Kjo̱a̱chaꞌándaseén 5
5
Xi ma uún kjo̱a̱chaꞌaá
Xota̱ na̱xi̱ńdáꞌniú Jerusalee̱n
1Ji Ne, ngatjaꞌátsjiee̱n ni xi ndajín xi je kjindibániéjne̱,
kó tsitsíjìi̱n kjo̱a̱soboá xi ndyi̱bitjatiójne̱.
2Ngayeje ni xi tjínjne̱ jè ngi̱ya tsja kondraa̱ je tikón,
kó ndiꞌajne̱ jè xota̱ xi xín nangii̱, je kui tsi̱ꞌe̱.
3Jè xikoó tsi ndíxꞌi̱a̱n xi jmí na̱ꞌmijiín je kamájne̱,
ko̱jo je xikoó tsi ínchjín kꞌán xi je kꞌien xi̱ꞌii̱n je kamá na̱anjne̱.
4¡Jè ngaskande ndáfoa xi ꞌyójne̱,
ko̱jo chikín xí niꞌánkjiénjne̱ je ndyi̱tsꞌítsiéjne̱!
5Jè xikoó tsi je tjimíyotji̱ngitiñajne̱,
jè jendajne̱, kó jè ngiti̱ májín niꞌánkjaꞌyájne̱.
6Ni̱ma̱ kiꞌmíjne̱ nga ikjienjne̱ ndsa̱jne̱
xota̱ Ejiptoo̱, ko̱jo xota̱ Asiriaa̱ nga kichjiáꞌájne̱ ni xi xi̱ni̱e̱jne̱.
7Xota̱ xi xchájne̱ katsꞌénjé, kó je jesón,
¡ta̱nga ji̱n boá xi ndyi̱ꞌbíchjíjne̱ jé xí katsꞌén!
8Ngotꞌe̱ ꞌne̱, mosoo̱ boá xi ndyi̱botixómájne̱,
¡kó nde ngojín xota̱ xi tsꞌéndéjne̱ ngi̱ya tsja kui!
9Ndasénjín kamájne̱ yojojne̱ nga ikindyiséjne̱ ni xi xi̱ni̱e̱jne̱,
ndatsi yajne̱ nga xota̱ chꞌokon xi ndajín tjín ki̱a̱ nangi kixií.
10Jè sibéjón má kjima yojojne̱,
xikoó tsi ngo orjno̱ tjítsꞌénchjánjne̱, ta̱ngatꞌanii̱ nga bojójne̱.
11Ki̱a̱ na̱xi̱ńdáꞌniú Jerusalee̱n ko̱jo na̱xi̱ńdá Jundáa̱
chꞌo kiniꞌánjo̱ kjo̱a̱ꞌniú ínchjín xo̱ngòjne̱ ko̱jo ínchjín xí ngasee̱.
12Xota̱ xi ngito̱ko̱jne̱ tsja ikꞌítꞌaꞌniú nga ikjienboaꞌa,
kó nde kamáyàndikónjín xota̱ xi xchájne̱.
13Já xo̱ngòjne̱ kiniꞌaán kjo̱a̱ꞌniú nga katsꞌo to ndso̱ko̱a̱n ṉño̱paa̱n,
kó jákjíndíjne̱ kiniꞌaán kjo̱a̱ꞌniú nga kiniꞌánkꞌiniján chikín.
14Xota̱ xi xchájne̱ jè ngiti̱ ꞌbíndojín ki̱a̱ nga̱ntjo̱a̱a̱ na̱xi̱ńdáꞌniuú,#5:14 Nga̱ntjo̱a̱a̱ na̱xi̱ńdáꞌniuú, ki̱a̱ boá nínga xota̱ xi xchaá kamátikó nga katsꞌéndajin ngo kjo̱a̱ xi niꞌín kjiꞌi, ko̱jo nínga katseꞌeé kjo̱a̱botíxoma xotaa̱.
kó já xo̱ngòjne̱ jè ngiti̱ siejín.
15Jè ngiti̱ jmí kjo̱a̱tsjajiín ini̱ma̱jne̱,
kó kjo̱a̱xa̱ꞌya̱ kiniꞌán kjo̱a̱chájne̱.
16Jè ngiti̱ ji̱njín xi botíxomajne̱.
¡Ni̱ma̱ xò ji̱n, ta̱ngatꞌanii̱ nga kiniꞌánjéjne̱!
17Kuíni nga je ndasen tikón ini̱ma̱jne̱,
kuíni nga je inda inda kjimaxa̱ ndyikonjne̱.
18Ngatꞌa̱ na̱xi̱ Sioo̱n je kisꞌijña soboá,
kó cho̱ńdaa̱ je bo̱a̱ fí bo̱a̱ ndibá ndyi̱tsꞌèn.
19Ta̱nga ji Ne, jí boá xi Re ji ngatsjéni̱xtjin,
¡jí boá xi botíxome ji ta̱kjiꞌání!
20Míkjo̱a̱a̱ nga si̱ꞌinchíyé kjin kjinjne̱ ji̱n.
Míkjo̱a̱a̱ nga bo̱a̱ kjiꞌi ni̱xtjin kꞌuijñímasinjne̱.
21¡Ji Ne, te̱ꞌéndiè ji nga kongínchon nginíjne̱ ji, kó konginꞌóyánginíji̱n,
ti̱ꞌintja̱tsi̱e̱ye ji ni̱xtjinjne̱, xikó maá ni̱xtjin xi kisꞌie ngasꞌe̱!
22Axa̱ jè kiniꞌínchꞌí yejejne̱,
kó a ngatsjéni̱xtjin nga ꞌniú si̱ꞌinxchínje̱jne̱ ji̱n.
Currently Selected:
Kjo̱a̱chaꞌándaseén 5: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Kjo̱a̱chaꞌándaseén 5
5
Xi ma uún kjo̱a̱chaꞌaá
Xota̱ na̱xi̱ńdáꞌniú Jerusalee̱n
1Ji Ne, ngatjaꞌátsjiee̱n ni xi ndajín xi je kjindibániéjne̱,
kó tsitsíjìi̱n kjo̱a̱soboá xi ndyi̱bitjatiójne̱.
2Ngayeje ni xi tjínjne̱ jè ngi̱ya tsja kondraa̱ je tikón,
kó ndiꞌajne̱ jè xota̱ xi xín nangii̱, je kui tsi̱ꞌe̱.
3Jè xikoó tsi ndíxꞌi̱a̱n xi jmí na̱ꞌmijiín je kamájne̱,
ko̱jo je xikoó tsi ínchjín kꞌán xi je kꞌien xi̱ꞌii̱n je kamá na̱anjne̱.
4¡Jè ngaskande ndáfoa xi ꞌyójne̱,
ko̱jo chikín xí niꞌánkjiénjne̱ je ndyi̱tsꞌítsiéjne̱!
5Jè xikoó tsi je tjimíyotji̱ngitiñajne̱,
jè jendajne̱, kó jè ngiti̱ májín niꞌánkjaꞌyájne̱.
6Ni̱ma̱ kiꞌmíjne̱ nga ikjienjne̱ ndsa̱jne̱
xota̱ Ejiptoo̱, ko̱jo xota̱ Asiriaa̱ nga kichjiáꞌájne̱ ni xi xi̱ni̱e̱jne̱.
7Xota̱ xi xchájne̱ katsꞌénjé, kó je jesón,
¡ta̱nga ji̱n boá xi ndyi̱ꞌbíchjíjne̱ jé xí katsꞌén!
8Ngotꞌe̱ ꞌne̱, mosoo̱ boá xi ndyi̱botixómájne̱,
¡kó nde ngojín xota̱ xi tsꞌéndéjne̱ ngi̱ya tsja kui!
9Ndasénjín kamájne̱ yojojne̱ nga ikindyiséjne̱ ni xi xi̱ni̱e̱jne̱,
ndatsi yajne̱ nga xota̱ chꞌokon xi ndajín tjín ki̱a̱ nangi kixií.
10Jè sibéjón má kjima yojojne̱,
xikoó tsi ngo orjno̱ tjítsꞌénchjánjne̱, ta̱ngatꞌanii̱ nga bojójne̱.
11Ki̱a̱ na̱xi̱ńdáꞌniú Jerusalee̱n ko̱jo na̱xi̱ńdá Jundáa̱
chꞌo kiniꞌánjo̱ kjo̱a̱ꞌniú ínchjín xo̱ngòjne̱ ko̱jo ínchjín xí ngasee̱.
12Xota̱ xi ngito̱ko̱jne̱ tsja ikꞌítꞌaꞌniú nga ikjienboaꞌa,
kó nde kamáyàndikónjín xota̱ xi xchájne̱.
13Já xo̱ngòjne̱ kiniꞌaán kjo̱a̱ꞌniú nga katsꞌo to ndso̱ko̱a̱n ṉño̱paa̱n,
kó jákjíndíjne̱ kiniꞌaán kjo̱a̱ꞌniú nga kiniꞌánkꞌiniján chikín.
14Xota̱ xi xchájne̱ jè ngiti̱ ꞌbíndojín ki̱a̱ nga̱ntjo̱a̱a̱ na̱xi̱ńdáꞌniuú,#5:14 Nga̱ntjo̱a̱a̱ na̱xi̱ńdáꞌniuú, ki̱a̱ boá nínga xota̱ xi xchaá kamátikó nga katsꞌéndajin ngo kjo̱a̱ xi niꞌín kjiꞌi, ko̱jo nínga katseꞌeé kjo̱a̱botíxoma xotaa̱.
kó já xo̱ngòjne̱ jè ngiti̱ siejín.
15Jè ngiti̱ jmí kjo̱a̱tsjajiín ini̱ma̱jne̱,
kó kjo̱a̱xa̱ꞌya̱ kiniꞌán kjo̱a̱chájne̱.
16Jè ngiti̱ ji̱njín xi botíxomajne̱.
¡Ni̱ma̱ xò ji̱n, ta̱ngatꞌanii̱ nga kiniꞌánjéjne̱!
17Kuíni nga je ndasen tikón ini̱ma̱jne̱,
kuíni nga je inda inda kjimaxa̱ ndyikonjne̱.
18Ngatꞌa̱ na̱xi̱ Sioo̱n je kisꞌijña soboá,
kó cho̱ńdaa̱ je bo̱a̱ fí bo̱a̱ ndibá ndyi̱tsꞌèn.
19Ta̱nga ji Ne, jí boá xi Re ji ngatsjéni̱xtjin,
¡jí boá xi botíxome ji ta̱kjiꞌání!
20Míkjo̱a̱a̱ nga si̱ꞌinchíyé kjin kjinjne̱ ji̱n.
Míkjo̱a̱a̱ nga bo̱a̱ kjiꞌi ni̱xtjin kꞌuijñímasinjne̱.
21¡Ji Ne, te̱ꞌéndiè ji nga kongínchon nginíjne̱ ji, kó konginꞌóyánginíji̱n,
ti̱ꞌintja̱tsi̱e̱ye ji ni̱xtjinjne̱, xikó maá ni̱xtjin xi kisꞌie ngasꞌe̱!
22Axa̱ jè kiniꞌínchꞌí yejejne̱,
kó a ngatsjéni̱xtjin nga ꞌniú si̱ꞌinxchínje̱jne̱ ji̱n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014