Énkjínkón 23
23
-6-
1Kjiꞌanga xi̱ni̱je ji nichinie ngo xota̱ xi ꞌniú yandikoón,
nda nda má ti̱ꞌinkjé jí ꞌyá xota̱ xi tindyintꞌée̱.
2Kó ndatsi ꞌniú bojoó, ti̱ꞌinchíkjo̱e̱ ji.
3Ngata̱ má xke̱éjín ji ni xi nda chiniee̱,
ngatꞌa̱ ꞌboṉcha̱joná kuí nii̱.
-7-
4Ngata̱ niꞌínmejénjín ji nga ka̱macho̱n ji,
ta̱sá nda ti̱ꞌinkjé jí, kó tꞌíjñímasin ji kui nii̱.
5A jè kamáyè ji tsi tjín kjo̱a̱cho̱n. Jmí jmíjín.
Ngatꞌa̱ xikónií tsi nga̱a̱ ja̱ fotjoo̱,
sꞌe̱ fítji̱e̱n nga chaja nkꞌa jàn.
-8-
6Ngata̱ jmí ni chinije̱jín ji xota̱ xi ndikonkoón,
ti̱nde ngata̱ ma xke̱éjín ji nichinie xi nda xi tjiín.
7Ngatꞌa̱ kui xotaa̱ xikótsꞌèn tsꞌénkjó,
bo̱a̱ tsꞌén síndo ngi̱jin ini̱ma̱a̱.
Chi̱ni ji ko̱jo tꞌi̱ ji, ka̱tso̱o̱,
ta̱nga ngayejejín ini̱ma̱a̱ nga bo̱a̱ ka̱tso̱.
8Ngafetꞌakjo̱a̱ si̱ꞌinkjasé ngayeje ni xi kichini ji,
kó ngayeje ni nda xi kandokjo̱e̱ ji kjo̱a̱a̱ kui xotaa̱
nde jmí chjí ka̱májiín.
-9-
9Ngata̱ jmí kjo̱a̱botíxoma boeꞌéjíi̱n xota̱ xi kitikjo̱a̱a̱,
ngatꞌa̱ ta̱ ko̱jno̱kie tsí én kjínkón xi kandokjo̱e̱je ji.
-10-
10Ngata̱ niꞌíntíyéjíi̱n tsindió xchá xí tikoón xoꞌbáa̱,
kó ngata̱ chiboa chjábétꞌejín ji xoꞌbaa̱ xota̱ xi xꞌi̱a̱a̱n.
11Ngatꞌa̱ tikónrií ngo Néná xí tjiín ngaꞌniú,
kó kuí boá xi kꞌo̱xiéꞌá, ko̱jo xi kondra̱ tse̱ kꞌuijñáni ngijee̱.
-11-
12Nda nda má tꞌíjin ji ngi̱jin ini̱màa̱ kjo̱a̱bokoyaá,
kó nda nda má tasínijìi̱n én kjínkoón.
-12-
13Ti̱ꞌinchji̱ni̱ ji jáxóngo̱ó, kó tsi ńꞌniú kjoée̱, ko̱yàjín,
14tsi ńꞌniú kjoée̱, ko̱ꞌna̱xiéꞌé ji ini̱ma̱a̱ ngi̱ya tsja kjo̱a̱bo̱yaa̱.
-13-
15Ji ndí, tsi tjiín kjo̱a̱kjínkón ngi̱jin ini̱màa̱,
ko̱jo an achichí tsjá kꞌuieé ini̱ma̱na nga.
16Kó ti̱ achichí tsjá kꞌuiéna,
kjiꞌanga kixi̱ ni xi ko̱ndókjo̱e̱ ji.
-14-
17Ngata̱ jmí kjo̱a̱ꞌontakón ꞌbéjiín ini̱màa̱, kjo̱a̱a̱ xota̱ xi ndyi̱tsꞌèn jeé,
ta̱sá ngatsjéni̱xtjin che̱ndikín jí Néná,
18ngatꞌa̱ sꞌe̱ tikón ngo ni xi sꞌe̱ ka̱ma,
kó kju̱i̱e̱jín kui kjo̱a̱chiyaá.
-15-
19Ji xi̱ꞌin, ngatꞌieé kjo̱a̱kjínkón,
kó nda ndá má tasínijìnní,
te̱ꞌéndièe̱ ini̱màa̱ nga ndi̱yà xí ndaa̱ ko̱e̱je̱.
20Ngata̱ ki̱a̱jín niꞌínkamaje̱ ji xota̱ xi ꞌbi xán,
ko̱jo xota̱ xi xki̱ꞌá yojo,
21ngatꞌa̱ nga kjo̱chó ni̱xtjin xi ꞌbi xaán ko̱jo xi xki̱ꞌaá, ka̱mani̱ma̱,
kó ta̱ngatꞌanii̱ nga ta̱soboá kjófé, nga ńjño ndso̱ ko̱a̱ja̱.
-16-
22Ndaꞌyée̱ nga ko̱tíxomaa na̱ꞌmíi̱,
kó nga ka̱maxchá na̱áa̱n, ngata̱ niꞌínchꞌíjín ji.
23Ti̱ndyi̱sé ji kjo̱a̱kixi̱i̱, ko̱jo kjo̱a̱kjínkoón,
ko̱jo kjo̱a̱chji̱ni̱e̱e̱, ko̱jo kjo̱a̱kjíntakoón,
¡kó ngata̱ bosíkjejín ji kui nii̱!
24Achichí tsjá ka̱maa̱ na̱ꞌmii̱ ngo ndí xí kixi̱,
kó kui na̱ꞌmi xi tjiín ngo ndí xí kjínkoón, achichí tsjá maá.
25Ti̱ꞌin ji nga tsja ka̱maa̱ na̱ꞌmíi̱ ko̱jo na̱áa̱n,
ngatꞌa̱ kuí boá xi katsꞌénxchaá.
-17-
26Ji xi̱ꞌin, an ti̱ꞌinkꞌasꞌinní ini̱màa̱,
kó tsjangatamaa̱ ndyikin ji nga ki̱a̱ kꞌuíntjíngí ji ndi̱yàna.
27Ngatꞌa̱ na̱masiee̱n xikónií ngo ti̱xa̱na̱nga̱ xi jmíjín nínga fetꞌanii̱,
kó na̱ xi tsꞌéntꞌaa̱kjo̱a̱ xi̱ꞌii̱n xikónií tsi ngo ndáńchꞌi̱ xi xkjó.
28Ngatꞌa̱ kui na̱ xi tsꞌéntꞌaa̱kjo̱a̱ xi̱ꞌii̱n xikónií tsi ngo chejé:
ꞌbíjñaꞌma ngaskande nga sakoó xi tsꞌénkámajo̱,
kó kuí boá xi tsꞌén nga kjín ngase xota̱ xi tsꞌénjé.
-18-
29ꞌYání bo̱a̱ xi a xi o̱n ka̱tso̱.
ꞌYání bo̱a̱ xi on ka̱maa̱.
ꞌYání bo̱a̱ xi kꞌuieé kjo̱a̱xti.
ꞌYání bo̱a̱ xi ndasen ka̱tso̱.
ꞌYání bo̱a̱ xi ka̱maꞌon kjo̱a̱ndaa̱.
ꞌYání bo̱a̱ xi chji̱ndi̱ má ka̱ma ndyi̱kon.
30Kuí boá xota̱ xi ta̱soboá xán ndyi̱ꞌbi,
ko̱jo xi ndyi̱mongase kjín to̱ko̱ya xán xi je tsꞌájii̱n.
31Ngata̱ ma xke̱éjín ji binoo̱ kjiꞌanga ndyi̱a̱ iní iní,
ko̱jo nga ndyi̱a̱ ꞌna̱ ꞌna̱ ngi̱ya chi̱tse̱én,
ngatꞌa̱ achichí tsjatsꞌèn fíjénná nga ndyi̱ꞌyò,
32ta̱nga nga fetꞌani kjiniéná xikoó ngo ye̱,
kó xindyiájin ndakjan ndakjanná xaán.
33Tsi sꞌi̱ ji, kje̱ꞌe ni sku̱i̱e̱ ndyikin ji,
kó ini̱màa̱ ta̱xkiya ku̱i̱chji̱a̱ ni xi ndajín.
34Xikó maá tsi ki̱a̱ titsjajnifé ji ngamasiee̱n ndáchíkoón,
ko̱jo tsi xikó maá tsi ki̱a̱ tꞌa yá xí jee̱ ngo tjotso xi ta̱nisién ꞌniú je titsjajni ji.
35Kó bi̱ sé jí: Kiniꞌánꞌónna, kó nde onjín kamána,
akjana, kó nde kamábejín yojona.
Kó kjiꞌanga nga kjo̱a̱ꞌána ti̱ kjuín ngase nginí an ngase xán.
Currently Selected:
Énkjínkón 23: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 23
23
-6-
1Kjiꞌanga xi̱ni̱je ji nichinie ngo xota̱ xi ꞌniú yandikoón,
nda nda má ti̱ꞌinkjé jí ꞌyá xota̱ xi tindyintꞌée̱.
2Kó ndatsi ꞌniú bojoó, ti̱ꞌinchíkjo̱e̱ ji.
3Ngata̱ má xke̱éjín ji ni xi nda chiniee̱,
ngatꞌa̱ ꞌboṉcha̱joná kuí nii̱.
-7-
4Ngata̱ niꞌínmejénjín ji nga ka̱macho̱n ji,
ta̱sá nda ti̱ꞌinkjé jí, kó tꞌíjñímasin ji kui nii̱.
5A jè kamáyè ji tsi tjín kjo̱a̱cho̱n. Jmí jmíjín.
Ngatꞌa̱ xikónií tsi nga̱a̱ ja̱ fotjoo̱,
sꞌe̱ fítji̱e̱n nga chaja nkꞌa jàn.
-8-
6Ngata̱ jmí ni chinije̱jín ji xota̱ xi ndikonkoón,
ti̱nde ngata̱ ma xke̱éjín ji nichinie xi nda xi tjiín.
7Ngatꞌa̱ kui xotaa̱ xikótsꞌèn tsꞌénkjó,
bo̱a̱ tsꞌén síndo ngi̱jin ini̱ma̱a̱.
Chi̱ni ji ko̱jo tꞌi̱ ji, ka̱tso̱o̱,
ta̱nga ngayejejín ini̱ma̱a̱ nga bo̱a̱ ka̱tso̱.
8Ngafetꞌakjo̱a̱ si̱ꞌinkjasé ngayeje ni xi kichini ji,
kó ngayeje ni nda xi kandokjo̱e̱ ji kjo̱a̱a̱ kui xotaa̱
nde jmí chjí ka̱májiín.
-9-
9Ngata̱ jmí kjo̱a̱botíxoma boeꞌéjíi̱n xota̱ xi kitikjo̱a̱a̱,
ngatꞌa̱ ta̱ ko̱jno̱kie tsí én kjínkón xi kandokjo̱e̱je ji.
-10-
10Ngata̱ niꞌíntíyéjíi̱n tsindió xchá xí tikoón xoꞌbáa̱,
kó ngata̱ chiboa chjábétꞌejín ji xoꞌbaa̱ xota̱ xi xꞌi̱a̱a̱n.
11Ngatꞌa̱ tikónrií ngo Néná xí tjiín ngaꞌniú,
kó kuí boá xi kꞌo̱xiéꞌá, ko̱jo xi kondra̱ tse̱ kꞌuijñáni ngijee̱.
-11-
12Nda nda má tꞌíjin ji ngi̱jin ini̱màa̱ kjo̱a̱bokoyaá,
kó nda nda má tasínijìi̱n én kjínkoón.
-12-
13Ti̱ꞌinchji̱ni̱ ji jáxóngo̱ó, kó tsi ńꞌniú kjoée̱, ko̱yàjín,
14tsi ńꞌniú kjoée̱, ko̱ꞌna̱xiéꞌé ji ini̱ma̱a̱ ngi̱ya tsja kjo̱a̱bo̱yaa̱.
-13-
15Ji ndí, tsi tjiín kjo̱a̱kjínkón ngi̱jin ini̱màa̱,
ko̱jo an achichí tsjá kꞌuieé ini̱ma̱na nga.
16Kó ti̱ achichí tsjá kꞌuiéna,
kjiꞌanga kixi̱ ni xi ko̱ndókjo̱e̱ ji.
-14-
17Ngata̱ jmí kjo̱a̱ꞌontakón ꞌbéjiín ini̱màa̱, kjo̱a̱a̱ xota̱ xi ndyi̱tsꞌèn jeé,
ta̱sá ngatsjéni̱xtjin che̱ndikín jí Néná,
18ngatꞌa̱ sꞌe̱ tikón ngo ni xi sꞌe̱ ka̱ma,
kó kju̱i̱e̱jín kui kjo̱a̱chiyaá.
-15-
19Ji xi̱ꞌin, ngatꞌieé kjo̱a̱kjínkón,
kó nda ndá má tasínijìnní,
te̱ꞌéndièe̱ ini̱màa̱ nga ndi̱yà xí ndaa̱ ko̱e̱je̱.
