Xki̱ 12
12
Na̱ Riyaa̱ ko̱jo Aaroo̱n chꞌo tsꞌén tsíchji̱a̱taꞌin Moise̱ ntsꞌi̱e̱
1Na̱ Riyaa̱ ko̱jo Aaroo̱n chꞌo tsꞌén tsíchji̱a̱taꞌin Moise̱ ntsꞌi̱e̱, ngatꞌa̱ ngo na̱ xi chji̱a̱ni Etiopía̱ kisꞌijñajo̱, kó jmí tsi ngo na̱ Ebreo̱. 2Kó bi̱ katsó: A ta̱ Moisee̱ tsí xi tsíchji̱a̱jo Néná. Ko̱jo ñá boá xi tsíchji̱a̱joná nga.
Kó Néná tsintꞌieé ni xi katsó, 3kó tsjajín kamaá ni xi tsintꞌié, ngatꞌa̱ Moisee̱ kuí boá xi ꞌniú ni̱ma̱kjo̱a̱ ngi̱jii̱n ngayeje xota̱ xi tjín nga̱sondiee̱. 4Kósꞌe̱ Néná tsíchji̱a̱a̱ Moisee̱, ko̱jo Aaroo̱n ko̱jo na̱ Riyaa̱, kó bi̱ katsoó: Tangínjnú ki̱a̱ ndiꞌandikoón.
Ngije kijí nga jaán, 5Néná jatjajenni kui ṉdi̱ xi ja̱kjiꞌi yásé má kjiꞌi, kó ki̱a̱ kisꞌijña nínga bitjasꞌi̱e̱nnii̱ ndiꞌandikoón, kó tsíchji̱a̱a̱ Aaroo̱n ko̱jo na̱ Riyaa̱, kó ngije jachókón tiñaa̱, 6-8Néná bi̱ katsoó nga jaán:
Nda má tasiénijónjnúꞌun. Ánní nga ma kon takónjnú nga chꞌo tsꞌén ndyi̱ndokjo̱a̱taꞌínjnú Moisee̱. Jè yàjnú jún nga kjiꞌanga tjín ni xi xiyàjnúꞌun, kjiꞌanga ngo chji̱ni̱e̱ꞌén tsꞌénkjién án, kuí boá kui chji̱ni̱e̱ꞌe̱én xi chjiájo an nga bokóo̱ ngo ni, ko̱jo tsi ngi̱jin ńjñaá chjiájo an. Ta̱nga Moisee̱, kuí boá xi ta̱nisién ꞌniáko̱n an ngi̱jii̱n ngayeje xota̱ xi tsꞌénxátꞌana, kó tíkje̱n tíkje̱n chjiájo an kui. Kó kuí boá xi xiya cha̱n cha̱a̱n nii̱, kó tsjandiè an nga be kje̱n án.
9Kó Néná xín kijí, ngatꞌa̱ achichí ꞌniú katsꞌénxchán. 10Kó ngije xín kijíboaꞌá kui ṉdi̱i̱ ki̱a̱ nínga tikón ndiꞌandikoón, na̱ Riyaa̱ chiꞌin xi tsꞌénkjátsón tji̱xin yojoná katsoboaá. ¡Kó tji̱xin yojoo̱ tiboa xó xó kamá!
Nga kamábe Aaroo̱n nga bo̱a̱ kjiꞌi na̱ Riyaa̱, 11bi̱ katsoó Moisee̱:
Ti̱ꞌinjetakínjne̱, ngo kjo̱a̱nda, kó ngata̱ niꞌínjéjínjne̱ kjo̱a̱a̱ kui jé xí kiniꞌánjne̱. Ta̱ kjo̱a̱chi̱ni boá ni xi kiniꞌánjne̱. 12Tji̱xin yojoo̱ na̱ Riyaa̱ je jatson yeje, bo̱a̱ má kamaá xikó maá tji̱xin yojoo̱ ngo ndí kꞌien xi katsen xtió. ¡Ngo kjo̱a̱nda míꞌaá, chji̱e̱ꞌèe̱ Néná nga sa̱ꞌíndaya!
13Kósꞌe̱ Moisee̱ tsíꞌaá Néná nga ka̱mandaya na̱ Riyaa̱, 14kó Néná bi̱ katsoó Moisee̱:
—Tsi na̱ꞌmii̱ xi atítiajón kje̱n, achichíra̱ soboá ka̱maa̱ nga ngaskande chjiéngá yito ni̱xtjin kꞌuijñá ndi̱tsee̱n nínga síndo ndiꞌaa̱. Ja̱ ja̱bo̱a̱ tsꞌén nga niꞌánjeé.
15Kó kuíni nga na̱ Riyaa̱ yito ni̱xtjin kisꞌijña ndi̱tsee̱n nínga síndo ndiꞌaa̱, kó ngayeje kui ni̱xtjii̱n nga kamátíyájiín ngi̱ndie nínga síndo ndiꞌaa̱ xotaa̱. 16Sꞌe̱ jaskan kijí nangi Aseroo̱t, kó nde chií katsꞌénkjaꞌyájín ngaskande nga jachó ngi̱ndie kixií Paraa̱n.
Currently Selected:
Xki̱ 12: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Xki̱ 12
12
Na̱ Riyaa̱ ko̱jo Aaroo̱n chꞌo tsꞌén tsíchji̱a̱taꞌin Moise̱ ntsꞌi̱e̱
1Na̱ Riyaa̱ ko̱jo Aaroo̱n chꞌo tsꞌén tsíchji̱a̱taꞌin Moise̱ ntsꞌi̱e̱, ngatꞌa̱ ngo na̱ xi chji̱a̱ni Etiopía̱ kisꞌijñajo̱, kó jmí tsi ngo na̱ Ebreo̱. 2Kó bi̱ katsó: A ta̱ Moisee̱ tsí xi tsíchji̱a̱jo Néná. Ko̱jo ñá boá xi tsíchji̱a̱joná nga.
Kó Néná tsintꞌieé ni xi katsó, 3kó tsjajín kamaá ni xi tsintꞌié, ngatꞌa̱ Moisee̱ kuí boá xi ꞌniú ni̱ma̱kjo̱a̱ ngi̱jii̱n ngayeje xota̱ xi tjín nga̱sondiee̱. 4Kósꞌe̱ Néná tsíchji̱a̱a̱ Moisee̱, ko̱jo Aaroo̱n ko̱jo na̱ Riyaa̱, kó bi̱ katsoó: Tangínjnú ki̱a̱ ndiꞌandikoón.
Ngije kijí nga jaán, 5Néná jatjajenni kui ṉdi̱ xi ja̱kjiꞌi yásé má kjiꞌi, kó ki̱a̱ kisꞌijña nínga bitjasꞌi̱e̱nnii̱ ndiꞌandikoón, kó tsíchji̱a̱a̱ Aaroo̱n ko̱jo na̱ Riyaa̱, kó ngije jachókón tiñaa̱, 6-8Néná bi̱ katsoó nga jaán:
Nda má tasiénijónjnúꞌun. Ánní nga ma kon takónjnú nga chꞌo tsꞌén ndyi̱ndokjo̱a̱taꞌínjnú Moisee̱. Jè yàjnú jún nga kjiꞌanga tjín ni xi xiyàjnúꞌun, kjiꞌanga ngo chji̱ni̱e̱ꞌén tsꞌénkjién án, kuí boá kui chji̱ni̱e̱ꞌe̱én xi chjiájo an nga bokóo̱ ngo ni, ko̱jo tsi ngi̱jin ńjñaá chjiájo an. Ta̱nga Moisee̱, kuí boá xi ta̱nisién ꞌniáko̱n an ngi̱jii̱n ngayeje xota̱ xi tsꞌénxátꞌana, kó tíkje̱n tíkje̱n chjiájo an kui. Kó kuí boá xi xiya cha̱n cha̱a̱n nii̱, kó tsjandiè an nga be kje̱n án.
9Kó Néná xín kijí, ngatꞌa̱ achichí ꞌniú katsꞌénxchán. 10Kó ngije xín kijíboaꞌá kui ṉdi̱i̱ ki̱a̱ nínga tikón ndiꞌandikoón, na̱ Riyaa̱ chiꞌin xi tsꞌénkjátsón tji̱xin yojoná katsoboaá. ¡Kó tji̱xin yojoo̱ tiboa xó xó kamá!
Nga kamábe Aaroo̱n nga bo̱a̱ kjiꞌi na̱ Riyaa̱, 11bi̱ katsoó Moisee̱:
Ti̱ꞌinjetakínjne̱, ngo kjo̱a̱nda, kó ngata̱ niꞌínjéjínjne̱ kjo̱a̱a̱ kui jé xí kiniꞌánjne̱. Ta̱ kjo̱a̱chi̱ni boá ni xi kiniꞌánjne̱. 12Tji̱xin yojoo̱ na̱ Riyaa̱ je jatson yeje, bo̱a̱ má kamaá xikó maá tji̱xin yojoo̱ ngo ndí kꞌien xi katsen xtió. ¡Ngo kjo̱a̱nda míꞌaá, chji̱e̱ꞌèe̱ Néná nga sa̱ꞌíndaya!
13Kósꞌe̱ Moisee̱ tsíꞌaá Néná nga ka̱mandaya na̱ Riyaa̱, 14kó Néná bi̱ katsoó Moisee̱:
—Tsi na̱ꞌmii̱ xi atítiajón kje̱n, achichíra̱ soboá ka̱maa̱ nga ngaskande chjiéngá yito ni̱xtjin kꞌuijñá ndi̱tsee̱n nínga síndo ndiꞌaa̱. Ja̱ ja̱bo̱a̱ tsꞌén nga niꞌánjeé.
15Kó kuíni nga na̱ Riyaa̱ yito ni̱xtjin kisꞌijña ndi̱tsee̱n nínga síndo ndiꞌaa̱, kó ngayeje kui ni̱xtjii̱n nga kamátíyájiín ngi̱ndie nínga síndo ndiꞌaa̱ xotaa̱. 16Sꞌe̱ jaskan kijí nangi Aseroo̱t, kó nde chií katsꞌénkjaꞌyájín ngaskande nga jachó ngi̱ndie kixií Paraa̱n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014