Xota̱ Filipo̱ 3
3
Bi̱ tsꞌén íni̱jmì Pabloo̱ mí ni xi chjí kamá ngasee̱ kui
1Kjo̱a̱a̱ ngayeje ni xi ngasee̱, já ntsꞌie, tsjangatamajnú kjo̱a̱a̱ Ndi̱a̱ná. ꞌBojónjínna nga ti̱ xiyà nginíjnúꞌun ingo ndi̱yà ni xi je katsꞌenꞌindójnúꞌun, ngatꞌa̱ nganda tsa̱jún boá kui nii̱.
2Chónjnú yojojnú kjo̱a̱a̱ kui xota̱ xi ndajiín kui xi xikoó ńñaá, ko̱jo kui xota̱ xi tsꞌén xá xi ndajiín, ko̱jo kui xota̱ xi mejeén nga si̱ꞌáa̱n yojoná sirkunsisio̱n xi jmí ni chjíjiín. 3Ngatꞌa̱ sirkunsisio̱n xi ndaa̱, kuí xí kichꞌiá ñá xi yandikón Néná xikótsꞌèn bokoyáná A̱si̱énni̱xtjii̱n, kó kjimaꞌniátakón ñá ni xi katsꞌén Kristo̱ Kjisoo̱, jmí tsi ni xi kiniꞌaán yojoná. 4Ndatsi an tjínna ngo kjo̱a̱ nga ka̱ma ka̱maꞌniátakón an kui nii̱. Jmíjín ingo xi bo̱a̱ tsꞌén ka̱maꞌniátakón kui nii̱ xikoó an. 5Nda̱ Israee̱l án, kó xi ma jin ni̱xtjin nga katsen an, kiniꞌánna sirkunsisioo̱n. Xota̱ tji̱e̱e̱ Benjaa̱ chjiá an. Nda̱ ebreo̱ án ngi̱jii̱n xota̱ ebreoo̱. Ngo nda fariseo̱ xi katsꞌénkjatjosón cha̱n cha̱n kjo̱a̱kitii̱ Moisee̱ kamá an. 6Achichí ꞌniú askóo̱n nga katsꞌenkjatjosón an kjo̱a̱kitii̱, nga ngaskande tsangatji̱ngíi̱ xota̱ na̱ngo̱xi̱i̱. Kixi̱ kisꞌijña an xikótsꞌèn bokoyá kjo̱a̱kitii̱. Jmíjín xi chꞌo tsꞌén tsíchji̱a̱taꞌinna. 7Ta̱nga ngayeje kui nii̱ xi achichí chjínií kamána ngasꞌe̱, ngotꞌe̱ ꞌne̱, ta̱ngatꞌanii̱ Kristoo̱ ngiti̱ jmí ni chjíjiín kui nii̱ kjimana. 8Kó kjénní nga xikoó tsi ngo ni xi je kichajá kjimana kui nii̱, nga ndse̱je̱n tsꞌén ꞌbijñá an xikó kjiꞌi ꞌniú nda ngase nga be an Kristo̱ Kjisoo̱, Ndi̱a̱na. Ta̱ngatꞌanii̱ Kristoo̱ nga je ijñámasien an ngayeje nii̱, kó xikónií tsi xtjié kjimána kui nii̱, tsi̱ꞌe̱ nga sa̱ꞌin an Kristoo̱, 9kó nga ngo nijan ka̱ma an kui. Mejénjínna kjo̱a̱kixi̱ xi tsa̱ꞌa̱n xi ndibánií nga niꞌánkjatjosón kjo̱a̱kitii̱. Ta̱sá kui kjo̱a̱kixi̱ xi sakóná ta̱ngatꞌanii̱ nga sꞌi̱jinná Kristoo̱. Kó kuí boá xi̱ꞌba̱ kjo̱a̱kixi̱ xi ndibánií Néná ta̱ngatꞌanii̱ nga sꞌijinna.
10Jè ijñámasien an ngayeje nii̱, tsi̱ꞌe̱ nga skuie an Kristoo̱, kó skuie án ngaꞌniú xí katsꞌénkjaꞌáꞌyaá, ko̱jo nga sa̱kóna kjo̱a̱ni̱ma̱ xi jaꞌatio, kó nga xikoó tsi kui ka̱ma an nga kiniꞌánkꞌién kuí, 11bo̱a̱ tsꞌén mejénna nga sa̱kóna an kui kjo̱a̱foaꞌáꞌyaá ngi̱jii̱n xota̱ xi je jesoón.
Bi̱ tsꞌén íni̱jmì Pabloo̱ ni xi kamámejeén jachótji̱ngi nga kisꞌijña
12Jmí tsi bo̱a̱ tꞌíxián an nga je kasako yejena ni xi kixian an, ti̱nde jmí tsi tꞌíxián an nga je kamá an ꞌyání xi tjiín nga ka̱ma an. Ta̱nga ta̱kó tsꞌénfítji̱ngira an ni xi kixian an, tsi̱ꞌe̱ nga sa̱kóna ni xi kamámejeén Kristo̱ Kjisoo̱ nga katsꞌéntsi̱ꞌe̱na. 13Jún ntsꞌie, jmí tsi bo̱a̱ tꞌíxián an nga je jachótji̱ngìi̱ kui nii̱, ta̱kuítsí nii̱ xi tsꞌén an: Nga ngayeje ni xi je kisꞌijña nga̱xto̱n án jè katsꞌenchíyà an, kó án tjítsꞌen an ngo kjo̱a̱ꞌniú tsi̱ꞌe̱ nga kjóchotji̱ngìi̱ ni xi jaskan ka̱ma. 14Tsꞌénfítji̱ngira an nínga chjiéngá kjóchó an, tsi̱ꞌe̱ nga sa̱kóna ni xi niꞌán xi tsjá Néná, Kristo̱ Kjisoo̱ boá xi tjítsꞌénkjién Néná nga tsꞌénchji̱a̱na ndiꞌakꞌajmi jàn.
15Kó kuíni nga ngayeje ñá xi je kamá xí chjiéngá ka̱ma, kuí nii̱ xi chjiéngá kjójintakón. Kó tsi kje̱ꞌe tsꞌén si̱ꞌankjójnú, Néná xí ko̱kójnú nga ndajínkjiꞌi kui nii̱. 16Ta̱nga kui ni xi je jachótji̱ngi ñá, chjiéngá ꞌniú ku̱i̱ndyionjinrá kuí nii̱.
17Jún ntsꞌie, chja̱ꞌángíjnúꞌun an, kó tsitsíjenjnúu̱ kui xota̱ xi bo̱a̱ tsꞌén síndo xikoó kui chi̱bo̱a̱ xi je katseꞌéjne̱ jún. 18Ngatꞌa̱ achichí má xi tjimá kui xi xikoó xota̱ xi je kjín ndi̱yà kixiyajnúꞌun, kó ngaskande kjandá má an ngotꞌe̱ nga xiyà nginíjnúꞌun, nga achichí má xota̱ xi kondra̱ síndonii̱ nga kꞌien Kristoo̱ tꞌa kroo̱. 19Kó nga fetꞌa kju̱i̱e̱ kuí xotaa̱, kui xi nga̱tsꞌo̱a̱ boá xi ndyi̱fítji̱ngi xikoó tsi nee̱, kó mongase kjo̱a̱jee̱ ngi̱jii̱n ni xi chjiéngá tsja̱á kjo̱a̱soboá, kui xi ta̱ nii̱ kui nga̱sondiee̱ tsí xi kjijinkon. 20Ta̱nga ñá ndiꞌakꞌajmi jàn ndokjo̱a̱ ñá, kó ti̱ ndyi̱chiyáa̱ nga ndiꞌakꞌajmii̱ kjindibáni kui xi kꞌo̱xiéꞌáná, kui xi Ndi̱a̱ná Jesukristoo̱. 21Kó kuí boá xi ko̱síkjoyá yojo ni̱ma̱kjo̱a̱ná, tsi̱ꞌe̱ nga xikoó yojoo̱ kjo̱a̱jee̱ kui ka̱ma, kui nii̱ xi sa̱ꞌín nga sa̱ꞌínkjién ngaꞌniú xí tjiín nga botixómaá ngayeje nii̱.
Currently Selected:
Xota̱ Filipo̱ 3: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Xota̱ Filipo̱ 3
3
Bi̱ tsꞌén íni̱jmì Pabloo̱ mí ni xi chjí kamá ngasee̱ kui
1Kjo̱a̱a̱ ngayeje ni xi ngasee̱, já ntsꞌie, tsjangatamajnú kjo̱a̱a̱ Ndi̱a̱ná. ꞌBojónjínna nga ti̱ xiyà nginíjnúꞌun ingo ndi̱yà ni xi je katsꞌenꞌindójnúꞌun, ngatꞌa̱ nganda tsa̱jún boá kui nii̱.
2Chónjnú yojojnú kjo̱a̱a̱ kui xota̱ xi ndajiín kui xi xikoó ńñaá, ko̱jo kui xota̱ xi tsꞌén xá xi ndajiín, ko̱jo kui xota̱ xi mejeén nga si̱ꞌáa̱n yojoná sirkunsisio̱n xi jmí ni chjíjiín. 3Ngatꞌa̱ sirkunsisio̱n xi ndaa̱, kuí xí kichꞌiá ñá xi yandikón Néná xikótsꞌèn bokoyáná A̱si̱énni̱xtjii̱n, kó kjimaꞌniátakón ñá ni xi katsꞌén Kristo̱ Kjisoo̱, jmí tsi ni xi kiniꞌaán yojoná. 4Ndatsi an tjínna ngo kjo̱a̱ nga ka̱ma ka̱maꞌniátakón an kui nii̱. Jmíjín ingo xi bo̱a̱ tsꞌén ka̱maꞌniátakón kui nii̱ xikoó an. 5Nda̱ Israee̱l án, kó xi ma jin ni̱xtjin nga katsen an, kiniꞌánna sirkunsisioo̱n. Xota̱ tji̱e̱e̱ Benjaa̱ chjiá an. Nda̱ ebreo̱ án ngi̱jii̱n xota̱ ebreoo̱. Ngo nda fariseo̱ xi katsꞌénkjatjosón cha̱n cha̱n kjo̱a̱kitii̱ Moisee̱ kamá an. 6Achichí ꞌniú askóo̱n nga katsꞌenkjatjosón an kjo̱a̱kitii̱, nga ngaskande tsangatji̱ngíi̱ xota̱ na̱ngo̱xi̱i̱. Kixi̱ kisꞌijña an xikótsꞌèn bokoyá kjo̱a̱kitii̱. Jmíjín xi chꞌo tsꞌén tsíchji̱a̱taꞌinna. 7Ta̱nga ngayeje kui nii̱ xi achichí chjínií kamána ngasꞌe̱, ngotꞌe̱ ꞌne̱, ta̱ngatꞌanii̱ Kristoo̱ ngiti̱ jmí ni chjíjiín kui nii̱ kjimana. 8Kó kjénní nga xikoó tsi ngo ni xi je kichajá kjimana kui nii̱, nga ndse̱je̱n tsꞌén ꞌbijñá an xikó kjiꞌi ꞌniú nda ngase nga be an Kristo̱ Kjisoo̱, Ndi̱a̱na. Ta̱ngatꞌanii̱ Kristoo̱ nga je ijñámasien an ngayeje nii̱, kó xikónií tsi xtjié kjimána kui nii̱, tsi̱ꞌe̱ nga sa̱ꞌin an Kristoo̱, 9kó nga ngo nijan ka̱ma an kui. Mejénjínna kjo̱a̱kixi̱ xi tsa̱ꞌa̱n xi ndibánií nga niꞌánkjatjosón kjo̱a̱kitii̱. Ta̱sá kui kjo̱a̱kixi̱ xi sakóná ta̱ngatꞌanii̱ nga sꞌi̱jinná Kristoo̱. Kó kuí boá xi̱ꞌba̱ kjo̱a̱kixi̱ xi ndibánií Néná ta̱ngatꞌanii̱ nga sꞌijinna.
10Jè ijñámasien an ngayeje nii̱, tsi̱ꞌe̱ nga skuie an Kristoo̱, kó skuie án ngaꞌniú xí katsꞌénkjaꞌáꞌyaá, ko̱jo nga sa̱kóna kjo̱a̱ni̱ma̱ xi jaꞌatio, kó nga xikoó tsi kui ka̱ma an nga kiniꞌánkꞌién kuí, 11bo̱a̱ tsꞌén mejénna nga sa̱kóna an kui kjo̱a̱foaꞌáꞌyaá ngi̱jii̱n xota̱ xi je jesoón.
Bi̱ tsꞌén íni̱jmì Pabloo̱ ni xi kamámejeén jachótji̱ngi nga kisꞌijña
12Jmí tsi bo̱a̱ tꞌíxián an nga je kasako yejena ni xi kixian an, ti̱nde jmí tsi tꞌíxián an nga je kamá an ꞌyání xi tjiín nga ka̱ma an. Ta̱nga ta̱kó tsꞌénfítji̱ngira an ni xi kixian an, tsi̱ꞌe̱ nga sa̱kóna ni xi kamámejeén Kristo̱ Kjisoo̱ nga katsꞌéntsi̱ꞌe̱na. 13Jún ntsꞌie, jmí tsi bo̱a̱ tꞌíxián an nga je jachótji̱ngìi̱ kui nii̱, ta̱kuítsí nii̱ xi tsꞌén an: Nga ngayeje ni xi je kisꞌijña nga̱xto̱n án jè katsꞌenchíyà an, kó án tjítsꞌen an ngo kjo̱a̱ꞌniú tsi̱ꞌe̱ nga kjóchotji̱ngìi̱ ni xi jaskan ka̱ma. 14Tsꞌénfítji̱ngira an nínga chjiéngá kjóchó an, tsi̱ꞌe̱ nga sa̱kóna ni xi niꞌán xi tsjá Néná, Kristo̱ Kjisoo̱ boá xi tjítsꞌénkjién Néná nga tsꞌénchji̱a̱na ndiꞌakꞌajmi jàn.
15Kó kuíni nga ngayeje ñá xi je kamá xí chjiéngá ka̱ma, kuí nii̱ xi chjiéngá kjójintakón. Kó tsi kje̱ꞌe tsꞌén si̱ꞌankjójnú, Néná xí ko̱kójnú nga ndajínkjiꞌi kui nii̱. 16Ta̱nga kui ni xi je jachótji̱ngi ñá, chjiéngá ꞌniú ku̱i̱ndyionjinrá kuí nii̱.
17Jún ntsꞌie, chja̱ꞌángíjnúꞌun an, kó tsitsíjenjnúu̱ kui xota̱ xi bo̱a̱ tsꞌén síndo xikoó kui chi̱bo̱a̱ xi je katseꞌéjne̱ jún. 18Ngatꞌa̱ achichí má xi tjimá kui xi xikoó xota̱ xi je kjín ndi̱yà kixiyajnúꞌun, kó ngaskande kjandá má an ngotꞌe̱ nga xiyà nginíjnúꞌun, nga achichí má xota̱ xi kondra̱ síndonii̱ nga kꞌien Kristoo̱ tꞌa kroo̱. 19Kó nga fetꞌa kju̱i̱e̱ kuí xotaa̱, kui xi nga̱tsꞌo̱a̱ boá xi ndyi̱fítji̱ngi xikoó tsi nee̱, kó mongase kjo̱a̱jee̱ ngi̱jii̱n ni xi chjiéngá tsja̱á kjo̱a̱soboá, kui xi ta̱ nii̱ kui nga̱sondiee̱ tsí xi kjijinkon. 20Ta̱nga ñá ndiꞌakꞌajmi jàn ndokjo̱a̱ ñá, kó ti̱ ndyi̱chiyáa̱ nga ndiꞌakꞌajmii̱ kjindibáni kui xi kꞌo̱xiéꞌáná, kui xi Ndi̱a̱ná Jesukristoo̱. 21Kó kuí boá xi ko̱síkjoyá yojo ni̱ma̱kjo̱a̱ná, tsi̱ꞌe̱ nga xikoó yojoo̱ kjo̱a̱jee̱ kui ka̱ma, kui nii̱ xi sa̱ꞌín nga sa̱ꞌínkjién ngaꞌniú xí tjiín nga botixómaá ngayeje nii̱.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014