Sakariyaa̱ 2
2
Nda̱ xi tsꞌenchi̱bo̱a̱ na̱xi̱ńdáꞌniú Jerusalee̱n
1Jaskan iskjininkꞌa an kje̱n án, kó kamábe an ngo nda̱ xi tsꞌényaꞌa ngo ńchjón xí chꞌíchi̱bo̱a̱ni ngo ngi̱ndie. 2Kó bi̱ kixiáa̱n: Ñá tiꞌmi ji. Kó kuí, bi̱ katsóna: Na̱xi̱ńdáꞌniú Jerusalee̱n tsꞌénfíkꞌachi̱bo̱a̱ an, tsi̱ꞌe̱ nga skuie an, kótjín nga tiyá, ko̱jo kótjín nga ndojó.
3Kósꞌe̱ kui ndítsjie xi tsꞌénchji̱a̱jona kijítjónna, ta̱nga xi ingo ndítsjiee̱ jaꞌaxtikjaá, 4kó bi̱ katsoó: Ti̱yi má ji, kó tꞌen ndokjo̱e̱je ji kui nda̱ xo̱ngo̱ò, kó bi̱ tꞌíi̱n:
Na̱xi̱ńdáꞌniú Jerusalee̱n, ngiti̱ jmí xó kꞌuiéjiín,
ta̱ngatꞌanii̱ xota̱ kjín, ko̱jo cho̱ tjié xi kꞌuieé.
5Án boá xi ka̱ma an xikoó ngo xó xí ndiꞌí nga ngo foaꞌatjiyajoo̱n kui,
kó kjo̱a̱jena ki̱a̱ kꞌuijñá ngi̱yaa̱. Tsó Néná.
6¡Yàjnú tsobo̱a̱! Ti̱yójnú xtji̱e̱e̱n tꞌanangi xi tikón ta̱ꞌii̱n. Tsó Néná.
Ngatꞌa̱ jè katsꞌentsojoboájnúꞌun xikó maá nga nijón tjo̱ xi foaꞌa nkꞌaa̱. Tsó Néná.
7¡Ti̱yi jí na̱xi̱ńdáꞌniú Sioo̱n,
ji xi tindyinje̱ ji ndí chjo̱ón nangi Babiloniaa̱!
8Ngatꞌa̱ bi̱ tsó Néná xí tsi̱ꞌe̱ jájuún: Jaskan kui Néná xí tsi̱ꞌe̱ kjo̱a̱jee̱, sa̱ngíyána ki̱a̱ kui na̱xi̱ńdá xí askjanjo̱jnú jún, ngatꞌa̱ kui xi ngo ni tsꞌénjo̱jnú jún, xikónií tsi chi̱tse̱én ndyi̱ko̱n kui tsꞌénjo̱. 9Kuíni nga tsitsíjenjnú:
Án boá xi tsꞌéntíyàa̱ ndsa̱ án kondraa̱ kui xotaa̱,
kó kuí boá xi ka̱ma xikoó ni xi ngiti̱ jmí ni chjíjiín,
tsi̱ꞌe̱ kui xota̱ xi moso̱ xi kastiñá kamaá.
Kósꞌe̱ kjiꞌá boá nga xche̱ ji nga Néná xí tsi̱ꞌe̱ jájuún boá xi katsangiyana.
10¡Ndè jí só xí niꞌántsjaà Néná, kó tsjangatꞌieé,
ndí chjo̱ón na̱xi̱ńdáꞌniú Sioo̱n, ngatꞌa̱ Án boá xi kꞌi̱e̱ kjoéꞌe̱katíjñajoo̱ ngamasiee̱n ngi̱jin yojòo̱! Tsó Néná.
11Kui ni̱xtjin jàn kjín na̱xi̱ńdá xí nijan ka̱ma Néná,
kó kuí boá xi ka̱ma xota̱ na̱xi̱ńdána,
kó ki̱a̱ kotíjña̱jìi̱n ngamasièe̱n, kó xche̱ ji nga
Néná xí tsi̱ꞌe̱ jájuún boá xi katsangiyakonna ji.
12Kó Néná boá xi tsi̱ꞌe̱ ka̱ma nangi Jundáa̱ ki̱a̱ nangi tsjiee̱,
kó ingo ndi̱yà nginí nga na̱xi̱ńdáꞌniú Jerusalee̱n boá xi kjo̱a̱ꞌajin ngiñá an.
13¡Xió ngatꞌíndo ngayeje xotaa̱ ngindyi̱ko̱n Néná,
ngatꞌa̱ kuí boá xi je tsja̱ngaꞌniú nginií ngi̱ndie ndikoón!
Currently Selected:
Sakariyaa̱ 2: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Sakariyaa̱ 2
2
Nda̱ xi tsꞌenchi̱bo̱a̱ na̱xi̱ńdáꞌniú Jerusalee̱n
1Jaskan iskjininkꞌa an kje̱n án, kó kamábe an ngo nda̱ xi tsꞌényaꞌa ngo ńchjón xí chꞌíchi̱bo̱a̱ni ngo ngi̱ndie. 2Kó bi̱ kixiáa̱n: Ñá tiꞌmi ji. Kó kuí, bi̱ katsóna: Na̱xi̱ńdáꞌniú Jerusalee̱n tsꞌénfíkꞌachi̱bo̱a̱ an, tsi̱ꞌe̱ nga skuie an, kótjín nga tiyá, ko̱jo kótjín nga ndojó.
3Kósꞌe̱ kui ndítsjie xi tsꞌénchji̱a̱jona kijítjónna, ta̱nga xi ingo ndítsjiee̱ jaꞌaxtikjaá, 4kó bi̱ katsoó: Ti̱yi má ji, kó tꞌen ndokjo̱e̱je ji kui nda̱ xo̱ngo̱ò, kó bi̱ tꞌíi̱n:
Na̱xi̱ńdáꞌniú Jerusalee̱n, ngiti̱ jmí xó kꞌuiéjiín,
ta̱ngatꞌanii̱ xota̱ kjín, ko̱jo cho̱ tjié xi kꞌuieé.
5Án boá xi ka̱ma an xikoó ngo xó xí ndiꞌí nga ngo foaꞌatjiyajoo̱n kui,
kó kjo̱a̱jena ki̱a̱ kꞌuijñá ngi̱yaa̱. Tsó Néná.
6¡Yàjnú tsobo̱a̱! Ti̱yójnú xtji̱e̱e̱n tꞌanangi xi tikón ta̱ꞌii̱n. Tsó Néná.
Ngatꞌa̱ jè katsꞌentsojoboájnúꞌun xikó maá nga nijón tjo̱ xi foaꞌa nkꞌaa̱. Tsó Néná.
7¡Ti̱yi jí na̱xi̱ńdáꞌniú Sioo̱n,
ji xi tindyinje̱ ji ndí chjo̱ón nangi Babiloniaa̱!
8Ngatꞌa̱ bi̱ tsó Néná xí tsi̱ꞌe̱ jájuún: Jaskan kui Néná xí tsi̱ꞌe̱ kjo̱a̱jee̱, sa̱ngíyána ki̱a̱ kui na̱xi̱ńdá xí askjanjo̱jnú jún, ngatꞌa̱ kui xi ngo ni tsꞌénjo̱jnú jún, xikónií tsi chi̱tse̱én ndyi̱ko̱n kui tsꞌénjo̱. 9Kuíni nga tsitsíjenjnú:
Án boá xi tsꞌéntíyàa̱ ndsa̱ án kondraa̱ kui xotaa̱,
kó kuí boá xi ka̱ma xikoó ni xi ngiti̱ jmí ni chjíjiín,
tsi̱ꞌe̱ kui xota̱ xi moso̱ xi kastiñá kamaá.
Kósꞌe̱ kjiꞌá boá nga xche̱ ji nga Néná xí tsi̱ꞌe̱ jájuún boá xi katsangiyana.
10¡Ndè jí só xí niꞌántsjaà Néná, kó tsjangatꞌieé,
ndí chjo̱ón na̱xi̱ńdáꞌniú Sioo̱n, ngatꞌa̱ Án boá xi kꞌi̱e̱ kjoéꞌe̱katíjñajoo̱ ngamasiee̱n ngi̱jin yojòo̱! Tsó Néná.
11Kui ni̱xtjin jàn kjín na̱xi̱ńdá xí nijan ka̱ma Néná,
kó kuí boá xi ka̱ma xota̱ na̱xi̱ńdána,
kó ki̱a̱ kotíjña̱jìi̱n ngamasièe̱n, kó xche̱ ji nga
Néná xí tsi̱ꞌe̱ jájuún boá xi katsangiyakonna ji.
12Kó Néná boá xi tsi̱ꞌe̱ ka̱ma nangi Jundáa̱ ki̱a̱ nangi tsjiee̱,
kó ingo ndi̱yà nginí nga na̱xi̱ńdáꞌniú Jerusalee̱n boá xi kjo̱a̱ꞌajin ngiñá an.
13¡Xió ngatꞌíndo ngayeje xotaa̱ ngindyi̱ko̱n Néná,
ngatꞌa̱ kuí boá xi je tsja̱ngaꞌniú nginií ngi̱ndie ndikoón!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014