Oseaa̱ 5
5
Én xí tsi̱ꞌe̱ xota̱ Israee̱l
1¡Ndaꞌyájnú kui nii̱, jún xi chináꞌmijnú!
¡Tasiénnijónjnú kui eén jún xota̱ Israee̱l!
¡Tasiénnijónjnú kui eén jún xota̱ xi síndo ndiꞌaa̱ re!
Jún boá xi tsꞌenníꞌínjnú kui kjo̱a̱botíjeé,
ngatꞌa̱ jún boá xi chja̱ya̱ kamájnú ki̱a̱ na̱xi̱ńdáꞌniú Mispaa̱,
kó xikoó tsi ngo nda̱ꞌya xi kitsjien kamájnú ki̱a̱ na̱xi̱ Taboo̱r.
2Kó xikoó tsi ngo ti̱xa̱ xi kamánda kamájnú jún ki̱a̱ na̱xi̱ńdáꞌniú Sitii̱n.
Kó kuíni nga Án boá xi kotijéjnúꞌun ngayejejnú.
3Be Án ꞌyání xi xota̱ tji̱e̱e̱ Efraii̱n,
kó ti̱ be Án xota̱ Israee̱l nga,
ta̱nga jún xota̱ tji̱e̱e̱ Efraii̱n,
jún boá xi kiniꞌánmasienjnú yojojnú,
kó xota̱ Israee̱l je katsꞌéndándí yojoo̱.
4Ni xi ndyi̱tsꞌèn, tsjandièjiín nga sa̱ꞌínkꞌoyà yojoo̱,
ngatꞌa̱ ngo a̱siénni̱xtjin xi tsꞌénmasienná tikónjin ngamasiee̱n kui xotaa̱,
kó ngiti̱ bejín ꞌyání xi Néná.
5Kjo̱a̱nkꞌakoo̱n xota̱ Israee̱l, ti̱kuíní boá xi chji̱a̱ kondra̱ tsi̱ꞌe̱,
kó xota̱ Israee̱l ko̱jo xota̱ tji̱e̱e̱ Efraii̱n je kastingí kui jeé,
kó ko̱jo xota̱ tji̱e̱e̱ Jundáa̱ sti̱ngí ndatsa kui nga.
6Kó ko̱e̱je̱ngase Néná nga kꞌuítso̱majo̱ cho̱tsa̱nga̱a̱ ko̱jo cho̱yojoo̱,
ta̱nga sa̱kójiín, ngatꞌa̱ Néná je katsꞌénkjii̱n yojoo̱.
7Ngiti̱ kamáꞌniátakónjín Néná,
kó xota̱ xi xín ngi̱ndie chji̱a̱ni kisꞌiejoo̱ ndí.
Kó ngotꞌe̱ ngo saá si̱ꞌankjie kui ko̱jo ni xi tjiín.
Néná tsꞌénbotíjeé xota̱ Israee̱l
8¡Ti̱ꞌankjaniéjnú ndi̱ja̱a̱ cho̱tsa̱nga̱a̱ ki̱a̱ na̱xi̱ńdáꞌniú Ngabaa̱,
ko̱jo ti̱ꞌankjaniéjnú tjioo̱ ki̱a̱ na̱xi̱ńdáꞌniú Ramaa̱!
¡Chaꞌayàjnú xikótsꞌèn chaꞌayá nga ma kjo̱a̱xcha̱án ki̱a̱ Bee̱t-Abee̱n!
¡Jún xota̱ tji̱e̱e̱ Benja̱, jún tsoboájnú ngotꞌe̱ ꞌne̱!
9Xota̱ tji̱e̱e̱ Efraii̱n si̱ꞌankjie, ni̱xtjin nga sa̱tíjeé.
Ki̱a̱ ngi̱jin xota̱ tji̱e̱e̱ Israee̱l xiyà An ni xi ja̱koxi̱i̱.
10Xota̱ xi botixómá xí tjín ngi̱jii̱n xota̱ tji̱e̱e̱ Jundáa̱,
bo̱a̱ má kón xikoó xota̱ xi bendikónjín tsindioó ngo ngi̱ndie,
kuíni nga kui skjitjónjón An kjo̱a̱xchánna,
xikoó tsi ndáfoa xi tjíchjatjónjón.
11Xota̱ tji̱e̱e̱ Efraii̱n ndasen síndo,
kó kamáyàndikónjín kjo̱a̱nda xi tjiín,
ngatꞌa̱ ki̱a̱ kijítji̱ngi ni xi nénájín.
12Án boá xi ka̱ma An xikoó chiꞌin xi tsꞌénkjátsón tji̱xin yojoná, kjo̱a̱a̱ xota̱ tji̱e̱e̱ Efraii̱n,
kó xikoó ndátjie ka̱ma An, kjo̱a̱a̱ xota̱ ndiꞌaa̱ Jundáa̱.
13Kó kjiꞌanga xota̱ tji̱e̱e̱ Efraii̱n sku̱i̱e̱ chiꞌii̱n,
ko̱jo nga xota̱ tji̱e̱e̱ Jundáa̱ skotsíjee̱n stsieé,
xota̱ tji̱e̱e̱ Efraii̱n nangi Asiria̱ ko̱e̱je̱,
kó ki̱a̱ ko̱e̱je̱koo̱n kui re xi kondra̱a̱,
ta̱nga kui ree̱, nde ka̱májiín sa̱ꞌíndaya kui chiꞌii̱n,
ti̱nde kui stsieé xtjo̱ꞌóxínjín ngi̱jinjnú.
14Ngatꞌa̱ An, xikónií ngo xandi̱je̱ ka̱ma An, kjo̱a̱a̱ xota̱ tji̱e̱e̱ Efraii̱n,
kó xikoó ngo ndií xandi̱je̱ ka̱ma An, kjo̱a̱a̱ xota̱ ndiꞌaa̱ Jundáa̱.
¡Ti̱ ánní bo̱a̱ xi stsoboa An, sꞌe̱ kjuín Án,
kó kjuínjo̱ An, kó nde ngojín xi ka̱maa̱ kjo̱a̱ꞌáxínna!
15Kó kongàa̱ kui, sꞌe̱ kjuín ngiñá An ngi̱ndiena,
ngaskande nga sa̱ꞌínkie yojoo̱ nga katsꞌénjé,
kó ngatangase kje̱n Án, ko̱jo ngatangasena kjiꞌanga nda̱ ka̱maa̱.
Currently Selected:
Oseaa̱ 5: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Oseaa̱ 5
5
Én xí tsi̱ꞌe̱ xota̱ Israee̱l
1¡Ndaꞌyájnú kui nii̱, jún xi chináꞌmijnú!
¡Tasiénnijónjnú kui eén jún xota̱ Israee̱l!
¡Tasiénnijónjnú kui eén jún xota̱ xi síndo ndiꞌaa̱ re!
Jún boá xi tsꞌenníꞌínjnú kui kjo̱a̱botíjeé,
ngatꞌa̱ jún boá xi chja̱ya̱ kamájnú ki̱a̱ na̱xi̱ńdáꞌniú Mispaa̱,
kó xikoó tsi ngo nda̱ꞌya xi kitsjien kamájnú ki̱a̱ na̱xi̱ Taboo̱r.
2Kó xikoó tsi ngo ti̱xa̱ xi kamánda kamájnú jún ki̱a̱ na̱xi̱ńdáꞌniú Sitii̱n.
Kó kuíni nga Án boá xi kotijéjnúꞌun ngayejejnú.
3Be Án ꞌyání xi xota̱ tji̱e̱e̱ Efraii̱n,
kó ti̱ be Án xota̱ Israee̱l nga,
ta̱nga jún xota̱ tji̱e̱e̱ Efraii̱n,
jún boá xi kiniꞌánmasienjnú yojojnú,
kó xota̱ Israee̱l je katsꞌéndándí yojoo̱.
4Ni xi ndyi̱tsꞌèn, tsjandièjiín nga sa̱ꞌínkꞌoyà yojoo̱,
ngatꞌa̱ ngo a̱siénni̱xtjin xi tsꞌénmasienná tikónjin ngamasiee̱n kui xotaa̱,
kó ngiti̱ bejín ꞌyání xi Néná.
5Kjo̱a̱nkꞌakoo̱n xota̱ Israee̱l, ti̱kuíní boá xi chji̱a̱ kondra̱ tsi̱ꞌe̱,
kó xota̱ Israee̱l ko̱jo xota̱ tji̱e̱e̱ Efraii̱n je kastingí kui jeé,
kó ko̱jo xota̱ tji̱e̱e̱ Jundáa̱ sti̱ngí ndatsa kui nga.
6Kó ko̱e̱je̱ngase Néná nga kꞌuítso̱majo̱ cho̱tsa̱nga̱a̱ ko̱jo cho̱yojoo̱,
ta̱nga sa̱kójiín, ngatꞌa̱ Néná je katsꞌénkjii̱n yojoo̱.
7Ngiti̱ kamáꞌniátakónjín Néná,
kó xota̱ xi xín ngi̱ndie chji̱a̱ni kisꞌiejoo̱ ndí.
Kó ngotꞌe̱ ngo saá si̱ꞌankjie kui ko̱jo ni xi tjiín.
Néná tsꞌénbotíjeé xota̱ Israee̱l
8¡Ti̱ꞌankjaniéjnú ndi̱ja̱a̱ cho̱tsa̱nga̱a̱ ki̱a̱ na̱xi̱ńdáꞌniú Ngabaa̱,
ko̱jo ti̱ꞌankjaniéjnú tjioo̱ ki̱a̱ na̱xi̱ńdáꞌniú Ramaa̱!
¡Chaꞌayàjnú xikótsꞌèn chaꞌayá nga ma kjo̱a̱xcha̱án ki̱a̱ Bee̱t-Abee̱n!
¡Jún xota̱ tji̱e̱e̱ Benja̱, jún tsoboájnú ngotꞌe̱ ꞌne̱!
9Xota̱ tji̱e̱e̱ Efraii̱n si̱ꞌankjie, ni̱xtjin nga sa̱tíjeé.
Ki̱a̱ ngi̱jin xota̱ tji̱e̱e̱ Israee̱l xiyà An ni xi ja̱koxi̱i̱.
10Xota̱ xi botixómá xí tjín ngi̱jii̱n xota̱ tji̱e̱e̱ Jundáa̱,
bo̱a̱ má kón xikoó xota̱ xi bendikónjín tsindioó ngo ngi̱ndie,
kuíni nga kui skjitjónjón An kjo̱a̱xchánna,
xikoó tsi ndáfoa xi tjíchjatjónjón.
11Xota̱ tji̱e̱e̱ Efraii̱n ndasen síndo,
kó kamáyàndikónjín kjo̱a̱nda xi tjiín,
ngatꞌa̱ ki̱a̱ kijítji̱ngi ni xi nénájín.
12Án boá xi ka̱ma An xikoó chiꞌin xi tsꞌénkjátsón tji̱xin yojoná, kjo̱a̱a̱ xota̱ tji̱e̱e̱ Efraii̱n,
kó xikoó ndátjie ka̱ma An, kjo̱a̱a̱ xota̱ ndiꞌaa̱ Jundáa̱.
13Kó kjiꞌanga xota̱ tji̱e̱e̱ Efraii̱n sku̱i̱e̱ chiꞌii̱n,
ko̱jo nga xota̱ tji̱e̱e̱ Jundáa̱ skotsíjee̱n stsieé,
xota̱ tji̱e̱e̱ Efraii̱n nangi Asiria̱ ko̱e̱je̱,
kó ki̱a̱ ko̱e̱je̱koo̱n kui re xi kondra̱a̱,
ta̱nga kui ree̱, nde ka̱májiín sa̱ꞌíndaya kui chiꞌii̱n,
ti̱nde kui stsieé xtjo̱ꞌóxínjín ngi̱jinjnú.
14Ngatꞌa̱ An, xikónií ngo xandi̱je̱ ka̱ma An, kjo̱a̱a̱ xota̱ tji̱e̱e̱ Efraii̱n,
kó xikoó ngo ndií xandi̱je̱ ka̱ma An, kjo̱a̱a̱ xota̱ ndiꞌaa̱ Jundáa̱.
¡Ti̱ ánní bo̱a̱ xi stsoboa An, sꞌe̱ kjuín Án,
kó kjuínjo̱ An, kó nde ngojín xi ka̱maa̱ kjo̱a̱ꞌáxínna!
15Kó kongàa̱ kui, sꞌe̱ kjuín ngiñá An ngi̱ndiena,
ngaskande nga sa̱ꞌínkie yojoo̱ nga katsꞌénjé,
kó ngatangase kje̱n Án, ko̱jo ngatangasena kjiꞌanga nda̱ ka̱maa̱.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014