Matioo̱ 3
3
Bi̱ tsꞌén íni̱jmì Jua̱ xi botíndaá eén Néná
(Mar 1:1-8; Rka 3:1-9,15-17; Jua 1:19-28)
1Kui ni̱xtjin jàn jachó Jua̱ xi botíndaá nga íni̱jmì eén Néná ki̱a̱ nangi kixí xi tikón nangi Jundea̱, 2nga bi̱ katsó:
–Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.
3Ngatꞌa̱ kuí ni xi̱ꞌbi̱ xi tsíchji̱a̱ nda̱chji̱ni̱e̱ꞌe̱én Néná xi ꞌmí Isayaa̱, nga bi̱ katsó:
Ndaꞌyaá ngo nda̱ xi kjandayà nangi kixií, xi bi̱ tsó:
Tꞌíjñandajnúu̱ ndi̱ya̱à Ndi̱a̱a̱,
ti̱ꞌankixi̱jnú ndi̱ya̱à kui.
4Ńjño xi tsajá Juaa̱ tsja̱a̱ cho̱toꞌoyitsꞌe̱n kamándani, kó ngo tji̱xin íkjá ndáyaá, kó chjo̱bo̱a̱ ko̱jo ntsjién xí ꞌbé ngindie kꞌijñá jàn xí iskjinie. 5Kó jataxie xota̱ xi chji̱a̱ni na̱xi̱ńdáꞌniú Jerusale̱n, ngayeje xi chji̱a̱ni nangi Jundea̱, ko̱jo ngayeje nangi xi chji̱a̱ni nínga tikón ndejèꞌ Jorndaa̱n, 6kó Juaa̱ atíndá kui xotaa̱ ngi̱jii̱n ndejèꞌ Jorndaa̱n, kó kui xotaa̱ ki̱a̱ katsóyà jeé.
7Nga kamábe Juaa̱ nga achichí má xota̱ fariseo̱, ko̱jo xota̱ sanduseo̱ xi jachó nínga tsꞌénbotíndá, bi̱ katsoó:
¡Xota̱ xi ja̱ kon ye̱ kónjnú! ꞌYá xi bo̱a̱ katsójnú nga ka̱ma ku̱i̱yòjnúu̱ kjo̱a̱xcha̱án Néná xí je kjimatiñaa̱. 8Ta̱sá ti̱ꞌánjnú ni xi ko̱kó nga je kiniꞌánkꞌoyàjnú yojojnú, 9kó ngata̱ bi̱jín tsꞌén fojintakónjnú:
Tji̱e̱e̱ nda̱ xi ꞌmí Abraa̱n ndokjo̱a̱ ñá. Ngatꞌa̱ xiyàjnúꞌun nga tsi Néná xí mejeén ngaskande kui ndi̱jo̱o̱ ka̱ma sa̱ꞌín xota̱ tji̱e̱e̱ Abraa̱n. 10Kó ti̱ je tikónda jachaa̱, tsi̱ꞌe̱ nga ko̱tie yaá ndeskande ja̱ma̱a̱, ngatꞌa̱ ngayeje yá xí jmí to xi nda tsjájín, bichá, kó ngi̱jin ndiꞌí jàn bichijmijin. 11An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú. 12Jè tsꞌényaꞌa ngi̱ya tsja ni xi sa̱ꞌíntsjie to ndso̱ko̱a̱n ṉño̱paa̱n nga xín sa̱ꞌínkjaꞌa xtjieé. Kó kjo̱a̱ꞌátjó to ndso̱ko̱a̱n ṉño̱paa̱n ngi̱ndie nínga xi̱ndyiá, kó ku̱i̱ꞌítí xtjieé ngo ngi̱jii̱n ndiꞌí xi jmíni̱xtjin kꞌo̱.
Bi̱ tsꞌén kastindá Kjisoo̱
(Mar 1:9-11; Rka 3:21-22)
13Kósꞌe̱ Kjisoo̱ jatjoni nangi Ngalilea̱, kó kijí nínga tikón ndejèꞌ Jorndaa̱n, tsi̱ꞌe̱ nga ki̱a̱ Juaa̱ ko̱tíndá. 14Ta̱nga Juaa̱ kamámejénjiín, kó bi̱ katsoó:
–Jí xí ko̱ti̱ndéní katsaki, kó a ta̱sá jí kjoéꞌe̱chinní.
15Kó Kjisoo̱, bi̱ katsoó:
–Te̱ꞌéndiè ji ngotꞌe̱, ngatꞌa̱ chjiéngá si̱ꞌankjatjosón ngayeje ni xi kixi̱ ngindyi̱ko̱n Néná.
Kósꞌe̱ Juaa̱ atíndá Kjisoo̱. 16Kó ngije kastindá Kjisoo̱, jataxie ngi̱jin ndáfoaa̱, kó katjoxꞌá ndiꞌakꞌajmi jàn, kó kamábe nga jatjajen A̱si̱énni̱xtjii̱n Néná nga ja̱kjiꞌi tójo má kjiꞌi, kó kjindibánié Kjisoo̱. 17Kó kandaꞌyá ngo nda̱ ndiꞌakꞌajmi jàn xi bi̱ katsó:
–Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.
Currently Selected:
Matioo̱ 3: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Matioo̱ 3
3
Bi̱ tsꞌén íni̱jmì Jua̱ xi botíndaá eén Néná
(Mar 1:1-8; Rka 3:1-9,15-17; Jua 1:19-28)
1Kui ni̱xtjin jàn jachó Jua̱ xi botíndaá nga íni̱jmì eén Néná ki̱a̱ nangi kixí xi tikón nangi Jundea̱, 2nga bi̱ katsó:
–Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.
3Ngatꞌa̱ kuí ni xi̱ꞌbi̱ xi tsíchji̱a̱ nda̱chji̱ni̱e̱ꞌe̱én Néná xi ꞌmí Isayaa̱, nga bi̱ katsó:
Ndaꞌyaá ngo nda̱ xi kjandayà nangi kixií, xi bi̱ tsó:
Tꞌíjñandajnúu̱ ndi̱ya̱à Ndi̱a̱a̱,
ti̱ꞌankixi̱jnú ndi̱ya̱à kui.
4Ńjño xi tsajá Juaa̱ tsja̱a̱ cho̱toꞌoyitsꞌe̱n kamándani, kó ngo tji̱xin íkjá ndáyaá, kó chjo̱bo̱a̱ ko̱jo ntsjién xí ꞌbé ngindie kꞌijñá jàn xí iskjinie. 5Kó jataxie xota̱ xi chji̱a̱ni na̱xi̱ńdáꞌniú Jerusale̱n, ngayeje xi chji̱a̱ni nangi Jundea̱, ko̱jo ngayeje nangi xi chji̱a̱ni nínga tikón ndejèꞌ Jorndaa̱n, 6kó Juaa̱ atíndá kui xotaa̱ ngi̱jii̱n ndejèꞌ Jorndaa̱n, kó kui xotaa̱ ki̱a̱ katsóyà jeé.
7Nga kamábe Juaa̱ nga achichí má xota̱ fariseo̱, ko̱jo xota̱ sanduseo̱ xi jachó nínga tsꞌénbotíndá, bi̱ katsoó:
¡Xota̱ xi ja̱ kon ye̱ kónjnú! ꞌYá xi bo̱a̱ katsójnú nga ka̱ma ku̱i̱yòjnúu̱ kjo̱a̱xcha̱án Néná xí je kjimatiñaa̱. 8Ta̱sá ti̱ꞌánjnú ni xi ko̱kó nga je kiniꞌánkꞌoyàjnú yojojnú, 9kó ngata̱ bi̱jín tsꞌén fojintakónjnú:
Tji̱e̱e̱ nda̱ xi ꞌmí Abraa̱n ndokjo̱a̱ ñá. Ngatꞌa̱ xiyàjnúꞌun nga tsi Néná xí mejeén ngaskande kui ndi̱jo̱o̱ ka̱ma sa̱ꞌín xota̱ tji̱e̱e̱ Abraa̱n. 10Kó ti̱ je tikónda jachaa̱, tsi̱ꞌe̱ nga ko̱tie yaá ndeskande ja̱ma̱a̱, ngatꞌa̱ ngayeje yá xí jmí to xi nda tsjájín, bichá, kó ngi̱jin ndiꞌí jàn bichijmijin. 11An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú. 12Jè tsꞌényaꞌa ngi̱ya tsja ni xi sa̱ꞌíntsjie to ndso̱ko̱a̱n ṉño̱paa̱n nga xín sa̱ꞌínkjaꞌa xtjieé. Kó kjo̱a̱ꞌátjó to ndso̱ko̱a̱n ṉño̱paa̱n ngi̱ndie nínga xi̱ndyiá, kó ku̱i̱ꞌítí xtjieé ngo ngi̱jii̱n ndiꞌí xi jmíni̱xtjin kꞌo̱.
Bi̱ tsꞌén kastindá Kjisoo̱
(Mar 1:9-11; Rka 3:21-22)
13Kósꞌe̱ Kjisoo̱ jatjoni nangi Ngalilea̱, kó kijí nínga tikón ndejèꞌ Jorndaa̱n, tsi̱ꞌe̱ nga ki̱a̱ Juaa̱ ko̱tíndá. 14Ta̱nga Juaa̱ kamámejénjiín, kó bi̱ katsoó:
–Jí xí ko̱ti̱ndéní katsaki, kó a ta̱sá jí kjoéꞌe̱chinní.
15Kó Kjisoo̱, bi̱ katsoó:
–Te̱ꞌéndiè ji ngotꞌe̱, ngatꞌa̱ chjiéngá si̱ꞌankjatjosón ngayeje ni xi kixi̱ ngindyi̱ko̱n Néná.
Kósꞌe̱ Juaa̱ atíndá Kjisoo̱. 16Kó ngije kastindá Kjisoo̱, jataxie ngi̱jin ndáfoaa̱, kó katjoxꞌá ndiꞌakꞌajmi jàn, kó kamábe nga jatjajen A̱si̱énni̱xtjii̱n Néná nga ja̱kjiꞌi tójo má kjiꞌi, kó kjindibánié Kjisoo̱. 17Kó kandaꞌyá ngo nda̱ ndiꞌakꞌajmi jàn xi bi̱ katsó:
–Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014