Énkjínkón 16
16
Ni xi ꞌbínda xotaa̱, ni xi tsó Néná
1Ngi̱jin ini̱ma̱a̱ xotaa̱ ndibánií nga ꞌbínda ngo ni,
ta̱nga Néná boá xi bo̱a̱ ka̱tso̱ tsi kjo̱tjosón ko̱jo tsi jmí.
2Sꞌijinrií nga tsjie ngayeje ni xi tsꞌén xotaa̱,
ta̱nga Néná boá xi kotꞌa ni xi mejeén sa̱ꞌín.
3Ngi̱ya tsja Néná tꞌíjñí ji ngayeje ni xi si̱ꞌin,
kó ngayeje ni xi je tjíjin takín, kjo̱tjosón.
4Tjín ngo kjo̱a̱ nga Néná katsꞌénda ngayeje nii̱,
¡kó ngaskande xota̱ xi ꞌniú ndajiín,
kamánda tsi̱ꞌe̱ ni̱xtjin nga ka̱majeé!
5Achichí chꞌoó Néná xota̱ xi kjo̱a̱nkꞌakon tjíjin ini̱ma̱a̱,
kó ja̱koxi̱ boá nga ko̱ti̱je̱é.
6Kjo̱a̱ni̱ma̱takón ko̱jo kjo̱a̱kixi̱ boá xi niꞌánjetakónni ngo jé,
kó kjiꞌanga yandikón Néná, kuí nii̱ xi tsꞌén
nga niꞌánkjìi̱n yojoná ni xi ndajiín.
7Kjiꞌanga Néná tsjá maá kjo̱a̱a̱ xikótsꞌèn síndo xotaa̱,
ngaskande ko̱jo xota̱ xi kondra̱a̱, nijan ꞌbeé kjo̱a̱xió.
8Ndakjiꞌi ngase nga chiboa ni tjínná, ta̱nga nga kixi̱ tsꞌén kasakoná,
ta̱bo̱a̱jiín nga ka̱macho̱n, kó nga kixi̱jín tsꞌén kasakoná kuí nii̱.
9Ngi̱jin ini̱ma̱a̱ xotaa̱ ndibánií nga ꞌbínda xikótsꞌèn kꞌuíndo,
ta̱nga Néná boá xi ko̱ko̱ó ndi̱yà xí mejeén kui.
10Ni xi chji̱a̱ nda̱ ree̱ ni xi ja̱koxi̱ boá,
kuíni nga chjiéngá kixi̱ ka̱ma kjiꞌanga ku̱i̱ꞌítꞌajé ngo xota̱.
11Ni xi kixi̱ tsꞌén chꞌíchi̱bo̱a̱joni nii̱, tsi̱ꞌe̱ Néná boá,
ngatꞌa̱ kuí boá xi katsꞌénda ngayeje ni xi chꞌíchi̱bo̱a̱jo nii̱.
12Achichí chꞌo maá ree̱ kjo̱a̱a̱ xota̱ xi tsꞌén ni xi ꞌniú ndajiín,
ngatꞌa̱ kjiꞌanga kixi̱ tsꞌén niꞌánseén xotaa̱, kuí nii̱ xi tsjangaꞌniuú xaá.
13Achichí tsꞌéntjó ko̱jo tsja maa̱ já ree̱,
xota̱ xi ni xi kixi̱ chji̱a̱a̱.
14Kjiꞌanga tsꞌénxchán ree̱, ka̱marií tjín xí sa̱ꞌínkꞌién,
ta̱nga xota̱ xi kjínkoón, kuí boá xi ka̱maa̱ sa̱ꞌínkꞌíxió kui nii̱.
15Kjiꞌanga tsjatsꞌèn tikón kje̱n nda̱ ree̱,
kuí nii̱ xi bokó kjo̱a̱mindyioo̱n,
kó kjo̱a̱bosíko̱joo̱ xikónií tsi ngo stsé nda xí sájín tsaꞌá ka̱ma.
16Nda ngase nga kꞌuiéná kjo̱a̱kjínkón, ta̱bo̱a̱jiín to̱nsinié xi ndaa̱,
ko̱jo nda ngase nga kꞌuiéná kjo̱a̱kjíntakón,
ngatꞌa̱ chjí ngasenii̱ ta̱bo̱a̱jiín to̱ntiboaa̱.
17Xota̱ xi kixi̱i̱, ꞌbijñámasien ni xi ndajiín,
kó xi koo̱n ni xi tsꞌén, kjo̱a̱mindyioo̱n boá xi tsꞌénkoón.
18Tsꞌenkjiénákjo̱a̱ kjo̱a̱nkꞌakoo̱n,
kó kjiꞌanga je máná yojoná, tsꞌénchájáná kuí nii̱.
19Chjí ngasenii̱ nga ni̱ma̱kjo̱a̱ ka̱má ngi̱jii̱n xota̱ xi ni̱ma̱kjo̱a̱a̱,
ta̱bo̱a̱jiín nga nijan ka̱macho̱njo xota̱ xi nkꞌakoo̱n.
20Xota̱ xi ndatsꞌèn tsꞌenseén ngo kjo̱a̱ xi boeꞌeé, tjoninkꞌaa̱ yojoo̱,
¡Achichíra̱ tsjaa̱ xota̱ xi Néná kjimaꞌniátakón!
21Xota̱ xi tjiín kjo̱a̱kjínkón ngi̱jin ini̱ma̱a̱ nga tsꞌénkjó ngo ni,
kuí boá xi xota̱ kjínkón ꞌmií,
kó kjiꞌanga ixi tsꞌén chji̱a̱ ngo xota̱,
nda ngase tsꞌénꞌíndatakón.
22Xota̱ xi tjón tsꞌénkjó ngindiee̱ nga sa̱ꞌín ngo ni,
kuí xi̱ꞌba̱ xi achichí nó ka̱maa̱ nga kꞌuijñá,
ta̱nga kjo̱a̱kitikjo̱a̱ boá nga si̱ꞌanchji̱ni̱e̱ xota̱ xi kitikjo̱a̱a̱.
23Xota̱ xi tjiín kjo̱a̱kjínkón ngi̱jin ini̱ma̱a̱
achichí nda tsꞌénkjó ni xi chji̱a̱,
kó én xí chji̱a̱ tsꞌoa nda ngase tsꞌénꞌíndatakón.
24Én tsjatsó xi ndaa̱, xikónií ntsjieén,
kuí boá xi nda tsꞌeén ini̱ma̱a̱, ko̱jo xi tsꞌendáyà yojoo̱.
25Tjín ndi̱yà xí achichí kixi̱ maa̱ xotaa̱,
ta̱nga nga fetꞌani, ndi̱ya̱à kjo̱a̱bo̱yaa̱ boá.
26Ini̱ma̱ xi tsꞌénxaá, tsꞌénxá ngatꞌa̱ mejeén nga sa̱ꞌínkꞌíxió bojó ko̱jo xíndaá,
kó kuí nii̱ xi tsꞌén nga ꞌniú ngase tsꞌénxá.
27Xota̱ xi ꞌniú ndajiín, kuí boá xi mongase ngase ni xi ndajín,
kó én xí chji̱a̱ tsꞌénchjánná, xikó maá ndiꞌií.
28Xota̱ xi ꞌniú ndajiín kjo̱a̱xchán ꞌboxié,
kó xota̱ xi ndisoo̱ bokjangá xota̱ xi nda ngase ndyi̱yaꞌa xkjín.
29Xota̱ xi tamaá ꞌboṉcha̱jo xota̱ xkjín,
kó ki̱a̱ nijan fíjo̱ ndi̱yà xí ndajiín,
30ꞌbíchjá ndyi̱ko̱n, nga tsꞌénkjó nga ni xi ꞌniú ndajín mejeén sa̱ꞌín,
kó ꞌbindyióꞌniú má tsꞌoa nga je katsꞌén ni xi ndajín.
31Tsja̱kichjií xota̱ xi je xchaá,
xikó maá tsi ngo korona̱ ma kjo̱a̱a̱ nga kixi̱ tsꞌén tikón.
32Chjí ngasenii̱ kjo̱a̱chiyákjo̱a̱a̱,
ta̱bo̱a̱jiín kjo̱a̱chꞌokoo̱n,
chjí ngasenii̱ nga ñá kotixomáa̱ yojoná,
ta̱bo̱a̱jiín nga ngo na̱xi̱ńdáꞌniú ko̱ti̱xomáa̱.
33Xotaa̱ boá xi tsꞌén ngo kjo̱a̱chꞌáṉcha̱,
ta̱nga Néná boá xi bo̱a̱ ka̱tso̱ tsi kjo̱tjosón ko̱jo tsi jmí.
Currently Selected:
Énkjínkón 16: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 16
16
Ni xi ꞌbínda xotaa̱, ni xi tsó Néná
1Ngi̱jin ini̱ma̱a̱ xotaa̱ ndibánií nga ꞌbínda ngo ni,
ta̱nga Néná boá xi bo̱a̱ ka̱tso̱ tsi kjo̱tjosón ko̱jo tsi jmí.
2Sꞌijinrií nga tsjie ngayeje ni xi tsꞌén xotaa̱,
ta̱nga Néná boá xi kotꞌa ni xi mejeén sa̱ꞌín.
3Ngi̱ya tsja Néná tꞌíjñí ji ngayeje ni xi si̱ꞌin,
kó ngayeje ni xi je tjíjin takín, kjo̱tjosón.
4Tjín ngo kjo̱a̱ nga Néná katsꞌénda ngayeje nii̱,
¡kó ngaskande xota̱ xi ꞌniú ndajiín,
kamánda tsi̱ꞌe̱ ni̱xtjin nga ka̱majeé!
5Achichí chꞌoó Néná xota̱ xi kjo̱a̱nkꞌakon tjíjin ini̱ma̱a̱,
kó ja̱koxi̱ boá nga ko̱ti̱je̱é.
6Kjo̱a̱ni̱ma̱takón ko̱jo kjo̱a̱kixi̱ boá xi niꞌánjetakónni ngo jé,
kó kjiꞌanga yandikón Néná, kuí nii̱ xi tsꞌén
nga niꞌánkjìi̱n yojoná ni xi ndajiín.
7Kjiꞌanga Néná tsjá maá kjo̱a̱a̱ xikótsꞌèn síndo xotaa̱,
ngaskande ko̱jo xota̱ xi kondra̱a̱, nijan ꞌbeé kjo̱a̱xió.
8Ndakjiꞌi ngase nga chiboa ni tjínná, ta̱nga nga kixi̱ tsꞌén kasakoná,
ta̱bo̱a̱jiín nga ka̱macho̱n, kó nga kixi̱jín tsꞌén kasakoná kuí nii̱.
9Ngi̱jin ini̱ma̱a̱ xotaa̱ ndibánií nga ꞌbínda xikótsꞌèn kꞌuíndo,
ta̱nga Néná boá xi ko̱ko̱ó ndi̱yà xí mejeén kui.
10Ni xi chji̱a̱ nda̱ ree̱ ni xi ja̱koxi̱ boá,
kuíni nga chjiéngá kixi̱ ka̱ma kjiꞌanga ku̱i̱ꞌítꞌajé ngo xota̱.
11Ni xi kixi̱ tsꞌén chꞌíchi̱bo̱a̱joni nii̱, tsi̱ꞌe̱ Néná boá,
ngatꞌa̱ kuí boá xi katsꞌénda ngayeje ni xi chꞌíchi̱bo̱a̱jo nii̱.
12Achichí chꞌo maá ree̱ kjo̱a̱a̱ xota̱ xi tsꞌén ni xi ꞌniú ndajiín,
ngatꞌa̱ kjiꞌanga kixi̱ tsꞌén niꞌánseén xotaa̱, kuí nii̱ xi tsjangaꞌniuú xaá.
13Achichí tsꞌéntjó ko̱jo tsja maa̱ já ree̱,
xota̱ xi ni xi kixi̱ chji̱a̱a̱.
14Kjiꞌanga tsꞌénxchán ree̱, ka̱marií tjín xí sa̱ꞌínkꞌién,
ta̱nga xota̱ xi kjínkoón, kuí boá xi ka̱maa̱ sa̱ꞌínkꞌíxió kui nii̱.
15Kjiꞌanga tsjatsꞌèn tikón kje̱n nda̱ ree̱,
kuí nii̱ xi bokó kjo̱a̱mindyioo̱n,
kó kjo̱a̱bosíko̱joo̱ xikónií tsi ngo stsé nda xí sájín tsaꞌá ka̱ma.
16Nda ngase nga kꞌuiéná kjo̱a̱kjínkón, ta̱bo̱a̱jiín to̱nsinié xi ndaa̱,
ko̱jo nda ngase nga kꞌuiéná kjo̱a̱kjíntakón,
ngatꞌa̱ chjí ngasenii̱ ta̱bo̱a̱jiín to̱ntiboaa̱.
17Xota̱ xi kixi̱i̱, ꞌbijñámasien ni xi ndajiín,
kó xi koo̱n ni xi tsꞌén, kjo̱a̱mindyioo̱n boá xi tsꞌénkoón.
18Tsꞌenkjiénákjo̱a̱ kjo̱a̱nkꞌakoo̱n,
kó kjiꞌanga je máná yojoná, tsꞌénchájáná kuí nii̱.
19Chjí ngasenii̱ nga ni̱ma̱kjo̱a̱ ka̱má ngi̱jii̱n xota̱ xi ni̱ma̱kjo̱a̱a̱,
ta̱bo̱a̱jiín nga nijan ka̱macho̱njo xota̱ xi nkꞌakoo̱n.
20Xota̱ xi ndatsꞌèn tsꞌenseén ngo kjo̱a̱ xi boeꞌeé, tjoninkꞌaa̱ yojoo̱,
¡Achichíra̱ tsjaa̱ xota̱ xi Néná kjimaꞌniátakón!
21Xota̱ xi tjiín kjo̱a̱kjínkón ngi̱jin ini̱ma̱a̱ nga tsꞌénkjó ngo ni,
kuí boá xi xota̱ kjínkón ꞌmií,
kó kjiꞌanga ixi tsꞌén chji̱a̱ ngo xota̱,
nda ngase tsꞌénꞌíndatakón.
22Xota̱ xi tjón tsꞌénkjó ngindiee̱ nga sa̱ꞌín ngo ni,
kuí xi̱ꞌba̱ xi achichí nó ka̱maa̱ nga kꞌuijñá,
ta̱nga kjo̱a̱kitikjo̱a̱ boá nga si̱ꞌanchji̱ni̱e̱ xota̱ xi kitikjo̱a̱a̱.
23Xota̱ xi tjiín kjo̱a̱kjínkón ngi̱jin ini̱ma̱a̱
achichí nda tsꞌénkjó ni xi chji̱a̱,
kó én xí chji̱a̱ tsꞌoa nda ngase tsꞌénꞌíndatakón.
24Én tsjatsó xi ndaa̱, xikónií ntsjieén,
kuí boá xi nda tsꞌeén ini̱ma̱a̱, ko̱jo xi tsꞌendáyà yojoo̱.
25Tjín ndi̱yà xí achichí kixi̱ maa̱ xotaa̱,
ta̱nga nga fetꞌani, ndi̱ya̱à kjo̱a̱bo̱yaa̱ boá.
26Ini̱ma̱ xi tsꞌénxaá, tsꞌénxá ngatꞌa̱ mejeén nga sa̱ꞌínkꞌíxió bojó ko̱jo xíndaá,
kó kuí nii̱ xi tsꞌén nga ꞌniú ngase tsꞌénxá.
27Xota̱ xi ꞌniú ndajiín, kuí boá xi mongase ngase ni xi ndajín,
kó én xí chji̱a̱ tsꞌénchjánná, xikó maá ndiꞌií.
28Xota̱ xi ꞌniú ndajiín kjo̱a̱xchán ꞌboxié,
kó xota̱ xi ndisoo̱ bokjangá xota̱ xi nda ngase ndyi̱yaꞌa xkjín.
29Xota̱ xi tamaá ꞌboṉcha̱jo xota̱ xkjín,
kó ki̱a̱ nijan fíjo̱ ndi̱yà xí ndajiín,
30ꞌbíchjá ndyi̱ko̱n, nga tsꞌénkjó nga ni xi ꞌniú ndajín mejeén sa̱ꞌín,
kó ꞌbindyióꞌniú má tsꞌoa nga je katsꞌén ni xi ndajín.
31Tsja̱kichjií xota̱ xi je xchaá,
xikó maá tsi ngo korona̱ ma kjo̱a̱a̱ nga kixi̱ tsꞌén tikón.
32Chjí ngasenii̱ kjo̱a̱chiyákjo̱a̱a̱,
ta̱bo̱a̱jiín kjo̱a̱chꞌokoo̱n,
chjí ngasenii̱ nga ñá kotixomáa̱ yojoná,
ta̱bo̱a̱jiín nga ngo na̱xi̱ńdáꞌniú ko̱ti̱xomáa̱.
33Xotaa̱ boá xi tsꞌén ngo kjo̱a̱chꞌáṉcha̱,
ta̱nga Néná boá xi bo̱a̱ ka̱tso̱ tsi kjo̱tjosón ko̱jo tsi jmí.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014