20Ngata̱ ki̱a̱jín niꞌínkamaje̱ ji xota̱ xi ꞌbi xán,
ko̱jo xota̱ xi xki̱ꞌá yojo,
21ngatꞌa̱ nga kjo̱chó ni̱xtjin xi ꞌbi xaán ko̱jo xi xki̱ꞌaá, ka̱mani̱ma̱,
kó ta̱ngatꞌanii̱ nga ta̱soboá kjófé, nga ńjño ndso̱ ko̱a̱ja̱.
-16-
22Ndaꞌyée̱ nga ko̱tíxomaa na̱ꞌmíi̱,
kó nga ka̱maxchá na̱áa̱n, ngata̱ niꞌínchꞌíjín ji.
23Ti̱ndyi̱sé ji kjo̱a̱kixi̱i̱, ko̱jo kjo̱a̱kjínkoón,
ko̱jo kjo̱a̱chji̱ni̱e̱e̱, ko̱jo kjo̱a̱kjíntakoón,
¡kó ngata̱ bosíkjejín ji kui nii̱!
24Achichí tsjá ka̱maa̱ na̱ꞌmii̱ ngo ndí xí kixi̱,
kó kui na̱ꞌmi xi tjiín ngo ndí xí kjínkoón, achichí tsjá maá.
25Ti̱ꞌin ji nga tsja ka̱maa̱ na̱ꞌmíi̱ ko̱jo na̱áa̱n,
ngatꞌa̱ kuí boá xi katsꞌénxchaá.
-17-
26Ji xi̱ꞌin, an ti̱ꞌinkꞌasꞌinní ini̱màa̱,
kó tsjangatamaa̱ ndyikin ji nga ki̱a̱ kꞌuíntjíngí ji ndi̱yàna.
27Ngatꞌa̱ na̱masiee̱n xikónií ngo ti̱xa̱na̱nga̱ xi jmíjín nínga fetꞌanii̱,
kó na̱ xi tsꞌéntꞌaa̱kjo̱a̱ xi̱ꞌii̱n xikónií tsi ngo ndáńchꞌi̱ xi xkjó.
28Ngatꞌa̱ kui na̱ xi tsꞌéntꞌaa̱kjo̱a̱ xi̱ꞌii̱n xikónií tsi ngo chejé:
ꞌbíjñaꞌma ngaskande nga sakoó xi tsꞌénkámajo̱,
kó kuí boá xi tsꞌén nga kjín ngase xota̱ xi tsꞌénjé.
-18-
29ꞌYání bo̱a̱ xi a xi o̱n ka̱tso̱.
ꞌYání bo̱a̱ xi on ka̱maa̱.
ꞌYání bo̱a̱ xi kꞌuieé kjo̱a̱xti.
ꞌYání bo̱a̱ xi ndasen ka̱tso̱.
ꞌYání bo̱a̱ xi ka̱maꞌon kjo̱a̱ndaa̱.
ꞌYání bo̱a̱ xi chji̱ndi̱ má ka̱ma ndyi̱kon.
30Kuí boá xota̱ xi ta̱soboá xán ndyi̱ꞌbi,
ko̱jo xi ndyi̱mongase kjín to̱ko̱ya xán xi je tsꞌájii̱n.
31Ngata̱ ma xke̱éjín ji binoo̱ kjiꞌanga ndyi̱a̱ iní iní,
ko̱jo nga ndyi̱a̱ ꞌna̱ ꞌna̱ ngi̱ya chi̱tse̱én,
ngatꞌa̱ achichí tsjatsꞌèn fíjénná nga ndyi̱ꞌyò,
32ta̱nga nga fetꞌani kjiniéná xikoó ngo ye̱,
kó xindyiájin ndakjan ndakjanná xaán.
33Tsi sꞌi̱ ji, kje̱ꞌe ni sku̱i̱e̱ ndyikin ji,
kó ini̱màa̱ ta̱xkiya ku̱i̱chji̱a̱ ni xi ndajín.
34Xikó maá tsi ki̱a̱ titsjajnifé ji ngamasiee̱n ndáchíkoón,
ko̱jo tsi xikó maá tsi ki̱a̱ tꞌa yá xí jee̱ ngo tjotso xi ta̱nisién ꞌniú je titsjajni ji.
35Kó bi̱ sé jí: Kiniꞌánꞌónna, kó nde onjín kamána,
akjana, kó nde kamábejín yojona.
Kó kjiꞌanga nga kjo̱a̱ꞌána ti̱ kjuín ngase nginí an ngase xán.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014