Xota̱ Ngalasia̱ 2
2
1Jaskan ngije jaꞌa tienijón nó, kijí nginí an na̱xi̱ńdáꞌniú Jerusale̱n nga kijíjo̱na Bernabee̱, kó ti̱ kijíjo̱ an Titoo̱ nga. 2Kó kijí an, ngatꞌa̱ Néná akóna nga chjiéngá bo̱a̱ sa̱ꞌin an, kó tsi̱ꞌe̱ nga ta̱kjo̱a̱ndajiín xá xí tjítsꞌen an, kixiyàa̱ kui xotaa̱ kui éntjatsi̱e̱ xi ꞌbini̱jmìi̱ xota̱ xi jundío̱jiín. 3Ta̱nga ti̱nde Titoo̱, nda̱ ngriengo̱ xi tji̱e̱njona kiniꞌánjiín kjo̱a̱ꞌniú nga sa̱ꞌiín sirkunsisio̱n yojoo̱. 4Kó ndatsi tjín já ntsꞌie xí maña̱ xi kijíjinꞌmaá xota̱ná, tsi̱ꞌe̱ nga skotsíjenꞌmaá kui kjo̱a̱ndeé kjo̱a̱kitii̱, xi katsjáná ñá xi sꞌijinná Kristo̱ Kjisoo̱, tsi̱ꞌe̱ nga kui jaá sa̱ꞌínná kjo̱a̱ꞌniú nga moso̱ xi kastiñaá kjo̱a̱kitii̱ sa̱ꞌínná. 5Kui xotaa̱ nde chií katseꞌéndièjínjne̱, ngatꞌa̱ mejénjne̱ nga ja̱koxi̱i̱ éntjatsi̱e̱e̱ Néná ta̱kó sꞌi̱jñajinjnú.
6Ta̱nga kui já xí ya nga ngito̱ko̱o̱ na̱ngo̱xi̱i̱ kamá, nde chií ni xi tja̱tsi̱e̱ yísónjiín éntjatsi̱e̱ xi ini̱jmi án. Tsi ngito̱ko̱ ko̱jo tsi jmí, jmí ndasénjínna, ngatꞌa̱ ta̱ ngo ndse̱je̱n ñá ngindyi̱ko̱n Néná. 7Ta̱sá kamákjiín nga Néná boá xi katsjáxána, nga an xi kꞌuini̱jmìi̱ xota̱ xi jundío̱jín, xikótsꞌèn Peé katsjáxaá nga kui xi ku̱i̱ꞌíni̱jmi̱ì xota̱ xi jundíoo̱. 8Ngatꞌa̱ kui Néná xí katsꞌénkjién Peé nga apostroo̱ xota̱ xi jundíoo̱ kamá, ti̱kuíní bo̱a̱ xi katsꞌénkjiénna án nga apostroo̱ xota̱ xi jundío̱jín kamá an.
9Kó Sandiyaá, ko̱jo Peé, ko̱jo Juaa̱, kuí boá xi ya nga ngito̱ko̱o̱ na̱ngo̱xi̱i̱, nga kamákjiín kjo̱a̱a̱ kui kjo̱a̱nda xi katsjána Néná, katsjájne̱ tsja nga ikꞌíndajo̱jne̱ tsi̱ꞌe̱ an, ko̱jo Bernabee̱, si̱ꞌanjne̱ xaá Néná ngi̱jii̱n xota̱ xi jundío̱jiín, tji̱e̱nga kui jaá sa̱ꞌín xaá Néná ngi̱jii̱n xota̱ xi jundíoo̱. 10Ta̱kuítsí ni xi tsíꞌájne̱ nga xchi̱yàjínjne̱ xota̱ ni̱ma̱ xi chji̱a̱ni na̱ngo̱xi̱i̱ na̱xi̱ńdáꞌniú Jerusalee̱n, kó kui nii̱ xi ngayeje ko̱n an nga nda tjítsꞌenkjatjosón an.
Pabloo̱ bi̱ tsꞌén katsꞌénxchánjo̱ Peé ki̱a̱ na̱xi̱ńdáꞌniú Antiokiya̱
11Ta̱nga nga jeꞌe Peé kꞌi̱e̱ na̱xi̱ńdáꞌniú Antiokiya̱, katsꞌénxchánjo̱ tíkje̱n tíkje̱n an, ngatꞌa̱ nga ndajínkjiꞌi ni xi katsꞌén. 12Ngatꞌa̱ tjón mára iskjiniejo̱ ṉño̱ xota̱ xi jundío̱jiín, ngindiee̱ nga kjo̱chó já xí katsangiya Sandiyaá, ta̱nga nga jachó kui jaá, xín kijí, kó íjñámasien ngatꞌa̱ katsakjónnií xota̱ xi tsó nga chjién xò nga ko̱jo xota̱ xi jundío̱jiín sa̱ꞌiín sirkunsisio̱n yojoo̱ nga. 13Kó xota̱ jundío̱ xi ngase xi sꞌijii̱n Kjisoo̱, ti̱ jókje̱n kamá xikoó Peé nga, kó ngaskande Bernabee̱, katsꞌénjo̱ꞌo kjo̱a̱jókje̱e̱n kui jaá, nga ti̱ bo̱a̱ ti̱ katsꞌén kuí nga. 14Kó kuíni nga kjiꞌanga kamábe an nga jmí tsi kixi̱ tjimájo̱ yojoo̱, xikó kjiꞌi ja̱koxi̱i̱ éntjatsi̱e̱e̱ Kjisoo̱, bi̱ kixiáa̱n Peé ngindyi̱ko̱n ngayeje xota̱ na̱xi̱ńdaá: “Tsi ji xi nda̱ jundío̱ ji, kó tsi tindyin ji xikó maá xota̱ xi jundío̱jín, míkjo̱a̱a̱ nga mejeén si̱ꞌìi̱n kjo̱a̱ꞌniú xota̱ xi jundío̱jiín nga kꞌuíndo xikótsꞌèn síndo xota̱ xi jundíoo̱.”
15Ji̱n boá xi xota̱ jundío̱ ji̱n ndeskande koó nga katsenjne̱, kó jmí tsi ki̱a̱ katsennijne̱ xota̱ jé xí xikoó xota̱ xi jundío̱jiín. 16Kó jè ya ji̱n nga ngojín xota̱ xi kixi̱ ka̱ma ngindyi̱ko̱n Néná kjo̱a̱a̱ ni xi tjítsꞌén nga sa̱ꞌínkjatjosón kjo̱a̱kitii̱, ta̱sá kixi̱ ka̱ma ta̱ngatꞌanii̱ nga sꞌijii̱n Jesukristoo̱. Kuíni nga ko̱jo ji̱n xi jundío̱ ji̱n je kiniꞌánsꞌijinjne̱ Jesukristoo̱, tsi̱ꞌe̱ nga kixi̱ ka̱ma ji̱n ta̱ngatꞌanii̱ kjo̱a̱sꞌijii̱n Kristoo̱, kó jmí tsi kjo̱a̱a̱ nga si̱ꞌankjatjosón ji̱n ni xi tjítꞌa kjo̱a̱kitii̱, ngatꞌa̱ kjo̱a̱a̱ kjo̱a̱kitii̱, nde ngojín xota̱ xi ka̱makixi̱ni ngindyi̱ko̱n Néná.
17Ji̱n xi xota̱ jundío̱ ji̱n xi ti̱ sꞌijinjne̱ Kristoo̱ nga, ja̱bo̱a̱ tsꞌén ndyi̱mindyiséjne̱ nga kixi̱ ka̱majne̱ ngindyi̱ko̱n Néná, ta̱nga tsi bo̱a̱ tsꞌén tjisꞌíjñátsijen nga xota̱ jé kjimajne̱, a kuí nii̱ xi tsó nga Kristoo̱ íjñajinjne̱ jeé. ¡Jmí ni̱xtjin! 18Ngatꞌa̱ tsi ti̱ kotíjña̱ ngiñá an xikótsꞌèn kisꞌijña an ngasꞌe̱, ti̱ ánní xi nda̱jé tjítsꞌen an yojona. 19Ta̱nga nga atíxomana kjo̱a̱kitii̱, jè kꞌien an ta̱ngatꞌanii̱ kui kjo̱a̱kitii̱, tsi̱ꞌe̱ nga ta̱ngatꞌanii̱ Néná nga kotíjña̱ an. 20Jè kꞌien an ngatꞌa̱ jè akjatꞌajo̱na kro Kristoo̱, je ngiti̱ ánjín xi tikón ngase an, Kristoo̱ boá xi tikónjinna, kó bo̱a̱ tsꞌén tikón ngase an nga̱sondiee̱, ta̱ngatꞌanii̱ kjo̱a̱a̱ nga sꞌijinna ndií Néná, kui xi katsꞌéntjóna, ko̱jo katsjá yojoo̱ nga kiniꞌánkꞌién ta̱ngatꞌanii̱ an. 21Xínjín tsꞌenkjaꞌa an kjo̱a̱ndaa̱ Néná. Ngatꞌa̱ tsi kjo̱a̱kitii̱ xi sa̱ꞌínkixi̱ni xotaa̱ ngindyi̱ko̱n Néná, ja̱ ta̱ kjo̱a̱ndaraa̱ nga kꞌien Kristoo̱ tsobo̱a̱.
Currently Selected:
Xota̱ Ngalasia̱ 2: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Xota̱ Ngalasia̱ 2
2
1Jaskan ngije jaꞌa tienijón nó, kijí nginí an na̱xi̱ńdáꞌniú Jerusale̱n nga kijíjo̱na Bernabee̱, kó ti̱ kijíjo̱ an Titoo̱ nga. 2Kó kijí an, ngatꞌa̱ Néná akóna nga chjiéngá bo̱a̱ sa̱ꞌin an, kó tsi̱ꞌe̱ nga ta̱kjo̱a̱ndajiín xá xí tjítsꞌen an, kixiyàa̱ kui xotaa̱ kui éntjatsi̱e̱ xi ꞌbini̱jmìi̱ xota̱ xi jundío̱jiín. 3Ta̱nga ti̱nde Titoo̱, nda̱ ngriengo̱ xi tji̱e̱njona kiniꞌánjiín kjo̱a̱ꞌniú nga sa̱ꞌiín sirkunsisio̱n yojoo̱. 4Kó ndatsi tjín já ntsꞌie xí maña̱ xi kijíjinꞌmaá xota̱ná, tsi̱ꞌe̱ nga skotsíjenꞌmaá kui kjo̱a̱ndeé kjo̱a̱kitii̱, xi katsjáná ñá xi sꞌijinná Kristo̱ Kjisoo̱, tsi̱ꞌe̱ nga kui jaá sa̱ꞌínná kjo̱a̱ꞌniú nga moso̱ xi kastiñaá kjo̱a̱kitii̱ sa̱ꞌínná. 5Kui xotaa̱ nde chií katseꞌéndièjínjne̱, ngatꞌa̱ mejénjne̱ nga ja̱koxi̱i̱ éntjatsi̱e̱e̱ Néná ta̱kó sꞌi̱jñajinjnú.
6Ta̱nga kui já xí ya nga ngito̱ko̱o̱ na̱ngo̱xi̱i̱ kamá, nde chií ni xi tja̱tsi̱e̱ yísónjiín éntjatsi̱e̱ xi ini̱jmi án. Tsi ngito̱ko̱ ko̱jo tsi jmí, jmí ndasénjínna, ngatꞌa̱ ta̱ ngo ndse̱je̱n ñá ngindyi̱ko̱n Néná. 7Ta̱sá kamákjiín nga Néná boá xi katsjáxána, nga an xi kꞌuini̱jmìi̱ xota̱ xi jundío̱jín, xikótsꞌèn Peé katsjáxaá nga kui xi ku̱i̱ꞌíni̱jmi̱ì xota̱ xi jundíoo̱. 8Ngatꞌa̱ kui Néná xí katsꞌénkjién Peé nga apostroo̱ xota̱ xi jundíoo̱ kamá, ti̱kuíní bo̱a̱ xi katsꞌénkjiénna án nga apostroo̱ xota̱ xi jundío̱jín kamá an.
9Kó Sandiyaá, ko̱jo Peé, ko̱jo Juaa̱, kuí boá xi ya nga ngito̱ko̱o̱ na̱ngo̱xi̱i̱, nga kamákjiín kjo̱a̱a̱ kui kjo̱a̱nda xi katsjána Néná, katsjájne̱ tsja nga ikꞌíndajo̱jne̱ tsi̱ꞌe̱ an, ko̱jo Bernabee̱, si̱ꞌanjne̱ xaá Néná ngi̱jii̱n xota̱ xi jundío̱jiín, tji̱e̱nga kui jaá sa̱ꞌín xaá Néná ngi̱jii̱n xota̱ xi jundíoo̱. 10Ta̱kuítsí ni xi tsíꞌájne̱ nga xchi̱yàjínjne̱ xota̱ ni̱ma̱ xi chji̱a̱ni na̱ngo̱xi̱i̱ na̱xi̱ńdáꞌniú Jerusalee̱n, kó kui nii̱ xi ngayeje ko̱n an nga nda tjítsꞌenkjatjosón an.
Pabloo̱ bi̱ tsꞌén katsꞌénxchánjo̱ Peé ki̱a̱ na̱xi̱ńdáꞌniú Antiokiya̱
11Ta̱nga nga jeꞌe Peé kꞌi̱e̱ na̱xi̱ńdáꞌniú Antiokiya̱, katsꞌénxchánjo̱ tíkje̱n tíkje̱n an, ngatꞌa̱ nga ndajínkjiꞌi ni xi katsꞌén. 12Ngatꞌa̱ tjón mára iskjiniejo̱ ṉño̱ xota̱ xi jundío̱jiín, ngindiee̱ nga kjo̱chó já xí katsangiya Sandiyaá, ta̱nga nga jachó kui jaá, xín kijí, kó íjñámasien ngatꞌa̱ katsakjónnií xota̱ xi tsó nga chjién xò nga ko̱jo xota̱ xi jundío̱jiín sa̱ꞌiín sirkunsisio̱n yojoo̱ nga. 13Kó xota̱ jundío̱ xi ngase xi sꞌijii̱n Kjisoo̱, ti̱ jókje̱n kamá xikoó Peé nga, kó ngaskande Bernabee̱, katsꞌénjo̱ꞌo kjo̱a̱jókje̱e̱n kui jaá, nga ti̱ bo̱a̱ ti̱ katsꞌén kuí nga. 14Kó kuíni nga kjiꞌanga kamábe an nga jmí tsi kixi̱ tjimájo̱ yojoo̱, xikó kjiꞌi ja̱koxi̱i̱ éntjatsi̱e̱e̱ Kjisoo̱, bi̱ kixiáa̱n Peé ngindyi̱ko̱n ngayeje xota̱ na̱xi̱ńdaá: “Tsi ji xi nda̱ jundío̱ ji, kó tsi tindyin ji xikó maá xota̱ xi jundío̱jín, míkjo̱a̱a̱ nga mejeén si̱ꞌìi̱n kjo̱a̱ꞌniú xota̱ xi jundío̱jiín nga kꞌuíndo xikótsꞌèn síndo xota̱ xi jundíoo̱.”
15Ji̱n boá xi xota̱ jundío̱ ji̱n ndeskande koó nga katsenjne̱, kó jmí tsi ki̱a̱ katsennijne̱ xota̱ jé xí xikoó xota̱ xi jundío̱jiín. 16Kó jè ya ji̱n nga ngojín xota̱ xi kixi̱ ka̱ma ngindyi̱ko̱n Néná kjo̱a̱a̱ ni xi tjítsꞌén nga sa̱ꞌínkjatjosón kjo̱a̱kitii̱, ta̱sá kixi̱ ka̱ma ta̱ngatꞌanii̱ nga sꞌijii̱n Jesukristoo̱. Kuíni nga ko̱jo ji̱n xi jundío̱ ji̱n je kiniꞌánsꞌijinjne̱ Jesukristoo̱, tsi̱ꞌe̱ nga kixi̱ ka̱ma ji̱n ta̱ngatꞌanii̱ kjo̱a̱sꞌijii̱n Kristoo̱, kó jmí tsi kjo̱a̱a̱ nga si̱ꞌankjatjosón ji̱n ni xi tjítꞌa kjo̱a̱kitii̱, ngatꞌa̱ kjo̱a̱a̱ kjo̱a̱kitii̱, nde ngojín xota̱ xi ka̱makixi̱ni ngindyi̱ko̱n Néná.
17Ji̱n xi xota̱ jundío̱ ji̱n xi ti̱ sꞌijinjne̱ Kristoo̱ nga, ja̱bo̱a̱ tsꞌén ndyi̱mindyiséjne̱ nga kixi̱ ka̱majne̱ ngindyi̱ko̱n Néná, ta̱nga tsi bo̱a̱ tsꞌén tjisꞌíjñátsijen nga xota̱ jé kjimajne̱, a kuí nii̱ xi tsó nga Kristoo̱ íjñajinjne̱ jeé. ¡Jmí ni̱xtjin! 18Ngatꞌa̱ tsi ti̱ kotíjña̱ ngiñá an xikótsꞌèn kisꞌijña an ngasꞌe̱, ti̱ ánní xi nda̱jé tjítsꞌen an yojona. 19Ta̱nga nga atíxomana kjo̱a̱kitii̱, jè kꞌien an ta̱ngatꞌanii̱ kui kjo̱a̱kitii̱, tsi̱ꞌe̱ nga ta̱ngatꞌanii̱ Néná nga kotíjña̱ an. 20Jè kꞌien an ngatꞌa̱ jè akjatꞌajo̱na kro Kristoo̱, je ngiti̱ ánjín xi tikón ngase an, Kristoo̱ boá xi tikónjinna, kó bo̱a̱ tsꞌén tikón ngase an nga̱sondiee̱, ta̱ngatꞌanii̱ kjo̱a̱a̱ nga sꞌijinna ndií Néná, kui xi katsꞌéntjóna, ko̱jo katsjá yojoo̱ nga kiniꞌánkꞌién ta̱ngatꞌanii̱ an. 21Xínjín tsꞌenkjaꞌa an kjo̱a̱ndaa̱ Néná. Ngatꞌa̱ tsi kjo̱a̱kitii̱ xi sa̱ꞌínkixi̱ni xotaa̱ ngindyi̱ko̱n Néná, ja̱ ta̱ kjo̱a̱ndaraa̱ nga kꞌien Kristoo̱ tsobo̱a̱.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014