosu 14.1I te otiga ne fakatakavale ne ia a malo e fitu i te fenua o Kanana, ne tuku atu ei ne ia ki tino Isalaelu ke fai a fenua kona mo tofi o latou. 20#Fama 2.16; 1Samu 3.20E tusa mo te 450 tausaga.
“Fakamuli ifo,#13.20: A mea katoa i te tusi e tusa mo te 450 tausaga. Mai tua ifo o te mea nei; io me I se 450 tausaga fakamuli ifo. ne tuku atu ne ia ki a latou a famasino ke oko atu ki a Samuelu te pelofeta. 21#1Samu 8.5; 1Samu 10.21Mai tua ifo foki, ne fakatagi latou ki te Atua ki se tupu mo latou, tuku atu ei ne te Atua ki a latou a Saulo te tama a Kiso, se tagata mai te matakaiga o Peniamina, ke fai mō tupu o latou i tausaga e fa sefulu. 22#1Samu 13.14; 1Samu 16.12; Sala 89.20I te otiga ne tapale keatea a Saulo mai te tulaga o te tupu, ne fai ne te Atua a Tavita mo tupu o latou. Ko muna la konei a te Atua e uiga ki a ia: ‘Ko oti ne maua ne au a Tavita, ko te tama a Iese, ko te vaega tagata tena e manako au ki ei, tela ka fai ne ia a mea katoa e loto au ki ei.’ 23E tokotasi foki te tino mai mokopuna o Tavita, ko oti ne aumai ne te Atua ki a Isalaelu ke fai mo Fakaola, ko Iesu tena, e pela mo tena folafolaga. 24#Male 1.4; Luka 3.3Ka koi tuai o oko mai a Iesu, ne lauga atu a Ioane ki tino katoa o Isalaelu, ke sala'mo kae ke papatisogina foki latou. 25#Ioa 1.20; Mata 3.11; Male 1.7; Luka 3.16; Ioa 1.27I te taimi ko fakaotioti ei a te galuega a Ioane, ne fai atu a ia ki tino, ‘Ko oi au i otou manatu? Au nei e se ko te tino tela e fakatalitali koutou ki ei. Kae kiloke! E isi te tino tela ka vau mai oku tua. E se 'tau mo au o 'tala keatea ona taka mai ona vae.’
26“Oku taina ko fanau a Apelaamo, mo tino kola e ma'taku ki te Atua: ne aumai eiloa ki a tatou a te fekau tenei o te fakaolataga! 27A tino kola ne 'nofo i Ielusalema mo olotou pule, ne seki iloa ne latou me ko Iesu te Fakaola; ne seki malamalama foki latou i muna a pelofeta kola e faitau faeloa i Sapati takitasi. Kae ui la i te mea tena, ko fakamaoni ne latou a muna a pelofeta i te fakasalaga ne latou a Iesu. 28#Mata 27.22,23; Male 15.13,14; Luka 23.21-23; Ioa 19.15E ui foki eiloa ne seki maua ne latou ne molimau e ala ei o fakasala a ia ki te mate, kae ne fakatagi eiloa a latou ki a Pilato ke tamate a ia. 29#Mata 27.57-61; Male 15.42-47; Luka 23.50-56; Ioa 19.38-42I te otiga ne fai ne latou a mea katoa kola ne fai mai ei a Tusitusiga Tapu e uiga ki a ia, ne tuku ifo ne latou a ia mai luga i te sataulo kae tuku ki loto i te tanuga. 30Kae ne fakatu ake a ia ne te Atua mai tino 'mate; 31#Galu 1.3e uke foki aso ne lavea ei a ia ne tino kola ne ma'laga mai fakatasi mo ia mai Kalilaia ki Ielusalema. Ko latou kona ko ana molimau ki tino Isalaelu. 32#Sala 2.7Ka ko taku atu ne maua i te taimi nei ki a koutou, a te Tala 'Lei tela ne folafola mai ne te Atua ki tupuga o tatou. 33Ko oti ne fakataunu ne ia a te folafolaga ki a tatou, ko ana fanau i te fakatuakega o Iesu mai te mate. E pela foki mo muna kola e tusi i te lua o Salamo:
‘A koe ko taku Tama,
Ko fai au mo ou Tamana i te aso nei.’
34 #
Isa 55.3
Ka konei a muna a te Atua ne fai mai e uiga ki te fakatuakega o Iesu mai tino 'mate; kae ka se toe foki atu ki te foitino pala:
‘Ka tuku atu ne au ki a koutou te fakamanuiaga tapu mo te tonu
Tela ne folafola ne au ki a Tavita.’
35 #
Sala 16.10
E pela foki eiloa mo ana muna i te sua Salamo,
‘Ke se tuku atu ne koe a tau Tama Tapu ke oko ki tena foitino te pala.’
36Ka ko Tavita ne tavini atu eiloa ki te Atua i aso o tona olaga: ne oko foki ki a ia a te mate, tanu ei i tafa o ona tupuga, ne oko atu foki eiloa ki tona foitino te pala. 37Ka ko ia tela ne fakatu ake ne te Atua mai te mate, e seki oko ki tona foitino te pala. 38Kae ke iloa 'lei ne koutou e oku taina, me ko folafola mai ki a koutou a te fakamagaloga o agasala e alatu i a Iesu. 39Ko ia foki tenei e fakasaoloto ei koutou katoa kola e fakatuanaki, mai mea kola ne se mafai ne te Tulafono a Mose o fakasaoloto a koutou. 40Tela la, ke fakaeteete eiloa a koutou; ke mo a ma oko atu ki a koutou a te mea tela ne fai mai ei a pelofeta ki a koutou:#13.40: I nisi lomiga e seai i ei ki a koe.
41 #
Sapa 1.5 (LXX) ‘Kiloke, a koutou tino se talitonu!
Ofo kae 'mate!
Me fai eiloa ne au a te galuega i aso o koutou,
Kae se talitonu eiloa koutou ki ei,
E tusa foki eiloa me fakamatala atu ne se tino ki a koutou!”’
42I te ologa ki tua a Paulo mo Panapa mai te fale tapuaki, ne fakatagi atu ki a laua a te kaulotu ke toe o'mai i te sua Sapati, o toe fakamatala faka'lei mai a mea kona. 43I te otiga o te lukuga ne fai i te fale tapuaki, ne tau'tali atu i a Paulo mo Panapa a tino Iutaia e tokouke, e pela foki mo tino o fenua fakaatea e tokouke ko 'fuli ki te lotu Iutaia. Ne fai'pati atu a apositolo ki a latou, kae fakamalosi atu foki ke tumau i te alofa tauanoa o te Atua.
44I te sua Sapati, ne olo atu a te tokoukega o te fenua o fakalogo'logo ki te muna a te Aliki. 45I te laveaga ne tino Iutaia te vaitino, ne 'fonu latou i te loto masei, kae 'teke atu ki muna kola ne faipati mai ne Paulo, kae pati masei atu foki ki a ia. 46Ka ko Paulo mo Panapa ne fai'pati atu mo te loto 'toa penei: “Se mea 'tau eiloa ke folafola atu muamua te muna a te Atua ki a koutou, kae ona ko koutou e 'teke ki ei, kae se mafaufau 'lei foki ke maua ne koutou a te ola se gata mai; tela ka tuku ei ne maua a koutou kae olo maua ki tino o fenua fakaatea. 47#Isa 42.6; 49.6Me tenei te fakatonuga a te Aliki ne tuku mai ki a matou:
‘Ko tofi ne au a koe ke fai mo mainaga o fenua fakaatea,
Ke fai foki mo auala o te fakaolataga ki te lalolagi katoa.”’
48I te lagonaga ne fenua fakaatea a te mea nei, ne fia'fia latou kae 'viki atu ki te muna a te Aliki; ko latou foki kola ko oti ne filifilia mō te ola se gata mai, ne fai latou mo tino talitonu.
49Ne salalau atu te muna a te Aliki ki koga katoa o te fenua tena. 50Ka ko tino Iutaia ne fakamakosu ne latou a takitaki o te fa'kai, mo fafine ma'luga o fenua fakaatea kola e tapuaki ki te Atua. Ne kamata foki a latou kona o fakasaua ki a Paulo mo Panapa, kae afuli keatea a laua mai te lotou fenua. 51#Mata 10.14; Male 6.11; Luka 9.5; 10.11Ne tuetue atu ne apositolo kona a pefu mai o la vae ki a latou, kae olo atu laua ki Ikonio. 52Ko 'fonu katoa a soko i Anitioka i te Agaga Tapu mo te fiafia.
Currently Selected:
GALUEGA 13: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
GALUEGA 13
13
Ko Filifilia Panapa mo Saulo ke Olo atu o Folafola te Tala 'Lei
1I loto i te Ekalesia i Anitioka e iai ne pelofeta mo faiakoga: ko Panapa, ko Simeona tela e fakaigoa ko te Tino uli, ko Lukio te tino Kulene, ko Manaena tela ko te tama puke a matua o Helota te tino Pule,#13.1: Helota: Helota Anitipa, te pule o Kalilaia (onoono ki te Luka 3.1). mo Saulo. 2Ka koi tapuaki atu latou ki te Aliki kae fakaliki'liki mo tapuakiga, ne fai mai ki a latou a te Agaga Tapu, “Tofi ake mo oku a Panapa mo Saulo, ke fai ne laua a te galuega tela ko oti ne kalagagina ei ne au.” 3Ne fakaliki'liki mo tapuakiga kae 'talo latou, kae fakaeke atu foki olotou lima ki luga i a laua, uga atu ei laua ke olo.
Ko te Galuega a Panapa mo Saulo i Kupelu
4I te ugaatuga tenei a Panapa mo Saulo ne te Agaga Tapu, ne olo atu laua ki Selukeia; mai kona ne ma'laga atu ei laua i te vaka ki Kupelu. 5I te la okoatuga ki Salamina, ne folafola atu ne laua a te muna a te Atua i loto i te fale tapuaki o tino Iutaia. Ne fesoasoani ki a laua a Ioane Maleko i te galuega.
6Ne ma'laga atu laua i luga i te motu katoa tena ke oko atu ki te sua feitu o te fa'kai ko Pafo. Ne fetaui laua i kona mo te tagata fai vailakau e igoa ki a Pa‐Iesu, se tino Iutaia tela e fakaloiloi ne ia tino i a ia se pelofeta. 7A ia se taugasoa o Sekio Paulo te Kovana o te motu tena, se tagata poto foki eiloa. Ne kalagagina ne te Kovana tena a Panapa mo Saulo ke o'mai ki ona mua, me fia fakalogo a ia ki te muna a te Atua. 8Ka ko laua ne fakalavelavegina ne te tagata fai vailakau ko Elima, ko te igoa faka Eleni tena o Pa‐Iesu, ne taumafai a ia ke fuli keatea te Kovana mai te fakatuanaki. 9Ka ko Saulo tela foki e igoa ki a Paulo, ne fonu a ia i te Agaga Tapu, ka ko se kemo eiloa ona mata ki te tino fai vailakau; 10kae fai atu, “A koe se tama a te Tiapolo! A koe ko te fili o mea 'lei katoa; ko fonu koe i vaega togafiti ma'sei katoa, e taumafai faeloa koe o 'fuli te muna tonu a te Aliki ki te muna loi! 11Ka oko ifo te lima o te Aliki ki a koe i te taimi nei; ka kivi koe, kae se matea foki ne koe a te mainaga o te la i ne aso.” I te taimi eiloa tena, ko se ile a Elima, kae ne taumafai foki o fanofano sale ke maua ne ia se tino o takitaki a ia. 12Tena ne talitonu ei te Kovana i te laveaga ne ia a te mea tena ne tupu; ko oko eiloa i tona ofo i te akoakoga e uiga ki te Aliki.
Ko te Galuega i Anitioka i Pisitia
13Ne malaga atu i te vaka a Paulo mo tena potukau mai Pafo ki Peleka i Pafulia; ka ko Ioane Maleko ne tuku ne ia a laua i kona, kae toe foki atu ki Ielusalema. 14Ne olo atu a laua mai Peleka ki Anitioka i Pisitia. I te Sapati, ne olo laua ki loto i te fale tapuaki kae saga'saga ki lalo. 15I te otiga ne faitau a muna mai te Tulafono a Mose mo tusi a pelofeta, ne uga mai te fekau mai tino pule o te fale tapuaki e penei: “Omotou taina, kafai e isi ne muna a koulua e fia fai atu o fakamalosi ki te kaulotu, na fai nei.” 16Tela, tu ake ei Paulo ki luga, kae kamata o fakagasue atu ona lima kae fai atu penei:
“A koutou e tino Isalaelu, mo tino kola e ma'taku ki te Atua, faka'logo mai! 17#Eso 1.7; Eso 12.51A te Atua o te fenua tenei ko Isalaelu, ne filifili ne ia a tupuga o tatou, ne fai foki ne ia latou mo fenua taua i te taimi ne 'nofo ei a latou i te fenua ko Aikupito. Ne ave keatea foki a latou mai Aikupito ne te Atua i te malosi o tena mana. 18#Nume 14.34; Teu 1.31E tusa mo te fa sefulu tausaga ne kufaki ei a ia i olotou amio#13.18: ne kufaki ne ia; i nisi lomiga e isi foki iei ne tausi ne i a. i te koga lavaki. 19#Teu 7.1; Iosu 14.1I te otiga ne fakatakavale ne ia a malo e fitu i te fenua o Kanana, ne tuku atu ei ne ia ki tino Isalaelu ke fai a fenua kona mo tofi o latou. 20#Fama 2.16; 1Samu 3.20E tusa mo te 450 tausaga.
“Fakamuli ifo,#13.20: A mea katoa i te tusi e tusa mo te 450 tausaga. Mai tua ifo o te mea nei; io me I se 450 tausaga fakamuli ifo. ne tuku atu ne ia ki a latou a famasino ke oko atu ki a Samuelu te pelofeta. 21#1Samu 8.5; 1Samu 10.21Mai tua ifo foki, ne fakatagi latou ki te Atua ki se tupu mo latou, tuku atu ei ne te Atua ki a latou a Saulo te tama a Kiso, se tagata mai te matakaiga o Peniamina, ke fai mō tupu o latou i tausaga e fa sefulu. 22#1Samu 13.14; 1Samu 16.12; Sala 89.20I te otiga ne tapale keatea a Saulo mai te tulaga o te tupu, ne fai ne te Atua a Tavita mo tupu o latou. Ko muna la konei a te Atua e uiga ki a ia: ‘Ko oti ne maua ne au a Tavita, ko te tama a Iese, ko te vaega tagata tena e manako au ki ei, tela ka fai ne ia a mea katoa e loto au ki ei.’ 23E tokotasi foki te tino mai mokopuna o Tavita, ko oti ne aumai ne te Atua ki a Isalaelu ke fai mo Fakaola, ko Iesu tena, e pela mo tena folafolaga. 24#Male 1.4; Luka 3.3Ka koi tuai o oko mai a Iesu, ne lauga atu a Ioane ki tino katoa o Isalaelu, ke sala'mo kae ke papatisogina foki latou. 25#Ioa 1.20; Mata 3.11; Male 1.7; Luka 3.16; Ioa 1.27I te taimi ko fakaotioti ei a te galuega a Ioane, ne fai atu a ia ki tino, ‘Ko oi au i otou manatu? Au nei e se ko te tino tela e fakatalitali koutou ki ei. Kae kiloke! E isi te tino tela ka vau mai oku tua. E se 'tau mo au o 'tala keatea ona taka mai ona vae.’
26“Oku taina ko fanau a Apelaamo, mo tino kola e ma'taku ki te Atua: ne aumai eiloa ki a tatou a te fekau tenei o te fakaolataga! 27A tino kola ne 'nofo i Ielusalema mo olotou pule, ne seki iloa ne latou me ko Iesu te Fakaola; ne seki malamalama foki latou i muna a pelofeta kola e faitau faeloa i Sapati takitasi. Kae ui la i te mea tena, ko fakamaoni ne latou a muna a pelofeta i te fakasalaga ne latou a Iesu. 28#Mata 27.22,23; Male 15.13,14; Luka 23.21-23; Ioa 19.15E ui foki eiloa ne seki maua ne latou ne molimau e ala ei o fakasala a ia ki te mate, kae ne fakatagi eiloa a latou ki a Pilato ke tamate a ia. 29#Mata 27.57-61; Male 15.42-47; Luka 23.50-56; Ioa 19.38-42I te otiga ne fai ne latou a mea katoa kola ne fai mai ei a Tusitusiga Tapu e uiga ki a ia, ne tuku ifo ne latou a ia mai luga i te sataulo kae tuku ki loto i te tanuga. 30Kae ne fakatu ake a ia ne te Atua mai tino 'mate; 31#Galu 1.3e uke foki aso ne lavea ei a ia ne tino kola ne ma'laga mai fakatasi mo ia mai Kalilaia ki Ielusalema. Ko latou kona ko ana molimau ki tino Isalaelu. 32#Sala 2.7Ka ko taku atu ne maua i te taimi nei ki a koutou, a te Tala 'Lei tela ne folafola mai ne te Atua ki tupuga o tatou. 33Ko oti ne fakataunu ne ia a te folafolaga ki a tatou, ko ana fanau i te fakatuakega o Iesu mai te mate. E pela foki mo muna kola e tusi i te lua o Salamo:
‘A koe ko taku Tama,
Ko fai au mo ou Tamana i te aso nei.’
34 #
Isa 55.3
Ka konei a muna a te Atua ne fai mai e uiga ki te fakatuakega o Iesu mai tino 'mate; kae ka se toe foki atu ki te foitino pala:
‘Ka tuku atu ne au ki a koutou te fakamanuiaga tapu mo te tonu
Tela ne folafola ne au ki a Tavita.’
35 #
Sala 16.10
E pela foki eiloa mo ana muna i te sua Salamo,
‘Ke se tuku atu ne koe a tau Tama Tapu ke oko ki tena foitino te pala.’
36Ka ko Tavita ne tavini atu eiloa ki te Atua i aso o tona olaga: ne oko foki ki a ia a te mate, tanu ei i tafa o ona tupuga, ne oko atu foki eiloa ki tona foitino te pala. 37Ka ko ia tela ne fakatu ake ne te Atua mai te mate, e seki oko ki tona foitino te pala. 38Kae ke iloa 'lei ne koutou e oku taina, me ko folafola mai ki a koutou a te fakamagaloga o agasala e alatu i a Iesu. 39Ko ia foki tenei e fakasaoloto ei koutou katoa kola e fakatuanaki, mai mea kola ne se mafai ne te Tulafono a Mose o fakasaoloto a koutou. 40Tela la, ke fakaeteete eiloa a koutou; ke mo a ma oko atu ki a koutou a te mea tela ne fai mai ei a pelofeta ki a koutou:#13.40: I nisi lomiga e seai i ei ki a koe.
41 #
Sapa 1.5 (LXX) ‘Kiloke, a koutou tino se talitonu!
Ofo kae 'mate!
Me fai eiloa ne au a te galuega i aso o koutou,
Kae se talitonu eiloa koutou ki ei,
E tusa foki eiloa me fakamatala atu ne se tino ki a koutou!”’
42I te ologa ki tua a Paulo mo Panapa mai te fale tapuaki, ne fakatagi atu ki a laua a te kaulotu ke toe o'mai i te sua Sapati, o toe fakamatala faka'lei mai a mea kona. 43I te otiga o te lukuga ne fai i te fale tapuaki, ne tau'tali atu i a Paulo mo Panapa a tino Iutaia e tokouke, e pela foki mo tino o fenua fakaatea e tokouke ko 'fuli ki te lotu Iutaia. Ne fai'pati atu a apositolo ki a latou, kae fakamalosi atu foki ke tumau i te alofa tauanoa o te Atua.
44I te sua Sapati, ne olo atu a te tokoukega o te fenua o fakalogo'logo ki te muna a te Aliki. 45I te laveaga ne tino Iutaia te vaitino, ne 'fonu latou i te loto masei, kae 'teke atu ki muna kola ne faipati mai ne Paulo, kae pati masei atu foki ki a ia. 46Ka ko Paulo mo Panapa ne fai'pati atu mo te loto 'toa penei: “Se mea 'tau eiloa ke folafola atu muamua te muna a te Atua ki a koutou, kae ona ko koutou e 'teke ki ei, kae se mafaufau 'lei foki ke maua ne koutou a te ola se gata mai; tela ka tuku ei ne maua a koutou kae olo maua ki tino o fenua fakaatea. 47#Isa 42.6; 49.6Me tenei te fakatonuga a te Aliki ne tuku mai ki a matou:
‘Ko tofi ne au a koe ke fai mo mainaga o fenua fakaatea,
Ke fai foki mo auala o te fakaolataga ki te lalolagi katoa.”’
48I te lagonaga ne fenua fakaatea a te mea nei, ne fia'fia latou kae 'viki atu ki te muna a te Aliki; ko latou foki kola ko oti ne filifilia mō te ola se gata mai, ne fai latou mo tino talitonu.
49Ne salalau atu te muna a te Aliki ki koga katoa o te fenua tena. 50Ka ko tino Iutaia ne fakamakosu ne latou a takitaki o te fa'kai, mo fafine ma'luga o fenua fakaatea kola e tapuaki ki te Atua. Ne kamata foki a latou kona o fakasaua ki a Paulo mo Panapa, kae afuli keatea a laua mai te lotou fenua. 51#Mata 10.14; Male 6.11; Luka 9.5; 10.11Ne tuetue atu ne apositolo kona a pefu mai o la vae ki a latou, kae olo atu laua ki Ikonio. 52Ko 'fonu katoa a soko i Anitioka i te Agaga Tapu mo te fiafia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific