Mikeaa̱ 2
2
Ni xi ndajín xi tsꞌén xota̱ xi tjiín ngaꞌniuú
1Xi̱xꞌi̱a̱n xò xota̱ xi nga kjiyojo ndyi̱ꞌbínda,
ko̱jo ndyi̱tsꞌènkjó ni xi ꞌniú ndajín,
kó ngije tjisísi̱e̱én ndyi̱tsꞌènkjátjosón kui nii̱,
ngatꞌa̱ tjiín ngaꞌniú nga tsꞌén ngo ni.
2Ma mejeén tꞌanangi xi kuijín tsi̱ꞌe̱, kó foaꞌáxín kjo̱a̱ꞌniú,
ma mejeén ndiꞌa xi kuijín tsi̱ꞌe̱, kó tsꞌén tsi̱ꞌe̱ kjo̱a̱ꞌniú.
Tsꞌeén kjo̱a̱ꞌniú ngito̱ko̱o̱ ndiꞌaa̱, tsi̱ꞌe̱ nga foaꞌáxiín ni xi tjiín.
3Kuíni nga bi̱ tsóni Néná:
Ngotꞌe̱ ꞌne̱, án mára tsoboána nga kꞌuinda an ngo ni xi ndajín,
tsi̱ꞌe̱ kui xota̱ tji̱e̱e̱, kó kjásén má kuiꞌèe̱,
tsi̱ꞌe̱ nga ngiti̱ ka̱májín skjinínkꞌá ngase to̱ko̱ nga kꞌuitsómá,
ngatꞌa̱ ni̱xtjin xi ndajín boá nga bo̱a̱ ka̱ma.
4Kó ni̱xtjin nga bo̱a̱ ka̱maa̱,
xotaa̱ ko̱jno̱kiejnú, nga bi̱ katsó só ndasen xi si̱èjnú:
Kótsꞌèn kachjeꞌéxínjne̱ ni xi tjínjne̱,
kótsꞌèn kachjeꞌéxínna ni xi tjínna,
Néná boá xi asíkjo ni xi kasakoo̱ xota̱ nangina,
kó xota̱ xi ꞌniátakónjín kuí, katsꞌénkjaꞌasoón tꞌanangijne̱.
5Kuíni nga kꞌuiéjín xota̱ xi kjo̱a̱chꞌáṉcha̱ stsáton
nga sa̱ꞌínkjaꞌasón tꞌanangii̱ ngi̱jii̱n xota̱ na̱xi̱ńdaá Néná.
6Bi̱ tsó kui xotaa̱:
Ngata̱ ndokjo̱a̱jínjnú én xí Néná tsjájnú,
ngata̱ ndokjo̱a̱jínjnú én xí Néná tsjájnú,
ngatꞌa̱ ni xi ndajiín stso̱bo̱a̱jínjnú.
7A ndajín ka̱maa̱ xota̱ na̱xi̱ńdaá Jakoo̱b.
A jè jè kjo̱a̱tsiekoo̱n Néná.
A kuí bí kui nii̱ xi katsꞌén.
Ta̱nga, a ndajín tsꞌeén énna xota̱ xi tjimá kixi̱ kixi̱i̱.
8Ngasꞌe̱, xota̱ na̱xi̱ńdána askjanjo̱ kondraa̱,
kó ngotꞌe̱ ꞌne̱ ndyi̱foaꞌáxiín ńjñobichitjeé,
ko̱jo xtjií xota̱ xi ki̱a̱ foaꞌa, nga jmí ni nda̱jín maá,
kui xi jmí tsi kjo̱a̱xchán jachókꞌaxié.
9Kaꞌnaxiénijnú ndiꞌa xi achichí tjó kamaá ínchjín xí chji̱a̱ni nangina,
kó kachjeꞌéxíndi̱yàjnuú ndií, kui kjo̱a̱je xi án katsjáa̱.
10Tjiàn tsobo̱a̱, ti̱sítji̱e̱njnú,
ngatꞌa̱ kꞌi̱e̱e̱ jmí tsí ngi̱ndie nínga ka̱ma si̱ꞌankjaꞌyájnú,
ngatꞌa̱ ngi̱ndie xi ndándí boá, kó chjiéngá tsie kjo̱a̱ni̱ma̱ si̱ꞌankjieni.
11Tsi kji̱ndi̱bá ngo nda̱chji̱ni̱e̱ꞌén xí ni xi jmí ni chjíjín,
ko̱jo éndísó ku̱i̱chji̱a̱ nga bi̱ ka̱tso̱:
Xiyàjnúꞌun nga kꞌuiéjnú bino̱ ko̱jo xán.
¡Kuí nda̱ xi̱ꞌba̱ xi nda̱chji̱ni̱e̱ꞌén ka̱maa̱ kui xota̱ na̱xi̱ńdaá!
12Jo̱o̱n, án boá xi kꞌuitikójnúꞌun ngayejejnú jún xota̱ tji̱e̱e̱ Jakoo̱b.
Ja̱koxi̱ boá nga kꞌuitiko án xota̱ xi kꞌo̱ngi ngasee na̱xi̱ńdá Israee̱l,
kó kꞌuitiko án xikoó cho̱tsa̱nga̱ xi mindyia nchꞌoaá,
ko̱jo xikoó cho̱tsa̱nga̱ xi ꞌbíndo ngi̱jin ndi̱xcho̱o̱,
kó achichí ꞌniú ko̱nda̱ꞌyá nga ka̱matikó xtín.
13Kó kui xi katsꞌénkjieé nijan ko̱e̱je̱nijíngijo̱,
skjíxꞌá ndi̱yà, kjo̱a̱ꞌa, sꞌe̱ kjo̱tjo xtji̱e̱e̱n nga̱ntjo̱a̱a̱,
kó nda̱ ree̱ kui ko̱e̱je̱tjoón,
ta̱nga Néná boá xi tikóntjoón ngayejee̱.
Currently Selected:
Mikeaa̱ 2: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Mikeaa̱ 2
2
Ni xi ndajín xi tsꞌén xota̱ xi tjiín ngaꞌniuú
1Xi̱xꞌi̱a̱n xò xota̱ xi nga kjiyojo ndyi̱ꞌbínda,
ko̱jo ndyi̱tsꞌènkjó ni xi ꞌniú ndajín,
kó ngije tjisísi̱e̱én ndyi̱tsꞌènkjátjosón kui nii̱,
ngatꞌa̱ tjiín ngaꞌniú nga tsꞌén ngo ni.
2Ma mejeén tꞌanangi xi kuijín tsi̱ꞌe̱, kó foaꞌáxín kjo̱a̱ꞌniú,
ma mejeén ndiꞌa xi kuijín tsi̱ꞌe̱, kó tsꞌén tsi̱ꞌe̱ kjo̱a̱ꞌniú.
Tsꞌeén kjo̱a̱ꞌniú ngito̱ko̱o̱ ndiꞌaa̱, tsi̱ꞌe̱ nga foaꞌáxiín ni xi tjiín.
3Kuíni nga bi̱ tsóni Néná:
Ngotꞌe̱ ꞌne̱, án mára tsoboána nga kꞌuinda an ngo ni xi ndajín,
tsi̱ꞌe̱ kui xota̱ tji̱e̱e̱, kó kjásén má kuiꞌèe̱,
tsi̱ꞌe̱ nga ngiti̱ ka̱májín skjinínkꞌá ngase to̱ko̱ nga kꞌuitsómá,
ngatꞌa̱ ni̱xtjin xi ndajín boá nga bo̱a̱ ka̱ma.
4Kó ni̱xtjin nga bo̱a̱ ka̱maa̱,
xotaa̱ ko̱jno̱kiejnú, nga bi̱ katsó só ndasen xi si̱èjnú:
Kótsꞌèn kachjeꞌéxínjne̱ ni xi tjínjne̱,
kótsꞌèn kachjeꞌéxínna ni xi tjínna,
Néná boá xi asíkjo ni xi kasakoo̱ xota̱ nangina,
kó xota̱ xi ꞌniátakónjín kuí, katsꞌénkjaꞌasoón tꞌanangijne̱.
5Kuíni nga kꞌuiéjín xota̱ xi kjo̱a̱chꞌáṉcha̱ stsáton
nga sa̱ꞌínkjaꞌasón tꞌanangii̱ ngi̱jii̱n xota̱ na̱xi̱ńdaá Néná.
6Bi̱ tsó kui xotaa̱:
Ngata̱ ndokjo̱a̱jínjnú én xí Néná tsjájnú,
ngata̱ ndokjo̱a̱jínjnú én xí Néná tsjájnú,
ngatꞌa̱ ni xi ndajiín stso̱bo̱a̱jínjnú.
7A ndajín ka̱maa̱ xota̱ na̱xi̱ńdaá Jakoo̱b.
A jè jè kjo̱a̱tsiekoo̱n Néná.
A kuí bí kui nii̱ xi katsꞌén.
Ta̱nga, a ndajín tsꞌeén énna xota̱ xi tjimá kixi̱ kixi̱i̱.
8Ngasꞌe̱, xota̱ na̱xi̱ńdána askjanjo̱ kondraa̱,
kó ngotꞌe̱ ꞌne̱ ndyi̱foaꞌáxiín ńjñobichitjeé,
ko̱jo xtjií xota̱ xi ki̱a̱ foaꞌa, nga jmí ni nda̱jín maá,
kui xi jmí tsi kjo̱a̱xchán jachókꞌaxié.
9Kaꞌnaxiénijnú ndiꞌa xi achichí tjó kamaá ínchjín xí chji̱a̱ni nangina,
kó kachjeꞌéxíndi̱yàjnuú ndií, kui kjo̱a̱je xi án katsjáa̱.
10Tjiàn tsobo̱a̱, ti̱sítji̱e̱njnú,
ngatꞌa̱ kꞌi̱e̱e̱ jmí tsí ngi̱ndie nínga ka̱ma si̱ꞌankjaꞌyájnú,
ngatꞌa̱ ngi̱ndie xi ndándí boá, kó chjiéngá tsie kjo̱a̱ni̱ma̱ si̱ꞌankjieni.
11Tsi kji̱ndi̱bá ngo nda̱chji̱ni̱e̱ꞌén xí ni xi jmí ni chjíjín,
ko̱jo éndísó ku̱i̱chji̱a̱ nga bi̱ ka̱tso̱:
Xiyàjnúꞌun nga kꞌuiéjnú bino̱ ko̱jo xán.
¡Kuí nda̱ xi̱ꞌba̱ xi nda̱chji̱ni̱e̱ꞌén ka̱maa̱ kui xota̱ na̱xi̱ńdaá!
12Jo̱o̱n, án boá xi kꞌuitikójnúꞌun ngayejejnú jún xota̱ tji̱e̱e̱ Jakoo̱b.
Ja̱koxi̱ boá nga kꞌuitiko án xota̱ xi kꞌo̱ngi ngasee na̱xi̱ńdá Israee̱l,
kó kꞌuitiko án xikoó cho̱tsa̱nga̱ xi mindyia nchꞌoaá,
ko̱jo xikoó cho̱tsa̱nga̱ xi ꞌbíndo ngi̱jin ndi̱xcho̱o̱,
kó achichí ꞌniú ko̱nda̱ꞌyá nga ka̱matikó xtín.
13Kó kui xi katsꞌénkjieé nijan ko̱e̱je̱nijíngijo̱,
skjíxꞌá ndi̱yà, kjo̱a̱ꞌa, sꞌe̱ kjo̱tjo xtji̱e̱e̱n nga̱ntjo̱a̱a̱,
kó nda̱ ree̱ kui ko̱e̱je̱tjoón,
ta̱nga Néná boá xi tikóntjoón ngayejee̱.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014