Josuee̱ 2
2
Na̱ Raa̱b ko̱jo xota̱ xi kijíkatsijenꞌmaá
1Kó Josuee̱, ndií Nuu̱n katsangiya si̱e̱n si̱e̱n jó já xí kijíkatsijenꞌmá xi jatjoni nangi Sitii̱n, kó bi̱ katsoó: Tangínjnú kó tsitsíjenjnúu̱ kóchon kui ngi̱ndiee̱, ko̱jo na̱xi̱ńdáꞌniú Jerikoo̱. Kó ngajó kui jaá kijí, kó ki̱a̱ jachó ndiꞌaa̱ ngo na̱masien xi ꞌmí na̱ Raa̱b, kó ki̱a̱ kisꞌiyojo kui ni̱xtji̱e̱e̱n. 2Ta̱nga kiꞌmíyaà nda̱ ree̱ na̱xi̱ńdáꞌniú Jerikoo̱, nga bi̱ kiꞌmií: Ji nda̱ re, xota̱ xi chji̱a̱ni Israee̱l tsꞌasꞌienꞌmá ngi̱ndiená kui ni̱xtji̱e̱e̱n, tsi̱ꞌe̱ nga skotsíjee̱n kóchon na̱xi̱ńdáná. 3Kósꞌe̱ kui nda̱ re xi chji̱a̱ni na̱xi̱ńdáꞌniú Jerikoo̱, bi̱ katsó én xí katsangiyaa̱ na̱ Raa̱b:
—¡ꞌNa̱xié ji, kui já xí jachókoón, kui xi tsꞌasꞌien ndiꞌàa̱, ngatꞌa̱ ngayeje na̱xi̱ńdáná boá xi ndyi̱foeꞌekatsijee̱n!
4Ta̱nga kui naa̱, ja̱bo̱a̱ jè katsꞌénngaꞌma nga jó kui jaá, kósꞌe̱ bi̱ katsó én xí katsangiyaa̱ nda̱ ree̱:
—Kjénní nga jeꞌe kuí xotaa̱ kꞌi̱e̱ ndiꞌana, ta̱nga bejín an ñá kjindibáni, 5kó kjiꞌanga je kjimajñoó, ngindiee̱ nga si̱chjá nga̱ntjo̱a̱a̱ na̱xi̱ńdáꞌniuú, jatjo, kó bejín an ñá xtji̱e̱e̱n kijí. Tsi jún xi tsá kongintjingíjnúu̱, ngotꞌe̱ mára kjóchótji̱ngijnúu̱.
6Ta̱nga nga ja̱koxi̱, na̱ Raa̱b nkꞌaa̱ ndiꞌaa̱ katsꞌénkjí kui jaá, kó ki̱a̱ índoꞌmá ngi̱jii̱n nínga síndoo̱ chꞌo̱o̱ xka̱ lino̱.#2:6 Ki̱a̱ nangi soón ndejèꞌ Jorndaa̱n, xka̱ lino̱ kachjaꞌátikó cha̱a̱n sá xí ma jaán, ko̱jo sá xí ma nijoón noó, kó ki̱a̱ akjaxí nkꞌaa̱ ndiꞌaa̱: Cf. Nde 22:8; 1Sa 9:25-26; Isa 22:1. 7Kó jatjoxie xota̱a̱ ree̱ ki̱a̱ na̱xi̱ńdáꞌniuú nga kijítji̱ngii̱ kui jaá ngaskande nínga ma bitjatioó ndejèꞌ Jorndaa̱n, kó ngije jatjo, kisichjá nginí nga̱ntjo̱a̱ jee̱ na̱xi̱ńdáꞌniuú.
8Kó ngindiee̱ nga kjoyójofé kui já xí jachókatsijenꞌmaá, na̱ Raa̱b kijíkoón ki̱a̱ nkꞌaa̱ ndiꞌaa̱, kó bi̱ katsoó:
9—Jè be an nga Néná boá xi katsꞌénkꞌasꞌienjnú jún kui tꞌanangii̱, ngatꞌa̱ kuí boá xi katsꞌén nga ndikón jè ndyi̱a̱jne̱, kó nga ngayeje xotaa̱ kui na̱xi̱ńdáꞌniuú kjifesónyàmájne̱ nga achichí ꞌniú ndyi̱ndakonjne̱ jún. 10Ngatꞌa̱ jè kandaꞌyájne̱ nga kjiꞌanga akjatjojnú ki̱a̱ nangi Ejipto̱, Néná boá xi yején ngo ndi̱yà kixí ki̱a̱ ngi̱jin ndáfoaa̱ Ndáchíkón Inií, tsi̱ꞌe̱ nga jún kamá ikitjatió ndsa̱kojnú. Kó ti̱ jè yàjne̱ nga jún boá xi kiniꞌánkjiéjnú re Sijoo̱n, ko̱jo re Oo̱j, kui xi xota̱ Amoo̱r kamaá, xi kisꞌińdo xi ingoboaá ndejèꞌ Jorndaa̱n. 11Ngije kandaꞌyájne̱ kui nii̱, achichí ni xi kamaá ini̱ma̱jne̱, kó nde ingojín xota̱ xi kamámejeén skjánjo̱jnuú jún. Ngatꞌa̱ jè yàjne̱ nga Nejnú, kuí boá Ne xi botixómá ndiꞌakꞌajmi jàn ko̱jo tꞌanangii̱. 12Kó ngotꞌe̱ ꞌne̱ ꞌniú míꞌájnúꞌun nga ko̱e̱ꞌéjnúꞌun ndso̱ꞌbájnú nga si̱ꞌankjiénjnú jaꞌeén Nejnú, nga xikótsꞌèn kisꞌiena kjo̱a̱ni̱ma̱takón kjo̱a̱a̱ jún, ti̱ bo̱a̱ ti̱ tsꞌén kꞌuiéjnú kjo̱a̱a̱ xota̱ ndiꞌana nga, kó ngo chi̱bo̱a̱ te̱ꞌéjnúꞌun nga ja̱koxi̱ nga si̱ꞌankjatjosónjnú kui nii̱, 13kó nga jmí ni si̱ꞌanjo̱jínjnú na̱ꞌmina, ko̱jo na̱ana, ko̱jo ntsꞌié án, ko̱jo ndichjá án, ko̱jo ngayeje ni xi tjiín, kó nga ko̱e̱ꞌéndièjínjnú nga ko̱yà ji̱n.
14Kó bi̱ katsó kui já xí kijíkatsijenꞌmaá:
—Ji̱n tjón nganiꞌánkꞌiénjne̱ tsi tjín xí mejeén sa̱ꞌínkꞌiénjnú jún, ta̱nga nga ta̱ꞌyajín xi ꞌmíyée̱ tsi kꞌi̱e̱ kixindyionjne̱, kó kjiꞌanga Néná sa̱ꞌínkꞌasꞌienjne̱ kui tꞌanangii̱, ndyi̱boeꞌéjne̱ ndso̱ꞌbajne̱ nga nda ko̱jo kixi̱ si̱ꞌanjo̱jne̱ ji, ko̱jo xota̱ ndiꞌàa̱.
Na̱ Raa̱b katsꞌénkixotꞌa já xí kijíkatsijenꞌmaá
15Kó kui naa̱ ngo ńꞌniú katsꞌénkjién nga katsꞌénkjatjajenni kui jaá ki̱a̱ nga̱ntjo̱a̱masienkjaá ndiꞌaa̱,#2:15 Kó nga je kisichjá nga̱ntjo̱a̱a̱ na̱xi̱ńdáꞌniuú, kuíni nga, nga tsanga kui jaá, ki̱a̱ kiniꞌánkjatjajenni ki̱a̱ nga̱ntjo̱a̱masienkjaá ndiꞌaa̱, kui xi tji̱e̱nti̱xa̱ ki̱a̱ xó xí tjíchjáꞌyáni na̱xi̱ńdáꞌniuú. Cf. 1Sa 19:12; Nxk 9:25; 2Xk 11:33. ngatꞌa̱ ki̱a̱ tꞌa xó xí tjíchjáꞌyáni na̱xi̱ńdáꞌniuú kisꞌijña ndiꞌaa̱ na̱ Raa̱b, 16kó bi̱ katsoó:
—Xtji̱e̱e̱n na̱xi̱ jàn tangínjnú, tsi̱ꞌe̱ nga xota̱a̱ ree̱ xi ko̱e̱je̱tji̱ngijnú sa̱kójiín jún, kó ki̱a̱ ti̱ndyionꞌmájnú ján ni̱xtjin, ngaskande nga je kjindibáꞌoyá nginí kui xi ndyi̱mongasejnú, kósꞌe̱ jaskan tangínrajnú ndi̱yàjnú.
17Kó kui jaá, bi̱ katsoó:
—Jè ikꞌínda ñá ngo ni, kó jè katseꞌéjne̱ ndso̱ꞌbajne̱ nga ja̱koxi̱ boá nga si̱ꞌankjatjosónjne̱. 18Kó kjiꞌanga ku̱i̱tjásꞌi̱e̱njne̱ kui na̱xi̱ńdáꞌniuú, kui ńꞌniú inií tꞌítꞌe ji nga̱ntjo̱a̱masienkjaá ndiꞌàa̱, ki̱a̱ nínga si̱ꞌinkjatjajenjne̱. Kó ki̱a̱ ndiꞌàa̱ tꞌítikí jí xi xcháa̱, ko̱jo ntsꞌie ji, ko̱jo ndichje ji, ko̱jo ngayeje xota̱ xingi̱ ji, 19ngatꞌa̱ tsi tjín xí kjo̱tjoxieni ndiꞌàa̱, ko̱yà ki, kó nga ji̱njín sꞌi̱niéjne̱ nga ko̱yà, ta̱nga tsi tjín xí kó ka̱maa̱ ngi̱ya ndiꞌàa̱, ji̱n xí sꞌi̱niéjne̱. 20Kó tsi tjín xí kꞌuiyée̱ ni xi ndyi̱ꞌbínda, jè ngiti̱ jmí kjo̱a̱ꞌniú kꞌuiéjínjne̱ nga si̱ꞌankjatjosónjne̱ kui nii̱ tsobo̱a̱.
21Kó bi̱ katsó na̱ Raa̱b:
—Bo̱a̱ ngatama xikó ndyi̱ꞌmìjnú.
Kó ngije bo̱a̱ katsó, katsꞌénkixotꞌa kui jaá, sꞌe̱ kijí ngijee̱, tji̱e̱nga ki̱a̱ nga̱ntjo̱a̱masienkjaá ndiꞌaa̱ ítꞌa kui ńꞌniú inií.
22Kó ngajó kui jaá kijí, sꞌe̱ jachó ngi̱jin na̱xi̱i̱, kó ján ni̱xtjin kamaá nga ki̱a̱ kisꞌińdoꞌmá, ngaskande nga kijíꞌoyá nginí xota̱a̱ nda̱ ree̱, kui xi kijíngátji̱ngii̱, kó ki̱a̱ tsangase nga ngo ndojó ndi̱ya̱à, ta̱nga kasakojiín. 23Kósꞌe̱ ngajó kui já xí kijíkatsijenꞌmaá jatjajenni na̱xi̱i̱, jaꞌatio ndejeèꞌ, kó kijí nginí nínga tikón Josuee̱, ndií Nuu̱n. Kó katsóyaà ngayeje ni xi kamaá. 24Kó kui jaá, bi̱ katsoó Josuee̱:
—Ja̱koxi̱ boá nga Néná boá xi je katsꞌénkꞌasꞌienná nga katsjáná ngayeje kui tꞌanangii̱, ngatꞌa̱ ngayeje xota̱ xi síndo kui tꞌanangii̱, ngaskande fesónyà má nga ndyi̱tsakjónná.
Currently Selected:
Josuee̱ 2: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Josuee̱ 2
2
Na̱ Raa̱b ko̱jo xota̱ xi kijíkatsijenꞌmaá
1Kó Josuee̱, ndií Nuu̱n katsangiya si̱e̱n si̱e̱n jó já xí kijíkatsijenꞌmá xi jatjoni nangi Sitii̱n, kó bi̱ katsoó: Tangínjnú kó tsitsíjenjnúu̱ kóchon kui ngi̱ndiee̱, ko̱jo na̱xi̱ńdáꞌniú Jerikoo̱. Kó ngajó kui jaá kijí, kó ki̱a̱ jachó ndiꞌaa̱ ngo na̱masien xi ꞌmí na̱ Raa̱b, kó ki̱a̱ kisꞌiyojo kui ni̱xtji̱e̱e̱n. 2Ta̱nga kiꞌmíyaà nda̱ ree̱ na̱xi̱ńdáꞌniú Jerikoo̱, nga bi̱ kiꞌmií: Ji nda̱ re, xota̱ xi chji̱a̱ni Israee̱l tsꞌasꞌienꞌmá ngi̱ndiená kui ni̱xtji̱e̱e̱n, tsi̱ꞌe̱ nga skotsíjee̱n kóchon na̱xi̱ńdáná. 3Kósꞌe̱ kui nda̱ re xi chji̱a̱ni na̱xi̱ńdáꞌniú Jerikoo̱, bi̱ katsó én xí katsangiyaa̱ na̱ Raa̱b:
—¡ꞌNa̱xié ji, kui já xí jachókoón, kui xi tsꞌasꞌien ndiꞌàa̱, ngatꞌa̱ ngayeje na̱xi̱ńdáná boá xi ndyi̱foeꞌekatsijee̱n!
4Ta̱nga kui naa̱, ja̱bo̱a̱ jè katsꞌénngaꞌma nga jó kui jaá, kósꞌe̱ bi̱ katsó én xí katsangiyaa̱ nda̱ ree̱:
—Kjénní nga jeꞌe kuí xotaa̱ kꞌi̱e̱ ndiꞌana, ta̱nga bejín an ñá kjindibáni, 5kó kjiꞌanga je kjimajñoó, ngindiee̱ nga si̱chjá nga̱ntjo̱a̱a̱ na̱xi̱ńdáꞌniuú, jatjo, kó bejín an ñá xtji̱e̱e̱n kijí. Tsi jún xi tsá kongintjingíjnúu̱, ngotꞌe̱ mára kjóchótji̱ngijnúu̱.
6Ta̱nga nga ja̱koxi̱, na̱ Raa̱b nkꞌaa̱ ndiꞌaa̱ katsꞌénkjí kui jaá, kó ki̱a̱ índoꞌmá ngi̱jii̱n nínga síndoo̱ chꞌo̱o̱ xka̱ lino̱.#2:6 Ki̱a̱ nangi soón ndejèꞌ Jorndaa̱n, xka̱ lino̱ kachjaꞌátikó cha̱a̱n sá xí ma jaán, ko̱jo sá xí ma nijoón noó, kó ki̱a̱ akjaxí nkꞌaa̱ ndiꞌaa̱: Cf. Nde 22:8; 1Sa 9:25-26; Isa 22:1. 7Kó jatjoxie xota̱a̱ ree̱ ki̱a̱ na̱xi̱ńdáꞌniuú nga kijítji̱ngii̱ kui jaá ngaskande nínga ma bitjatioó ndejèꞌ Jorndaa̱n, kó ngije jatjo, kisichjá nginí nga̱ntjo̱a̱ jee̱ na̱xi̱ńdáꞌniuú.
8Kó ngindiee̱ nga kjoyójofé kui já xí jachókatsijenꞌmaá, na̱ Raa̱b kijíkoón ki̱a̱ nkꞌaa̱ ndiꞌaa̱, kó bi̱ katsoó:
9—Jè be an nga Néná boá xi katsꞌénkꞌasꞌienjnú jún kui tꞌanangii̱, ngatꞌa̱ kuí boá xi katsꞌén nga ndikón jè ndyi̱a̱jne̱, kó nga ngayeje xotaa̱ kui na̱xi̱ńdáꞌniuú kjifesónyàmájne̱ nga achichí ꞌniú ndyi̱ndakonjne̱ jún. 10Ngatꞌa̱ jè kandaꞌyájne̱ nga kjiꞌanga akjatjojnú ki̱a̱ nangi Ejipto̱, Néná boá xi yején ngo ndi̱yà kixí ki̱a̱ ngi̱jin ndáfoaa̱ Ndáchíkón Inií, tsi̱ꞌe̱ nga jún kamá ikitjatió ndsa̱kojnú. Kó ti̱ jè yàjne̱ nga jún boá xi kiniꞌánkjiéjnú re Sijoo̱n, ko̱jo re Oo̱j, kui xi xota̱ Amoo̱r kamaá, xi kisꞌińdo xi ingoboaá ndejèꞌ Jorndaa̱n. 11Ngije kandaꞌyájne̱ kui nii̱, achichí ni xi kamaá ini̱ma̱jne̱, kó nde ingojín xota̱ xi kamámejeén skjánjo̱jnuú jún. Ngatꞌa̱ jè yàjne̱ nga Nejnú, kuí boá Ne xi botixómá ndiꞌakꞌajmi jàn ko̱jo tꞌanangii̱. 12Kó ngotꞌe̱ ꞌne̱ ꞌniú míꞌájnúꞌun nga ko̱e̱ꞌéjnúꞌun ndso̱ꞌbájnú nga si̱ꞌankjiénjnú jaꞌeén Nejnú, nga xikótsꞌèn kisꞌiena kjo̱a̱ni̱ma̱takón kjo̱a̱a̱ jún, ti̱ bo̱a̱ ti̱ tsꞌén kꞌuiéjnú kjo̱a̱a̱ xota̱ ndiꞌana nga, kó ngo chi̱bo̱a̱ te̱ꞌéjnúꞌun nga ja̱koxi̱ nga si̱ꞌankjatjosónjnú kui nii̱, 13kó nga jmí ni si̱ꞌanjo̱jínjnú na̱ꞌmina, ko̱jo na̱ana, ko̱jo ntsꞌié án, ko̱jo ndichjá án, ko̱jo ngayeje ni xi tjiín, kó nga ko̱e̱ꞌéndièjínjnú nga ko̱yà ji̱n.
14Kó bi̱ katsó kui já xí kijíkatsijenꞌmaá:
—Ji̱n tjón nganiꞌánkꞌiénjne̱ tsi tjín xí mejeén sa̱ꞌínkꞌiénjnú jún, ta̱nga nga ta̱ꞌyajín xi ꞌmíyée̱ tsi kꞌi̱e̱ kixindyionjne̱, kó kjiꞌanga Néná sa̱ꞌínkꞌasꞌienjne̱ kui tꞌanangii̱, ndyi̱boeꞌéjne̱ ndso̱ꞌbajne̱ nga nda ko̱jo kixi̱ si̱ꞌanjo̱jne̱ ji, ko̱jo xota̱ ndiꞌàa̱.
Na̱ Raa̱b katsꞌénkixotꞌa já xí kijíkatsijenꞌmaá
15Kó kui naa̱ ngo ńꞌniú katsꞌénkjién nga katsꞌénkjatjajenni kui jaá ki̱a̱ nga̱ntjo̱a̱masienkjaá ndiꞌaa̱,#2:15 Kó nga je kisichjá nga̱ntjo̱a̱a̱ na̱xi̱ńdáꞌniuú, kuíni nga, nga tsanga kui jaá, ki̱a̱ kiniꞌánkjatjajenni ki̱a̱ nga̱ntjo̱a̱masienkjaá ndiꞌaa̱, kui xi tji̱e̱nti̱xa̱ ki̱a̱ xó xí tjíchjáꞌyáni na̱xi̱ńdáꞌniuú. Cf. 1Sa 19:12; Nxk 9:25; 2Xk 11:33. ngatꞌa̱ ki̱a̱ tꞌa xó xí tjíchjáꞌyáni na̱xi̱ńdáꞌniuú kisꞌijña ndiꞌaa̱ na̱ Raa̱b, 16kó bi̱ katsoó:
—Xtji̱e̱e̱n na̱xi̱ jàn tangínjnú, tsi̱ꞌe̱ nga xota̱a̱ ree̱ xi ko̱e̱je̱tji̱ngijnú sa̱kójiín jún, kó ki̱a̱ ti̱ndyionꞌmájnú ján ni̱xtjin, ngaskande nga je kjindibáꞌoyá nginí kui xi ndyi̱mongasejnú, kósꞌe̱ jaskan tangínrajnú ndi̱yàjnú.
17Kó kui jaá, bi̱ katsoó:
—Jè ikꞌínda ñá ngo ni, kó jè katseꞌéjne̱ ndso̱ꞌbajne̱ nga ja̱koxi̱ boá nga si̱ꞌankjatjosónjne̱. 18Kó kjiꞌanga ku̱i̱tjásꞌi̱e̱njne̱ kui na̱xi̱ńdáꞌniuú, kui ńꞌniú inií tꞌítꞌe ji nga̱ntjo̱a̱masienkjaá ndiꞌàa̱, ki̱a̱ nínga si̱ꞌinkjatjajenjne̱. Kó ki̱a̱ ndiꞌàa̱ tꞌítikí jí xi xcháa̱, ko̱jo ntsꞌie ji, ko̱jo ndichje ji, ko̱jo ngayeje xota̱ xingi̱ ji, 19ngatꞌa̱ tsi tjín xí kjo̱tjoxieni ndiꞌàa̱, ko̱yà ki, kó nga ji̱njín sꞌi̱niéjne̱ nga ko̱yà, ta̱nga tsi tjín xí kó ka̱maa̱ ngi̱ya ndiꞌàa̱, ji̱n xí sꞌi̱niéjne̱. 20Kó tsi tjín xí kꞌuiyée̱ ni xi ndyi̱ꞌbínda, jè ngiti̱ jmí kjo̱a̱ꞌniú kꞌuiéjínjne̱ nga si̱ꞌankjatjosónjne̱ kui nii̱ tsobo̱a̱.
21Kó bi̱ katsó na̱ Raa̱b:
—Bo̱a̱ ngatama xikó ndyi̱ꞌmìjnú.
Kó ngije bo̱a̱ katsó, katsꞌénkixotꞌa kui jaá, sꞌe̱ kijí ngijee̱, tji̱e̱nga ki̱a̱ nga̱ntjo̱a̱masienkjaá ndiꞌaa̱ ítꞌa kui ńꞌniú inií.
22Kó ngajó kui jaá kijí, sꞌe̱ jachó ngi̱jin na̱xi̱i̱, kó ján ni̱xtjin kamaá nga ki̱a̱ kisꞌińdoꞌmá, ngaskande nga kijíꞌoyá nginí xota̱a̱ nda̱ ree̱, kui xi kijíngátji̱ngii̱, kó ki̱a̱ tsangase nga ngo ndojó ndi̱ya̱à, ta̱nga kasakojiín. 23Kósꞌe̱ ngajó kui já xí kijíkatsijenꞌmaá jatjajenni na̱xi̱i̱, jaꞌatio ndejeèꞌ, kó kijí nginí nínga tikón Josuee̱, ndií Nuu̱n. Kó katsóyaà ngayeje ni xi kamaá. 24Kó kui jaá, bi̱ katsoó Josuee̱:
—Ja̱koxi̱ boá nga Néná boá xi je katsꞌénkꞌasꞌienná nga katsjáná ngayeje kui tꞌanangii̱, ngatꞌa̱ ngayeje xota̱ xi síndo kui tꞌanangii̱, ngaskande fesónyà má nga ndyi̱tsakjónná.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014