1 KOLINITO 1
1
1Ko au ko Paulo, tela ne kalagagina i te loto o te Atua ke fai mo apositolo a Keliso Iesu, ka ko maua tasi i konei mo Sosene te tou taina.
2 #
Galu 18.1
Ki te Ekalesia a te Atua i Kolinito, mō latou katoa kola ne kalagagina ke fai mo tino tapu o te Atua, fakatasi mo tino katoa i sose koga kola e tapuaki ki tou Aliki Iesu Keliso, te Aliki o latou mo tatou:
3Ke i a koutou te alofa tauanoa mo te filemu mai te Atua te tou Tamana, mo te Aliki ko Iesu Keliso.
Ko Fakamanuiaga mai te Atua e alatu i a Keliso
4E fakafetai faeloa au ki toku Atua ona ko koutou, e tusa mo te alofa tauanoa ne tuku atu ne ia ki a koutou i a Keliso Iesu. 5I te otou 'soko tasi mo Keliso, ko maumea ei koutou i mea katoa, e aofia i ei a te iloa ne koutou o te Muna a te Atua, kae folafola atu foki ne koutou. 6A te folafolaga e uiga ki a Keliso ko oti ne fakamautakitaki i a koutou, 7me ko maua ne koutou a fakamanuiaga katoa, ka koi fakatalitali koutou ki te fakaasimaiga o te tou Aliki ko Iesu Keliso. 8Ka tausi fakalei foki ne ia koutou ke oko ki te fakapalelega, ko te mea ke seai se mea 'se e maua i a koutou i te Aso o te tou Aliki ko Iesu Keliso. 9A te Atua e fakamaoni faeloa ki ana folafolaga, kae ne ana kalagagina foki koutou ke mafuta fakatasi mo tena Tama ko Iesu Keliso te Aliki o tatou.
Ko Mavaevaega i Loto i te Ekalesia
10Taina, au e fakamolemole atu ki a koutou i te igoa o Iesu Keliso te tou Aliki, ke fakagata te otou finau, ko te mea ke seai ne mavaevaega i a koutou; ke fusi koutou i te manatu e tasi mo te fakamoemoega e tasi. 11Oku taina, e isi ne tino mai te kaiga o Keloe ne tala mai faka'lei, me e isi ne finauga i te va o koutou.
12 #
Galu 18.24
Ko tena uiga e finau koutou ki mea kesekese. Ko fai mai te sua tino, “Au e kau i a Paulo”; ka ko te sua tino, “Au e kau i a Apolo”; kae fai ake te sua tino, “Au e kau i a Petelu”; ka ko te sua tino foki, “Au e kau i a Keliso.” 13A Keliso ko oti ne vaevaegina.#1.13: A Keliso ko oti ne vaevaegina; I nisi o lomiga e isi i ei A Keliso e se mafai o vaevaegina. Ki vaega! E mata ko Paulo ne mate i luga i te sataulo mo koutou? Mata ne papatiso foki koutou ke fai mo soko o Paulo?
14 #
Galu 18.8;
Galu 19.29; Loma 16.23 Au e fakafetai ki te Atua me seki papatiso ne au se tino o koutou, kae na ko Kilipo fua mo Kaio, 15i te mea mana muna ake ei se tino o koutou me ko kamata ne au se Ekalesia fou. 16#1Koli 16.15E tonu, ne papatiso foki ne au a Setefana mo tena kaiga, kae se iloa tonu ne au me isi ake foki saku tino ne papatiso. 17A Keliso seki uga mai ne ia au ke vau o papatiso. Ne uga mai ne ia a au ke folafola atu te Tala 'Lei, kae ke se folafola atu i te poto fakafailauga, i te mea mana fakaseaoga ei te mana o te sataulo o Keliso.
A Keliso ko te Mana mo te Poto o te Atua
18A te talaiga e uiga ki te sataulo se mea valea tena ki tino kola se talitonu; ka ko te mana o te Atua ki a tatou kola ko fakaolagina. 19#Isa 29.14Muna a te Tusi,
“Ka fakagata ne au te poto o tino 'poto,
Ka tuku foki ne au keatea te poto o tino 'poto.”
20 #
Iopu 12.17; Isa 19.12; 33.18;
Isa 44.25
Se a te aoga o tino 'poto? Se a te aoga o te failautusi? Se a te aoga o te tino poto i te finau i te kautama tenei? Ko oti ne fakaasi mai ne te Atua me i tino kola e fia 'poto e aunoa mo te fakalagolago ki te Atua, se manatu valea tena.
21Mai te poto o te Atua, tela ne fakaasi i te fakaolataga ne aumai ne ia, ko se iloa ei a ia ne tino i olotou poto. Ka ko te Atua ko loto o fakaola ne ia a latou kola ko talitonu ki te tala 'lei, tela e manatu ei nisi tino e ola faka te lalolagi me se mea valea, ka ko te tala 'lei tena, tenei e talai atu ne matou. 22Tela la, a te tala 'lei tena se mea valea ki tino Iutaia me ma'nako ki vavega. E pena foki tino Eleni me salasala latou ki te poto. 23Penei la mo matou, e folafola atu ne matou a te Keliso ne fakasataulo. Se folafolaga e fakatauemu ki ei tino Iutaia, kae se mea valea ki tino o fenua fakaatea; 24kae mō tino kola ne kalagagina ne te Atua, ko tino Iutaia pela foki mo tino o fenua fakaatea, a te folafolaga tenei se folafolaga e uiga ki a Keliso, tela ko ia ko te mana mo te poto o te Atua. 25Me i te auala o te fakaolataga tela ne fai ne te Atua, se faiga valea ki manatu o tino se talitonu. A te alofa fakaola foki o te Atua, se faiga vaivai ki manatu o tino se talitonu, ka ko tena malosi tena ki tino talitonu.
26Taina, ke masaua me pena foki koutou. E se tokouke i a koutou ne kalagagina e 'poto i mea faka te lalolagi. E se tokouke a tino pule, e se tokouke foki e fanau mai i kaiga aliki. 27A te Atua ne filifili ne ia a tino valea e pela mo koutou, ke fakamasiasi ei a tino 'poto, mo tino maluga, ki te tala 'lei tela e taku fakavalea ne latou. 28Ne filifili foki ne te Atua a te mea tela e manatu māmā ki ei te lalolagi, kae fakatauemu ki ei kae fakaseaoga foki ne latou, mō fakamalepe ei a mea kola e taofi te lalolagi me aoga, 29ko te mea ke seai se tino e mafai ne ia o fakamatamata i mua o te Atua. 30Me ko te Atua ko te mafuaga o te olaga o koutou i a Keliso Iesu, tela ne fai ne te Atua mo fai te poto o tatou. Ne faka'lei tatou mo te Atua e alatu i a Keliso, ko fai nei tatou mo Kelisiano ko oti foki ne fakasaoloto tatou mai i te agasala. 31#Iele 9.24E pela mo muna a te Tusi, “So se tino e manako o fakamatamata, e 'tau o fakamatamata a ia ki te mea ko oti ne fai ne te Aliki.”
Currently Selected:
1 KOLINITO 1: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
1 KOLINITO 1
1
1Ko au ko Paulo, tela ne kalagagina i te loto o te Atua ke fai mo apositolo a Keliso Iesu, ka ko maua tasi i konei mo Sosene te tou taina.
2 #
Galu 18.1
Ki te Ekalesia a te Atua i Kolinito, mō latou katoa kola ne kalagagina ke fai mo tino tapu o te Atua, fakatasi mo tino katoa i sose koga kola e tapuaki ki tou Aliki Iesu Keliso, te Aliki o latou mo tatou:
3Ke i a koutou te alofa tauanoa mo te filemu mai te Atua te tou Tamana, mo te Aliki ko Iesu Keliso.
Ko Fakamanuiaga mai te Atua e alatu i a Keliso
4E fakafetai faeloa au ki toku Atua ona ko koutou, e tusa mo te alofa tauanoa ne tuku atu ne ia ki a koutou i a Keliso Iesu. 5I te otou 'soko tasi mo Keliso, ko maumea ei koutou i mea katoa, e aofia i ei a te iloa ne koutou o te Muna a te Atua, kae folafola atu foki ne koutou. 6A te folafolaga e uiga ki a Keliso ko oti ne fakamautakitaki i a koutou, 7me ko maua ne koutou a fakamanuiaga katoa, ka koi fakatalitali koutou ki te fakaasimaiga o te tou Aliki ko Iesu Keliso. 8Ka tausi fakalei foki ne ia koutou ke oko ki te fakapalelega, ko te mea ke seai se mea 'se e maua i a koutou i te Aso o te tou Aliki ko Iesu Keliso. 9A te Atua e fakamaoni faeloa ki ana folafolaga, kae ne ana kalagagina foki koutou ke mafuta fakatasi mo tena Tama ko Iesu Keliso te Aliki o tatou.
Ko Mavaevaega i Loto i te Ekalesia
10Taina, au e fakamolemole atu ki a koutou i te igoa o Iesu Keliso te tou Aliki, ke fakagata te otou finau, ko te mea ke seai ne mavaevaega i a koutou; ke fusi koutou i te manatu e tasi mo te fakamoemoega e tasi. 11Oku taina, e isi ne tino mai te kaiga o Keloe ne tala mai faka'lei, me e isi ne finauga i te va o koutou.
12 #
Galu 18.24
Ko tena uiga e finau koutou ki mea kesekese. Ko fai mai te sua tino, “Au e kau i a Paulo”; ka ko te sua tino, “Au e kau i a Apolo”; kae fai ake te sua tino, “Au e kau i a Petelu”; ka ko te sua tino foki, “Au e kau i a Keliso.” 13A Keliso ko oti ne vaevaegina.#1.13: A Keliso ko oti ne vaevaegina; I nisi o lomiga e isi i ei A Keliso e se mafai o vaevaegina. Ki vaega! E mata ko Paulo ne mate i luga i te sataulo mo koutou? Mata ne papatiso foki koutou ke fai mo soko o Paulo?
14 #
Galu 18.8;
Galu 19.29; Loma 16.23 Au e fakafetai ki te Atua me seki papatiso ne au se tino o koutou, kae na ko Kilipo fua mo Kaio, 15i te mea mana muna ake ei se tino o koutou me ko kamata ne au se Ekalesia fou. 16#1Koli 16.15E tonu, ne papatiso foki ne au a Setefana mo tena kaiga, kae se iloa tonu ne au me isi ake foki saku tino ne papatiso. 17A Keliso seki uga mai ne ia au ke vau o papatiso. Ne uga mai ne ia a au ke folafola atu te Tala 'Lei, kae ke se folafola atu i te poto fakafailauga, i te mea mana fakaseaoga ei te mana o te sataulo o Keliso.
A Keliso ko te Mana mo te Poto o te Atua
18A te talaiga e uiga ki te sataulo se mea valea tena ki tino kola se talitonu; ka ko te mana o te Atua ki a tatou kola ko fakaolagina. 19#Isa 29.14Muna a te Tusi,
“Ka fakagata ne au te poto o tino 'poto,
Ka tuku foki ne au keatea te poto o tino 'poto.”
20 #
Iopu 12.17; Isa 19.12; 33.18;
Isa 44.25
Se a te aoga o tino 'poto? Se a te aoga o te failautusi? Se a te aoga o te tino poto i te finau i te kautama tenei? Ko oti ne fakaasi mai ne te Atua me i tino kola e fia 'poto e aunoa mo te fakalagolago ki te Atua, se manatu valea tena.
21Mai te poto o te Atua, tela ne fakaasi i te fakaolataga ne aumai ne ia, ko se iloa ei a ia ne tino i olotou poto. Ka ko te Atua ko loto o fakaola ne ia a latou kola ko talitonu ki te tala 'lei, tela e manatu ei nisi tino e ola faka te lalolagi me se mea valea, ka ko te tala 'lei tena, tenei e talai atu ne matou. 22Tela la, a te tala 'lei tena se mea valea ki tino Iutaia me ma'nako ki vavega. E pena foki tino Eleni me salasala latou ki te poto. 23Penei la mo matou, e folafola atu ne matou a te Keliso ne fakasataulo. Se folafolaga e fakatauemu ki ei tino Iutaia, kae se mea valea ki tino o fenua fakaatea; 24kae mō tino kola ne kalagagina ne te Atua, ko tino Iutaia pela foki mo tino o fenua fakaatea, a te folafolaga tenei se folafolaga e uiga ki a Keliso, tela ko ia ko te mana mo te poto o te Atua. 25Me i te auala o te fakaolataga tela ne fai ne te Atua, se faiga valea ki manatu o tino se talitonu. A te alofa fakaola foki o te Atua, se faiga vaivai ki manatu o tino se talitonu, ka ko tena malosi tena ki tino talitonu.
26Taina, ke masaua me pena foki koutou. E se tokouke i a koutou ne kalagagina e 'poto i mea faka te lalolagi. E se tokouke a tino pule, e se tokouke foki e fanau mai i kaiga aliki. 27A te Atua ne filifili ne ia a tino valea e pela mo koutou, ke fakamasiasi ei a tino 'poto, mo tino maluga, ki te tala 'lei tela e taku fakavalea ne latou. 28Ne filifili foki ne te Atua a te mea tela e manatu māmā ki ei te lalolagi, kae fakatauemu ki ei kae fakaseaoga foki ne latou, mō fakamalepe ei a mea kola e taofi te lalolagi me aoga, 29ko te mea ke seai se tino e mafai ne ia o fakamatamata i mua o te Atua. 30Me ko te Atua ko te mafuaga o te olaga o koutou i a Keliso Iesu, tela ne fai ne te Atua mo fai te poto o tatou. Ne faka'lei tatou mo te Atua e alatu i a Keliso, ko fai nei tatou mo Kelisiano ko oti foki ne fakasaoloto tatou mai i te agasala. 31#Iele 9.24E pela mo muna a te Tusi, “So se tino e manako o fakamatamata, e 'tau o fakamatamata a ia ki te mea ko oti ne fai ne te Aliki.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific