Xo̱jo̱n Salmoo̱ 147
147
Néná boá xi tsoboaá nga si̱ꞌantsjaa̱
1¡Ti̱ꞌantsjàjnúu̱ Néná!
Ngatꞌa̱ nga ja̱koxi̱ achichí ndakjiꞌi nga ko̱nda̱á salmo̱ Néná,
ngatꞌa̱ achichí tsjákjiꞌi, ko̱jo kixi̱ kjiꞌi nga ko̱nda̱á só xi niꞌántsjànii̱ Néná.
2Néná boá xi tsꞌénkjininkꞌa na̱xi̱ńdáꞌniú Jerusalee̱n,
kó Kuí boá xi tsꞌénꞌbitíkó nginí xota̱ Israee̱l xi tsangínjo̱ꞌniú máraa̱.
3Néná boá xi tsꞌendáyà xota̱ on síndo ini̱ma̱a̱,
kó Kuí boá xi ꞌbíxtié nínga oo̱n.
4Néná boá xi ꞌbíxki̱ kótjín má ńño kjiín,
kó be Kuí kó ꞌmí nga ngo nga ngo ńñoo,
ngatꞌa̱ jaꞌeén chji̱a̱joni nga chji̱a̱a̱.
5Achichí kjo̱a̱je tjiín Ndi̱a̱ná, kó achichí ngaꞌniú xí tjiín nga,
jmíni̱xtjin kju̱i̱e̱ kjo̱a̱kjíntakoón.
6Néná boá xi kjininkꞌa xota̱ xi ni̱ma̱kjo̱a̱a̱,
ta̱nga ni̱ma̱kjo̱a̱ tsꞌénkꞌíndo xota̱ xi ꞌniú ndajiín.
7Ndájnúu̱ Néná nga ko̱e̱ꞌéjnúu̱ ndokꞌóchjì,
ndájnúu̱ Néná nga si̱ꞌankjaniéjnú arpaa̱.
8Néná boá xi ṉdi̱ boꞌmáni nkꞌajmii̱.
Néná boá xi tsꞌénkáꞌá stsé nga̱són tꞌanangii̱.
Néná boá xi tsꞌentjó kꞌijñá ki̱a̱ na̱xi̱i̱.
9Néná boá xi tsjaá nichinie cho̱ tjieé,
ko̱jo ndií ni̱sie kuerboo̱, kui xi kjandayà nga míꞌá nichiniee̱.
10Néná tsjájín maá kjo̱a̱a̱ ngaꞌniú xí ꞌbeé ndi̱je̱e̱,
ti̱nde nda̱jín maá kjo̱a̱a̱ nga tsá má ti̱ꞌmi̱í xota̱ nga̱sondiee̱.
11Néná tsja maa̱ kjo̱a̱a̱ xota̱ nga̱sondie xi bendikón Kuí,
kui xota̱ achichí ni xi kjimaa̱ nga ndyi̱koyaa̱ kjo̱a̱ni̱ma̱takoón Néná.
12¡Ti̱ꞌantsjàjnúu̱ Néná, jún xota̱ na̱xi̱ńdáꞌniú Jerusale̱n!
¡Ti̱ꞌantsjàjnúu̱ Nejnú, jún xota̱ na̱xi̱ńdáꞌniú Sioo̱n!
13Ngatꞌa̱ Néná boá xi je ꞌniú íjñá ki̱cha̱ xi ꞌbíchjajo̱nii̱ nga̱ntjo̱a̱a̱ na̱xi̱ńdáꞌniúu̱,
kó tsꞌénchíkonñé ndíjnú ki̱a̱ ngi̱yaa̱ na̱xi̱ńdáꞌniuú.
14Néná boá xi tsjaá kjo̱a̱xió nínga tikón tsindioó tꞌanangìi̱,
kó tsꞌéntsiee̱ ji nga tsjaá to ndso̱ko̱a̱n ṉño̱ pan xi nda ngasee̱.
15Néná boá xi tsjaá ngo kjo̱a̱ tꞌanangii̱,
kó én xí tsjá achichí tsá niꞌánkjatjosón.
16Néná boá xi tsangiya nchꞌàn ki̱a̱ tꞌanangii̱, xikoó tsi tsa̱nga̱,
kó kjitjónjón nchꞌàn xí xa̱a̱, xikoó tsi ndiso.
17Néná boá xi tsꞌénkixó ndókoaá, xikoó tsi xi̱i̱ ndi̱jo̱.
¡Kó, ꞌyá xí xchikjoaá kui nchꞌaàn!
18Tsjá ngo kjo̱a̱, kó ma ńdá nchꞌaàn,
Kuí boá xi tsꞌén nga botsié tjo̱o̱,
ko̱jo nga monga nginí ndáfoaa̱.
19Néná boá xi tsíchji̱a̱jo eén Jakoo̱b,
kó akóyaá kjo̱a̱kitii̱ ko̱jo kjo̱a̱botíxomaa̱ xota̱ Israee̱l.
20Nde ngojín kje̱ꞌe na̱xi̱ńdá xí kui nii̱ katsꞌénjo̱,
ti̱nde akóyàjiín kjo̱a̱botíxomaa̱.
¡Nganiꞌántsjaà Néná!
Currently Selected:
Xo̱jo̱n Salmoo̱ 147: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Xo̱jo̱n Salmoo̱ 147
147
Néná boá xi tsoboaá nga si̱ꞌantsjaa̱
1¡Ti̱ꞌantsjàjnúu̱ Néná!
Ngatꞌa̱ nga ja̱koxi̱ achichí ndakjiꞌi nga ko̱nda̱á salmo̱ Néná,
ngatꞌa̱ achichí tsjákjiꞌi, ko̱jo kixi̱ kjiꞌi nga ko̱nda̱á só xi niꞌántsjànii̱ Néná.
2Néná boá xi tsꞌénkjininkꞌa na̱xi̱ńdáꞌniú Jerusalee̱n,
kó Kuí boá xi tsꞌénꞌbitíkó nginí xota̱ Israee̱l xi tsangínjo̱ꞌniú máraa̱.
3Néná boá xi tsꞌendáyà xota̱ on síndo ini̱ma̱a̱,
kó Kuí boá xi ꞌbíxtié nínga oo̱n.
4Néná boá xi ꞌbíxki̱ kótjín má ńño kjiín,
kó be Kuí kó ꞌmí nga ngo nga ngo ńñoo,
ngatꞌa̱ jaꞌeén chji̱a̱joni nga chji̱a̱a̱.
5Achichí kjo̱a̱je tjiín Ndi̱a̱ná, kó achichí ngaꞌniú xí tjiín nga,
jmíni̱xtjin kju̱i̱e̱ kjo̱a̱kjíntakoón.
6Néná boá xi kjininkꞌa xota̱ xi ni̱ma̱kjo̱a̱a̱,
ta̱nga ni̱ma̱kjo̱a̱ tsꞌénkꞌíndo xota̱ xi ꞌniú ndajiín.
7Ndájnúu̱ Néná nga ko̱e̱ꞌéjnúu̱ ndokꞌóchjì,
ndájnúu̱ Néná nga si̱ꞌankjaniéjnú arpaa̱.
8Néná boá xi ṉdi̱ boꞌmáni nkꞌajmii̱.
Néná boá xi tsꞌénkáꞌá stsé nga̱són tꞌanangii̱.
Néná boá xi tsꞌentjó kꞌijñá ki̱a̱ na̱xi̱i̱.
9Néná boá xi tsjaá nichinie cho̱ tjieé,
ko̱jo ndií ni̱sie kuerboo̱, kui xi kjandayà nga míꞌá nichiniee̱.
10Néná tsjájín maá kjo̱a̱a̱ ngaꞌniú xí ꞌbeé ndi̱je̱e̱,
ti̱nde nda̱jín maá kjo̱a̱a̱ nga tsá má ti̱ꞌmi̱í xota̱ nga̱sondiee̱.
11Néná tsja maa̱ kjo̱a̱a̱ xota̱ nga̱sondie xi bendikón Kuí,
kui xota̱ achichí ni xi kjimaa̱ nga ndyi̱koyaa̱ kjo̱a̱ni̱ma̱takoón Néná.
12¡Ti̱ꞌantsjàjnúu̱ Néná, jún xota̱ na̱xi̱ńdáꞌniú Jerusale̱n!
¡Ti̱ꞌantsjàjnúu̱ Nejnú, jún xota̱ na̱xi̱ńdáꞌniú Sioo̱n!
13Ngatꞌa̱ Néná boá xi je ꞌniú íjñá ki̱cha̱ xi ꞌbíchjajo̱nii̱ nga̱ntjo̱a̱a̱ na̱xi̱ńdáꞌniúu̱,
kó tsꞌénchíkonñé ndíjnú ki̱a̱ ngi̱yaa̱ na̱xi̱ńdáꞌniuú.
14Néná boá xi tsjaá kjo̱a̱xió nínga tikón tsindioó tꞌanangìi̱,
kó tsꞌéntsiee̱ ji nga tsjaá to ndso̱ko̱a̱n ṉño̱ pan xi nda ngasee̱.
15Néná boá xi tsjaá ngo kjo̱a̱ tꞌanangii̱,
kó én xí tsjá achichí tsá niꞌánkjatjosón.
16Néná boá xi tsangiya nchꞌàn ki̱a̱ tꞌanangii̱, xikoó tsi tsa̱nga̱,
kó kjitjónjón nchꞌàn xí xa̱a̱, xikoó tsi ndiso.
17Néná boá xi tsꞌénkixó ndókoaá, xikoó tsi xi̱i̱ ndi̱jo̱.
¡Kó, ꞌyá xí xchikjoaá kui nchꞌaàn!
18Tsjá ngo kjo̱a̱, kó ma ńdá nchꞌaàn,
Kuí boá xi tsꞌén nga botsié tjo̱o̱,
ko̱jo nga monga nginí ndáfoaa̱.
19Néná boá xi tsíchji̱a̱jo eén Jakoo̱b,
kó akóyaá kjo̱a̱kitii̱ ko̱jo kjo̱a̱botíxomaa̱ xota̱ Israee̱l.
20Nde ngojín kje̱ꞌe na̱xi̱ńdá xí kui nii̱ katsꞌénjo̱,
ti̱nde akóyàjiín kjo̱a̱botíxomaa̱.
¡Nganiꞌántsjaà Néná!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014