Apocalipsis 6:10-11
Apocalipsis 6:10-11 MIM
Ta níma̱ na ni̱xiꞌi̱ yóꞌo, xíꞌin ndiꞌi ndee̱ na ni̱ka̱ꞌa̱n na, káchí na saá: ―Tata Yivá yó Ndios, ta̱ xáꞌnda chiño no̱o̱ ndiꞌi ña yóo, ta yóꞌó kúu ta̱a ta̱yi̱i̱, ta̱a ta̱ ndixa kísa ndivi ñanda̱a̱, ¿ndasaá ka̱ ki̱vi̱ kundati ndi̱ ña kixaa̱ ki̱vi̱ ña kasa nani ún xíꞌin ni̱vi xa̱ꞌa̱ kua̱chi ña xa̱ꞌni na ndi̱ꞌi̱? ¿A̱nda̱ ama taxi ún ña chaꞌvi ni̱vi xa̱ꞌa̱ ña xa̱ꞌni na ndi̱ꞌi̱? ―káchí na, káꞌa̱n na xíꞌin Ndios. Ta ñii ñii nayóꞌo na̱kiꞌin na tiko̱to̱ yaa ndaꞌa̱ Ndios, ta Ndios ni̱ka̱ꞌa̱n ra xíꞌin na: ―Loꞌo ka̱ ki̱vi̱ kundati ndó, chi xíni̱ ñóꞌó to̱nda̱a ña kaꞌni na ndiꞌi nañani ndó án náki̱ꞌva̱ ndó, na kúu na chi̱tóni̱ i̱ kaꞌni na xa̱ꞌa̱ ña kísa chiño na no̱o̱ i̱, nda̱tán ki̱sa chiño ndóꞌó no̱o̱ i̱ ―káchí Ndios xíꞌin na.
Bible App
Bible App for Kids
