2 KOLINITO 1
1
1 #
Galu 18.1
Mai i a au Paulo, se apositolo a Keliso Iesu i te loto o te Atua, ko maua tasi i konei mo Timoteo te tou taina.
Ki te Ekalesia a te Atua i Kolinito, e pela foki mo tino katoa o te Atua i Eleni:
2Ke i a koutou a te alofa tauanoa mo te filemu mai te Atua te tou Tamana, mo te Aliki ko Iesu Keliso.
Ko Fakafetai Paulo ki te Atua
3Ke fakafetai tatou ki te Atua te Tamana o te tou Aliki ko Iesu Keliso, ko te Tamana tela e alofa mai ki a tatou, ko ia foki ko te Atua o fakamafanafanaga katoa, 4tela e fakamafanafana mai ki a matou i omotou puapuaga katoa, ko te mea ke mafai ne matou o fakamafanafana ki a latou kola e maua ne so se puapuaga, i te fakamafanafanaga tela ne maua ne matou mai i te Atua. 5Me i a matou e kau fakatasi i puapuaga e uke o Keliso, tela la, e uke foki a fakamafanafanaga e maua ne matou mai i a ia. 6Kafai ne puapuagatia matou, ne fai mō te otou fakamafanafanaga, pela foki mo te otou fakaolataga; kae kafai ko fakamafanafanagina matou, ne fai mō te otou fakamafanafanaga ke maua ne koutou te loto malosi o kufaki a puapuaga kola ne puapuagatia ei matou. 7A te motou fakamoemoega mo koutou e mautakitaki; me iloa ne matou, me kafai ne aofia fakatasi koutou i omotou puapuaga, e aofia foki koutou i omotou fakamafanafanaga.
8 #
1Koli 15.32
Taina, matou e ma'nako ke iloa ne koutou a puapuaga kola ne oko ki a matou i Asia; me ne 'mae masei matou i ei, toe itiiti eiloa kae 'mate matou. 9Ne manatu matou me kati ko oko mai ki a matou te fakasalaga ki te mate; kae ne tupu a te mea nei ke fai mo mea ke se faka'na matou ki a matou eiloa, ka ke faka'na ki te Atua tela e fakatu ne ia tino 'mate. 10Ne fakasao ne ia matou mai fakalavelave fakama'taku, kae ne faka'na foki matou ki a ia, me ka toe fakasao ne ia matou. 11A koutou e fesoasoani mai ki a matou i otou talosaga. E talia ne te Atua otou talosaga, kae ka tokouke a tino ka 'viki ki te Atua i te talia ne ia otou talosaga.
Ko te 'Fuliga o Fuafuaga a Paulo
12Tenei te mea e fakamata'mata ei matou, me fakatalitonu mai ki a matou me i omotou olaga i te lalolagi nei, kae maise omotou vasia mo koutou, tela ko oti ne pulegina ne te pule se fakasino tino a te Atua, #1.12: lotomau; i nisi lomiga e isi i ei tapu.tela e fakatumau ne te malosi o te alofa tauanoa o te Atua, kae se i te atamai o te tagata. 13E se uke akoakoga e tusi atu ki a koutou, vagana fua ko mea kola e mafai ne koutou o faitau kae malamalama i ei, mo te fakamoemoe ke mafai o maina faka'lei koutou i ei, 14me se vaega fua e iloa ne koutou, tela ka mafai ei koutou o fakamata'mata ona ko matou, ka ko matou ona ko koutou, i te Aso e vau ei te Aliki ko Iesu.
15Ona ko toku talitonu i te akoakoga tenei, ne fai ei taku fuafuaga ke fanatu muamua au ki a koutou, ko te mea ke maua ne koutou fakalua a fakamanuiaga, 16#Galu 19.21 me i a au e loto ke fanatu au o asi fakalua koutou i toku ala fano ki Maketonia, mo toku toe foki mai i te auala tenei o fano ki Iutaia, ko te mea ke maua se fesoasoani mai i a koutou. 17E a, e isi se mea e se tonu i taku fuafuaga tenei? Ne fai aku fuafuaga e pela mo se tino e ola faka te lalolagi, tela ko toka o tali pela i te taimi e tasi, “Ao”, kae tela la ko te “Ikai”? 18Ona ko te Atua e fakamaoni, tela la, a taku tali ki a koutou ko te “Ao”, ko tena uiga me tonu eiloa au. 19#Galu 18.5 Me i a Iesu Keliso tela ko te Tama a te Atua, ne lauga atu ne Sila, Timoteo pela foki mo au, a ia ko te “Ao” a te Atua; 20ko tona uiga ko feagaiga katoa a te Atua e fakataunu katoa i a Iesu Keliso. Tena te pogai e taku atu ei ne matou ki tino tona fakamaoni katoatoa mō te vikiga o te Atua. 21Me ko te Atua eiloa ne fai ne ia ke tumau fakatasi tatou i a Keliso, kae ne fakamavae keatea foki ne ia tatou ke fai mo Kelisiano. 22Ne fakamau fakailoga ne ia tatou, kae tuku mai foki tona Agaga Tapu ki o'tou loto, ko te fakailoga tena o te fakamanuiaga katoatoa a te Atua mō tatou i aso konei mai mua.
23E iloa ne te Atua i a au e faipati tonu atu me i te pogai ne seki fanatu ei au, i te mea i a au se manako o fakamasiasi koutou i toku kote atu ki a koutou. 24E se ko tona uiga i a au e manatu o fia pule malo atu ki te otou talitonuga, i te mea e mautakitaki te otou fakatuanaki. Au e manako fua o fakalasi te otou fiafia ki te otou talitonuga.
Currently Selected:
2 KOLINITO 1: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
2 KOLINITO 1
1
1 #
Galu 18.1
Mai i a au Paulo, se apositolo a Keliso Iesu i te loto o te Atua, ko maua tasi i konei mo Timoteo te tou taina.
Ki te Ekalesia a te Atua i Kolinito, e pela foki mo tino katoa o te Atua i Eleni:
2Ke i a koutou a te alofa tauanoa mo te filemu mai te Atua te tou Tamana, mo te Aliki ko Iesu Keliso.
Ko Fakafetai Paulo ki te Atua
3Ke fakafetai tatou ki te Atua te Tamana o te tou Aliki ko Iesu Keliso, ko te Tamana tela e alofa mai ki a tatou, ko ia foki ko te Atua o fakamafanafanaga katoa, 4tela e fakamafanafana mai ki a matou i omotou puapuaga katoa, ko te mea ke mafai ne matou o fakamafanafana ki a latou kola e maua ne so se puapuaga, i te fakamafanafanaga tela ne maua ne matou mai i te Atua. 5Me i a matou e kau fakatasi i puapuaga e uke o Keliso, tela la, e uke foki a fakamafanafanaga e maua ne matou mai i a ia. 6Kafai ne puapuagatia matou, ne fai mō te otou fakamafanafanaga, pela foki mo te otou fakaolataga; kae kafai ko fakamafanafanagina matou, ne fai mō te otou fakamafanafanaga ke maua ne koutou te loto malosi o kufaki a puapuaga kola ne puapuagatia ei matou. 7A te motou fakamoemoega mo koutou e mautakitaki; me iloa ne matou, me kafai ne aofia fakatasi koutou i omotou puapuaga, e aofia foki koutou i omotou fakamafanafanaga.
8 #
1Koli 15.32
Taina, matou e ma'nako ke iloa ne koutou a puapuaga kola ne oko ki a matou i Asia; me ne 'mae masei matou i ei, toe itiiti eiloa kae 'mate matou. 9Ne manatu matou me kati ko oko mai ki a matou te fakasalaga ki te mate; kae ne tupu a te mea nei ke fai mo mea ke se faka'na matou ki a matou eiloa, ka ke faka'na ki te Atua tela e fakatu ne ia tino 'mate. 10Ne fakasao ne ia matou mai fakalavelave fakama'taku, kae ne faka'na foki matou ki a ia, me ka toe fakasao ne ia matou. 11A koutou e fesoasoani mai ki a matou i otou talosaga. E talia ne te Atua otou talosaga, kae ka tokouke a tino ka 'viki ki te Atua i te talia ne ia otou talosaga.
Ko te 'Fuliga o Fuafuaga a Paulo
12Tenei te mea e fakamata'mata ei matou, me fakatalitonu mai ki a matou me i omotou olaga i te lalolagi nei, kae maise omotou vasia mo koutou, tela ko oti ne pulegina ne te pule se fakasino tino a te Atua, #1.12: lotomau; i nisi lomiga e isi i ei tapu.tela e fakatumau ne te malosi o te alofa tauanoa o te Atua, kae se i te atamai o te tagata. 13E se uke akoakoga e tusi atu ki a koutou, vagana fua ko mea kola e mafai ne koutou o faitau kae malamalama i ei, mo te fakamoemoe ke mafai o maina faka'lei koutou i ei, 14me se vaega fua e iloa ne koutou, tela ka mafai ei koutou o fakamata'mata ona ko matou, ka ko matou ona ko koutou, i te Aso e vau ei te Aliki ko Iesu.
15Ona ko toku talitonu i te akoakoga tenei, ne fai ei taku fuafuaga ke fanatu muamua au ki a koutou, ko te mea ke maua ne koutou fakalua a fakamanuiaga, 16#Galu 19.21 me i a au e loto ke fanatu au o asi fakalua koutou i toku ala fano ki Maketonia, mo toku toe foki mai i te auala tenei o fano ki Iutaia, ko te mea ke maua se fesoasoani mai i a koutou. 17E a, e isi se mea e se tonu i taku fuafuaga tenei? Ne fai aku fuafuaga e pela mo se tino e ola faka te lalolagi, tela ko toka o tali pela i te taimi e tasi, “Ao”, kae tela la ko te “Ikai”? 18Ona ko te Atua e fakamaoni, tela la, a taku tali ki a koutou ko te “Ao”, ko tena uiga me tonu eiloa au. 19#Galu 18.5 Me i a Iesu Keliso tela ko te Tama a te Atua, ne lauga atu ne Sila, Timoteo pela foki mo au, a ia ko te “Ao” a te Atua; 20ko tona uiga ko feagaiga katoa a te Atua e fakataunu katoa i a Iesu Keliso. Tena te pogai e taku atu ei ne matou ki tino tona fakamaoni katoatoa mō te vikiga o te Atua. 21Me ko te Atua eiloa ne fai ne ia ke tumau fakatasi tatou i a Keliso, kae ne fakamavae keatea foki ne ia tatou ke fai mo Kelisiano. 22Ne fakamau fakailoga ne ia tatou, kae tuku mai foki tona Agaga Tapu ki o'tou loto, ko te fakailoga tena o te fakamanuiaga katoatoa a te Atua mō tatou i aso konei mai mua.
23E iloa ne te Atua i a au e faipati tonu atu me i te pogai ne seki fanatu ei au, i te mea i a au se manako o fakamasiasi koutou i toku kote atu ki a koutou. 24E se ko tona uiga i a au e manatu o fia pule malo atu ki te otou talitonuga, i te mea e mautakitaki te otou fakatuanaki. Au e manako fua o fakalasi te otou fiafia ki te otou talitonuga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific