Markoo̱ 1
1
Bi̱ tsꞌén íni̱jmì Jua̱ xi botíndaá eén Néná
(Mat 3:1-12; Rka 3:1-9,15-17; Jua 1:19-28)
1Bi̱ tsꞌén ꞌbítsi̱ya éntjatsi̱e̱ xi chji̱a̱ kjo̱a̱a̱ Jesukristoo̱, xi ndií Néná.
2Xikó tsꞌén kjitꞌa xo̱jo̱n xi katsꞌénꞌindó nda̱chji̱ni̱e̱ꞌe̱én Néná xi ꞌmí Isayaa̱, nínga bi̱ tsoó:
Kꞌi̱e̱ sangiyatjoón an chji̱ni̱e̱ꞌénna,
tsi̱ꞌe̱ nga ku̱i̱ꞌíjñanda ndi̱yàa̱ ngindyikin ji.
3Ndaꞌyaá ngo nda̱ xi kjandayà nangi kixií, xi bi̱ tsó:
“Tꞌíjñandajnúu̱ ndi̱ya̱à Ndi̱a̱a̱,
ti̱ꞌankixi̱jnú ndi̱ya̱à kui.”
4Kó ki̱a̱ jachó Juaa̱ nangi kixií tsi̱ꞌe̱ nga atíndá xotaa̱, kó íni̱jmì nga sa̱tíndá, tsi̱ꞌe̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, tsi̱ꞌe̱ nga si̱ꞌanjetakoón. 5Kó ngayeje xota̱ xi tjín nangi Jundea̱, ko̱jo ngayeje xota̱ xi tjín na̱xi̱ńdáꞌniú Jerusale̱n, jataxie nga tsintꞌieé. Kó Juaa̱ atíndá kuí xotaa̱ ngi̱jii̱n ndejèꞌ Jorndaa̱n, kó ki̱a̱ katsóyà jeé.
6Ńjño xi tsajá Juaa̱ tsja̱a̱ cho̱toꞌoyitsꞌe̱n kamándani, kó ngo tji̱xin íkjá ndáyaá, kó chjo̱bo̱a̱ ko̱jo ntsjién xí ꞌbé ngindie kꞌijñá jàn xí iskjinie. 7Bi̱ katsó nga íni̱jmì:
–Jaskan an ndibá ngo nda̱ xi tjín ngasee̱ ngaꞌniú, kó ngaskande an tsoboájínna nga kotíjña̱ndo an nga skjíndóo̱ ńꞌniuú tji̱xíndieé. 8An, nga ja̱koxi̱ ndáfoa xí atindáníjnúꞌun, ta̱nga kui xi sꞌe̱ kji̱ndi̱baá, A̱si̱énni̱xtjii̱n Néná xí ko̱tíndánijnú.
Bi̱ tsꞌén kastindá Kjisoo̱
(Mat 3:13-17; Rka 3:21-22)
9Kui ni̱xtjin jàn, Kjisoo̱ jatjoni na̱xi̱ńdáꞌniú Nasaree̱t, ngo ngi̱ndie xi tikón nangi Ngalilea̱, kó Juaa̱ atíndá Kjisoo̱ ki̱a̱ ngi̱jin ndejèꞌ Jorndaa̱n. 10Kó nga tsꞌénfotaxiejin ngi̱jin ndáfoaa̱, Kjisoo̱ kamábe nga katjoxꞌá ndiꞌakꞌajmi jàn, kó nga A̱si̱énni̱xtjii̱n Néná ja̱kjiꞌi tójo má kjiꞌi nga kjindibánié. 11Kó kandaꞌyáa̱ ngo nda̱ ndiꞌakꞌajmi jàn xi bi̱ katsó:
–Jí xí ndí tjóna ji, ꞌniú tsjátjínna kjo̱a̱a̱ ji.
Bi̱ tsꞌén kachjatꞌayákón Kjisoo̱
(Mat 4:1-11; Rka 4:1-13)
12Ngije kamá kui nii̱, A̱si̱énni̱xtjii̱n Néná tji̱e̱nmá kijíjo̱ Kjisoo̱ nangi kixií. 13Kó ki̱a̱ kisꞌijña yichán ni̱xtjin, sꞌe̱ xindajín Satanaa̱ askotꞌayákón. Kó ngi̱jii̱n cho̱ tamá kisꞌijña, kó ndítsjiee̱ Néná katsꞌénseén Kjisoo̱.
Bi̱ tsꞌén ítsꞌi̱yanii̱ Kjisoo̱ nga katsꞌén xaá
(Mat 4:12-17; Rka 4:14-15)
14Kó ngije kanangisꞌien ndo̱bo̱a̱yà Juaa̱, Kjisoo̱ kijí nangi Ngalilea̱ nga íni̱jmì éntjatsi̱e̱e̱ Néná. 15Kó bi̱ katsó:
–Jè jachó ni̱xtjin, kó Néná jè tsá ko̱tíxoma, ti̱ꞌankꞌoyàjnú yojojnú, kó ti̱ꞌansꞌijinjnú éntjatsi̱e̱e̱ Néná.
Kjisoo̱ bi̱ tsꞌén tsíchji̱a̱a̱ nijón já xí tsoboá tji̱o̱
(Mat 4:18-22; Rka 5:1-11)
16Kó nga tsoꞌbá Kjisoo̱ tꞌa ngi̱ndiò xí tikón nangi Ngalilea̱, kamábe nda̱ xi ꞌmí Ximoo̱, ko̱jo ntsꞌi̱e̱ kui nda̱a̱ kui xi ꞌmí Jandree̱ nga nda̱ꞌya ndyi̱mejèn ngi̱jin ndáfoaa̱, ngatꞌa̱ xá tji̱o̱ katsꞌén kui jaá. 17Kó Kjisoo̱, bi̱ katsoó:
–Ndibátjingijnúꞌun, kó án xí sa̱ꞌinjnúꞌun nga ta̱sá xota̱ xi kꞌuitíkójnú, xikoó tsi tji̱o̱ xi ko̱ndo̱bo̱a̱jnú.
18Kó ti̱ kjiꞌa índomasien nda̱ꞌya̱a̱, kó kijítji̱ngii̱ Kjisoo̱.
19Kó ngi̱chí boaꞌá kijí Kjisoo̱, sꞌe̱ kamábe nda̱ xi ꞌmí Sandiyaá, ko̱jo ntsꞌi̱e̱ kui nda̱a̱ xi ꞌmí Juaa̱, ndií nda̱ xi ꞌmí Sebendeoo̱, kui jaá ngo ngi̱ya tjotso je síndo nínga ndyi̱kjóyajin nda̱ꞌya̱a̱. 20Kó Kjisoo̱ tji̱e̱nmá tsíchji̱a̱a̱, kó kui jaá ngi̱ya tjotso jee̱ íjñá Sebendeo̱ kui xi na̱ꞌmi manii̱, ko̱jo moso̱ xi ngase xi bosikójo, kó ki̱a̱ kijítji̱ngii̱ Kjisoo̱.
Bi̱ tsꞌén katsꞌéndaya Kjisoo̱ ngo nda̱ xi tjíjii̱n a̱siénni̱xtjin xi ndajín
(Rka 4:31-37)
21Sꞌe̱ Kjisoo̱ ko̱jo xota̱a̱ jachó na̱xi̱ńdáꞌniú Kapernau̱n, kó nga ni̱xtjin ndikón, tsꞌasꞌien ndiꞌa nínga ndokjo̱a̱ eén Néná, kó ítsꞌi̱yani nga akóyá eén Néná. 22Kó xotaa̱ kijíndikoón xikótsꞌèn akóyá Kjisoo̱, ngatꞌa̱ akóyá xikó maá tsi xá tjiín, jmí tsi xikótsꞌèn bokoyá já chji̱ni̱e̱kjo̱a̱kitii̱. 23Kó ki̱a̱ ndiꞌa nínga ndokjo̱a̱ eén Néná, kisꞌijña ngo nda̱ xi tjíjii̱n ngi̱jin yojoo̱ ngo a̱siénni̱xtjin xi ndajín, xi bi̱ katsó nga askjandáyà:
24Mí xí tjiín kjo̱a̱a̱ ji̱n, Kjiso̱ xi chji̱a̱ni Nasaree̱t. A jè kjoéꞌe̱ niꞌínkjiéjne̱. Jè be an ꞌyání jí, kó jè be an nga ji xi xota̱ tsjiee̱ Néná.
25Kó Kjisoo̱ katsꞌénxchánjo̱ kui a̱siénni̱xtjin xi ndajiín, nga bi̱ katsoó:
¡Se niꞌín ji, kó ti̱tjaxi̱e̱jin ji ngi̱jin yojoo̱ kui nda̱a̱!
26Kó kui a̱siénni̱xtjin xi ndajiín ꞌniú ítsanieyá kui nda̱a̱, kó ꞌniú askjandáyà, sꞌe̱ jatjoxiejii̱n yojoo̱. 27Kó ngayeje xotaa̱ nga achichí katsakjónní, kó bi̱ katsó ja̱kꞌi̱e̱ ja̱ngaján nga asíyaá xkjín:
–Mí ni xi̱ꞌbi̱. ¡Kui nda̱a̱ ngo ni tja̱tsi̱e̱ tsꞌénbokoyá, kó xikoó tsi xá tjiín! ¡Ngaskande a̱siénni̱xtjin xi ndajín botixómaá, kó ntꞌiéꞌeén!
28Kó ꞌniú tsá kandaꞌyá kjo̱a̱a̱ Kjisoo̱, ngayeje nangi xi tjín Ngalilea̱.
Bi̱ tsꞌén katsꞌéndaya Kjisoo̱ ṉchiꞌyaá Peé ko̱jo kjín xota̱ xi oo̱n
(Mat 8:14-15; Rka 4:38-39)
29Kó ngije jatjo ndiꞌa nínga ndokjo̱a̱ eén Néná, Kjisoo̱, ko̱jo Sandiyaá, ko̱jo Juaa̱, kijí ndiꞌaa̱ nda̱ xi ꞌmí Ximoo̱ ko̱jo Jandree̱. 30Kó ṉchiꞌyaá Peé ṉtꞌe̱ kjiꞌijñajo̱. Kó ti̱ kjiꞌa kiꞌmíyaà Kjisoo̱, 31kósꞌe̱ Kjisoo̱ kijíkóntiñaa̱ kui xota̱chjo̱on, iskjíbé tsja kó katsꞌénkjastjíe̱n, kó ti̱ kjiꞌa kichajá ṉtꞌe̱e̱, kó kui xota̱chjo̱on katsꞌénseén kui jaá ngijee̱.
Bi̱ tsꞌén katsꞌéndaya Kjisoo̱ kjín xota̱ xi oo̱n
(Mat 8:16-17; Rka 4:40-41)
32Kó nga makꞌatjé tsꞌueé, ngije kjimaꞌña̱, tsangínjoo̱ Kjisoo̱ ngayeje xota̱ xi oo̱n ko̱jo xi síndojii̱n xindajín ngi̱jin yojoo̱, 33kó ngayeje xota̱ na̱xi̱ńdaá kamátikó nga̱ntjo̱a̱a̱ ndiꞌa nínga tikón. 34Kó Kjisoo̱ katsꞌéndaya ngayeje to̱ko̱ya chiꞌin xi tjiín kjín xota̱, kó kjín xindajín tsꞌaxié, kó katsjandièjiín nga ku̱i̱chji̱a̱, ngatꞌa̱ kui xindajiín jè be ꞌyá kuí bo̱a̱ xi Kjisoo̱.
Bi̱ tsꞌén íni̱jmì Kjisoo̱ eén Néná nangi Ngalilea̱
(Rka 4:42-44)
35Ngo ndi̱yà nga achichí ta̱jñó, nga jñóyà ngasee̱, jastjíe̱n Kjisoo̱, kó kijí ngo ngi̱ndie tꞌaxín nga kijíchji̱a̱a̱ Néná. 36Kó Ximoo̱ ko̱jo xota̱ xi síndojo̱ kijíngase Kjisoo̱, 37kó ngije kasakoo̱, bi̱ katsoó:
–Ngayeje xotaa̱ ndyi̱mongasee̱ ji.
38Kó Kjisoo̱, bi̱ katsoó:
–Tjiàn nangi xi síndotꞌa kui ngi̱ndiee̱, tsi̱ꞌe̱ nga ko̱jo ki̱a̱ kꞌuini̱jmì án eén Néná, ngatꞌa̱ kuí xá jéꞌe̱ an.
39Kó bo̱a̱ tsꞌén Kjisoo̱ íni̱jmì eén Néná ki̱a̱ ndiꞌa nínga ndokjo̱a̱ eén Néná xí tsi̱ꞌe̱ kui xotaa̱, xi síndo ngayeje nangi Ngalilea̱, kó tsꞌaxié xindajín xi kisꞌińdojii̱n xotaa̱.
Bi̱ tsꞌén katsꞌéndaya Kjisoo̱ ngo nda̱ xi tjiín chiꞌin xi tsꞌénkjátsón tji̱xin yojoná
(Mat 8:1-4; Rka 5:12-16)
40Kó jachókoón Kjisoo̱ ngo nda̱ xi tjiín chiꞌin xi tsꞌénkjátsón tji̱xin yojoná xi asiéntꞌaa̱tikoó, kó bi̱ katsoó:
–Tsi ji xi mejeén ka̱ma ti̱ꞌintsjiejínní nga xtjo̱ꞌóxín chiꞌinna.
41Kó Kjisoo̱ ni̱ma̱ kamaá kui nda̱a̱, yejénnié tsja, katsꞌénjo̱, kó bi̱ katsoó:
–Mejénna, ngatamatsjiejón ji.
42Kó ti̱ kjiꞌa kichajá chiꞌin xi tsꞌénkjátsón tji̱xin yojoná xí koo̱n kui nda̱a̱, kó kamátsjiejón. 43Kó Kjisoo̱ katsꞌénkjí, sꞌe̱ ꞌniú tsíꞌaá nga bi̱ katsoó:
44–Jéꞌe̱n, ngata̱ ꞌyàjín xi ꞌmíyée̱ kui nii̱, ta̱sá tꞌenchíi̱n chináꞌmii̱, kó takèe̱ yojòo̱, sꞌe̱ te̱ꞌé ji ngo chji̱e̱ xikó kjiꞌi xi si̱ꞌankꞌasꞌien xi katsó kjo̱a̱kitii̱ Moisee̱, tsi̱ꞌe̱ nga sku̱i̱e̱ kui jaá nga je kamándaya ji.
45Ta̱nga kui nda̱a̱ ngije kijí, ítsꞌi̱yanii̱ nga íni̱jmi̱ì ngayeje xotaa̱ kui ni xi kamátaꞌin, kuíni nga Kjisoo̱ ngiti̱ ka̱májín nga nda tsꞌasꞌien na̱xi̱ńdáꞌniuú, ta̱sá tꞌa ṉdi̱a̱ kisꞌijña nínga jmí xota̱jín, kó jachókoón xota̱ xi chji̱a̱ni ta̱jñà nanginí.
Currently Selected:
Markoo̱ 1: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Markoo̱ 1
1
Bi̱ tsꞌén íni̱jmì Jua̱ xi botíndaá eén Néná
(Mat 3:1-12; Rka 3:1-9,15-17; Jua 1:19-28)
1Bi̱ tsꞌén ꞌbítsi̱ya éntjatsi̱e̱ xi chji̱a̱ kjo̱a̱a̱ Jesukristoo̱, xi ndií Néná.
2Xikó tsꞌén kjitꞌa xo̱jo̱n xi katsꞌénꞌindó nda̱chji̱ni̱e̱ꞌe̱én Néná xi ꞌmí Isayaa̱, nínga bi̱ tsoó:
Kꞌi̱e̱ sangiyatjoón an chji̱ni̱e̱ꞌénna,
tsi̱ꞌe̱ nga ku̱i̱ꞌíjñanda ndi̱yàa̱ ngindyikin ji.
3Ndaꞌyaá ngo nda̱ xi kjandayà nangi kixií, xi bi̱ tsó:
“Tꞌíjñandajnúu̱ ndi̱ya̱à Ndi̱a̱a̱,
ti̱ꞌankixi̱jnú ndi̱ya̱à kui.”
4Kó ki̱a̱ jachó Juaa̱ nangi kixií tsi̱ꞌe̱ nga atíndá xotaa̱, kó íni̱jmì nga sa̱tíndá, tsi̱ꞌe̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, tsi̱ꞌe̱ nga si̱ꞌanjetakoón. 5Kó ngayeje xota̱ xi tjín nangi Jundea̱, ko̱jo ngayeje xota̱ xi tjín na̱xi̱ńdáꞌniú Jerusale̱n, jataxie nga tsintꞌieé. Kó Juaa̱ atíndá kuí xotaa̱ ngi̱jii̱n ndejèꞌ Jorndaa̱n, kó ki̱a̱ katsóyà jeé.
6Ńjño xi tsajá Juaa̱ tsja̱a̱ cho̱toꞌoyitsꞌe̱n kamándani, kó ngo tji̱xin íkjá ndáyaá, kó chjo̱bo̱a̱ ko̱jo ntsjién xí ꞌbé ngindie kꞌijñá jàn xí iskjinie. 7Bi̱ katsó nga íni̱jmì:
–Jaskan an ndibá ngo nda̱ xi tjín ngasee̱ ngaꞌniú, kó ngaskande an tsoboájínna nga kotíjña̱ndo an nga skjíndóo̱ ńꞌniuú tji̱xíndieé. 8An, nga ja̱koxi̱ ndáfoa xí atindáníjnúꞌun, ta̱nga kui xi sꞌe̱ kji̱ndi̱baá, A̱si̱énni̱xtjii̱n Néná xí ko̱tíndánijnú.
Bi̱ tsꞌén kastindá Kjisoo̱
(Mat 3:13-17; Rka 3:21-22)
9Kui ni̱xtjin jàn, Kjisoo̱ jatjoni na̱xi̱ńdáꞌniú Nasaree̱t, ngo ngi̱ndie xi tikón nangi Ngalilea̱, kó Juaa̱ atíndá Kjisoo̱ ki̱a̱ ngi̱jin ndejèꞌ Jorndaa̱n. 10Kó nga tsꞌénfotaxiejin ngi̱jin ndáfoaa̱, Kjisoo̱ kamábe nga katjoxꞌá ndiꞌakꞌajmi jàn, kó nga A̱si̱énni̱xtjii̱n Néná ja̱kjiꞌi tójo má kjiꞌi nga kjindibánié. 11Kó kandaꞌyáa̱ ngo nda̱ ndiꞌakꞌajmi jàn xi bi̱ katsó:
–Jí xí ndí tjóna ji, ꞌniú tsjátjínna kjo̱a̱a̱ ji.
Bi̱ tsꞌén kachjatꞌayákón Kjisoo̱
(Mat 4:1-11; Rka 4:1-13)
12Ngije kamá kui nii̱, A̱si̱énni̱xtjii̱n Néná tji̱e̱nmá kijíjo̱ Kjisoo̱ nangi kixií. 13Kó ki̱a̱ kisꞌijña yichán ni̱xtjin, sꞌe̱ xindajín Satanaa̱ askotꞌayákón. Kó ngi̱jii̱n cho̱ tamá kisꞌijña, kó ndítsjiee̱ Néná katsꞌénseén Kjisoo̱.
Bi̱ tsꞌén ítsꞌi̱yanii̱ Kjisoo̱ nga katsꞌén xaá
(Mat 4:12-17; Rka 4:14-15)
14Kó ngije kanangisꞌien ndo̱bo̱a̱yà Juaa̱, Kjisoo̱ kijí nangi Ngalilea̱ nga íni̱jmì éntjatsi̱e̱e̱ Néná. 15Kó bi̱ katsó:
–Jè jachó ni̱xtjin, kó Néná jè tsá ko̱tíxoma, ti̱ꞌankꞌoyàjnú yojojnú, kó ti̱ꞌansꞌijinjnú éntjatsi̱e̱e̱ Néná.
Kjisoo̱ bi̱ tsꞌén tsíchji̱a̱a̱ nijón já xí tsoboá tji̱o̱
(Mat 4:18-22; Rka 5:1-11)
16Kó nga tsoꞌbá Kjisoo̱ tꞌa ngi̱ndiò xí tikón nangi Ngalilea̱, kamábe nda̱ xi ꞌmí Ximoo̱, ko̱jo ntsꞌi̱e̱ kui nda̱a̱ kui xi ꞌmí Jandree̱ nga nda̱ꞌya ndyi̱mejèn ngi̱jin ndáfoaa̱, ngatꞌa̱ xá tji̱o̱ katsꞌén kui jaá. 17Kó Kjisoo̱, bi̱ katsoó:
–Ndibátjingijnúꞌun, kó án xí sa̱ꞌinjnúꞌun nga ta̱sá xota̱ xi kꞌuitíkójnú, xikoó tsi tji̱o̱ xi ko̱ndo̱bo̱a̱jnú.
18Kó ti̱ kjiꞌa índomasien nda̱ꞌya̱a̱, kó kijítji̱ngii̱ Kjisoo̱.
19Kó ngi̱chí boaꞌá kijí Kjisoo̱, sꞌe̱ kamábe nda̱ xi ꞌmí Sandiyaá, ko̱jo ntsꞌi̱e̱ kui nda̱a̱ xi ꞌmí Juaa̱, ndií nda̱ xi ꞌmí Sebendeoo̱, kui jaá ngo ngi̱ya tjotso je síndo nínga ndyi̱kjóyajin nda̱ꞌya̱a̱. 20Kó Kjisoo̱ tji̱e̱nmá tsíchji̱a̱a̱, kó kui jaá ngi̱ya tjotso jee̱ íjñá Sebendeo̱ kui xi na̱ꞌmi manii̱, ko̱jo moso̱ xi ngase xi bosikójo, kó ki̱a̱ kijítji̱ngii̱ Kjisoo̱.
Bi̱ tsꞌén katsꞌéndaya Kjisoo̱ ngo nda̱ xi tjíjii̱n a̱siénni̱xtjin xi ndajín
(Rka 4:31-37)
21Sꞌe̱ Kjisoo̱ ko̱jo xota̱a̱ jachó na̱xi̱ńdáꞌniú Kapernau̱n, kó nga ni̱xtjin ndikón, tsꞌasꞌien ndiꞌa nínga ndokjo̱a̱ eén Néná, kó ítsꞌi̱yani nga akóyá eén Néná. 22Kó xotaa̱ kijíndikoón xikótsꞌèn akóyá Kjisoo̱, ngatꞌa̱ akóyá xikó maá tsi xá tjiín, jmí tsi xikótsꞌèn bokoyá já chji̱ni̱e̱kjo̱a̱kitii̱. 23Kó ki̱a̱ ndiꞌa nínga ndokjo̱a̱ eén Néná, kisꞌijña ngo nda̱ xi tjíjii̱n ngi̱jin yojoo̱ ngo a̱siénni̱xtjin xi ndajín, xi bi̱ katsó nga askjandáyà:
24Mí xí tjiín kjo̱a̱a̱ ji̱n, Kjiso̱ xi chji̱a̱ni Nasaree̱t. A jè kjoéꞌe̱ niꞌínkjiéjne̱. Jè be an ꞌyání jí, kó jè be an nga ji xi xota̱ tsjiee̱ Néná.
25Kó Kjisoo̱ katsꞌénxchánjo̱ kui a̱siénni̱xtjin xi ndajiín, nga bi̱ katsoó:
¡Se niꞌín ji, kó ti̱tjaxi̱e̱jin ji ngi̱jin yojoo̱ kui nda̱a̱!
26Kó kui a̱siénni̱xtjin xi ndajiín ꞌniú ítsanieyá kui nda̱a̱, kó ꞌniú askjandáyà, sꞌe̱ jatjoxiejii̱n yojoo̱. 27Kó ngayeje xotaa̱ nga achichí katsakjónní, kó bi̱ katsó ja̱kꞌi̱e̱ ja̱ngaján nga asíyaá xkjín:
–Mí ni xi̱ꞌbi̱. ¡Kui nda̱a̱ ngo ni tja̱tsi̱e̱ tsꞌénbokoyá, kó xikoó tsi xá tjiín! ¡Ngaskande a̱siénni̱xtjin xi ndajín botixómaá, kó ntꞌiéꞌeén!
28Kó ꞌniú tsá kandaꞌyá kjo̱a̱a̱ Kjisoo̱, ngayeje nangi xi tjín Ngalilea̱.
Bi̱ tsꞌén katsꞌéndaya Kjisoo̱ ṉchiꞌyaá Peé ko̱jo kjín xota̱ xi oo̱n
(Mat 8:14-15; Rka 4:38-39)
29Kó ngije jatjo ndiꞌa nínga ndokjo̱a̱ eén Néná, Kjisoo̱, ko̱jo Sandiyaá, ko̱jo Juaa̱, kijí ndiꞌaa̱ nda̱ xi ꞌmí Ximoo̱ ko̱jo Jandree̱. 30Kó ṉchiꞌyaá Peé ṉtꞌe̱ kjiꞌijñajo̱. Kó ti̱ kjiꞌa kiꞌmíyaà Kjisoo̱, 31kósꞌe̱ Kjisoo̱ kijíkóntiñaa̱ kui xota̱chjo̱on, iskjíbé tsja kó katsꞌénkjastjíe̱n, kó ti̱ kjiꞌa kichajá ṉtꞌe̱e̱, kó kui xota̱chjo̱on katsꞌénseén kui jaá ngijee̱.
Bi̱ tsꞌén katsꞌéndaya Kjisoo̱ kjín xota̱ xi oo̱n
(Mat 8:16-17; Rka 4:40-41)
32Kó nga makꞌatjé tsꞌueé, ngije kjimaꞌña̱, tsangínjoo̱ Kjisoo̱ ngayeje xota̱ xi oo̱n ko̱jo xi síndojii̱n xindajín ngi̱jin yojoo̱, 33kó ngayeje xota̱ na̱xi̱ńdaá kamátikó nga̱ntjo̱a̱a̱ ndiꞌa nínga tikón. 34Kó Kjisoo̱ katsꞌéndaya ngayeje to̱ko̱ya chiꞌin xi tjiín kjín xota̱, kó kjín xindajín tsꞌaxié, kó katsjandièjiín nga ku̱i̱chji̱a̱, ngatꞌa̱ kui xindajiín jè be ꞌyá kuí bo̱a̱ xi Kjisoo̱.
Bi̱ tsꞌén íni̱jmì Kjisoo̱ eén Néná nangi Ngalilea̱
(Rka 4:42-44)
35Ngo ndi̱yà nga achichí ta̱jñó, nga jñóyà ngasee̱, jastjíe̱n Kjisoo̱, kó kijí ngo ngi̱ndie tꞌaxín nga kijíchji̱a̱a̱ Néná. 36Kó Ximoo̱ ko̱jo xota̱ xi síndojo̱ kijíngase Kjisoo̱, 37kó ngije kasakoo̱, bi̱ katsoó:
–Ngayeje xotaa̱ ndyi̱mongasee̱ ji.
38Kó Kjisoo̱, bi̱ katsoó:
–Tjiàn nangi xi síndotꞌa kui ngi̱ndiee̱, tsi̱ꞌe̱ nga ko̱jo ki̱a̱ kꞌuini̱jmì án eén Néná, ngatꞌa̱ kuí xá jéꞌe̱ an.
39Kó bo̱a̱ tsꞌén Kjisoo̱ íni̱jmì eén Néná ki̱a̱ ndiꞌa nínga ndokjo̱a̱ eén Néná xí tsi̱ꞌe̱ kui xotaa̱, xi síndo ngayeje nangi Ngalilea̱, kó tsꞌaxié xindajín xi kisꞌińdojii̱n xotaa̱.
Bi̱ tsꞌén katsꞌéndaya Kjisoo̱ ngo nda̱ xi tjiín chiꞌin xi tsꞌénkjátsón tji̱xin yojoná
(Mat 8:1-4; Rka 5:12-16)
40Kó jachókoón Kjisoo̱ ngo nda̱ xi tjiín chiꞌin xi tsꞌénkjátsón tji̱xin yojoná xi asiéntꞌaa̱tikoó, kó bi̱ katsoó:
–Tsi ji xi mejeén ka̱ma ti̱ꞌintsjiejínní nga xtjo̱ꞌóxín chiꞌinna.
41Kó Kjisoo̱ ni̱ma̱ kamaá kui nda̱a̱, yejénnié tsja, katsꞌénjo̱, kó bi̱ katsoó:
–Mejénna, ngatamatsjiejón ji.
42Kó ti̱ kjiꞌa kichajá chiꞌin xi tsꞌénkjátsón tji̱xin yojoná xí koo̱n kui nda̱a̱, kó kamátsjiejón. 43Kó Kjisoo̱ katsꞌénkjí, sꞌe̱ ꞌniú tsíꞌaá nga bi̱ katsoó:
44–Jéꞌe̱n, ngata̱ ꞌyàjín xi ꞌmíyée̱ kui nii̱, ta̱sá tꞌenchíi̱n chináꞌmii̱, kó takèe̱ yojòo̱, sꞌe̱ te̱ꞌé ji ngo chji̱e̱ xikó kjiꞌi xi si̱ꞌankꞌasꞌien xi katsó kjo̱a̱kitii̱ Moisee̱, tsi̱ꞌe̱ nga sku̱i̱e̱ kui jaá nga je kamándaya ji.
45Ta̱nga kui nda̱a̱ ngije kijí, ítsꞌi̱yanii̱ nga íni̱jmi̱ì ngayeje xotaa̱ kui ni xi kamátaꞌin, kuíni nga Kjisoo̱ ngiti̱ ka̱májín nga nda tsꞌasꞌien na̱xi̱ńdáꞌniuú, ta̱sá tꞌa ṉdi̱a̱ kisꞌijña nínga jmí xota̱jín, kó jachókoón xota̱ xi chji̱a̱ni ta̱jñà nanginí.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014