Kjo̱a̱chaꞌándaseén 3
3
Xi ma jaán kjo̱a̱chaꞌándaseén
Nda̱ chji̱ni̱e̱ꞌe̱én Néná
1Án boá, kui nda̱ xi jaꞌatio kjo̱a̱ni̱ma̱
kjiꞌanga Néná tsaꞌonna nga katsꞌénxchán.
2Akóna ndi̱yà, nínga jñó kijíjo̱na,
jmí tsi nínga tsijee̱n.
3Ta̱ nga ngo án tsꞌéntsjáchjína nga ngo ni̱xtjii̱n.
4Jè katsꞌénxíyà yojona ko̱jo tji̱xinna, jè iskjítꞌó ńdana,
5nga ngo foaꞌatjiyajonna nga kjo̱a̱ni̱ma̱ ko̱jo kjo̱a̱xtinda je íjñána.
6Nínga jñó je íjñána, xikó maá xota̱ xi jesón ndeskande koó ngasꞌe̱.
7Jè íchjáꞌyána, kó ngiti̱ májín fotjo an,
xikoó tsi ńꞌniúki̱cha̱ xi ꞌniú é ítꞌana,
8kó ndatsi skjandáyàa̱ nga kuichjiáa̱ tsi̱ꞌe̱ nga ko̱síko̱jona, mejénjiín ntꞌiéna.
9Ngo xó ndi̱jo̱ íchjáni ndi̱yàna, kó xín ndi̱yà katsꞌénkjína.
10Kuí boá xi kamá xikó maá tsi ngo cho̱ꞌoso̱ xi tikónꞌmá xi je skjánjo̱na,
ko̱jo xikó maá tsi ngo xandi̱je̱ xi tsꞌénkondana nga skji̱ni̱e̱na,
11tsꞌéntsobéjii̱n ndi̱yàna, tsꞌénxi̱na, kó ꞌbíjñá soboána.
12Íjñanda yáchjonyaá, kó án boá xi mejeén ku̱i̱ꞌéna yáyojoó.
13An asiénna yáyojoó,
kó ngaskande ngi̱jin ini̱ma̱na kastiee̱.
14Án boá xi kjo̱a̱mojnóchaá xota̱ na̱xi̱ńdaá je kamá an,
kó ndyiojón ndyiojón ndyi̱mojnókiena.
15Jè íkitsie mána kjo̱a̱xtinda,
ngo ni xi achichí sa indyiájènna.
16Ndi̱jo̱ chikjan iskjítꞌoní ńꞌniú án, kó ngi̱jin ndisoo̱ yíjñajinna.
17Kó ini̱ma̱na ngiti̱ jmí kjo̱a̱xió kisꞌiejiín, kó jè kichíyána kjo̱a̱tsjaa̱,
18je bi̱ kixian an:
Jè ngiti̱ jmíjínna ngaꞌniú, jè ngiti̱ kjimaꞌniáko̱njín an Néná.
19Ngatjaꞌátsjiee̱n kjo̱a̱ndasenna ko̱jo kjo̱a̱ni̱ma̱ xi tsꞌénfoaꞌatio an,
ko̱jo kjo̱a̱xtindana ko̱jo ni sa xi katseꞌéní.
20Ngatsjéni̱xtjin nga kjo̱a̱ꞌátsjienna kui nii̱,
ngatꞌa̱ achichí nda̱ kjimaa̱ ngi̱jin ini̱ma̱na,
21ta̱nga ngi̱jin ini̱ma̱na tsꞌenkjó án,
kó kuí nii̱ xi tsja nginína kjo̱a̱chiyá.
22Kjo̱a̱ni̱ma̱takoón Néná jmíni̱xtjin fe,
ti̱nde kjifejín kjo̱a̱ndaxota̱a̱.
23Ndyiojón ndyiojón matja̱tsi̱e̱ya.
¡Achichí je kjo̱a̱ꞌniátakóo̱n Ne!
24Kuíni nga ngayeje ini̱ma̱na nga bi̱ xian an:
Néná boá xi ngayeje ni xi tjínna,
kó kuí boá xi kjimaꞌniáko̱n an.
25Achichí nda tsꞌénjo̱ Néná xota̱ xi kui ndyi̱koyaa̱, ko̱jo kui ini̱ma̱ xi kui ndyi̱mongase.
26Achichí ndakjiꞌi nga xió tsꞌén xchiyàa̱ nga Néná kꞌo̱xiéꞌáná.
27Achichí ndakjiꞌi nga ndeskande nga kjindí xota̱ nga̱sondiee̱
nga ku̱i̱ꞌínieé yojoo̱ kjo̱a̱chji̱ni̱e̱e̱ Néná.
28Ngatꞌíjñá soboá ko̱jo xió ngatꞌíjñá,
ngatꞌa̱ Néná boá xi bo̱a̱ tsꞌén tsꞌénꞌbinieé.
29Ni̱ma̱kjo̱a̱ ngatꞌaxié yojoo̱, kó ngatítꞌaa̱ kje̱n tꞌanangii̱,
tsi ta̱ꞌaa̱ tjín ngase kjo̱a̱chiyá.
30Ngatiejeén xi ingo tꞌanijon xi tsꞌénbeꞌeé,
kó ngatsꞌénjóꞌo ni chꞌo tsó xi kꞌuiín.
31Ngatꞌa̱ Néná jmí tsi ngatsjéni̱xtjin nga sa̱ꞌínchꞌóná.
32Ndatsi kjo̱a̱ni̱ma̱ tsꞌénkꞌatióná,
ti̱ ni̱ma̱ maá ñá, ngatꞌa̱ achichí kjo̱a̱ni̱ma̱takón tjiín.
33Néná jmí tsi kui xi bo̱a̱ tsꞌén mejeén
nga kjo̱a̱ni̱ma̱ sa̱ꞌínkꞌatio, ko̱jo nga sa̱ꞌíndasee̱n ndií xota̱ nga̱sondiee̱.
34Kjiꞌanga jnánié ngayeje xota̱ xi síndo ndo̱bo̱a̱yà kuí nga̱sondiee̱,
35ko̱jo kjiꞌanga ꞌbíchjaá kjo̱a̱nda xi tjiín xotaa̱ ngindyi̱ko̱n Néná xí tikón ndiꞌakꞌajmii̱,
36ko̱jo kjiꞌanga niꞌánkjatsón kjo̱a̱kixi̱i̱ xotaa̱.
A bejín Néná ngayeje kui nii̱.
37ꞌYání bo̱a̱ xi bo̱a̱ ka̱tso̱ nga ngo ni kamá, kó nga Nénájín xi bo̱a̱ katsꞌén.
38A mí tsí nga tsꞌoa Néná xí tikón ndiꞌakꞌajmii̱ boá,
nínga fotjo ngayeje ni xi ndaa̱ ko̱jo ni xi ndajiín nga.
39Míkjo̱a̱a̱ nga ni̱ma̱ tsó xota̱ nga̱sondiee̱.
¡Ngatjaꞌa kjo̱a̱ni̱ma̱ xota̱ xi chꞌokoo̱n tsi katsꞌénjé!
40Xchítꞌa cha̱n cha̱n ndi̱yà xí timá,
ku̱i̱ndyi̱sé Néná, kó tjianchón ngiñáa̱.
41Chjanínkꞌáa̱ ini̱ma̱ná ko̱jo ndsa̱,
kui Néná xi tikón nkꞌajmii̱ nga bi̱ kꞌuíi̱n:
42Kiniꞌánjéjne̱ ko̱jo kitikjo̱a̱ kamájne̱, ta̱nga ji, jè kiniꞌínjetakínjne̱.
43Achichí ꞌniú kiniꞌínxchín jí, kó ikiyitji̱ngijne̱,
kiniꞌínkꞌínjne̱, kó kiniꞌínjetakínjínjne̱,
44ngo ṉdi̱ kixindyinjin ji,
tsi̱ꞌe̱ nga kandaꞌyéjíi̱n kjiꞌanga kandokjo̱a̱jne̱ ji.
