1 TESALONIA 3
3
1 #
Galu 17.15
Tela la, ko se mafai eiloa ne matou o toe kufaki, ko oti ne fuafua ne matou ke 'nofo eiloa matou i Atenai, 2kae uga atu ne matou a Timoteo te motou taina ke fanatu, tela e galue tasi matou mō te Atua, i te talai atu ne matou a te Tala 'Lei e uiga ki a Keliso. Ko uga atu ne matou a ia o fakamalosi atu kae o fesoasoani atu foki ki te otou fakatuanaki, 3ko te mea ke seai se tino o koutou e toe foki ki tua ona ko fakasauaga konei. E iloa 'lei eiloa ne koutou i fakasauaga konei se vaega o te loto o te Atua mo tatou. 4I te taimi koi fakatasi ei tatou, ko leva ne taku atu ne matou i a matou ka fakasauagina; kae pela mo te mea e iloa 'lei ne koutou, tena eiloa a te mea tonu ne tupu. 5Tena te pogai ne uga atu ei ne au a Timoteo. Ko se mafai o toe kufaki ne au, tena uga atu ei ne au ke maua se tala e uiga ki te otou fakatuanaki. I a au e mataku manafai ko oti ne fakaosoosogina koutou ne te tino fakaosooso, tela ka se aoga ei te motou galuega katoa.
6 #
Galu 18.5
Ko oti nei ne foki mai a Timoteo mai i a koutou, ko oti foki ne aumai ne ia te tala fiafia e uiga ki te otou fakatuanaki mo te otou alofa. Ne taku mai foki ne ia i a koutou e masausau mai eiloa ki a matou, kae ma'nako foki koutou ke fetaui tatou, e pela eiloa mo te motou fia fetaui ki a koutou. 7Tela la e taina, me pefea eiloa te motou fakapuapuagatia mo te fakasauagina, kae loto ma'losi eiloa matou ona ko tala e uiga ki te otou fakatuanaki, 8kae nei e ola eiloa matou manafai e tumau koutou i te Aliki. 9Nei, ko mafai ne matou o siki te fakafetai ki te Atua mo koutou. E fakafetai matou ki a ia mo te fiafia ko maua ne matou i mua o te tou Atua ona ko koutou. 10I po mo ao e fakatagi faeloa matou ki a ia mo omotou loto katoa, ke mafai ne ia o fakaavanoa se taimi ke fakafeagai ei tatou; ke fakakatoatoa atu foki a mea kola e se katoa i te otou fakatuanaki.
11Ke fakatoka ne te Atua te tou Tamana, mo te tou Aliki ko Iesu, a te auala e oko atu ei matou ki a koutou! 12Ke fakatupu foki ne te Aliki a te loto fakatau a'lofa i a koutou, ke pena foki ki tino katoa, e pela eiloa mo te motou alofa atu ki a koutou. 13Tenei a te auala e fakamalosi ei ne ia otou loto, a koutou foki ka 'lei katoatoa, kae tapu foki koutou i mua o te Atua te tou Tamana, manafai ko foki mai a te tou Aliki ko Iesu mo latou katoa kola e kau i a ia.#3.13: A latou katoa kola e 'kau mo i a; io me ana agelu katoa.
Currently Selected:
1 TESALONIA 3: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
1 TESALONIA 3
3
1 #
Galu 17.15
Tela la, ko se mafai eiloa ne matou o toe kufaki, ko oti ne fuafua ne matou ke 'nofo eiloa matou i Atenai, 2kae uga atu ne matou a Timoteo te motou taina ke fanatu, tela e galue tasi matou mō te Atua, i te talai atu ne matou a te Tala 'Lei e uiga ki a Keliso. Ko uga atu ne matou a ia o fakamalosi atu kae o fesoasoani atu foki ki te otou fakatuanaki, 3ko te mea ke seai se tino o koutou e toe foki ki tua ona ko fakasauaga konei. E iloa 'lei eiloa ne koutou i fakasauaga konei se vaega o te loto o te Atua mo tatou. 4I te taimi koi fakatasi ei tatou, ko leva ne taku atu ne matou i a matou ka fakasauagina; kae pela mo te mea e iloa 'lei ne koutou, tena eiloa a te mea tonu ne tupu. 5Tena te pogai ne uga atu ei ne au a Timoteo. Ko se mafai o toe kufaki ne au, tena uga atu ei ne au ke maua se tala e uiga ki te otou fakatuanaki. I a au e mataku manafai ko oti ne fakaosoosogina koutou ne te tino fakaosooso, tela ka se aoga ei te motou galuega katoa.
6 #
Galu 18.5
Ko oti nei ne foki mai a Timoteo mai i a koutou, ko oti foki ne aumai ne ia te tala fiafia e uiga ki te otou fakatuanaki mo te otou alofa. Ne taku mai foki ne ia i a koutou e masausau mai eiloa ki a matou, kae ma'nako foki koutou ke fetaui tatou, e pela eiloa mo te motou fia fetaui ki a koutou. 7Tela la e taina, me pefea eiloa te motou fakapuapuagatia mo te fakasauagina, kae loto ma'losi eiloa matou ona ko tala e uiga ki te otou fakatuanaki, 8kae nei e ola eiloa matou manafai e tumau koutou i te Aliki. 9Nei, ko mafai ne matou o siki te fakafetai ki te Atua mo koutou. E fakafetai matou ki a ia mo te fiafia ko maua ne matou i mua o te tou Atua ona ko koutou. 10I po mo ao e fakatagi faeloa matou ki a ia mo omotou loto katoa, ke mafai ne ia o fakaavanoa se taimi ke fakafeagai ei tatou; ke fakakatoatoa atu foki a mea kola e se katoa i te otou fakatuanaki.
11Ke fakatoka ne te Atua te tou Tamana, mo te tou Aliki ko Iesu, a te auala e oko atu ei matou ki a koutou! 12Ke fakatupu foki ne te Aliki a te loto fakatau a'lofa i a koutou, ke pena foki ki tino katoa, e pela eiloa mo te motou alofa atu ki a koutou. 13Tenei a te auala e fakamalosi ei ne ia otou loto, a koutou foki ka 'lei katoatoa, kae tapu foki koutou i mua o te Atua te tou Tamana, manafai ko foki mai a te tou Aliki ko Iesu mo latou katoa kola e kau i a ia.#3.13: A latou katoa kola e 'kau mo i a; io me ana agelu katoa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific