Matioo̱ 12
12
Bi̱ tsꞌén tsíchji̱a̱ Kjisoo̱ kjo̱a̱a̱ ni̱xtjin ndikoón
(Mar 2:23-28; Rka 6:1-5)
1Kui ni̱xtjin jàn jaꞌa Kjisoo̱ ngo ni̱xtjin ndikón nínga tjitjíe̱ to ndso̱ko̱a̱n ṉño̱pan, kó xota̱ tsi̱ꞌe̱ kamábojoó, sꞌe̱ ítsꞌi̱yanii̱ nga tsꞌenje̱n ńtiín to ndso̱ko̱a̱n ṉño̱pan, sꞌe̱ iskjinie. 2Kó nga kamábe já fariseoo̱ kui nii̱, bi̱ katsoó Kjisoo̱:
–Jànꞌa̱n Kjiso̱, xota̱ tse̱ ndyi̱tsꞌèn ni xi tsjandièjín kjo̱a̱kitii̱ nga niꞌán nga ni̱xtjin ndikón.
3Ta̱nga Kjisoo̱, bi̱ katsó:
–A kji̱e̱ niꞌányàjínjnú xo̱jo̱n eén Néná nínga chji̱a̱ kjo̱a̱a̱ ni xi katsꞌén Ndabii̱ ngo ndi̱yà nga kamábojoó kui ko̱jo xota̱a̱, 4kótsꞌèn tsꞌasꞌien ndiꞌaa̱ Néná, kó iskjinie kui, ko̱jo xota̱a̱ pan xi je kiniꞌánkꞌasꞌiee̱n Néná, kui xi tsjandièjín kjo̱a̱kitii̱ nga skji̱ni̱e̱ kui ko̱jo xota̱a̱, kó ta̱kuítsí já chináꞌmii̱ xi ma kjinie. 5Axa̱, a kji̱e̱ niꞌányàjínjnú xo̱jo̱n kjo̱a̱kitii̱, kjo̱a̱a̱ kótsꞌèn nga ni̱xtjin ndikón nga já chináꞌmii̱ tsꞌénxá ngi̱ya na̱ngo̱xi̱i̱, kó jmí jéjiín. 6Ta̱nga xiyàjnúꞌun nga kꞌi̱e̱ tikónjo̱jnú ngo nda̱ xi chjí ngasenii̱ ta̱bo̱a̱jiín na̱ngo̱xi̱i̱. 7Ta̱nga tsi ka̱makjínjnú mí ni xi bi̱ tsoó: Kjo̱a̱ni̱ma̱takón xi mejénna, jmí tsi kjo̱a̱tjó xi si̱ꞌankꞌasꞌienna nde kjongítaꞌínjínjnú jé xota̱ xi jmí jéjiín tsobo̱a̱. 8Ngatꞌa̱ ndií nda̱ xi̱ꞌii̱n ngaskande kui botixómaá ni̱xtjin ndikoón nga.
Bi̱ tsꞌén katsꞌéndaya Kjisoo̱ ngo nda̱ xi kixíyà tsja
(Mar 3:1-6; Rka 6:6-11)
9Kó ngije jatjo kui ngi̱ndiee̱, tsꞌasꞌien ngi̱ya ndiꞌa nínga ndokjo̱a̱ eén Néná xí tsi̱ꞌe̱ kui jaá. 10Kó ki̱a̱ tikón ngo nda̱ xi kixíyà tsja, kó bi̱ tsꞌén akasíyaá Kjisoo̱ tsi̱ꞌe̱ nga bo̱a̱ tsꞌén sa̱ko̱ó ngo kjo̱a̱ nga ko̱óngítaꞌin:
–A tsjandiè kjo̱a̱kitii̱ nga ka̱ma si̱ꞌandayà ngo xota̱ nga ni̱xtjin ndikón.
11Ta̱nga Kjisoo̱, bi̱ katsoó:
–Tsi ngo cho̱tsa̱nga̱a̱ ngo nda̱ kꞌo̱kayà ngo ti̱xa̱ nga ni̱xtjin ndikón, a mí tsí ko̱síko̱jo nga kꞌo̱xié. 12Ja̱ kókjiꞌi chjí ngasenii̱ ngo nda̱ ta̱bo̱a̱jiín ngo cho̱tsa̱nga̱. Kó kuíni nga, tsjandiè kjo̱a̱kitii̱ nga ka̱ma si̱ꞌán ngo ni xi ndakjiꞌi nga ni̱xtjin ndikón.
13Kósꞌe̱ Kjisoo̱, bi̱ katsoó kui nda̱a̱:
–Tjintie ndse̱.
Kó kui nda̱a̱ yejéntie tsja, kó kamándaya xikó má kjiꞌi tsja xi ingoo̱. 14Kó ngije jataxie já fariseoo̱, ítsꞌi̱yanii̱ nga índa kótsꞌèn sa̱ꞌínkꞌién Kjisoo̱.
Bi̱ tsꞌén katsꞌéndaya Kjisoo̱ kjín xota̱
15Ta̱nga Kjisoo̱ kamákjiín kui nii̱, kó xín kijí, kó achichí má xota̱ xi kijítji̱ngii̱, kó ngayeje xota̱ xi oo̱n katsꞌéndaya, 16ta̱nga tsíchji̱a̱jo kui xotaa̱ tsi̱ꞌe̱ nga ka̱tso̱yàjín ꞌyání bo̱a̱ xi kui, 17tsi̱ꞌe̱ nga jatjosón ni xi katsó nda̱chji̱ni̱e̱ꞌe̱én Néná xi ꞌmí Isayaa̱, nga bi̱ katsó:
18Kꞌi̱e̱ tikón moso̱na, kui xi jaꞌajin an,
achichí tjóna, kó tsja maa̱ ini̱ma̱na.
Tsjàa̱ A̱si̱énni̱xtjinna tsi̱ꞌe̱ nga ku̱i̱ꞌíni̱jmi̱ì ni xi kixi̱ xota̱ xi jundío̱jín.
19Ngojín xota̱ skjo̱tíjo̱, ti̱nde skja̱ndáyàjín,
ngojín xota̱ xi ku̱i̱ntꞌiè nda̱a̱ ngi̱ya ndi̱yàtié.
20Skjítꞌójín ngo yáxá xi je kjiꞌikjojó,
kó sa̱ꞌínkꞌójín ndiꞌií ngo ńchjónsién xi je ta̱ ṉdi̱i̱ xí tjitjó,
ngaskande nga sa̱ꞌín ni xi tjiín kjo̱a̱kixi̱i̱.
21Kó xota̱ xi jundío̱jín skoyaá ni xi nda ngi̱yaa̱ jaꞌeén.
Bi̱ tsꞌén tsíchji̱a̱ Kjisoo̱ kjo̱a̱a̱ xindajín Belsebuu̱
(Mar 3:20-30; Rka 11:14-23)
22Kósꞌe̱ jachóchinií Kjisoo̱ ngo nda̱ ti̱ka̱ ko̱jo xi ni̱ma̱ xi májín chji̱a̱, xi tjíjii̱n ngo a̱si̱énni̱xtjii̱n xindajín, kó Kjisoo̱ katsꞌéndaya, kó kui nda̱a̱ kamátsijee̱n, ko̱jo kamátsíchji̱a̱. 23Kó ngayeje xotaa̱ kijíndikoón, kó bi̱ katsoó xkjín:
–A kuijín xi̱ꞌbi̱ xi xota̱ tji̱e̱e̱ Ndabii̱.
24Ta̱nga nga tsintꞌié kuí nii̱ já fariseoo̱, bi̱ katsó:
–Kui nda̱a̱ nga ꞌboxié a̱si̱énni̱xtjii̱n xindajín, ngaꞌniuú ngito̱ko̱o̱ xindajín xi ꞌmí Belsebuu̱ xí tsꞌénkjién.
25Ta̱nga Kjisoo̱ kamákjiín ni xi katsꞌénkjó kui jaá, kó bi̱ katsoó:
Ngayeje ngi̱ndie nínga botixómá ngo nda̱ re tsi jó tjín ka̱ma, jè sꞌi̱jña soboá, kó tsi ngo na̱xi̱ńdá ko̱jo tsi xota̱ xi síndo ngo ndiꞌa tsi jó tjín ka̱ma, ngiti̱ ka̱májiín kꞌuijñá ngase. 26Kó tsi xindajín Satanaa̱ xi kꞌo̱xié ti̱ kui yojoo̱, ngatꞌa̱ kondra̱ ka̱maa̱ yojoo̱, ja̱ kótsꞌèn sꞌi̱jña kui ngi̱ndie nínga botixómá. 27Kó tsi jún ndyi̱ꞌmìjnú nga an ꞌboxié an a̱si̱énni̱xtjii̱n xindajín, ko̱jo nga ngaꞌniuú xindajín Belsebuu̱ tsꞌenkjién án, ja̱, ꞌyá xí tsja̱angaꞌniuú ndíjnú tsi̱ꞌe̱ nga ka̱maa̱ kꞌo̱xié a̱si̱énni̱xtjii̱n xindajín. Kuíni nga, kuí boá xi nendiꞌamasienjnú ka̱ma. 28Ta̱nga tsi A̱si̱énni̱xtjii̱n Néná tsꞌenkjién án nga ꞌboxié an a̱si̱énni̱xtjii̱n xindajín, ja̱koxi̱ boá nga Néná je ko̱tíxomájnú.
29Ngatꞌa̱ kótsꞌèn ka̱maa̱ nga ngo nda̱ sa̱ꞌínchejeé ndiꞌaa̱ ngo nda̱ xi tjingáꞌniuú tsi tjónjínmára ku̱i̱ꞌítaꞌniú. Ta̱ bo̱a̱ tsí tsꞌén nga ka̱maa̱ sa̱ꞌínchejeé ni xi tjiín.
30Xi kjo̱a̱ndanajín tsoꞌbá, kondra̱na tsoꞌbá, kó xi ku̱i̱ndyiájo̱jínna ngo ni xi tsꞌénmindyia an, tsꞌénkjitjón.
31Kó kuíni nga bo̱a̱ tꞌíxiánjnúꞌun: Nga ngayeje jé ko̱jo xota̱ xi chꞌo ka̱tso̱, ka̱majetakoón, ta̱nga xi chꞌo ka̱tso̱o̱ A̱si̱énni̱xtjii̱n Néná ka̱majetakónjiín. 32Kó ta̱ ꞌyání xi chꞌo ka̱tso̱o̱ ndií nda̱ xi̱ꞌii̱n, si̱ꞌanjetakoón, ta̱nga xi chꞌo ka̱tso̱ kondra̱a̱ A̱si̱énni̱xtjii̱n Néná si̱ꞌanjetakónjiín, ti̱nde kui nga̱sondiee̱ xi̱ꞌbi̱, ti̱nde nga̱sondie xi sꞌe̱ ndibaá.
Bi̱ tsꞌén katsóyà Kjisoo̱ kjo̱a̱a̱ nga yaá xí bokó mí to xi boajaá
(Rka 6:43-45)
33Tsi nda yaá, nda to xi ko̱a̱ja̱a̱, kó tsi ndajín yaá, ndajín to xi ko̱a̱ja̱a̱, ngatꞌa̱ too̱ yaá xí bokó tsi nda ko̱jo tsi ndajín yaá. 34¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa. 35Nda̱ xi ndaa̱, ni xi nda ꞌboxiéjin ngi̱jin ini̱ma̱a̱, kó nda̱ xi ndajiín ni xi ndajiín xí ꞌboxié. 36Ta̱nga an xiyàjnúꞌun nga kjiꞌanga kjo̱chó ni̱xtjin nga ka̱majé, ngayeje xotaa̱ nga sa̱ꞌínkꞌasꞌien xki̱ kjo̱a̱a̱ ngayeje én xí ta̱xkiya tsíchji̱a̱. 37Ngatꞌa̱ kjo̱a̱a̱ én xí kandokjo̱e̱ boá nga ka̱makixi̱ni ji, kó ta̱ngatꞌanii̱ ée̱n nga ka̱majeé.
Bi̱ tsꞌén tsíchji̱a̱ Kjisoo̱ kjo̱a̱a̱ xota̱ xi mejeén sku̱i̱e̱ ngo kjo̱a̱ndikón
(Mar 8:12; Rka 11:29-32)
38Kósꞌe̱ tjín káꞌá já fariseoo̱ ko̱jo já chji̱ni̱e̱kjo̱a̱kitii̱, xi bi̱ katsoó Kjisoo̱:
–Mostro̱ mejénjne̱ nga ko̱ké ji ngo chi̱bo̱a̱.
39Sꞌe̱ Kjisoo̱, bi̱ katsó:
–Kui xota̱ xi ndajín ko̱jo xi ndyi̱tsꞌèntꞌaa̱kjo̱a̱ Néná ndyi̱míꞌá ngo chi̱bo̱a̱, ta̱nga jmí chi̱bo̱a̱ ko̱e̱ꞌéjiín, ta̱kuítsí chi̱bo̱a̱a̱ nda̱chji̱ni̱e̱ꞌe̱én Néná xi ꞌmí Jonaa̱. 40Ngatꞌa̱ xikótsꞌèn kisꞌijña Jonaa̱ ján ni̱xtjin ko̱jo ján ni̱xtji̱e̱n ngi̱ya nga̱tsꞌo̱a̱ ngo tji̱o̱ xi ꞌniú je, ti̱ bo̱a̱ ti̱ tsꞌén ndií nda̱ xi̱ꞌii̱n, ján ni̱xtjin ko̱jo ján ni̱xtji̱e̱n kꞌuijñá ngindie tꞌanangii̱. 41Xota̱ xi chji̱a̱ni na̱xi̱ńdáꞌniú Nínibe̱ kjo̱stjíe̱n ni̱xtjin nga si̱ꞌanjeé kui xotaa̱, kó kuí xí sa̱ꞌínjeé kui xotaa̱, ngatꞌa̱ nga tsintꞌié ni xi íni̱jmì Jonaa̱, katsꞌénkꞌoyá yojoo̱, kó ngotꞌe̱ ꞌne̱ kꞌi̱e̱ tikónjo̱jnú ngo nda̱ xi nkꞌa ngase xaá ta̱bo̱a̱jiín Jonaa̱. 42Kó na̱ re xi atíxomaa̱ nangi Sabaa̱ kjo̱stjíe̱n kondraa̱ kui xota̱ xi̱ꞌbi̱ kó ti̱ ko̱tíjeé, ngatꞌa̱ ngaskande nínga fetꞌaa̱ tꞌanangii̱ kjindibáni nga tsintꞌieé kjo̱a̱kjínkoón Salomoo̱, kó ngotꞌe̱ ꞌne̱ kꞌi̱e̱ tikónjo̱jnú ngo nda̱ xi nkꞌa ngase xaá ta̱bo̱a̱jiín Salomoo̱.
Bi̱ tsꞌén katsóyà Kjisoo̱ kjo̱a̱a̱ kui A̱siénni̱xtjin xindajín xi foeꞌeꞌoyá nginí
(Rka 11:24-26)
43Kjiꞌanga ngo a̱siénni̱xtjin xi ndajín fotjoo̱ ngo nda̱, ngi̱ndie nínga kixí fotsoꞌbá nga mongase ngi̱ndie, kó sakójiín. 44Kósꞌe̱ bi̱ tsꞌén tsꞌénkjó: Kjuínꞌóyá ngiñá an ndiꞌa nínga jatjo an. Ngije fochó nginí, be nga jmíjín xi tjín, je akatíchá kui ngi̱ndiee̱, kó je kiniꞌánchoo̱n. 45Kósꞌe̱ fí, kó ꞌbitíkó ngi yito a̱siénni̱xtjin xi ꞌniú ndajín ngase ta̱bo̱a̱jiín kui, kó ꞌbosꞌienjin nginií kui nda̱a̱, kó ki̱a̱ ꞌbíndo, kó kui nda̱a̱ chꞌo ngase tsꞌén ꞌbíjñá ta̱bo̱a̱jiín ngasꞌe̱. Bo̱a̱ ti̱ ka̱maa̱ xota̱ xi ndajín xi tjín ngotꞌe̱.
Bi̱ tsꞌén katsóyà Kjisoo̱ ꞌyání xi na̱aa̱n ko̱jo xi ntsꞌi̱e̱
(Mar 3:31-35; Rka 8:19-21)
46Tji̱e̱nga tsꞌénchji̱a̱jo ngase xota̱ kjiín Kjisoo̱, jachó na̱aa̱n, ko̱jo já ntsꞌi̱e̱, ko̱jo ínchjín ndichja, kó kamámejeén tsíchji̱a̱jo Kjisoo̱, ta̱nga ndi̱tsen kisꞌińdo. 47Kó ngo xi bi̱ katsoó Kjisoo̱:
–Na̱áa̱n ko̱jo ntsꞌie ko̱jo ndichje ndi̱tsén jàn síndo, kó mején xoò ku̱i̱chji̱a̱joo.
48Ta̱nga Kjisoo̱, bi̱ katsoó xi tsíchji̱a̱joo̱:
–ꞌYání xi na̱ana, ꞌyání xi ntsꞌié án, kó ꞌyání xi ndichja án.
49Kó yején tsja xtji̱e̱e̱n nínga síndo xota̱ tsi̱ꞌe̱ Kjisoo̱, sꞌe̱ bi̱ katsó:
–Kuí xi̱ꞌbi̱ xi na̱ana, ko̱jo xi ntsꞌié án. 50Ngatꞌa̱ ngayeje xi sa̱ꞌínkjatjosón ni xi mejeén Na̱ꞌmina xi tikón ndiꞌakꞌajmi jàn, kuí xi̱ꞌba̱ xi ntsꞌié án, ko̱jo xi ndichja an, ko̱jo xi na̱ana.
Currently Selected:
Matioo̱ 12: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Matioo̱ 12
12
Bi̱ tsꞌén tsíchji̱a̱ Kjisoo̱ kjo̱a̱a̱ ni̱xtjin ndikoón
(Mar 2:23-28; Rka 6:1-5)
1Kui ni̱xtjin jàn jaꞌa Kjisoo̱ ngo ni̱xtjin ndikón nínga tjitjíe̱ to ndso̱ko̱a̱n ṉño̱pan, kó xota̱ tsi̱ꞌe̱ kamábojoó, sꞌe̱ ítsꞌi̱yanii̱ nga tsꞌenje̱n ńtiín to ndso̱ko̱a̱n ṉño̱pan, sꞌe̱ iskjinie. 2Kó nga kamábe já fariseoo̱ kui nii̱, bi̱ katsoó Kjisoo̱:
–Jànꞌa̱n Kjiso̱, xota̱ tse̱ ndyi̱tsꞌèn ni xi tsjandièjín kjo̱a̱kitii̱ nga niꞌán nga ni̱xtjin ndikón.
3Ta̱nga Kjisoo̱, bi̱ katsó:
–A kji̱e̱ niꞌányàjínjnú xo̱jo̱n eén Néná nínga chji̱a̱ kjo̱a̱a̱ ni xi katsꞌén Ndabii̱ ngo ndi̱yà nga kamábojoó kui ko̱jo xota̱a̱, 4kótsꞌèn tsꞌasꞌien ndiꞌaa̱ Néná, kó iskjinie kui, ko̱jo xota̱a̱ pan xi je kiniꞌánkꞌasꞌiee̱n Néná, kui xi tsjandièjín kjo̱a̱kitii̱ nga skji̱ni̱e̱ kui ko̱jo xota̱a̱, kó ta̱kuítsí já chináꞌmii̱ xi ma kjinie. 5Axa̱, a kji̱e̱ niꞌányàjínjnú xo̱jo̱n kjo̱a̱kitii̱, kjo̱a̱a̱ kótsꞌèn nga ni̱xtjin ndikón nga já chináꞌmii̱ tsꞌénxá ngi̱ya na̱ngo̱xi̱i̱, kó jmí jéjiín. 6Ta̱nga xiyàjnúꞌun nga kꞌi̱e̱ tikónjo̱jnú ngo nda̱ xi chjí ngasenii̱ ta̱bo̱a̱jiín na̱ngo̱xi̱i̱. 7Ta̱nga tsi ka̱makjínjnú mí ni xi bi̱ tsoó: Kjo̱a̱ni̱ma̱takón xi mejénna, jmí tsi kjo̱a̱tjó xi si̱ꞌankꞌasꞌienna nde kjongítaꞌínjínjnú jé xota̱ xi jmí jéjiín tsobo̱a̱. 8Ngatꞌa̱ ndií nda̱ xi̱ꞌii̱n ngaskande kui botixómaá ni̱xtjin ndikoón nga.
Bi̱ tsꞌén katsꞌéndaya Kjisoo̱ ngo nda̱ xi kixíyà tsja
(Mar 3:1-6; Rka 6:6-11)
9Kó ngije jatjo kui ngi̱ndiee̱, tsꞌasꞌien ngi̱ya ndiꞌa nínga ndokjo̱a̱ eén Néná xí tsi̱ꞌe̱ kui jaá. 10Kó ki̱a̱ tikón ngo nda̱ xi kixíyà tsja, kó bi̱ tsꞌén akasíyaá Kjisoo̱ tsi̱ꞌe̱ nga bo̱a̱ tsꞌén sa̱ko̱ó ngo kjo̱a̱ nga ko̱óngítaꞌin:
–A tsjandiè kjo̱a̱kitii̱ nga ka̱ma si̱ꞌandayà ngo xota̱ nga ni̱xtjin ndikón.
11Ta̱nga Kjisoo̱, bi̱ katsoó:
–Tsi ngo cho̱tsa̱nga̱a̱ ngo nda̱ kꞌo̱kayà ngo ti̱xa̱ nga ni̱xtjin ndikón, a mí tsí ko̱síko̱jo nga kꞌo̱xié. 12Ja̱ kókjiꞌi chjí ngasenii̱ ngo nda̱ ta̱bo̱a̱jiín ngo cho̱tsa̱nga̱. Kó kuíni nga, tsjandiè kjo̱a̱kitii̱ nga ka̱ma si̱ꞌán ngo ni xi ndakjiꞌi nga ni̱xtjin ndikón.
13Kósꞌe̱ Kjisoo̱, bi̱ katsoó kui nda̱a̱:
–Tjintie ndse̱.
Kó kui nda̱a̱ yejéntie tsja, kó kamándaya xikó má kjiꞌi tsja xi ingoo̱. 14Kó ngije jataxie já fariseoo̱, ítsꞌi̱yanii̱ nga índa kótsꞌèn sa̱ꞌínkꞌién Kjisoo̱.
Bi̱ tsꞌén katsꞌéndaya Kjisoo̱ kjín xota̱
15Ta̱nga Kjisoo̱ kamákjiín kui nii̱, kó xín kijí, kó achichí má xota̱ xi kijítji̱ngii̱, kó ngayeje xota̱ xi oo̱n katsꞌéndaya, 16ta̱nga tsíchji̱a̱jo kui xotaa̱ tsi̱ꞌe̱ nga ka̱tso̱yàjín ꞌyání bo̱a̱ xi kui, 17tsi̱ꞌe̱ nga jatjosón ni xi katsó nda̱chji̱ni̱e̱ꞌe̱én Néná xi ꞌmí Isayaa̱, nga bi̱ katsó:
18Kꞌi̱e̱ tikón moso̱na, kui xi jaꞌajin an,
achichí tjóna, kó tsja maa̱ ini̱ma̱na.
Tsjàa̱ A̱si̱énni̱xtjinna tsi̱ꞌe̱ nga ku̱i̱ꞌíni̱jmi̱ì ni xi kixi̱ xota̱ xi jundío̱jín.
19Ngojín xota̱ skjo̱tíjo̱, ti̱nde skja̱ndáyàjín,
ngojín xota̱ xi ku̱i̱ntꞌiè nda̱a̱ ngi̱ya ndi̱yàtié.
20Skjítꞌójín ngo yáxá xi je kjiꞌikjojó,
kó sa̱ꞌínkꞌójín ndiꞌií ngo ńchjónsién xi je ta̱ ṉdi̱i̱ xí tjitjó,
ngaskande nga sa̱ꞌín ni xi tjiín kjo̱a̱kixi̱i̱.
21Kó xota̱ xi jundío̱jín skoyaá ni xi nda ngi̱yaa̱ jaꞌeén.
Bi̱ tsꞌén tsíchji̱a̱ Kjisoo̱ kjo̱a̱a̱ xindajín Belsebuu̱
(Mar 3:20-30; Rka 11:14-23)
22Kósꞌe̱ jachóchinií Kjisoo̱ ngo nda̱ ti̱ka̱ ko̱jo xi ni̱ma̱ xi májín chji̱a̱, xi tjíjii̱n ngo a̱si̱énni̱xtjii̱n xindajín, kó Kjisoo̱ katsꞌéndaya, kó kui nda̱a̱ kamátsijee̱n, ko̱jo kamátsíchji̱a̱. 23Kó ngayeje xotaa̱ kijíndikoón, kó bi̱ katsoó xkjín:
–A kuijín xi̱ꞌbi̱ xi xota̱ tji̱e̱e̱ Ndabii̱.
24Ta̱nga nga tsintꞌié kuí nii̱ já fariseoo̱, bi̱ katsó:
–Kui nda̱a̱ nga ꞌboxié a̱si̱énni̱xtjii̱n xindajín, ngaꞌniuú ngito̱ko̱o̱ xindajín xi ꞌmí Belsebuu̱ xí tsꞌénkjién.
25Ta̱nga Kjisoo̱ kamákjiín ni xi katsꞌénkjó kui jaá, kó bi̱ katsoó:
Ngayeje ngi̱ndie nínga botixómá ngo nda̱ re tsi jó tjín ka̱ma, jè sꞌi̱jña soboá, kó tsi ngo na̱xi̱ńdá ko̱jo tsi xota̱ xi síndo ngo ndiꞌa tsi jó tjín ka̱ma, ngiti̱ ka̱májiín kꞌuijñá ngase. 26Kó tsi xindajín Satanaa̱ xi kꞌo̱xié ti̱ kui yojoo̱, ngatꞌa̱ kondra̱ ka̱maa̱ yojoo̱, ja̱ kótsꞌèn sꞌi̱jña kui ngi̱ndie nínga botixómá. 27Kó tsi jún ndyi̱ꞌmìjnú nga an ꞌboxié an a̱si̱énni̱xtjii̱n xindajín, ko̱jo nga ngaꞌniuú xindajín Belsebuu̱ tsꞌenkjién án, ja̱, ꞌyá xí tsja̱angaꞌniuú ndíjnú tsi̱ꞌe̱ nga ka̱maa̱ kꞌo̱xié a̱si̱énni̱xtjii̱n xindajín. Kuíni nga, kuí boá xi nendiꞌamasienjnú ka̱ma. 28Ta̱nga tsi A̱si̱énni̱xtjii̱n Néná tsꞌenkjién án nga ꞌboxié an a̱si̱énni̱xtjii̱n xindajín, ja̱koxi̱ boá nga Néná je ko̱tíxomájnú.
29Ngatꞌa̱ kótsꞌèn ka̱maa̱ nga ngo nda̱ sa̱ꞌínchejeé ndiꞌaa̱ ngo nda̱ xi tjingáꞌniuú tsi tjónjínmára ku̱i̱ꞌítaꞌniú. Ta̱ bo̱a̱ tsí tsꞌén nga ka̱maa̱ sa̱ꞌínchejeé ni xi tjiín.
30Xi kjo̱a̱ndanajín tsoꞌbá, kondra̱na tsoꞌbá, kó xi ku̱i̱ndyiájo̱jínna ngo ni xi tsꞌénmindyia an, tsꞌénkjitjón.
31Kó kuíni nga bo̱a̱ tꞌíxiánjnúꞌun: Nga ngayeje jé ko̱jo xota̱ xi chꞌo ka̱tso̱, ka̱majetakoón, ta̱nga xi chꞌo ka̱tso̱o̱ A̱si̱énni̱xtjii̱n Néná ka̱majetakónjiín. 32Kó ta̱ ꞌyání xi chꞌo ka̱tso̱o̱ ndií nda̱ xi̱ꞌii̱n, si̱ꞌanjetakoón, ta̱nga xi chꞌo ka̱tso̱ kondra̱a̱ A̱si̱énni̱xtjii̱n Néná si̱ꞌanjetakónjiín, ti̱nde kui nga̱sondiee̱ xi̱ꞌbi̱, ti̱nde nga̱sondie xi sꞌe̱ ndibaá.
Bi̱ tsꞌén katsóyà Kjisoo̱ kjo̱a̱a̱ nga yaá xí bokó mí to xi boajaá
(Rka 6:43-45)
33Tsi nda yaá, nda to xi ko̱a̱ja̱a̱, kó tsi ndajín yaá, ndajín to xi ko̱a̱ja̱a̱, ngatꞌa̱ too̱ yaá xí bokó tsi nda ko̱jo tsi ndajín yaá. 34¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa. 35Nda̱ xi ndaa̱, ni xi nda ꞌboxiéjin ngi̱jin ini̱ma̱a̱, kó nda̱ xi ndajiín ni xi ndajiín xí ꞌboxié. 36Ta̱nga an xiyàjnúꞌun nga kjiꞌanga kjo̱chó ni̱xtjin nga ka̱majé, ngayeje xotaa̱ nga sa̱ꞌínkꞌasꞌien xki̱ kjo̱a̱a̱ ngayeje én xí ta̱xkiya tsíchji̱a̱. 37Ngatꞌa̱ kjo̱a̱a̱ én xí kandokjo̱e̱ boá nga ka̱makixi̱ni ji, kó ta̱ngatꞌanii̱ ée̱n nga ka̱majeé.
Bi̱ tsꞌén tsíchji̱a̱ Kjisoo̱ kjo̱a̱a̱ xota̱ xi mejeén sku̱i̱e̱ ngo kjo̱a̱ndikón
(Mar 8:12; Rka 11:29-32)
38Kósꞌe̱ tjín káꞌá já fariseoo̱ ko̱jo já chji̱ni̱e̱kjo̱a̱kitii̱, xi bi̱ katsoó Kjisoo̱:
–Mostro̱ mejénjne̱ nga ko̱ké ji ngo chi̱bo̱a̱.
39Sꞌe̱ Kjisoo̱, bi̱ katsó:
–Kui xota̱ xi ndajín ko̱jo xi ndyi̱tsꞌèntꞌaa̱kjo̱a̱ Néná ndyi̱míꞌá ngo chi̱bo̱a̱, ta̱nga jmí chi̱bo̱a̱ ko̱e̱ꞌéjiín, ta̱kuítsí chi̱bo̱a̱a̱ nda̱chji̱ni̱e̱ꞌe̱én Néná xi ꞌmí Jonaa̱. 40Ngatꞌa̱ xikótsꞌèn kisꞌijña Jonaa̱ ján ni̱xtjin ko̱jo ján ni̱xtji̱e̱n ngi̱ya nga̱tsꞌo̱a̱ ngo tji̱o̱ xi ꞌniú je, ti̱ bo̱a̱ ti̱ tsꞌén ndií nda̱ xi̱ꞌii̱n, ján ni̱xtjin ko̱jo ján ni̱xtji̱e̱n kꞌuijñá ngindie tꞌanangii̱. 41Xota̱ xi chji̱a̱ni na̱xi̱ńdáꞌniú Nínibe̱ kjo̱stjíe̱n ni̱xtjin nga si̱ꞌanjeé kui xotaa̱, kó kuí xí sa̱ꞌínjeé kui xotaa̱, ngatꞌa̱ nga tsintꞌié ni xi íni̱jmì Jonaa̱, katsꞌénkꞌoyá yojoo̱, kó ngotꞌe̱ ꞌne̱ kꞌi̱e̱ tikónjo̱jnú ngo nda̱ xi nkꞌa ngase xaá ta̱bo̱a̱jiín Jonaa̱. 42Kó na̱ re xi atíxomaa̱ nangi Sabaa̱ kjo̱stjíe̱n kondraa̱ kui xota̱ xi̱ꞌbi̱ kó ti̱ ko̱tíjeé, ngatꞌa̱ ngaskande nínga fetꞌaa̱ tꞌanangii̱ kjindibáni nga tsintꞌieé kjo̱a̱kjínkoón Salomoo̱, kó ngotꞌe̱ ꞌne̱ kꞌi̱e̱ tikónjo̱jnú ngo nda̱ xi nkꞌa ngase xaá ta̱bo̱a̱jiín Salomoo̱.
Bi̱ tsꞌén katsóyà Kjisoo̱ kjo̱a̱a̱ kui A̱siénni̱xtjin xindajín xi foeꞌeꞌoyá nginí
(Rka 11:24-26)
43Kjiꞌanga ngo a̱siénni̱xtjin xi ndajín fotjoo̱ ngo nda̱, ngi̱ndie nínga kixí fotsoꞌbá nga mongase ngi̱ndie, kó sakójiín. 44Kósꞌe̱ bi̱ tsꞌén tsꞌénkjó: Kjuínꞌóyá ngiñá an ndiꞌa nínga jatjo an. Ngije fochó nginí, be nga jmíjín xi tjín, je akatíchá kui ngi̱ndiee̱, kó je kiniꞌánchoo̱n. 45Kósꞌe̱ fí, kó ꞌbitíkó ngi yito a̱siénni̱xtjin xi ꞌniú ndajín ngase ta̱bo̱a̱jiín kui, kó ꞌbosꞌienjin nginií kui nda̱a̱, kó ki̱a̱ ꞌbíndo, kó kui nda̱a̱ chꞌo ngase tsꞌén ꞌbíjñá ta̱bo̱a̱jiín ngasꞌe̱. Bo̱a̱ ti̱ ka̱maa̱ xota̱ xi ndajín xi tjín ngotꞌe̱.
Bi̱ tsꞌén katsóyà Kjisoo̱ ꞌyání xi na̱aa̱n ko̱jo xi ntsꞌi̱e̱
(Mar 3:31-35; Rka 8:19-21)
46Tji̱e̱nga tsꞌénchji̱a̱jo ngase xota̱ kjiín Kjisoo̱, jachó na̱aa̱n, ko̱jo já ntsꞌi̱e̱, ko̱jo ínchjín ndichja, kó kamámejeén tsíchji̱a̱jo Kjisoo̱, ta̱nga ndi̱tsen kisꞌińdo. 47Kó ngo xi bi̱ katsoó Kjisoo̱:
–Na̱áa̱n ko̱jo ntsꞌie ko̱jo ndichje ndi̱tsén jàn síndo, kó mején xoò ku̱i̱chji̱a̱joo.
48Ta̱nga Kjisoo̱, bi̱ katsoó xi tsíchji̱a̱joo̱:
–ꞌYání xi na̱ana, ꞌyání xi ntsꞌié án, kó ꞌyání xi ndichja án.
49Kó yején tsja xtji̱e̱e̱n nínga síndo xota̱ tsi̱ꞌe̱ Kjisoo̱, sꞌe̱ bi̱ katsó:
–Kuí xi̱ꞌbi̱ xi na̱ana, ko̱jo xi ntsꞌié án. 50Ngatꞌa̱ ngayeje xi sa̱ꞌínkjatjosón ni xi mejeén Na̱ꞌmina xi tikón ndiꞌakꞌajmi jàn, kuí xi̱ꞌba̱ xi ntsꞌié án, ko̱jo xi ndichja an, ko̱jo xi na̱ana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014