45Xikoó tsi yeꞌe ko̱jo tsi xtjié kiniꞌínje̱jne̱ ngi̱jii̱n xota̱ na̱xi̱ńdaá.
46Ngayeje kondra̱jne̱ tsajnókiejne̱, kó chꞌo katsójne̱,
47ndikón, ko̱jo chja̱ya̱, ko̱jo kjo̱a̱niꞌánkjiéná, ko̱jo ni xi je jatson,
kuí nii̱ xi tjisákójne̱ ngotꞌe̱.
48Ja̱ma ndejèꞌ má má ndándyíkón án
kjiꞌanga be an ngayeje ni xi ndajín xi kamaá na̱xi̱ńdána.
49Nde ngiti̱ xixiójín ndándyíkón án,
ngatꞌa̱ jè ngiti̱ jmí ndikijiín ni xi kjimaa̱,
50ngototo tsi Néná xí ni̱ma̱ ka̱maa̱ ji̱n
kó skotsíjenjne̱ ndeskande ki̱a̱ ndiꞌakꞌajmii̱.
51Achichí on kamaá ini̱ma̱na nga kamábe an
ngayeje kjo̱a̱ni̱ma̱ xi jaꞌatio ínchjiín na̱xi̱ńdáꞌniúna.
52Nde jmí kjo̱a̱jiín kondra̱na nga katsoboána
xikótsꞌèn ndoboà ngo ni̱sie,
53askjanjo̱na, kó ngo ti̱xa̱ ndáńchꞌi̱ tsꞌajmiyána,
sꞌe̱ ngo ndi̱jo̱je íjñaniéna,
54kó ndáfoaa̱ yíꞌmá tokó án,
kósꞌe̱ bi̱ kixian an: Jè kꞌien an ꞌne̱.
55Ta̱nga ndeskande nínga na̱nga̱a̱ nga̱tsjo̱ó
katsꞌenkaxoma an jaꞌée̱n ji Ne,
56kó ji kandaꞌyé ji nda̱na,
¡kó ikꞌíchjéjín ji tji̱bo̱a̱nijin kjiꞌanga ni̱ma̱ kixian an!
57¡Ni̱xtjin nga tsíchji̱a̱a̱ ji, kꞌichintiñíní, kó bi̱ kasení: Ngata̱ ndakinjín má ji!
58Kaꞌnaxiéꞌéní ji Ne, kjo̱a̱a̱ ni xi kjimaa̱ ini̱ma̱na, kó kaꞌnaxiéꞌé ji kjo̱a̱mindyionna.
59Jè kamáyè ji kjo̱a̱ni̱ma̱ xi tsꞌénfoaꞌatio an ji Ne,
ngo kjo̱a̱nda, ¡tasíke̱jení nga kixi̱ tsꞌén ka̱masenna!
60Jè kamáyè ji nga katsꞌéngojo, ko̱jo kamáyè ji ngayeje ni xi ndyi̱ꞌbínda kondra̱ tsa̱ꞌa̱n.
61Jè kandaꞌyé ji Ne, nga chꞌo ndyi̱tsóna,
ko̱jo ngayeje ni xi ndyi̱ꞌbínda kondra̱ tsa̱ꞌa̱n.
62Jè yé ji ngayeje ni xi ndyi̱chji̱a̱ kondra̱na,
ko̱jo nga, nga ngo ni̱xtjii̱n nga an ndyi̱chji̱a̱taꞌinna.
63Tsitsíjìi̱n ngatꞌa̱ nga ꞌbíndo ko̱jo nga fostjíe̱n
ngo nga án ndyi̱mojnókiena.
64Ta̱nga ji Ne, jí boá xi ko̱e̱ꞌéchjíi̱ kjo̱a̱a̱ xikó kjiꞌi ni xi katsꞌén.
65Jí boá xi si̱ꞌintejé jí ini̱ma̱a̱, kó kuí ngatꞌákanieé ni xi ndajiín.
66Ti̱yítji̱ngìi̱ kjiꞌanga tiniꞌíxchín jí Ne,
kó ti̱ꞌinkjieni ji kui nga̱sondiee̱.
Currently Selected:
Kjo̱a̱chaꞌándaseén 3: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Kjo̱a̱chaꞌándaseén 3
3
Xi ma jaán kjo̱a̱chaꞌándaseén
Nda̱ chji̱ni̱e̱ꞌe̱én Néná
1Án boá, kui nda̱ xi jaꞌatio kjo̱a̱ni̱ma̱
kjiꞌanga Néná tsaꞌonna nga katsꞌénxchán.
2Akóna ndi̱yà, nínga jñó kijíjo̱na,
jmí tsi nínga tsijee̱n.
3Ta̱ nga ngo án tsꞌéntsjáchjína nga ngo ni̱xtjii̱n.
4Jè katsꞌénxíyà yojona ko̱jo tji̱xinna, jè iskjítꞌó ńdana,
5nga ngo foaꞌatjiyajonna nga kjo̱a̱ni̱ma̱ ko̱jo kjo̱a̱xtinda je íjñána.
6Nínga jñó je íjñána, xikó maá xota̱ xi jesón ndeskande koó ngasꞌe̱.
7Jè íchjáꞌyána, kó ngiti̱ májín fotjo an,
xikoó tsi ńꞌniúki̱cha̱ xi ꞌniú é ítꞌana,
8kó ndatsi skjandáyàa̱ nga kuichjiáa̱ tsi̱ꞌe̱ nga ko̱síko̱jona, mejénjiín ntꞌiéna.
9Ngo xó ndi̱jo̱ íchjáni ndi̱yàna, kó xín ndi̱yà katsꞌénkjína.
10Kuí boá xi kamá xikó maá tsi ngo cho̱ꞌoso̱ xi tikónꞌmá xi je skjánjo̱na,
ko̱jo xikó maá tsi ngo xandi̱je̱ xi tsꞌénkondana nga skji̱ni̱e̱na,
11tsꞌéntsobéjii̱n ndi̱yàna, tsꞌénxi̱na, kó ꞌbíjñá soboána.
12Íjñanda yáchjonyaá, kó án boá xi mejeén ku̱i̱ꞌéna yáyojoó.
13An asiénna yáyojoó,
kó ngaskande ngi̱jin ini̱ma̱na kastiee̱.
14Án boá xi kjo̱a̱mojnóchaá xota̱ na̱xi̱ńdaá je kamá an,
kó ndyiojón ndyiojón ndyi̱mojnókiena.
15Jè íkitsie mána kjo̱a̱xtinda,
ngo ni xi achichí sa indyiájènna.
16Ndi̱jo̱ chikjan iskjítꞌoní ńꞌniú án, kó ngi̱jin ndisoo̱ yíjñajinna.
17Kó ini̱ma̱na ngiti̱ jmí kjo̱a̱xió kisꞌiejiín, kó jè kichíyána kjo̱a̱tsjaa̱,
18je bi̱ kixian an:
Jè ngiti̱ jmíjínna ngaꞌniú, jè ngiti̱ kjimaꞌniáko̱njín an Néná.
19Ngatjaꞌátsjiee̱n kjo̱a̱ndasenna ko̱jo kjo̱a̱ni̱ma̱ xi tsꞌénfoaꞌatio an,
ko̱jo kjo̱a̱xtindana ko̱jo ni sa xi katseꞌéní.
20Ngatsjéni̱xtjin nga kjo̱a̱ꞌátsjienna kui nii̱,
ngatꞌa̱ achichí nda̱ kjimaa̱ ngi̱jin ini̱ma̱na,
21ta̱nga ngi̱jin ini̱ma̱na tsꞌenkjó án,
kó kuí nii̱ xi tsja nginína kjo̱a̱chiyá.
22Kjo̱a̱ni̱ma̱takoón Néná jmíni̱xtjin fe,
ti̱nde kjifejín kjo̱a̱ndaxota̱a̱.
23Ndyiojón ndyiojón matja̱tsi̱e̱ya.
¡Achichí je kjo̱a̱ꞌniátakóo̱n Ne!
24Kuíni nga ngayeje ini̱ma̱na nga bi̱ xian an:
Néná boá xi ngayeje ni xi tjínna,
kó kuí boá xi kjimaꞌniáko̱n an.
25Achichí nda tsꞌénjo̱ Néná xota̱ xi kui ndyi̱koyaa̱, ko̱jo kui ini̱ma̱ xi kui ndyi̱mongase.
26Achichí ndakjiꞌi nga xió tsꞌén xchiyàa̱ nga Néná kꞌo̱xiéꞌáná.
27Achichí ndakjiꞌi nga ndeskande nga kjindí xota̱ nga̱sondiee̱
nga ku̱i̱ꞌínieé yojoo̱ kjo̱a̱chji̱ni̱e̱e̱ Néná.
28Ngatꞌíjñá soboá ko̱jo xió ngatꞌíjñá,
ngatꞌa̱ Néná boá xi bo̱a̱ tsꞌén tsꞌénꞌbinieé.
29Ni̱ma̱kjo̱a̱ ngatꞌaxié yojoo̱, kó ngatítꞌaa̱ kje̱n tꞌanangii̱,
tsi ta̱ꞌaa̱ tjín ngase kjo̱a̱chiyá.
30Ngatiejeén xi ingo tꞌanijon xi tsꞌénbeꞌeé,
kó ngatsꞌénjóꞌo ni chꞌo tsó xi kꞌuiín.
31Ngatꞌa̱ Néná jmí tsi ngatsjéni̱xtjin nga sa̱ꞌínchꞌóná.
32Ndatsi kjo̱a̱ni̱ma̱ tsꞌénkꞌatióná,
ti̱ ni̱ma̱ maá ñá, ngatꞌa̱ achichí kjo̱a̱ni̱ma̱takón tjiín.
33Néná jmí tsi kui xi bo̱a̱ tsꞌén mejeén
nga kjo̱a̱ni̱ma̱ sa̱ꞌínkꞌatio, ko̱jo nga sa̱ꞌíndasee̱n ndií xota̱ nga̱sondiee̱.
34Kjiꞌanga jnánié ngayeje xota̱ xi síndo ndo̱bo̱a̱yà kuí nga̱sondiee̱,
35ko̱jo kjiꞌanga ꞌbíchjaá kjo̱a̱nda xi tjiín xotaa̱ ngindyi̱ko̱n Néná xí tikón ndiꞌakꞌajmii̱,
36ko̱jo kjiꞌanga niꞌánkjatsón kjo̱a̱kixi̱i̱ xotaa̱.
A bejín Néná ngayeje kui nii̱.
37ꞌYání bo̱a̱ xi bo̱a̱ ka̱tso̱ nga ngo ni kamá, kó nga Nénájín xi bo̱a̱ katsꞌén.
38A mí tsí nga tsꞌoa Néná xí tikón ndiꞌakꞌajmii̱ boá,
nínga fotjo ngayeje ni xi ndaa̱ ko̱jo ni xi ndajiín nga.
39Míkjo̱a̱a̱ nga ni̱ma̱ tsó xota̱ nga̱sondiee̱.
¡Ngatjaꞌa kjo̱a̱ni̱ma̱ xota̱ xi chꞌokoo̱n tsi katsꞌénjé!
40Xchítꞌa cha̱n cha̱n ndi̱yà xí timá,
ku̱i̱ndyi̱sé Néná, kó tjianchón ngiñáa̱.
41Chjanínkꞌáa̱ ini̱ma̱ná ko̱jo ndsa̱,
kui Néná xi tikón nkꞌajmii̱ nga bi̱ kꞌuíi̱n:
42Kiniꞌánjéjne̱ ko̱jo kitikjo̱a̱ kamájne̱, ta̱nga ji, jè kiniꞌínjetakínjne̱.
43Achichí ꞌniú kiniꞌínxchín jí, kó ikiyitji̱ngijne̱,
kiniꞌínkꞌínjne̱, kó kiniꞌínjetakínjínjne̱,
44ngo ṉdi̱ kixindyinjin ji,
tsi̱ꞌe̱ nga kandaꞌyéjíi̱n kjiꞌanga kandokjo̱a̱jne̱ ji.
45Xikoó tsi yeꞌe ko̱jo tsi xtjié kiniꞌínje̱jne̱ ngi̱jii̱n xota̱ na̱xi̱ńdaá.
46Ngayeje kondra̱jne̱ tsajnókiejne̱, kó chꞌo katsójne̱,
47ndikón, ko̱jo chja̱ya̱, ko̱jo kjo̱a̱niꞌánkjiéná, ko̱jo ni xi je jatson,
kuí nii̱ xi tjisákójne̱ ngotꞌe̱.
48Ja̱ma ndejèꞌ má má ndándyíkón án
kjiꞌanga be an ngayeje ni xi ndajín xi kamaá na̱xi̱ńdána.
49Nde ngiti̱ xixiójín ndándyíkón án,
ngatꞌa̱ jè ngiti̱ jmí ndikijiín ni xi kjimaa̱,
50ngototo tsi Néná xí ni̱ma̱ ka̱maa̱ ji̱n
kó skotsíjenjne̱ ndeskande ki̱a̱ ndiꞌakꞌajmii̱.
51Achichí on kamaá ini̱ma̱na nga kamábe an
ngayeje kjo̱a̱ni̱ma̱ xi jaꞌatio ínchjiín na̱xi̱ńdáꞌniúna.
52Nde jmí kjo̱a̱jiín kondra̱na nga katsoboána
xikótsꞌèn ndoboà ngo ni̱sie,
53askjanjo̱na, kó ngo ti̱xa̱ ndáńchꞌi̱ tsꞌajmiyána,
sꞌe̱ ngo ndi̱jo̱je íjñaniéna,
54kó ndáfoaa̱ yíꞌmá tokó án,
kósꞌe̱ bi̱ kixian an: Jè kꞌien an ꞌne̱.
55Ta̱nga ndeskande nínga na̱nga̱a̱ nga̱tsjo̱ó
katsꞌenkaxoma an jaꞌée̱n ji Ne,
56kó ji kandaꞌyé ji nda̱na,
¡kó ikꞌíchjéjín ji tji̱bo̱a̱nijin kjiꞌanga ni̱ma̱ kixian an!
57¡Ni̱xtjin nga tsíchji̱a̱a̱ ji, kꞌichintiñíní, kó bi̱ kasení: Ngata̱ ndakinjín má ji!
58Kaꞌnaxiéꞌéní ji Ne, kjo̱a̱a̱ ni xi kjimaa̱ ini̱ma̱na, kó kaꞌnaxiéꞌé ji kjo̱a̱mindyionna.
59Jè kamáyè ji kjo̱a̱ni̱ma̱ xi tsꞌénfoaꞌatio an ji Ne,
ngo kjo̱a̱nda, ¡tasíke̱jení nga kixi̱ tsꞌén ka̱masenna!
60Jè kamáyè ji nga katsꞌéngojo, ko̱jo kamáyè ji ngayeje ni xi ndyi̱ꞌbínda kondra̱ tsa̱ꞌa̱n.
61Jè kandaꞌyé ji Ne, nga chꞌo ndyi̱tsóna,
ko̱jo ngayeje ni xi ndyi̱ꞌbínda kondra̱ tsa̱ꞌa̱n.
62Jè yé ji ngayeje ni xi ndyi̱chji̱a̱ kondra̱na,
ko̱jo nga, nga ngo ni̱xtjii̱n nga an ndyi̱chji̱a̱taꞌinna.
63Tsitsíjìi̱n ngatꞌa̱ nga ꞌbíndo ko̱jo nga fostjíe̱n
ngo nga án ndyi̱mojnókiena.
64Ta̱nga ji Ne, jí boá xi ko̱e̱ꞌéchjíi̱ kjo̱a̱a̱ xikó kjiꞌi ni xi katsꞌén.
65Jí boá xi si̱ꞌintejé jí ini̱ma̱a̱, kó kuí ngatꞌákanieé ni xi ndajiín.
66Ti̱yítji̱ngìi̱ kjiꞌanga tiniꞌíxchín jí Ne,
kó ti̱ꞌinkjieni ji kui nga̱sondiee̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014