Oseaa̱ 9
9
Néná ko̱tíjeé xota̱ Israee̱l
1Jún xota̱ Israee̱l, ngata̱ tsjajín májnú,
ti̱nde ngata̱ tsjajín ꞌbéjnú xikoó xota̱ xi bejín Néná,
ngatꞌa̱ kiniꞌánmasienjnú yojojnú nga ikꞌíjñámasienjnú Nejnú,
kó akatíñájnú yojojnú ki̱a̱ nínga niꞌántsjie to ndso̱ko̱a̱n ṉño̱paa̱n.
2Ngiti̱ kꞌuiéjínjnú nichinie xikoó to ndso̱ko̱a̱n ṉño̱paa̱n, ko̱jo tostsi̱je̱è,
kó ngiti̱ ndajín sꞌi̱o̱jnú binoo̱, ko̱jo ngiti̱ bo̱a̱jín kjiꞌi sa̱kójnú xikoó xi sakójnú.
3Ki̱a̱jín kꞌuíndo tꞌanangi xi tsi̱ꞌe̱ Néná,
xota̱ tji̱e̱e̱ Efraii̱n ko̱e̱je̱ nginí nangi Ejipto̱,
kó ki̱a̱ nangi Asiria̱ skji̱ni̱e̱ nichinie xi ndándí.
4Ngiti̱ sa̱ꞌínkꞌasꞌienjiín Néná kjo̱a̱tjó tsi̱ꞌe̱ bino̱,
kó Néná ngiti̱ sa̱ꞌínjo̱ꞌojiín kjo̱a̱tjó tsi̱ꞌe̱ cho̱ xi niꞌánkꞌieén,
xikónií xota̱ xi kjinie pan xi chinie ndiꞌaxa̱ꞌya̱ ka̱maa̱,
kó ngayeje xota̱ xi skji̱ni̱e̱, ka̱mandándí.
Kui paa̱n sa̱ꞌíntsiee̱, ta̱nga kꞌo̱sꞌienjín Ndiꞌaa̱ Néná.
5Mí xí si̱ꞌánjnú ni̱xtjin nga ka̱ma sꞌué xí ndikoón,
ni̱xtjin nga ma sꞌueé Néná.
6Tsi kjo̱tjongijnú yojojnú kjo̱a̱a̱ nga si̱ꞌankjiejnú,
xota̱ Ejiptoo̱ skjíbéjnú, kó ki̱a̱ na̱xi̱ńdáꞌniú Menfii̱ ko̱ónijinjnú,
kjo̱a̱ndikonkoón to̱ntiboajnú xka̱ndaꞌyaá skjíbé,
kó ki̱a̱ ndiꞌajnú ka̱mankꞌa yándáꞌyaá.
7Jè ndibá ni̱xtjin nga ka̱majéjnú,
jè ndibá ni̱xtjin nga sa̱kójnú chjíjnú,
ngatamabe xota̱ Israee̱l:
Nga ta̱ngatꞌanii̱ jé xi kiniꞌánjnú,
ko̱jo ta̱ngatꞌanii̱ nga ꞌniú kamáchꞌójnú,
kuíni nga nda̱chji̱ni̱e̱ꞌe̱én jè kamátsobeé,
kó nda̱ xi chji̱a̱ ni xi tsjatsoó, jè kamákitikjo̱a̱.
8Kó xota̱ xi kotꞌasoón xota̱ tji̱e̱e̱ Efraii̱n,
ngiti̱ Nénájín tsꞌénkjién nga tsóyà ngo én,
kó nda̱chji̱ni̱e̱ꞌe̱én, kuí boá xi ma xikoó ngo chja̱ya̱
xi ꞌbíndo xota̱ xi tsoboá cho̱o̱,
kó ngaskande Ndiꞌaa̱ Néná je chꞌoó.
9Achichí jè katsꞌéndándí yojoo̱,
xikó maá ni̱xtjii̱n Ngabaa̱,
ta̱nga Néná tjíchíyájiín jé xí katsꞌén kui xotaa̱,
kó sa̱ꞌínjérií xota̱ na̱xi̱ńdaá.
10Xikó maá tostsi̱je̱è xí ꞌbe nangi kixií kamána nga kasakona xota̱ Israee̱l,
kó xikó maá to xi tjón boajaá yáꞌingoo̱ kamána xota̱ xi xchaá,
ta̱nga nga jachó kui xotaa̱ ki̱a̱ nangi Baa̱l-Peoo̱r,
kjo̱a̱soboaá katsꞌénkꞌasꞌiee̱n yojoo̱,
kó achichí chꞌo kamá kui xotaa̱, xikó maá kui ni xi katsꞌéntjó.
11Kjo̱a̱jee̱ xota̱ tji̱e̱e̱ Efraii̱n, ko̱e̱je̱tji̱e̱n xikó maá ngo ni̱sie,
ngatꞌa̱ ngiti̱ jmí ndí stse̱njiín, ko̱jo ngiti̱ jmí ndí ko̱a̱ꞌa̱jín ínchjiín,
ti̱nde ngiti̱ ka̱matji̱e̱jín ngase.
12Kó tsi ka̱maxchá ndií,
kjoaꞌaxín An ki̱a̱ ngi̱jii̱n jáxíꞌiín,
¡ngatꞌa̱ xi̱xꞌi̱a̱n xò ko̱jo kui nga, ni̱xtjin nga sa̱ꞌinkjìi̱n yojona!
13Be Án nga xota̱ tji̱e̱e̱ Efraii̱n, bo̱a̱ kon xikoó xota̱a̱ na̱xi̱ńdáꞌniú Tiroo̱,
xi ngo ngi̱ndie xi tsjachon tikón,
ta̱nga xota̱ tji̱e̱e̱ Efraii̱n,
kuí boá xi sa̱ꞌínkꞌasꞌien ndií ngi̱ya tsja xota̱ xi sa̱ꞌínkꞌién.
Nga Oseaa̱ tsíchji̱a̱a̱ Néná
14Ji Ne, te̱ꞌée̱ ni xi ko̱e̱ꞌée̱,
te̱ꞌée̱ ndo̱bo̱a̱ndí xí ngatsꞌenxtioó ndí,
ko̱jo chiki xi jmí ntsjén ngatꞌièjiín.
Ni xi katsó Néná
15Ngayeje ni xi ndajín xi katsꞌén, ki̱a̱ ítsꞌi̱yanii̱ ki̱a̱ Ngilngaa̱l,
ki̱a̱ boá nínga ítsꞌi̱yañáa̱ nga katsꞌenchꞌó An,
kó ta̱ngatꞌanii̱ ni xi ndajín xi katsꞌén, nga tsꞌaxiéni An ndiꞌana,
nginijánjín sa̱ꞌintjó ngase,
ngatꞌa̱ xota̱ xi botixómaá je kamákitikjo̱a̱.
16Jè kiniꞌánꞌoón xota̱ tji̱e̱e̱ Efraii̱n,
jè kixí ja̱ma̱a̱, kó ngiti̱ jmí to tsja̱ajín,
ndatsi kꞌuieé ndí, Án boá xi sa̱ꞌinkꞌién An ndí tjó xi kꞌuieé ndo̱bo̱a̱ndií.
Bi̱ tsó nda̱ chji̱ni̱e̱ꞌe̱én
17Néna sa̱ꞌínchꞌó, ngatꞌa̱ kui xotaa̱ tsintꞌiéjiín,
kó xki̱ na̱xi̱ńdá kꞌuitsómasón.
Currently Selected:
Oseaa̱ 9: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Oseaa̱ 9
9
Néná ko̱tíjeé xota̱ Israee̱l
1Jún xota̱ Israee̱l, ngata̱ tsjajín májnú,
ti̱nde ngata̱ tsjajín ꞌbéjnú xikoó xota̱ xi bejín Néná,
ngatꞌa̱ kiniꞌánmasienjnú yojojnú nga ikꞌíjñámasienjnú Nejnú,
kó akatíñájnú yojojnú ki̱a̱ nínga niꞌántsjie to ndso̱ko̱a̱n ṉño̱paa̱n.
2Ngiti̱ kꞌuiéjínjnú nichinie xikoó to ndso̱ko̱a̱n ṉño̱paa̱n, ko̱jo tostsi̱je̱è,
kó ngiti̱ ndajín sꞌi̱o̱jnú binoo̱, ko̱jo ngiti̱ bo̱a̱jín kjiꞌi sa̱kójnú xikoó xi sakójnú.
3Ki̱a̱jín kꞌuíndo tꞌanangi xi tsi̱ꞌe̱ Néná,
xota̱ tji̱e̱e̱ Efraii̱n ko̱e̱je̱ nginí nangi Ejipto̱,
kó ki̱a̱ nangi Asiria̱ skji̱ni̱e̱ nichinie xi ndándí.
4Ngiti̱ sa̱ꞌínkꞌasꞌienjiín Néná kjo̱a̱tjó tsi̱ꞌe̱ bino̱,
kó Néná ngiti̱ sa̱ꞌínjo̱ꞌojiín kjo̱a̱tjó tsi̱ꞌe̱ cho̱ xi niꞌánkꞌieén,
xikónií xota̱ xi kjinie pan xi chinie ndiꞌaxa̱ꞌya̱ ka̱maa̱,
kó ngayeje xota̱ xi skji̱ni̱e̱, ka̱mandándí.
Kui paa̱n sa̱ꞌíntsiee̱, ta̱nga kꞌo̱sꞌienjín Ndiꞌaa̱ Néná.
5Mí xí si̱ꞌánjnú ni̱xtjin nga ka̱ma sꞌué xí ndikoón,
ni̱xtjin nga ma sꞌueé Néná.
6Tsi kjo̱tjongijnú yojojnú kjo̱a̱a̱ nga si̱ꞌankjiejnú,
xota̱ Ejiptoo̱ skjíbéjnú, kó ki̱a̱ na̱xi̱ńdáꞌniú Menfii̱ ko̱ónijinjnú,
kjo̱a̱ndikonkoón to̱ntiboajnú xka̱ndaꞌyaá skjíbé,
kó ki̱a̱ ndiꞌajnú ka̱mankꞌa yándáꞌyaá.
7Jè ndibá ni̱xtjin nga ka̱majéjnú,
jè ndibá ni̱xtjin nga sa̱kójnú chjíjnú,
ngatamabe xota̱ Israee̱l:
Nga ta̱ngatꞌanii̱ jé xi kiniꞌánjnú,
ko̱jo ta̱ngatꞌanii̱ nga ꞌniú kamáchꞌójnú,
kuíni nga nda̱chji̱ni̱e̱ꞌe̱én jè kamátsobeé,
kó nda̱ xi chji̱a̱ ni xi tsjatsoó, jè kamákitikjo̱a̱.
8Kó xota̱ xi kotꞌasoón xota̱ tji̱e̱e̱ Efraii̱n,
ngiti̱ Nénájín tsꞌénkjién nga tsóyà ngo én,
kó nda̱chji̱ni̱e̱ꞌe̱én, kuí boá xi ma xikoó ngo chja̱ya̱
xi ꞌbíndo xota̱ xi tsoboá cho̱o̱,
kó ngaskande Ndiꞌaa̱ Néná je chꞌoó.
9Achichí jè katsꞌéndándí yojoo̱,
xikó maá ni̱xtjii̱n Ngabaa̱,
ta̱nga Néná tjíchíyájiín jé xí katsꞌén kui xotaa̱,
kó sa̱ꞌínjérií xota̱ na̱xi̱ńdaá.
10Xikó maá tostsi̱je̱è xí ꞌbe nangi kixií kamána nga kasakona xota̱ Israee̱l,
kó xikó maá to xi tjón boajaá yáꞌingoo̱ kamána xota̱ xi xchaá,
ta̱nga nga jachó kui xotaa̱ ki̱a̱ nangi Baa̱l-Peoo̱r,
kjo̱a̱soboaá katsꞌénkꞌasꞌiee̱n yojoo̱,
kó achichí chꞌo kamá kui xotaa̱, xikó maá kui ni xi katsꞌéntjó.
11Kjo̱a̱jee̱ xota̱ tji̱e̱e̱ Efraii̱n, ko̱e̱je̱tji̱e̱n xikó maá ngo ni̱sie,
ngatꞌa̱ ngiti̱ jmí ndí stse̱njiín, ko̱jo ngiti̱ jmí ndí ko̱a̱ꞌa̱jín ínchjiín,
ti̱nde ngiti̱ ka̱matji̱e̱jín ngase.
12Kó tsi ka̱maxchá ndií,
kjoaꞌaxín An ki̱a̱ ngi̱jii̱n jáxíꞌiín,
¡ngatꞌa̱ xi̱xꞌi̱a̱n xò ko̱jo kui nga, ni̱xtjin nga sa̱ꞌinkjìi̱n yojona!
13Be Án nga xota̱ tji̱e̱e̱ Efraii̱n, bo̱a̱ kon xikoó xota̱a̱ na̱xi̱ńdáꞌniú Tiroo̱,
xi ngo ngi̱ndie xi tsjachon tikón,
ta̱nga xota̱ tji̱e̱e̱ Efraii̱n,
kuí boá xi sa̱ꞌínkꞌasꞌien ndií ngi̱ya tsja xota̱ xi sa̱ꞌínkꞌién.
Nga Oseaa̱ tsíchji̱a̱a̱ Néná
14Ji Ne, te̱ꞌée̱ ni xi ko̱e̱ꞌée̱,
te̱ꞌée̱ ndo̱bo̱a̱ndí xí ngatsꞌenxtioó ndí,
ko̱jo chiki xi jmí ntsjén ngatꞌièjiín.
Ni xi katsó Néná
15Ngayeje ni xi ndajín xi katsꞌén, ki̱a̱ ítsꞌi̱yanii̱ ki̱a̱ Ngilngaa̱l,
ki̱a̱ boá nínga ítsꞌi̱yañáa̱ nga katsꞌenchꞌó An,
kó ta̱ngatꞌanii̱ ni xi ndajín xi katsꞌén, nga tsꞌaxiéni An ndiꞌana,
nginijánjín sa̱ꞌintjó ngase,
ngatꞌa̱ xota̱ xi botixómaá je kamákitikjo̱a̱.
16Jè kiniꞌánꞌoón xota̱ tji̱e̱e̱ Efraii̱n,
jè kixí ja̱ma̱a̱, kó ngiti̱ jmí to tsja̱ajín,
ndatsi kꞌuieé ndí, Án boá xi sa̱ꞌinkꞌién An ndí tjó xi kꞌuieé ndo̱bo̱a̱ndií.
Bi̱ tsó nda̱ chji̱ni̱e̱ꞌe̱én
17Néna sa̱ꞌínchꞌó, ngatꞌa̱ kui xotaa̱ tsintꞌiéjiín,
kó xki̱ na̱xi̱ńdá kꞌuitsómasón.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014