Xo̱jo̱n Salmoo̱ 135
135
Kjo̱a̱niꞌántsjaà Néná
1Ti̱ꞌantsjàjnúu̱ Jaꞌeén Néná.
Ti̱ꞌantsjàjnúu̱ jún xota̱ xi mosoo̱ kui májnú.
2Jún xi tindyiónjnú ki̱a̱ Ndiꞌaa̱ Néná,
jún xi tindyiónjnú ki̱a̱ ndi̱tsee̱n Ndiꞌaa̱ Néná.
3¡Nganiꞌántsjaà Néná!
Ngatꞌa̱ Néná achichí nda tsꞌénjo̱ná,
ko̱ndáa̱ salmo̱ Jaꞌeén ngatꞌa̱ achichí ndaxota̱ Kui.
4Ngatꞌa̱ Néná boá xi jaꞌájin nga kui tsi̱ꞌe̱ ka̱ma xota̱ tji̱e̱e̱ Jakoo̱b,
ko̱jo jaꞌájin nga na̱xi̱ńdá Israee̱l xi ka̱ma xikoó tsi kjo̱a̱cho̱o̱n Kui.
5Jè be an nga Néná achichí kjo̱a̱je tjiín,
Ndi̱a̱ná je ngase ta̱bo̱a̱jiín ngayeje ne xi ngasee̱.
6Ngayeje ni xi mejeén Néná tsꞌén,
ki̱a̱ nkꞌajmii̱, ko̱jo kꞌi̱e̱ nga̱sondiee̱,
ko̱jo ngi̱jin ndáchíkoón, ko̱jo ki̱a̱ nínga ꞌniú na̱nga̱a̱ nga.
7Néná boá xi tsꞌénkjinijíngí ṉdi̱i̱, ndeskande nga̱ndee̱ tꞌanangii̱.
Néná boá xi tsangiya nga foaꞌatꞌee̱ nga boaꞌa stséꞌniuú,
kó ꞌboxiéni tjo̱o̱ ki̱a̱ ngi̱ndie nínga tikón kjo̱a̱cho̱o̱n kui.
8Kuí boá xi katsꞌénꞌoón ndí tjón xi kisꞌiee̱ xotaa̱ nangi Ejiptoo̱,
ndeskande ndí tjoón xotaa̱, ngaskande ndí tjoón cho̱o̱ nga.
9Katsangiya chi̱bo̱a̱ ko̱jo kjo̱a̱ndikón ki̱a̱ ngamasièe̱n ji nangi Ejipto̱,
kondra̱a̱ nda̱ faraoo̱n ko̱jo ngayeje mosoo̱.
10Achichí kjín na̱xi̱ńdá katsꞌénkjié,
kó katsꞌénkꞌién já re xi tjiín ngaꞌniuú xikoó:
11Sijoo̱n, nda̱ ree̱ xota̱ Amoo̱r,
ko̱jo Oo̱j, nda̱ ree̱ nangi Basaa̱n,
ko̱jo ngayeje já xí nkꞌa xaá xi chji̱a̱ni nangi Kanaa̱n.
12Kó xota̱ Israee̱l, kui xi xota̱ na̱xi̱ńdaá Kuí, kui katsꞌénkꞌasꞌiee̱n tꞌanangii̱ kui já ree̱.
13¡Ji Ne, ngatsjéni̱xtjin nga tikón Jaꞌée̱n!
Kjo̱a̱foaꞌátsjièe̱n, ta̱kjiꞌání nga tikón.
14Ja̱koxi̱ boá nga Néná kixi̱ tsꞌén sa̱ꞌínseén xota̱ na̱xi̱ńdáa̱,
kó ni̱ma̱ ka̱maa̱ kjo̱a̱a̱ mosoo̱.
15Ne xi tjiín na̱xi̱ńdaá, ne xi to̱ntiboa ko̱jo xi to̱nsinié boá,
ni xi katsꞌénda tsja xota̱ nga̱sondiee̱ boá, kuí ni nga:
16Tjín tsꞌoa, ta̱nga májiín chji̱a̱,
tjín ndyi̱ko̱n, ta̱nga májín be,
17tjín tji̱bo̱a̱nijon, ta̱nga májín ntꞌié,
tjín ṉtjo̱n, ta̱nga májiín kjiendá.
18Ngatꞌa̱ xikó má kón kui nee̱,
bo̱a̱ má kón kui xi katsꞌéndaa̱ nga,
ko̱jo ngayeje xota̱ xi kjimaꞌniátakón kui nii̱.
19¡Jún xi xota̱ Israee̱l jún, nda ndókjo̱a̱jnú kjo̱a̱a̱ Néná!
¡Jún xi xota̱ tji̱e̱e̱ Aaroo̱n jún, nda ndókjo̱a̱jnú kjo̱a̱a̱ Néná!
20¡Jún xi xota̱ tji̱e̱e̱ Lebii̱ jún, nda ndókjo̱a̱jnú kjo̱a̱a̱ Néná!
Jún xi ndyi̱yandikónjnú Néná, ¡nda ndókjo̱a̱jnú kjo̱a̱a̱ Néná!
21¡Ndeskande na̱xi̱ńdáꞌniú Sioo̱n, ngatamachikonñé Néná,
Kui xi tikón ki̱a̱ na̱xi̱ńdáꞌniú Jerusale̱n!
¡Nganiꞌántsjaà Néná!
Currently Selected:
Xo̱jo̱n Salmoo̱ 135: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Xo̱jo̱n Salmoo̱ 135
135
Kjo̱a̱niꞌántsjaà Néná
1Ti̱ꞌantsjàjnúu̱ Jaꞌeén Néná.
Ti̱ꞌantsjàjnúu̱ jún xota̱ xi mosoo̱ kui májnú.
2Jún xi tindyiónjnú ki̱a̱ Ndiꞌaa̱ Néná,
jún xi tindyiónjnú ki̱a̱ ndi̱tsee̱n Ndiꞌaa̱ Néná.
3¡Nganiꞌántsjaà Néná!
Ngatꞌa̱ Néná achichí nda tsꞌénjo̱ná,
ko̱ndáa̱ salmo̱ Jaꞌeén ngatꞌa̱ achichí ndaxota̱ Kui.
4Ngatꞌa̱ Néná boá xi jaꞌájin nga kui tsi̱ꞌe̱ ka̱ma xota̱ tji̱e̱e̱ Jakoo̱b,
ko̱jo jaꞌájin nga na̱xi̱ńdá Israee̱l xi ka̱ma xikoó tsi kjo̱a̱cho̱o̱n Kui.
5Jè be an nga Néná achichí kjo̱a̱je tjiín,
Ndi̱a̱ná je ngase ta̱bo̱a̱jiín ngayeje ne xi ngasee̱.
6Ngayeje ni xi mejeén Néná tsꞌén,
ki̱a̱ nkꞌajmii̱, ko̱jo kꞌi̱e̱ nga̱sondiee̱,
ko̱jo ngi̱jin ndáchíkoón, ko̱jo ki̱a̱ nínga ꞌniú na̱nga̱a̱ nga.
7Néná boá xi tsꞌénkjinijíngí ṉdi̱i̱, ndeskande nga̱ndee̱ tꞌanangii̱.
Néná boá xi tsangiya nga foaꞌatꞌee̱ nga boaꞌa stséꞌniuú,
kó ꞌboxiéni tjo̱o̱ ki̱a̱ ngi̱ndie nínga tikón kjo̱a̱cho̱o̱n kui.
8Kuí boá xi katsꞌénꞌoón ndí tjón xi kisꞌiee̱ xotaa̱ nangi Ejiptoo̱,
ndeskande ndí tjoón xotaa̱, ngaskande ndí tjoón cho̱o̱ nga.
9Katsangiya chi̱bo̱a̱ ko̱jo kjo̱a̱ndikón ki̱a̱ ngamasièe̱n ji nangi Ejipto̱,
kondra̱a̱ nda̱ faraoo̱n ko̱jo ngayeje mosoo̱.
10Achichí kjín na̱xi̱ńdá katsꞌénkjié,
kó katsꞌénkꞌién já re xi tjiín ngaꞌniuú xikoó:
11Sijoo̱n, nda̱ ree̱ xota̱ Amoo̱r,
ko̱jo Oo̱j, nda̱ ree̱ nangi Basaa̱n,
ko̱jo ngayeje já xí nkꞌa xaá xi chji̱a̱ni nangi Kanaa̱n.
12Kó xota̱ Israee̱l, kui xi xota̱ na̱xi̱ńdaá Kuí, kui katsꞌénkꞌasꞌiee̱n tꞌanangii̱ kui já ree̱.
13¡Ji Ne, ngatsjéni̱xtjin nga tikón Jaꞌée̱n!
Kjo̱a̱foaꞌátsjièe̱n, ta̱kjiꞌání nga tikón.
14Ja̱koxi̱ boá nga Néná kixi̱ tsꞌén sa̱ꞌínseén xota̱ na̱xi̱ńdáa̱,
kó ni̱ma̱ ka̱maa̱ kjo̱a̱a̱ mosoo̱.
15Ne xi tjiín na̱xi̱ńdaá, ne xi to̱ntiboa ko̱jo xi to̱nsinié boá,
ni xi katsꞌénda tsja xota̱ nga̱sondiee̱ boá, kuí ni nga:
16Tjín tsꞌoa, ta̱nga májiín chji̱a̱,
tjín ndyi̱ko̱n, ta̱nga májín be,
17tjín tji̱bo̱a̱nijon, ta̱nga májín ntꞌié,
tjín ṉtjo̱n, ta̱nga májiín kjiendá.
18Ngatꞌa̱ xikó má kón kui nee̱,
bo̱a̱ má kón kui xi katsꞌéndaa̱ nga,
ko̱jo ngayeje xota̱ xi kjimaꞌniátakón kui nii̱.
19¡Jún xi xota̱ Israee̱l jún, nda ndókjo̱a̱jnú kjo̱a̱a̱ Néná!
¡Jún xi xota̱ tji̱e̱e̱ Aaroo̱n jún, nda ndókjo̱a̱jnú kjo̱a̱a̱ Néná!
20¡Jún xi xota̱ tji̱e̱e̱ Lebii̱ jún, nda ndókjo̱a̱jnú kjo̱a̱a̱ Néná!
Jún xi ndyi̱yandikónjnú Néná, ¡nda ndókjo̱a̱jnú kjo̱a̱a̱ Néná!
21¡Ndeskande na̱xi̱ńdáꞌniú Sioo̱n, ngatamachikonñé Néná,
Kui xi tikón ki̱a̱ na̱xi̱ńdáꞌniú Jerusale̱n!
¡Nganiꞌántsjaà Néná!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014