Matioo̱ 22
22
Bi̱ tsꞌén íjñá chi̱bo̱a̱ Kjisoo̱ énkjiín ndiꞌibixaa̱n
1Kó Kjisoo̱ ingo ndi̱yà tsíchji̱a̱jo nginí xotaa̱ nga katsꞌénkjién énkjín, kó bi̱ katsoó:
2–Nínga botíxomaa̱ Néná xikó maá tsi ngo nda̱ re xi katsꞌeén ngo ndiꞌibixan je ndií. 3Kó katsangiya mosoo̱ tsi̱ꞌe̱ nga ku̱i̱chji̱a̱a̱ ngayeje xota̱ xi katsóyaà tsi̱ꞌe̱ nga kjo̱chó kui sꞌueé, ta̱nga kui xotaa̱ nde ngojín xi kamámejeén kijí. 4Ti̱ katsangiya nginí kje̱ꞌe mosoo̱, nga bi̱ katsoó: Bi̱ tꞌínjnúu̱ xotaa̱: Jè tikónda nichiniee̱, ko̱jo cho̱yojo, ko̱jo cho̱ xi ꞌniú katsꞌenyiꞌi an je kiniꞌánkꞌién, jè tikónda ngayeje nii̱. ¡Ndibájnú ꞌne̱! 5Ta̱nga kui xota̱ xi kiꞌmíyaà nde katsꞌénsénjín, kó ngo xi jno̱o̱ kijí, ngo xi xá xí tsꞌén kijí, 6kó xota̱ xi ngasee̱ katsoboá mosoo̱ nda̱ ree̱, askjanjo̱ ngaskande nga katsꞌénkꞌién. 7Kósꞌe̱ nda̱ ree̱ nga tsintꞌié kuí nii̱, achichí katsꞌénxchán, sꞌe̱ katsangiya jájún xi katsꞌénkjiesón já xí katsꞌénkꞌién mosoo̱ ree̱, sꞌe̱ ítí ngayeje na̱xi̱ńdaá kui jaá. 8Kósꞌe̱ kui nda̱ ree̱, bi̱ katsoó moso̱ xi ngasee̱: Nga ja̱koxi̱ jè tikónda nichiniee̱ ndiꞌibixaa̱n, ta̱nga xota̱ xi kixiyàa̱ nde tsoboájiín nga kꞌi̱e̱ kjo̱e̱ꞌe, 9tangínjnú tsobo̱a̱ ngayeje ndi̱yàtié, kó tꞌíyájnúu̱ ngayeje xota̱ xi xcha̱jnú tsi̱ꞌe̱ nga kji̱ndi̱bá ndiꞌibixaa̱n. 10Kó já mosoo̱ nda̱ ree̱ kijí ngayeje ndi̱yàtié, kó achichí má xota̱ xi katsóyaà, kamátikó xota̱ xi nda ko̱jo xi ndajín, kó bo̱a̱ tsꞌén nga ngi̱ndie nínga kamá ndiꞌibixaa̱n kisꞌikitsié má xota̱.
11Ta̱nga nga tsꞌasꞌien nda̱ ree̱ tsi̱ꞌe̱ nga sku̱i̱e̱ ngayeje xota̱ xi jachó sꞌueé, kamábe nga ngo nda̱ xi tikónjii̱n xotaa̱ xi yajájín ńjño xi chajá nga ma ndiꞌibixan. 12Kó nda̱ ree̱, bi̱ katsoó: Ji amingo̱, kótsꞌèn ikitjasꞌi̱n ji kui ngi̱ndiee̱ nga kichejéjín ji ńjño xi chajá nga ma ndiꞌibixan. Ta̱nga kui nda̱a̱ jmí ni katsójín. 13Kósꞌe̱ nda̱ ree̱, bi̱ katsoó já xí katsꞌénseén yámíxa̱a̱: Tꞌítaꞌniújnú se ko̱jo tsja kui nda̱a̱, kó tjajmijnú ndi̱tsen nínga jñoó, kó ki̱a̱ boá nínga skja̱ndá ko̱jo nínga skji̱ni̱e̱ya ṉꞌni̱u̱ kui xotaa̱. 14Ngatꞌa̱ achichí má xi ko̱ndókjo̱a̱a̱, ta̱nga chiboa tsí má xi xtjo̱ꞌójin.
Bi̱ tsꞌén akóyá Kjisoo̱ kjo̱a̱a̱ ꞌyá xí chjiéngá kꞌuíchjií ni xi machjítjeé
(Mar 12:13-17; Rka 20:20-26)
15Kósꞌe̱ já fariseoo̱ kijíkꞌínda kótsꞌèn ku̱i̱ꞌíjñaá ngo chja̱ya̱ Kjisoo̱, tsi̱ꞌe̱ nga ngo ni xi ndajín ka̱tso̱. 16Kó kanangiyachoo̱n xota̱ xi chji̱a̱ni kui jaá ko̱jo xota̱ xi majo̱ Erondee̱, xi bi̱ katsoó Kjisoo̱:
–Mostro̱, jè yàjne̱ nga ja̱koxi̱ ni xi bokoyé ji, ko̱jo nga ja̱koxi̱ nga ndi̱yà xí tsi̱ꞌe̱ Néná boá xi tibokoyé ji, kó nga ndasénjiín ni xi tsó xota̱ xi ngasee̱ kjo̱a̱a̱ ni xi ndokjo̱e̱ ji, ngatꞌa̱ jmí tsi ni xi ya sónkꞌaá xi titsitsijìi̱n, 17ta̱nga tꞌíyéjne̱, kótsꞌèn bee̱takín: A tsjandiè kjo̱a̱kitii̱, axa̱ tsjandièjín nga kꞌuíchjíjne̱ to̱n xi machjítjé ni nda̱ xtitjón xi ꞌmí Sesaa̱.
18Ta̱nga Kjisoo̱ ja̱bo̱a̱ je be ni xi katsꞌénkjó kuí jaá, kó bi̱ katsoó:
–Já jókje̱n, ánní nga an ndyi̱chjatꞌayákónjnúꞌun. 19Takójnúꞌun ngo to̱n xi chji̱a̱ni Roma̱ xi machjítjéni nii̱.
Sꞌe̱ kui jaá katsjaá ngo to̱n ndenario̱. 20Kósꞌe̱ Kjisoo̱, bi̱ katsó:
–ꞌYá xí tsi̱ꞌe̱ kui a̱si̱én ko̱jo kui jaꞌén xí kjitꞌa kui to̱o̱n.
21Sꞌe̱ bi̱ katsó kui jaá:
–Tsi̱ꞌe̱ nda̱ xtitjón xi ꞌmí Sesaa̱ boá.
Kó Kjisoo̱, bi̱ katsó:
–Ja̱ te̱ꞌéjnúu̱ nda̱ xtitjón xi ꞌmí Sesaa̱ ni xi tsi̱ꞌe̱ nda̱ xtitjoón, kó ni xi tsi̱ꞌe̱ Néná, Néná te̱ꞌéjnúu̱.
22Nga tsintꞌié kui jaá ni xi katsó Kjisoo̱, achichí kijíndikoón, sꞌe̱ kijí.
Bi̱ tsꞌén akóyá Kjisoo̱ kjo̱a̱a̱ xota̱ xi foaꞌáꞌyá nginií ngije fesón
(Mar 12:18-27; Rka 20:27-40)
23Kui ni̱xtjii̱n jachókoón Kjisoo̱ já sanduseo̱, kui xota̱ xi tsó nga ngiti̱ foaꞌáꞌyájín xoò xota̱ xi je jesoón, 24kó bi̱ katsó nga asíyaá:
–Ji Mostro̱, Moisee̱ bi̱ katsó: Tsi ngo nda̱ ko̱yà, kó tsi jmí ndí kꞌuiéjiín, ntsꞌi̱e̱ kui nda̱a̱ chjiéngá kuí ku̱i̱xanjo̱ chjo̱on, tsi̱ꞌe̱ nga xcha̱jàjín tji̱e̱e̱ ntsꞌi̱e̱ xi kꞌiee̱n. 25Ngo ndi̱yà kisꞌińdojinjne̱ yito já xí ta̱ ngo ntsꞌi̱e̱ kamá, kó kui nda̱ xi tjoón ixánjo̱ chjo̱ón, kó kꞌien kui nda̱a̱, kó jmí ndí kisꞌiejiín, sꞌe̱ ntsꞌi̱e̱ xi ma joó ixánjo̱ nginí kui xota̱chjo̱on, 26kó ti̱ bo̱a̱ ti̱ kamaá xi ma joó, sꞌe̱ ngi̱chí sájín, ti̱ bo̱a̱ ti̱ kamaá xi ma jaán, kó bo̱a̱ ti̱ kamaá ngaskande xi ma yitoo̱. 27Kó nga fetꞌa kꞌien kui xota̱chjo̱on. 28Ni̱xtjin nga kjo̱a̱ꞌáꞌyaá xota̱ xi je jesoón, ja̱ ꞌyání nga yito kui jaá xi xi̱ꞌii̱n kui xota̱chjo̱on ka̱ma, ngatꞌa̱ ngayejee̱ nga kisꞌińdojo̱.
29Kósꞌe̱ Kjisoo̱, bi̱ katsó:
–¡Ta̱nisién bo̱a̱jín kjiꞌi ni xi ndokjo̱a̱jnú ngatꞌa̱ yàjínjnú ni xi kjitꞌa xo̱jo̱n eén Néná, ti̱nde yàjínjnú ngaꞌniuú Néná! 30Ngatꞌa̱ ni̱xtjin nga kjo̱a̱ꞌáꞌyaá xota̱ xi je jesoón, ti̱nde ngiti̱ ku̱i̱xánjín, ti̱nde ngiti̱ sa̱ꞌínkixanjín xkjín, ngatꞌa̱ xikónií tsi ndítsjie xi síndo ndiꞌakꞌajmi jàn ka̱ma. 31Ta̱nga kjo̱a̱ ngaá nga foaꞌáꞌyá nginií xota̱ xi je jesoón, a kji̱e̱ niꞌányàjínjnú ni xi katsó Néná. Nga bi̱ katsó: 32Án boá xi Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b. Kó Néná, Nee̱ xota̱ xi síndo boá, jmí tsi Nee̱ xota̱ xi je jesón.
33Kó nga tsintꞌié kuí nii̱, ngayeje xotaa̱ achichí kijíndikoón xikótsꞌèn akóyá Kjisoo̱.
Bi̱ tsꞌén akóyá Kjisoo̱ kjo̱a̱a̱ kjo̱a̱botíxoma xi ꞌniú chjí ngasee̱
(Mar 12:28-34)
34Ta̱nga ngije kamábe já fariseoo̱ nga Kjisoo̱ yíkjo tsꞌoa já sanduseoo̱, kamátikó, kó kijíkoón Kjisoo̱, 35kó ngo nda̱ fariseo̱ xi chji̱ni̱e̱kjo̱a̱kiti, askotꞌayákón Kjisoo̱, nga bi̱ tsꞌén asíyaá:
36–Mostro̱, ñání kjo̱a̱botíxoma xi ꞌniú chjí ngasenii̱ ngi̱jii̱n ngayeje kjo̱a̱botíxoma xi tjiín.
37Kó Kjisoo̱, bi̱ katsó:
Ti̱ꞌintjé ji Ne xi Ndi̱a̱a̱ ngayeje ini̱màa̱, ngayeje kjo̱a̱mindyiòo̱n, ko̱jo ngayeje takín. 38Kuí bí xi̱ꞌbi̱ xi ꞌniú chjínií ko̱jo kuí boá kjo̱a̱botíxoma xi tjoón. 39Ta̱nga tikón xi ma joó, kó ti̱ mején ti̱ bi̱ ti̱ tsó: Ti̱ꞌintjé ji xotaa̱ xikó má tsꞌén tjoó yojòo̱. 40Nga jó kui kjo̱a̱botíxoma xi̱ꞌbi̱, kuí xí yaꞌanii̱ ngayeje xi ngase kjo̱a̱kitii̱, ko̱jo ngayeje ni xi katsꞌénꞌindó jáchji̱ni̱e̱ꞌe̱én Néná.
Bi̱ tsꞌén akasíyaá Kjisoo̱ kjo̱a̱a̱ ꞌyání xi xota̱ tji̱e̱ xi kjindibáni Kristoo̱
(Mar 12:35-37; Rka 20:41-44)
41Kó nga síndotikó já fariseoo̱, Kjisoo̱ asíyá, 42nga bi̱ katsó:
–Kótsꞌèn niꞌánkjójnú jún kjo̱a̱a̱ Kristoo̱. ꞌYá xí xota̱ tji̱e̱e̱.
Sꞌe̱ bi̱ katsó kui jaá:
–Xota̱ tji̱e̱e̱ Ndabii̱ boá xi chji̱a̱ni.
43Kó bi̱ katsó Kjisoo̱:
–Ja̱ kótsꞌèn nga Ndabii̱ kjiꞌanga A̱si̱énni̱xtjii̱n Néná katsꞌénkíchji̱a̱, Ndi̱a̱ katsoó. Ngatꞌa̱ Ndabii̱, bi̱ katsó:
44Ndi̱a̱ná bi̱ katsoó Ndi̱a̱na:
Ti̱ndyintꞌení nga fojnína nínga botixoma an, ngaskande nga kꞌuindo an ngindie ndsa̱ki kondra̱ tse̱.
45Ja̱ kótsꞌèn nga Ndabii̱ Ndi̱a̱na tsoó Kristoo̱, kósꞌe̱ kótsꞌèn nga xota̱ tji̱e̱e̱ Ndabii̱ kjindibáni kui.
46Kó nde ngojín xi kamaá katsóyà ni xi asíyá Kjisoo̱, kó ndeskande kjiꞌa ngiti̱ ingojín xota̱ xi kamákón nga asíyá ngasee̱ kje̱ꞌe ni.
Currently Selected:
Matioo̱ 22: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Matioo̱ 22
22
Bi̱ tsꞌén íjñá chi̱bo̱a̱ Kjisoo̱ énkjiín ndiꞌibixaa̱n
1Kó Kjisoo̱ ingo ndi̱yà tsíchji̱a̱jo nginí xotaa̱ nga katsꞌénkjién énkjín, kó bi̱ katsoó:
2–Nínga botíxomaa̱ Néná xikó maá tsi ngo nda̱ re xi katsꞌeén ngo ndiꞌibixan je ndií. 3Kó katsangiya mosoo̱ tsi̱ꞌe̱ nga ku̱i̱chji̱a̱a̱ ngayeje xota̱ xi katsóyaà tsi̱ꞌe̱ nga kjo̱chó kui sꞌueé, ta̱nga kui xotaa̱ nde ngojín xi kamámejeén kijí. 4Ti̱ katsangiya nginí kje̱ꞌe mosoo̱, nga bi̱ katsoó: Bi̱ tꞌínjnúu̱ xotaa̱: Jè tikónda nichiniee̱, ko̱jo cho̱yojo, ko̱jo cho̱ xi ꞌniú katsꞌenyiꞌi an je kiniꞌánkꞌién, jè tikónda ngayeje nii̱. ¡Ndibájnú ꞌne̱! 5Ta̱nga kui xota̱ xi kiꞌmíyaà nde katsꞌénsénjín, kó ngo xi jno̱o̱ kijí, ngo xi xá xí tsꞌén kijí, 6kó xota̱ xi ngasee̱ katsoboá mosoo̱ nda̱ ree̱, askjanjo̱ ngaskande nga katsꞌénkꞌién. 7Kósꞌe̱ nda̱ ree̱ nga tsintꞌié kuí nii̱, achichí katsꞌénxchán, sꞌe̱ katsangiya jájún xi katsꞌénkjiesón já xí katsꞌénkꞌién mosoo̱ ree̱, sꞌe̱ ítí ngayeje na̱xi̱ńdaá kui jaá. 8Kósꞌe̱ kui nda̱ ree̱, bi̱ katsoó moso̱ xi ngasee̱: Nga ja̱koxi̱ jè tikónda nichiniee̱ ndiꞌibixaa̱n, ta̱nga xota̱ xi kixiyàa̱ nde tsoboájiín nga kꞌi̱e̱ kjo̱e̱ꞌe, 9tangínjnú tsobo̱a̱ ngayeje ndi̱yàtié, kó tꞌíyájnúu̱ ngayeje xota̱ xi xcha̱jnú tsi̱ꞌe̱ nga kji̱ndi̱bá ndiꞌibixaa̱n. 10Kó já mosoo̱ nda̱ ree̱ kijí ngayeje ndi̱yàtié, kó achichí má xota̱ xi katsóyaà, kamátikó xota̱ xi nda ko̱jo xi ndajín, kó bo̱a̱ tsꞌén nga ngi̱ndie nínga kamá ndiꞌibixaa̱n kisꞌikitsié má xota̱.
11Ta̱nga nga tsꞌasꞌien nda̱ ree̱ tsi̱ꞌe̱ nga sku̱i̱e̱ ngayeje xota̱ xi jachó sꞌueé, kamábe nga ngo nda̱ xi tikónjii̱n xotaa̱ xi yajájín ńjño xi chajá nga ma ndiꞌibixan. 12Kó nda̱ ree̱, bi̱ katsoó: Ji amingo̱, kótsꞌèn ikitjasꞌi̱n ji kui ngi̱ndiee̱ nga kichejéjín ji ńjño xi chajá nga ma ndiꞌibixan. Ta̱nga kui nda̱a̱ jmí ni katsójín. 13Kósꞌe̱ nda̱ ree̱, bi̱ katsoó já xí katsꞌénseén yámíxa̱a̱: Tꞌítaꞌniújnú se ko̱jo tsja kui nda̱a̱, kó tjajmijnú ndi̱tsen nínga jñoó, kó ki̱a̱ boá nínga skja̱ndá ko̱jo nínga skji̱ni̱e̱ya ṉꞌni̱u̱ kui xotaa̱. 14Ngatꞌa̱ achichí má xi ko̱ndókjo̱a̱a̱, ta̱nga chiboa tsí má xi xtjo̱ꞌójin.
Bi̱ tsꞌén akóyá Kjisoo̱ kjo̱a̱a̱ ꞌyá xí chjiéngá kꞌuíchjií ni xi machjítjeé
(Mar 12:13-17; Rka 20:20-26)
15Kósꞌe̱ já fariseoo̱ kijíkꞌínda kótsꞌèn ku̱i̱ꞌíjñaá ngo chja̱ya̱ Kjisoo̱, tsi̱ꞌe̱ nga ngo ni xi ndajín ka̱tso̱. 16Kó kanangiyachoo̱n xota̱ xi chji̱a̱ni kui jaá ko̱jo xota̱ xi majo̱ Erondee̱, xi bi̱ katsoó Kjisoo̱:
–Mostro̱, jè yàjne̱ nga ja̱koxi̱ ni xi bokoyé ji, ko̱jo nga ja̱koxi̱ nga ndi̱yà xí tsi̱ꞌe̱ Néná boá xi tibokoyé ji, kó nga ndasénjiín ni xi tsó xota̱ xi ngasee̱ kjo̱a̱a̱ ni xi ndokjo̱e̱ ji, ngatꞌa̱ jmí tsi ni xi ya sónkꞌaá xi titsitsijìi̱n, 17ta̱nga tꞌíyéjne̱, kótsꞌèn bee̱takín: A tsjandiè kjo̱a̱kitii̱, axa̱ tsjandièjín nga kꞌuíchjíjne̱ to̱n xi machjítjé ni nda̱ xtitjón xi ꞌmí Sesaa̱.
18Ta̱nga Kjisoo̱ ja̱bo̱a̱ je be ni xi katsꞌénkjó kuí jaá, kó bi̱ katsoó:
–Já jókje̱n, ánní nga an ndyi̱chjatꞌayákónjnúꞌun. 19Takójnúꞌun ngo to̱n xi chji̱a̱ni Roma̱ xi machjítjéni nii̱.
Sꞌe̱ kui jaá katsjaá ngo to̱n ndenario̱. 20Kósꞌe̱ Kjisoo̱, bi̱ katsó:
–ꞌYá xí tsi̱ꞌe̱ kui a̱si̱én ko̱jo kui jaꞌén xí kjitꞌa kui to̱o̱n.
21Sꞌe̱ bi̱ katsó kui jaá:
–Tsi̱ꞌe̱ nda̱ xtitjón xi ꞌmí Sesaa̱ boá.
Kó Kjisoo̱, bi̱ katsó:
–Ja̱ te̱ꞌéjnúu̱ nda̱ xtitjón xi ꞌmí Sesaa̱ ni xi tsi̱ꞌe̱ nda̱ xtitjoón, kó ni xi tsi̱ꞌe̱ Néná, Néná te̱ꞌéjnúu̱.
22Nga tsintꞌié kui jaá ni xi katsó Kjisoo̱, achichí kijíndikoón, sꞌe̱ kijí.
Bi̱ tsꞌén akóyá Kjisoo̱ kjo̱a̱a̱ xota̱ xi foaꞌáꞌyá nginií ngije fesón
(Mar 12:18-27; Rka 20:27-40)
23Kui ni̱xtjii̱n jachókoón Kjisoo̱ já sanduseo̱, kui xota̱ xi tsó nga ngiti̱ foaꞌáꞌyájín xoò xota̱ xi je jesoón, 24kó bi̱ katsó nga asíyaá:
–Ji Mostro̱, Moisee̱ bi̱ katsó: Tsi ngo nda̱ ko̱yà, kó tsi jmí ndí kꞌuiéjiín, ntsꞌi̱e̱ kui nda̱a̱ chjiéngá kuí ku̱i̱xanjo̱ chjo̱on, tsi̱ꞌe̱ nga xcha̱jàjín tji̱e̱e̱ ntsꞌi̱e̱ xi kꞌiee̱n. 25Ngo ndi̱yà kisꞌińdojinjne̱ yito já xí ta̱ ngo ntsꞌi̱e̱ kamá, kó kui nda̱ xi tjoón ixánjo̱ chjo̱ón, kó kꞌien kui nda̱a̱, kó jmí ndí kisꞌiejiín, sꞌe̱ ntsꞌi̱e̱ xi ma joó ixánjo̱ nginí kui xota̱chjo̱on, 26kó ti̱ bo̱a̱ ti̱ kamaá xi ma joó, sꞌe̱ ngi̱chí sájín, ti̱ bo̱a̱ ti̱ kamaá xi ma jaán, kó bo̱a̱ ti̱ kamaá ngaskande xi ma yitoo̱. 27Kó nga fetꞌa kꞌien kui xota̱chjo̱on. 28Ni̱xtjin nga kjo̱a̱ꞌáꞌyaá xota̱ xi je jesoón, ja̱ ꞌyání nga yito kui jaá xi xi̱ꞌii̱n kui xota̱chjo̱on ka̱ma, ngatꞌa̱ ngayejee̱ nga kisꞌińdojo̱.
29Kósꞌe̱ Kjisoo̱, bi̱ katsó:
–¡Ta̱nisién bo̱a̱jín kjiꞌi ni xi ndokjo̱a̱jnú ngatꞌa̱ yàjínjnú ni xi kjitꞌa xo̱jo̱n eén Néná, ti̱nde yàjínjnú ngaꞌniuú Néná! 30Ngatꞌa̱ ni̱xtjin nga kjo̱a̱ꞌáꞌyaá xota̱ xi je jesoón, ti̱nde ngiti̱ ku̱i̱xánjín, ti̱nde ngiti̱ sa̱ꞌínkixanjín xkjín, ngatꞌa̱ xikónií tsi ndítsjie xi síndo ndiꞌakꞌajmi jàn ka̱ma. 31Ta̱nga kjo̱a̱ ngaá nga foaꞌáꞌyá nginií xota̱ xi je jesoón, a kji̱e̱ niꞌányàjínjnú ni xi katsó Néná. Nga bi̱ katsó: 32Án boá xi Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b. Kó Néná, Nee̱ xota̱ xi síndo boá, jmí tsi Nee̱ xota̱ xi je jesón.
33Kó nga tsintꞌié kuí nii̱, ngayeje xotaa̱ achichí kijíndikoón xikótsꞌèn akóyá Kjisoo̱.
Bi̱ tsꞌén akóyá Kjisoo̱ kjo̱a̱a̱ kjo̱a̱botíxoma xi ꞌniú chjí ngasee̱
(Mar 12:28-34)
34Ta̱nga ngije kamábe já fariseoo̱ nga Kjisoo̱ yíkjo tsꞌoa já sanduseoo̱, kamátikó, kó kijíkoón Kjisoo̱, 35kó ngo nda̱ fariseo̱ xi chji̱ni̱e̱kjo̱a̱kiti, askotꞌayákón Kjisoo̱, nga bi̱ tsꞌén asíyaá:
36–Mostro̱, ñání kjo̱a̱botíxoma xi ꞌniú chjí ngasenii̱ ngi̱jii̱n ngayeje kjo̱a̱botíxoma xi tjiín.
37Kó Kjisoo̱, bi̱ katsó:
Ti̱ꞌintjé ji Ne xi Ndi̱a̱a̱ ngayeje ini̱màa̱, ngayeje kjo̱a̱mindyiòo̱n, ko̱jo ngayeje takín. 38Kuí bí xi̱ꞌbi̱ xi ꞌniú chjínií ko̱jo kuí boá kjo̱a̱botíxoma xi tjoón. 39Ta̱nga tikón xi ma joó, kó ti̱ mején ti̱ bi̱ ti̱ tsó: Ti̱ꞌintjé ji xotaa̱ xikó má tsꞌén tjoó yojòo̱. 40Nga jó kui kjo̱a̱botíxoma xi̱ꞌbi̱, kuí xí yaꞌanii̱ ngayeje xi ngase kjo̱a̱kitii̱, ko̱jo ngayeje ni xi katsꞌénꞌindó jáchji̱ni̱e̱ꞌe̱én Néná.
Bi̱ tsꞌén akasíyaá Kjisoo̱ kjo̱a̱a̱ ꞌyání xi xota̱ tji̱e̱ xi kjindibáni Kristoo̱
(Mar 12:35-37; Rka 20:41-44)
41Kó nga síndotikó já fariseoo̱, Kjisoo̱ asíyá, 42nga bi̱ katsó:
–Kótsꞌèn niꞌánkjójnú jún kjo̱a̱a̱ Kristoo̱. ꞌYá xí xota̱ tji̱e̱e̱.
Sꞌe̱ bi̱ katsó kui jaá:
–Xota̱ tji̱e̱e̱ Ndabii̱ boá xi chji̱a̱ni.
43Kó bi̱ katsó Kjisoo̱:
–Ja̱ kótsꞌèn nga Ndabii̱ kjiꞌanga A̱si̱énni̱xtjii̱n Néná katsꞌénkíchji̱a̱, Ndi̱a̱ katsoó. Ngatꞌa̱ Ndabii̱, bi̱ katsó:
44Ndi̱a̱ná bi̱ katsoó Ndi̱a̱na:
Ti̱ndyintꞌení nga fojnína nínga botixoma an, ngaskande nga kꞌuindo an ngindie ndsa̱ki kondra̱ tse̱.
45Ja̱ kótsꞌèn nga Ndabii̱ Ndi̱a̱na tsoó Kristoo̱, kósꞌe̱ kótsꞌèn nga xota̱ tji̱e̱e̱ Ndabii̱ kjindibáni kui.
46Kó nde ngojín xi kamaá katsóyà ni xi asíyá Kjisoo̱, kó ndeskande kjiꞌa ngiti̱ ingojín xota̱ xi kamákón nga asíyá ngasee̱ kje̱ꞌe ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014