Énkjínkón 13
13
Ni nda xi sakoó xota̱ xi ndaxotaa̱, ko̱jo kjo̱a̱botíjé xí sakoó xota̱ xi ndajiín
1Ndí xí kjínkoón, tsꞌénjóꞌo kjo̱a̱botíxomaa̱ na̱ꞌmii̱,
ta̱nga ndí xí mojnókiee̱, ntꞌiéjiín nga tjín xí sa̱ꞌínxchánjo̱.
2Ni xi chji̱a̱ xotaa̱ boá xi nda sa̱ꞌíntsienii̱,
ta̱nga kui ini̱ma̱ xi botiñáná, ni xi ndajín boá xi sa̱ko̱ó.
3Xota̱ xi koo̱n ni xi chji̱a̱, ti̱kuíní ini̱ma̱a̱ xi tsꞌénkoón,
ta̱nga kui xi ta̱xkiya chji̱a̱a̱, ti̱kuíní yojoo̱ xi sa̱ꞌínchaja.
4Ini̱ma̱ xi tsiꞌeé achichí ni xi ma mejeén, kó nde jmí ni sakójiín,
¡ta̱nga ini̱ma̱ ꞌniú tsꞌénxaá, kuí boá xí tjoninkꞌaa̱ yojoo̱!
5Xota̱ xi kixi̱i̱ chꞌórií kjo̱a̱ndisoo̱,
kó xota̱ xi ꞌniú ndajiín,
kuí boá xi niꞌánchꞌó ko̱jo xi yandikónjín.
6Kjo̱a̱kixi̱i̱ boá xi koo̱n xota̱ xi kixi̱i̱,
ta̱nga ni xi ndajiín boá tsꞌénkjátsón xota̱jeé.
7Tjín xota̱ xi xota̱ cho̱n tsoó yojoo̱,
ta̱nga nde ta̱jmìjín ni xi tjiín,
kó kje̱ꞌe xí xota̱ ni̱ma̱ ꞌboxié yojoo̱,
kó ngayeje nii̱ xi tjiín.
8Xota̱ xi cho̱o̱n to̱o̱n xí ka̱ma
ku̱i̱ꞌíchjítjéni yojoo̱ tsi tjín xí ku̱i̱ꞌíjñaꞌniú,
ta̱nga xota̱ ni̱ma̱a̱, nde jmíjín xi mindyiandíkoón.
9Kjo̱a̱mindyioo̱n xota̱ xi kixi̱i̱,
xikónií ngo ndiꞌí xí tsjá tsꞌén tí,
ta̱nga kjo̱a̱mindyioo̱n xota̱ xi ꞌniú ndajiín,
xikónií ngo ndiꞌí xí kꞌo̱.
10Kjo̱a̱nkꞌakoo̱n ta̱ kjo̱a̱xti tsí xi ꞌboxié,
kó xota̱ xi ni̱ma̱kjo̱a̱a̱ boá xi tjiín kjo̱a̱kjínkón.
11Kjo̱a̱cho̱n xi ndajín tsꞌén kasakoo̱, achichí tsá fe,
ta̱nga xota̱ xi tsꞌénxaá, ma tsie ngase kjo̱a̱cho̱o̱n.
12¡Ni xi chiyaá kó fotjosónjín, kjo̱a̱ndasen tsjaá ini̱ma̱ná!
¡Ta̱nga xikónií tsi ngo yaá kjo̱a̱mindyion ma,
kjiꞌanga fotjosón ni xi mejénná si̱ꞌán!
13Kui xi sa̱ꞌínsénjiín ngo kjo̱a̱ xi ko̱e̱ꞌeé, achichí chjí ku̱i̱ꞌíchjí,
ta̱nga kui xi sa̱ꞌínkjatjosoón, ngo kjo̱a̱nda sa̱ko̱ó.
14Ni xi bokoyá xota̱ xi kjínkoón,
xikónií tsi ki̱a̱ tjitjó kjo̱a̱mindyioo̱n,
kó kui nii̱ xi kꞌo̱xiéꞌaá ngi̱ya tsja kjo̱a̱bo̱yaa̱.
15Xota̱ xi tsjá ngo kjo̱a̱botíxoma xi nda, niꞌántjó,
ta̱nga xota̱ xi kixi̱jiín, tsꞌénchájá soboá yojoo̱.
16Xota̱ xi nda tsꞌénkjó ni xi tsꞌén, xota̱ xi kjínkón boá,
ta̱nga xota̱ xi kitikjo̱a̱a̱ bokó kjo̱a̱chi̱nii̱.
17Chji̱ni̱e̱ꞌén xí ndajiín, ni xi ndajiín foeꞌejo̱,
ta̱nga chji̱ni̱e̱ꞌén xí kixi̱i̱, kuí boá xi foeꞌejo̱ná ni xi ndatsꞌénná.
18Kjo̱a̱ni̱ma̱ ko̱jo kjo̱a̱soboá kꞌuieé xota̱ xi tsꞌenchꞌó kjo̱a̱botíxomaa̱,
ta̱nga si̱ꞌandikón boá kui xi jo̱ꞌo maá nga niꞌánchji̱ni̱e̱e̱.
19¡Achichí tsjá máná kjiꞌanga fotjosón ni xi mejeén ini̱ma̱na nga ka̱ma!
¡Ta̱nga xota̱ xi kitikjo̱a̱a̱, achichí chꞌo maá nga kjo̱ta̱xíntꞌaa̱ ni xi ndajiín!
20Xota̱ xi ki̱a̱ tsꞌénkámajo̱ xota̱ xi kjínkoón, kjínkón ka̱ma,
ta̱nga xota̱ xi ki̱a̱ tsꞌénkámajo̱ xota̱ xi kitikjo̱a̱a̱, ndajín ka̱maa̱.
21Ni xi ndajiín boá xi maa̱ xota̱jeé,
ta̱nga xota̱ xi kixi̱i̱ ni xi nda boá xi sa̱ko̱ó.
22Xota̱ xi ndaxotaa̱ ꞌbijñaá ni ndíndeè,
ta̱nga kjo̱a̱cho̱o̱n xota̱jeé, xota̱ xi kixi̱i̱ boá xi sa̱ko̱ó.
23Ngi̱jin kꞌijñaá xota̱ ni̱ma̱a̱, achichí nichinie ꞌbeé,
ta̱nga chaja kuí nii̱ kjiꞌanga kixi̱jín niꞌánseén xotaa̱.
24Xi tsꞌénchjíni̱e̱jín ndií, kjo̱a̱a̱ nga chꞌórií,
ta̱nga xi tjoó ndií, xotí tsꞌénchjíni̱e̱.
25Xota̱ xi kixi̱i̱, kjinie nichinie ngaskande nga nda tsiee̱ ini̱ma̱a̱,
ta̱nga xota̱ xi ꞌniú ndajiín jmíni̱xtjin tsiee̱.
Currently Selected:
Énkjínkón 13: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 13
13
Ni nda xi sakoó xota̱ xi ndaxotaa̱, ko̱jo kjo̱a̱botíjé xí sakoó xota̱ xi ndajiín
1Ndí xí kjínkoón, tsꞌénjóꞌo kjo̱a̱botíxomaa̱ na̱ꞌmii̱,
ta̱nga ndí xí mojnókiee̱, ntꞌiéjiín nga tjín xí sa̱ꞌínxchánjo̱.
2Ni xi chji̱a̱ xotaa̱ boá xi nda sa̱ꞌíntsienii̱,
ta̱nga kui ini̱ma̱ xi botiñáná, ni xi ndajín boá xi sa̱ko̱ó.
3Xota̱ xi koo̱n ni xi chji̱a̱, ti̱kuíní ini̱ma̱a̱ xi tsꞌénkoón,
ta̱nga kui xi ta̱xkiya chji̱a̱a̱, ti̱kuíní yojoo̱ xi sa̱ꞌínchaja.
4Ini̱ma̱ xi tsiꞌeé achichí ni xi ma mejeén, kó nde jmí ni sakójiín,
¡ta̱nga ini̱ma̱ ꞌniú tsꞌénxaá, kuí boá xí tjoninkꞌaa̱ yojoo̱!
5Xota̱ xi kixi̱i̱ chꞌórií kjo̱a̱ndisoo̱,
kó xota̱ xi ꞌniú ndajiín,
kuí boá xi niꞌánchꞌó ko̱jo xi yandikónjín.
6Kjo̱a̱kixi̱i̱ boá xi koo̱n xota̱ xi kixi̱i̱,
ta̱nga ni xi ndajiín boá tsꞌénkjátsón xota̱jeé.
7Tjín xota̱ xi xota̱ cho̱n tsoó yojoo̱,
ta̱nga nde ta̱jmìjín ni xi tjiín,
kó kje̱ꞌe xí xota̱ ni̱ma̱ ꞌboxié yojoo̱,
kó ngayeje nii̱ xi tjiín.
8Xota̱ xi cho̱o̱n to̱o̱n xí ka̱ma
ku̱i̱ꞌíchjítjéni yojoo̱ tsi tjín xí ku̱i̱ꞌíjñaꞌniú,
ta̱nga xota̱ ni̱ma̱a̱, nde jmíjín xi mindyiandíkoón.
9Kjo̱a̱mindyioo̱n xota̱ xi kixi̱i̱,
xikónií ngo ndiꞌí xí tsjá tsꞌén tí,
ta̱nga kjo̱a̱mindyioo̱n xota̱ xi ꞌniú ndajiín,
xikónií ngo ndiꞌí xí kꞌo̱.
10Kjo̱a̱nkꞌakoo̱n ta̱ kjo̱a̱xti tsí xi ꞌboxié,
kó xota̱ xi ni̱ma̱kjo̱a̱a̱ boá xi tjiín kjo̱a̱kjínkón.
11Kjo̱a̱cho̱n xi ndajín tsꞌén kasakoo̱, achichí tsá fe,
ta̱nga xota̱ xi tsꞌénxaá, ma tsie ngase kjo̱a̱cho̱o̱n.
12¡Ni xi chiyaá kó fotjosónjín, kjo̱a̱ndasen tsjaá ini̱ma̱ná!
¡Ta̱nga xikónií tsi ngo yaá kjo̱a̱mindyion ma,
kjiꞌanga fotjosón ni xi mejénná si̱ꞌán!
13Kui xi sa̱ꞌínsénjiín ngo kjo̱a̱ xi ko̱e̱ꞌeé, achichí chjí ku̱i̱ꞌíchjí,
ta̱nga kui xi sa̱ꞌínkjatjosoón, ngo kjo̱a̱nda sa̱ko̱ó.
14Ni xi bokoyá xota̱ xi kjínkoón,
xikónií tsi ki̱a̱ tjitjó kjo̱a̱mindyioo̱n,
kó kui nii̱ xi kꞌo̱xiéꞌaá ngi̱ya tsja kjo̱a̱bo̱yaa̱.
15Xota̱ xi tsjá ngo kjo̱a̱botíxoma xi nda, niꞌántjó,
ta̱nga xota̱ xi kixi̱jiín, tsꞌénchájá soboá yojoo̱.
16Xota̱ xi nda tsꞌénkjó ni xi tsꞌén, xota̱ xi kjínkón boá,
ta̱nga xota̱ xi kitikjo̱a̱a̱ bokó kjo̱a̱chi̱nii̱.
17Chji̱ni̱e̱ꞌén xí ndajiín, ni xi ndajiín foeꞌejo̱,
ta̱nga chji̱ni̱e̱ꞌén xí kixi̱i̱, kuí boá xi foeꞌejo̱ná ni xi ndatsꞌénná.
18Kjo̱a̱ni̱ma̱ ko̱jo kjo̱a̱soboá kꞌuieé xota̱ xi tsꞌenchꞌó kjo̱a̱botíxomaa̱,
ta̱nga si̱ꞌandikón boá kui xi jo̱ꞌo maá nga niꞌánchji̱ni̱e̱e̱.
19¡Achichí tsjá máná kjiꞌanga fotjosón ni xi mejeén ini̱ma̱na nga ka̱ma!
¡Ta̱nga xota̱ xi kitikjo̱a̱a̱, achichí chꞌo maá nga kjo̱ta̱xíntꞌaa̱ ni xi ndajiín!
20Xota̱ xi ki̱a̱ tsꞌénkámajo̱ xota̱ xi kjínkoón, kjínkón ka̱ma,
ta̱nga xota̱ xi ki̱a̱ tsꞌénkámajo̱ xota̱ xi kitikjo̱a̱a̱, ndajín ka̱maa̱.
21Ni xi ndajiín boá xi maa̱ xota̱jeé,
ta̱nga xota̱ xi kixi̱i̱ ni xi nda boá xi sa̱ko̱ó.
22Xota̱ xi ndaxotaa̱ ꞌbijñaá ni ndíndeè,
ta̱nga kjo̱a̱cho̱o̱n xota̱jeé, xota̱ xi kixi̱i̱ boá xi sa̱ko̱ó.
23Ngi̱jin kꞌijñaá xota̱ ni̱ma̱a̱, achichí nichinie ꞌbeé,
ta̱nga chaja kuí nii̱ kjiꞌanga kixi̱jín niꞌánseén xotaa̱.
24Xi tsꞌénchjíni̱e̱jín ndií, kjo̱a̱a̱ nga chꞌórií,
ta̱nga xi tjoó ndií, xotí tsꞌénchjíni̱e̱.
25Xota̱ xi kixi̱i̱, kjinie nichinie ngaskande nga nda tsiee̱ ini̱ma̱a̱,
ta̱nga xota̱ xi ꞌniú ndajiín jmíni̱xtjin tsiee̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014