Matioo̱ 18
18
Bi̱ tsꞌén katsóyà Kjisoo̱ ꞌyá xota̱ xi chjí ngasenii̱ nínga botixómá Néná
(Mar 9:33-37; Rka 9:46-48)
1Ti̱kuii ni̱xtjin, xota̱ tsi̱ꞌe̱ Kjisoo̱ jachókón tiñaa̱ Kjisoo̱ kó bi̱ katsoó nga asíyaá:
–ꞌYá xota̱ xi ꞌniú chjí ngasenii̱ ki̱a̱ ndiꞌakꞌajmi nínga botíxomaa̱ Néná.
2Kó Kjisoo̱ ngo nda̱chí tsíchji̱a̱a̱ kó ngamasiee̱n kui jaá íjñá, 3kó bi̱ katsó:
–Ja̱koxi̱ ni xi xiánjnúꞌun nga tsi ko̱sikjojínjnú yojojnú, kó tsi xikójiín jákjíndí ka̱majnú, ku̱i̱tjásꞌi̱e̱njínjnú ndiꞌakꞌajmi nínga botíxomaa̱ Néná. 4Ngatꞌa̱ ta̱ꞌya xota̱ní xi ni̱ma̱takón ka̱ma xikoó kui nda̱chií, kuí xi̱ꞌba̱ xi chjí ngasenii̱ ki̱a̱ ndiꞌakꞌajmi nínga botíxomaa̱ Néná. 5Ta̱ ꞌyání xi skjíbéní ngajona ngo nda̱chí xikoó xi̱ꞌbi̱, ti̱ tsꞌénkjíbéna án nga.
Bi̱ tsꞌén akóyá Kjisoo̱ kjo̱a̱a̱ xota̱ xi ta̱ngatꞌanii̱ kui nga tsꞌénjé xota̱ xi ngasee̱
(Mar 9:42-48; Rka 17:1-2)
6Kó ta̱ꞌya xota̱ní xi sa̱ꞌín ngo ni, tsi̱ꞌe̱ nga tjín káꞌá kui jákjíndí xí sꞌijii̱n an sa̱ꞌínjé, ta̱sá ngo ndi̱jo̱je ngatítꞌa kjásén, sꞌe̱ ngatꞌajmijin yojoo̱ ngi̱jin nínga na̱nga̱a̱ ndáchíkoón. 7Achichí ni tjiín kui nga̱sondiee̱ xi tsꞌén nga ngo xota̱ xi tsꞌénkjátjosónjiín Néná, kó jmíjín kótsꞌèn ka̱ma kꞌuichjáa̱. Ta̱nga, achichí nga ndajín kꞌuijñá kui xota̱ xi sa̱ꞌín ngo ni, tsi̱ꞌe̱ nga kje̱ꞌe xota̱ sa̱ꞌínkjatjosónjiín Néná.
8Kuíni nga tsi ndse̱ ko̱jo tsi ndsa̱ki ko̱ngijeé, ta̱sá ti̱chékjé jí, kó kjin ti̱chíjmi, ta̱sá ndatsi ka̱tòn ndse̱ ko̱jo tsi ka̱tòn ndsa̱ki nga kꞌuieé kjo̱a̱mindyion ngatsjeé, ta̱bo̱a̱jiín tsi síndo nga jó ndse̱ ko̱jo tsi síndo nga jó ndsa̱ki nga ku̱i̱chíjmijii̱n ngi̱jii̱n ndiꞌí xí jmíni̱xtjin kꞌo̱o̱. 9Kó tsi ndyikin sku̱i̱e̱ ngo ni xi ko̱ngijeé, ꞌna̱xié ji, kó kjin ti̱chíjmi, ta̱sá nda ngase tsi ta̱ ngo tsí ndyikin ndyi̱a̱ nga ku̱i̱tjásꞌi̱n kjo̱a̱mindyion ngatsjeé, ta̱bo̱a̱jiín tsi nga jó ndyikin ndyi̱a̱ nga ku̱i̱chíjmijii̱n ngi̱jin ndiꞌií ndo̱bo̱a̱ṉkꞌi̱e̱e̱n.
Bi̱ tsꞌén íjñá chi̱bo̱a̱ Kjisoo̱ kjo̱a̱a̱ énkjiín cho̱tsa̱nga̱ xi kichajaá
(Rka 15:3-7)
10Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn. 11Ngatꞌa̱ ndií nda̱ xi̱ꞌii̱n jeꞌe tsi̱ꞌe̱ nga kꞌo̱xiéꞌá xota̱ xi je kichajaá.
12Kótsꞌèn sasiénjnú kui nii̱ jún. Tsi ngo nda̱ xi tjiín úchán cho̱tsa̱nga̱, sꞌe̱ ngo xcha̱jaa̱, a ku̱i̱ꞌíjñámasienjín xí ngi ichítié ko̱jo yichán nijaa̱n, tsi̱ꞌe̱ nga ko̱e̱je̱ngase cho̱tsa̱nga̱ xi ngo xi kichajaá. 13Kó tsi sa̱ko̱ó, ja̱koxi̱ ni xi xiánjnúꞌun nga achichí tsjá ka̱maa̱ kjo̱a̱a̱ xi ngoo̱, ta̱bo̱a̱jiín xi ngi ichítié ko̱jo yichán nijan xi kichajájiín. 14Ti̱ bo̱a̱ ti̱ tsꞌén, Na̱ꞌmijnú xi tikón ndiꞌakꞌajmi jàn, mejénjiín nga ngo kui ndií xcha̱ja.
Bi̱ tsꞌén akóyá Kjisoo̱ kjo̱a̱a̱ kjo̱a̱niꞌánjetakoón
(Rka 17:3)
15Ta̱nga tsi ngo ntsꞌie sa̱ꞌínjé kondra̱ tse̱, ndókjo̱e̱je so̱bo̱e̱ mára ji tsi̱ꞌe̱ nga sku̱i̱e̱ nga ndajínkjiꞌi ni xi katsꞌén, tsi ku̱i̱ntꞌiéꞌén, ja̱ jè kiniꞌín nginí ji ntsꞌie. 16Ta̱nga tsi ku̱i̱ntꞌiéꞌénjiín, tꞌenchín nginíi̱, kó tꞌenje̱ ji tsi ngo ko̱jo tsi jó xota̱, tsi̱ꞌe̱ nga tsi jó ko̱jo tsi ján chistiko̱ ka̱tso̱yà ni xi ka̱maa̱, 17kó tsi ti̱nde bo̱a̱ tsꞌén ku̱i̱ntꞌiéꞌénjín, tꞌíyée̱ xota̱ na̱ngo̱xi̱i̱, kó tsi ti̱nde bo̱a̱ tsꞌén ku̱i̱ntꞌiéꞌénjiín ni xi ka̱tso̱o̱ kui xotaa̱, ja̱ ta̱sá xikoó tsi ngo xota̱ xi jundío̱jín ngatamaa̱ kui nda̱a̱, ko̱jo tsi xikoó ngo nda̱ xi foaꞌáꞌyá to̱n xi machjítjé nii̱.
18Ja̱koxi̱ ni xi xiánjnúꞌun nga ngayeje ni xi kuítꞌaꞌniújnú kꞌi̱e̱ tꞌanangii̱, ti̱ si̱tꞌaꞌniú ki̱a̱ ndiꞌakꞌajmii̱, kó ngayeje ni xi chjándójnú kꞌi̱e̱ tꞌanangii̱, ti̱ kꞌuíndondé ki̱a̱ ndiꞌakꞌajmii̱ nga.
19Kuíni nga ingo ndi̱yà xiyà nginíjnúꞌun: Tsi jó ka̱majnú nga kꞌuíndajnú tsi̱ꞌe̱ nga chji̱a̱ꞌajnú ngo ni kꞌi̱e̱ tꞌanangii̱, Na̱ꞌmina xi tikón ndiꞌakꞌajmi jàn tsja̱ajnú. 20Ngatꞌa̱ nínga jó ko̱jo tsi ján xota̱ ka̱matikó xí sꞌijii̱n an, ki̱a̱ kotíjña̱jìi̱n ngamasiee̱n.
21Kósꞌe̱ Peé kijíkóntiñaa̱ Kjisoo̱, kó bi̱ katsoó nga asíyaá:
–Ndi̱a̱, kótjín ndi̱yà sa̱ꞌinjetakóo̱n ntsꞌié án tsi ngo jé sa̱ꞌín kondra̱ tsa̱ꞌa̱n. A ngaskande yito ndi̱yà.
22Sꞌe̱ Kjisoo̱, bi̱ katsó:
–Jmí tsi ta̱ yito tsí ndi̱yà tsí tꞌíxiaán, ngaskande ichítié ko̱jo kan ndi̱yà yito.
Bi̱ tsꞌén íjñá chi̱bo̱a̱ Kjisoo̱ kjo̱a̱a̱ énkjiín nda̱ moso̱ xi katsꞌénjetakónjiín moso̱ xkjín
23Kó kuíni nga, nínga botíxomaa̱ Néná bo̱a̱ ma xikó maá ni xi kamaá ngo nda̱ ree̱ xi katsꞌénjo̱ xki̱ já mosoo̱. 24Kó sꞌe̱ tsí ítsꞌi̱yanii̱ nga sa̱ꞌín xki̱, nga jachóchinií ngo moso̱ xi tjitjieén tie mi̱ to̱n talentoo̱. 25Kó kui mosoo̱ jmíjín kamaá to̱n xi ku̱i̱ꞌíchjínií, sꞌe̱ nda̱ ree̱ katsjákjo̱a̱ tsi̱ꞌe̱ nga sti̱iñá kui mosoo̱, ko̱jo chjo̱ón, ko̱jo ndií, ko̱jo ngayeje ni xi tjiín, tsi̱ꞌe̱ nga ku̱i̱ꞌíchjí ngayeje to̱n xi tjitjieén. 26Ta̱nga kui nda̱ mosoo̱ asiéntikoó ngindyi̱ko̱n nda̱ ree̱, sꞌe̱ bi̱ katsó nga ꞌniú tsíꞌáa̱: Ndi̱a̱, chiyékjo̱e̱ní ngi̱chí, kó kꞌuichjí yejee̱ to̱n xi tjitjíe̱nna. 27Kó nda̱ ree̱ ni̱ma̱ kamaá kui nda̱ mosoo̱, sꞌe̱ katsꞌénjetakoón ngayeje to̱n xi tjitjieén, kó katsꞌénkjí ndé. 28Ngije jatjo kui mosoo̱ ndiꞌaa̱ nda̱ ree̱, tji̱e̱nmá kamábe ngo nda̱ moso̱ xkjín xí úchán to̱n ndenario̱ kitsjiee̱n tsi̱ꞌe̱, ta̱tra iskjíbé kjásén kui nda̱a̱, sꞌe̱ bi̱ katsoó: ¡Tꞌíchjíní to̱n xi tjitjiée̱n tsa̱ꞌa̱n! 29Kui nda̱ moso̱ xi tjitjieén to̱o̱n asiéntikoó ngindyi̱ko̱n kui mosoo̱, kó bi̱ katsoó: Chiyékjo̱e̱ní ngi̱chí, kó kꞌuichjí yejee̱ to̱n xi tjitjíe̱nna. 30Ta̱nga kamámejénjiín kui nda̱a̱, sꞌe̱ katsangisꞌien ndo̱bo̱a̱yà ngaskande nga ku̱i̱ꞌíchjií kui to̱n xi tjitjieén. 31Achichí on kamaá já moso̱ xi ngasee̱ kjo̱a̱a̱ kui nii̱, kó kijítsóyaà nda̱ ree̱ kui ni xi kamaá. 32Kósꞌe̱ nda̱ ree̱ katsangiyakjaꞌá kuí mosoo̱, sꞌe̱ bi̱ katsoó: ¡Mí xí ta̱ ndajín ji xota̱! Katsꞌénjetakoón ngayeje to̱n xi tjitjiée̱n tsa̱ꞌa̱n, ngatꞌa̱ ꞌniú kichjiéꞌéní. 33A kjo̱a̱ꞌniújín tjínnií nga ni̱ma̱ kamaá jí kui mosoo̱ xikótsꞌèn ni̱ma̱ kamána ji. 34Kó achichí katsꞌénxchán nda̱ ree̱, kó katsjákjo̱a̱ tsi̱ꞌe̱ nga si̱ꞌanjeé kui mosoo̱, ngaskande nga ku̱i̱ꞌíchjií ngayeje to̱n xi tjitjieén. 35Sꞌe̱ Kjisoo̱, bi̱ katsó ngase:
–Bo̱a̱ ti̱ sa̱ꞌínjo̱jnú Na̱ꞌmina xi tikón ndiꞌakꞌajmi jàn tsi ngayejejín ini̱ma̱jnú nga si̱ꞌanjetakónjnúu̱ nga chꞌo ka̱tso̱jnú ngo ntsꞌiejnú.
Currently Selected:
Matioo̱ 18: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Matioo̱ 18
18
Bi̱ tsꞌén katsóyà Kjisoo̱ ꞌyá xota̱ xi chjí ngasenii̱ nínga botixómá Néná
(Mar 9:33-37; Rka 9:46-48)
1Ti̱kuii ni̱xtjin, xota̱ tsi̱ꞌe̱ Kjisoo̱ jachókón tiñaa̱ Kjisoo̱ kó bi̱ katsoó nga asíyaá:
–ꞌYá xota̱ xi ꞌniú chjí ngasenii̱ ki̱a̱ ndiꞌakꞌajmi nínga botíxomaa̱ Néná.
2Kó Kjisoo̱ ngo nda̱chí tsíchji̱a̱a̱ kó ngamasiee̱n kui jaá íjñá, 3kó bi̱ katsó:
–Ja̱koxi̱ ni xi xiánjnúꞌun nga tsi ko̱sikjojínjnú yojojnú, kó tsi xikójiín jákjíndí ka̱majnú, ku̱i̱tjásꞌi̱e̱njínjnú ndiꞌakꞌajmi nínga botíxomaa̱ Néná. 4Ngatꞌa̱ ta̱ꞌya xota̱ní xi ni̱ma̱takón ka̱ma xikoó kui nda̱chií, kuí xi̱ꞌba̱ xi chjí ngasenii̱ ki̱a̱ ndiꞌakꞌajmi nínga botíxomaa̱ Néná. 5Ta̱ ꞌyání xi skjíbéní ngajona ngo nda̱chí xikoó xi̱ꞌbi̱, ti̱ tsꞌénkjíbéna án nga.
Bi̱ tsꞌén akóyá Kjisoo̱ kjo̱a̱a̱ xota̱ xi ta̱ngatꞌanii̱ kui nga tsꞌénjé xota̱ xi ngasee̱
(Mar 9:42-48; Rka 17:1-2)
6Kó ta̱ꞌya xota̱ní xi sa̱ꞌín ngo ni, tsi̱ꞌe̱ nga tjín káꞌá kui jákjíndí xí sꞌijii̱n an sa̱ꞌínjé, ta̱sá ngo ndi̱jo̱je ngatítꞌa kjásén, sꞌe̱ ngatꞌajmijin yojoo̱ ngi̱jin nínga na̱nga̱a̱ ndáchíkoón. 7Achichí ni tjiín kui nga̱sondiee̱ xi tsꞌén nga ngo xota̱ xi tsꞌénkjátjosónjiín Néná, kó jmíjín kótsꞌèn ka̱ma kꞌuichjáa̱. Ta̱nga, achichí nga ndajín kꞌuijñá kui xota̱ xi sa̱ꞌín ngo ni, tsi̱ꞌe̱ nga kje̱ꞌe xota̱ sa̱ꞌínkjatjosónjiín Néná.
8Kuíni nga tsi ndse̱ ko̱jo tsi ndsa̱ki ko̱ngijeé, ta̱sá ti̱chékjé jí, kó kjin ti̱chíjmi, ta̱sá ndatsi ka̱tòn ndse̱ ko̱jo tsi ka̱tòn ndsa̱ki nga kꞌuieé kjo̱a̱mindyion ngatsjeé, ta̱bo̱a̱jiín tsi síndo nga jó ndse̱ ko̱jo tsi síndo nga jó ndsa̱ki nga ku̱i̱chíjmijii̱n ngi̱jii̱n ndiꞌí xí jmíni̱xtjin kꞌo̱o̱. 9Kó tsi ndyikin sku̱i̱e̱ ngo ni xi ko̱ngijeé, ꞌna̱xié ji, kó kjin ti̱chíjmi, ta̱sá nda ngase tsi ta̱ ngo tsí ndyikin ndyi̱a̱ nga ku̱i̱tjásꞌi̱n kjo̱a̱mindyion ngatsjeé, ta̱bo̱a̱jiín tsi nga jó ndyikin ndyi̱a̱ nga ku̱i̱chíjmijii̱n ngi̱jin ndiꞌií ndo̱bo̱a̱ṉkꞌi̱e̱e̱n.
Bi̱ tsꞌén íjñá chi̱bo̱a̱ Kjisoo̱ kjo̱a̱a̱ énkjiín cho̱tsa̱nga̱ xi kichajaá
(Rka 15:3-7)
10Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn. 11Ngatꞌa̱ ndií nda̱ xi̱ꞌii̱n jeꞌe tsi̱ꞌe̱ nga kꞌo̱xiéꞌá xota̱ xi je kichajaá.
12Kótsꞌèn sasiénjnú kui nii̱ jún. Tsi ngo nda̱ xi tjiín úchán cho̱tsa̱nga̱, sꞌe̱ ngo xcha̱jaa̱, a ku̱i̱ꞌíjñámasienjín xí ngi ichítié ko̱jo yichán nijaa̱n, tsi̱ꞌe̱ nga ko̱e̱je̱ngase cho̱tsa̱nga̱ xi ngo xi kichajaá. 13Kó tsi sa̱ko̱ó, ja̱koxi̱ ni xi xiánjnúꞌun nga achichí tsjá ka̱maa̱ kjo̱a̱a̱ xi ngoo̱, ta̱bo̱a̱jiín xi ngi ichítié ko̱jo yichán nijan xi kichajájiín. 14Ti̱ bo̱a̱ ti̱ tsꞌén, Na̱ꞌmijnú xi tikón ndiꞌakꞌajmi jàn, mejénjiín nga ngo kui ndií xcha̱ja.
Bi̱ tsꞌén akóyá Kjisoo̱ kjo̱a̱a̱ kjo̱a̱niꞌánjetakoón
(Rka 17:3)
15Ta̱nga tsi ngo ntsꞌie sa̱ꞌínjé kondra̱ tse̱, ndókjo̱e̱je so̱bo̱e̱ mára ji tsi̱ꞌe̱ nga sku̱i̱e̱ nga ndajínkjiꞌi ni xi katsꞌén, tsi ku̱i̱ntꞌiéꞌén, ja̱ jè kiniꞌín nginí ji ntsꞌie. 16Ta̱nga tsi ku̱i̱ntꞌiéꞌénjiín, tꞌenchín nginíi̱, kó tꞌenje̱ ji tsi ngo ko̱jo tsi jó xota̱, tsi̱ꞌe̱ nga tsi jó ko̱jo tsi ján chistiko̱ ka̱tso̱yà ni xi ka̱maa̱, 17kó tsi ti̱nde bo̱a̱ tsꞌén ku̱i̱ntꞌiéꞌénjín, tꞌíyée̱ xota̱ na̱ngo̱xi̱i̱, kó tsi ti̱nde bo̱a̱ tsꞌén ku̱i̱ntꞌiéꞌénjiín ni xi ka̱tso̱o̱ kui xotaa̱, ja̱ ta̱sá xikoó tsi ngo xota̱ xi jundío̱jín ngatamaa̱ kui nda̱a̱, ko̱jo tsi xikoó ngo nda̱ xi foaꞌáꞌyá to̱n xi machjítjé nii̱.
18Ja̱koxi̱ ni xi xiánjnúꞌun nga ngayeje ni xi kuítꞌaꞌniújnú kꞌi̱e̱ tꞌanangii̱, ti̱ si̱tꞌaꞌniú ki̱a̱ ndiꞌakꞌajmii̱, kó ngayeje ni xi chjándójnú kꞌi̱e̱ tꞌanangii̱, ti̱ kꞌuíndondé ki̱a̱ ndiꞌakꞌajmii̱ nga.
19Kuíni nga ingo ndi̱yà xiyà nginíjnúꞌun: Tsi jó ka̱majnú nga kꞌuíndajnú tsi̱ꞌe̱ nga chji̱a̱ꞌajnú ngo ni kꞌi̱e̱ tꞌanangii̱, Na̱ꞌmina xi tikón ndiꞌakꞌajmi jàn tsja̱ajnú. 20Ngatꞌa̱ nínga jó ko̱jo tsi ján xota̱ ka̱matikó xí sꞌijii̱n an, ki̱a̱ kotíjña̱jìi̱n ngamasiee̱n.
21Kósꞌe̱ Peé kijíkóntiñaa̱ Kjisoo̱, kó bi̱ katsoó nga asíyaá:
–Ndi̱a̱, kótjín ndi̱yà sa̱ꞌinjetakóo̱n ntsꞌié án tsi ngo jé sa̱ꞌín kondra̱ tsa̱ꞌa̱n. A ngaskande yito ndi̱yà.
22Sꞌe̱ Kjisoo̱, bi̱ katsó:
–Jmí tsi ta̱ yito tsí ndi̱yà tsí tꞌíxiaán, ngaskande ichítié ko̱jo kan ndi̱yà yito.
Bi̱ tsꞌén íjñá chi̱bo̱a̱ Kjisoo̱ kjo̱a̱a̱ énkjiín nda̱ moso̱ xi katsꞌénjetakónjiín moso̱ xkjín
23Kó kuíni nga, nínga botíxomaa̱ Néná bo̱a̱ ma xikó maá ni xi kamaá ngo nda̱ ree̱ xi katsꞌénjo̱ xki̱ já mosoo̱. 24Kó sꞌe̱ tsí ítsꞌi̱yanii̱ nga sa̱ꞌín xki̱, nga jachóchinií ngo moso̱ xi tjitjieén tie mi̱ to̱n talentoo̱. 25Kó kui mosoo̱ jmíjín kamaá to̱n xi ku̱i̱ꞌíchjínií, sꞌe̱ nda̱ ree̱ katsjákjo̱a̱ tsi̱ꞌe̱ nga sti̱iñá kui mosoo̱, ko̱jo chjo̱ón, ko̱jo ndií, ko̱jo ngayeje ni xi tjiín, tsi̱ꞌe̱ nga ku̱i̱ꞌíchjí ngayeje to̱n xi tjitjieén. 26Ta̱nga kui nda̱ mosoo̱ asiéntikoó ngindyi̱ko̱n nda̱ ree̱, sꞌe̱ bi̱ katsó nga ꞌniú tsíꞌáa̱: Ndi̱a̱, chiyékjo̱e̱ní ngi̱chí, kó kꞌuichjí yejee̱ to̱n xi tjitjíe̱nna. 27Kó nda̱ ree̱ ni̱ma̱ kamaá kui nda̱ mosoo̱, sꞌe̱ katsꞌénjetakoón ngayeje to̱n xi tjitjieén, kó katsꞌénkjí ndé. 28Ngije jatjo kui mosoo̱ ndiꞌaa̱ nda̱ ree̱, tji̱e̱nmá kamábe ngo nda̱ moso̱ xkjín xí úchán to̱n ndenario̱ kitsjiee̱n tsi̱ꞌe̱, ta̱tra iskjíbé kjásén kui nda̱a̱, sꞌe̱ bi̱ katsoó: ¡Tꞌíchjíní to̱n xi tjitjiée̱n tsa̱ꞌa̱n! 29Kui nda̱ moso̱ xi tjitjieén to̱o̱n asiéntikoó ngindyi̱ko̱n kui mosoo̱, kó bi̱ katsoó: Chiyékjo̱e̱ní ngi̱chí, kó kꞌuichjí yejee̱ to̱n xi tjitjíe̱nna. 30Ta̱nga kamámejénjiín kui nda̱a̱, sꞌe̱ katsangisꞌien ndo̱bo̱a̱yà ngaskande nga ku̱i̱ꞌíchjií kui to̱n xi tjitjieén. 31Achichí on kamaá já moso̱ xi ngasee̱ kjo̱a̱a̱ kui nii̱, kó kijítsóyaà nda̱ ree̱ kui ni xi kamaá. 32Kósꞌe̱ nda̱ ree̱ katsangiyakjaꞌá kuí mosoo̱, sꞌe̱ bi̱ katsoó: ¡Mí xí ta̱ ndajín ji xota̱! Katsꞌénjetakoón ngayeje to̱n xi tjitjiée̱n tsa̱ꞌa̱n, ngatꞌa̱ ꞌniú kichjiéꞌéní. 33A kjo̱a̱ꞌniújín tjínnií nga ni̱ma̱ kamaá jí kui mosoo̱ xikótsꞌèn ni̱ma̱ kamána ji. 34Kó achichí katsꞌénxchán nda̱ ree̱, kó katsjákjo̱a̱ tsi̱ꞌe̱ nga si̱ꞌanjeé kui mosoo̱, ngaskande nga ku̱i̱ꞌíchjií ngayeje to̱n xi tjitjieén. 35Sꞌe̱ Kjisoo̱, bi̱ katsó ngase:
–Bo̱a̱ ti̱ sa̱ꞌínjo̱jnú Na̱ꞌmina xi tikón ndiꞌakꞌajmi jàn tsi ngayejejín ini̱ma̱jnú nga si̱ꞌanjetakónjnúu̱ nga chꞌo ka̱tso̱jnú ngo ntsꞌiejnú.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014