Na̱ Estee̱r (Ebreo̱) 9
9
Nga katsꞌén xota̱ jundíoo̱
1Ni̱xtjin tiejaán sá xí ma tiejoó, kui xi ꞌmí sá Andaa̱r, kjiꞌanga chjiéngá si̱ꞌankjatjosón ni xi atíxoma ree̱ ki̱a̱ kjo̱a̱kitii̱, ti̱kuii ni̱xtjin kjiꞌanga kondraa̱ je ndyi̱koyaa̱ nga sa̱ꞌínkjié xota̱ jundíoo̱ katsaki. ¡Ta̱nga bo̱a̱jín ka̱má, ngatꞌa̱ xota̱ jundíoo̱ ta̱sá kuí katsꞌeén xota̱ xi katsꞌénchꞌó kuí! 2Kó ngayeje nangi nínga atíxoma re Asueroo̱, xota̱ jundíoo̱ kamátikó xki̱ na̱xi̱ńdáꞌniú, tsi̱ꞌe̱ nga skjánjo̱ xota̱ xi kamámejeén nga katsꞌénkjié, kó nde ta̱ꞌyajín xi katsꞌeén, ngatꞌa̱ ngayeje nangi nínga kandakonni. 3Kó ngayeje ngito̱ko̱o̱ nangi, ko̱jo ngito̱ko̱o̱ xtín nangi, ko̱jo xota̱ xi nkꞌa xaá xi tsꞌénxátꞌaa̱ ree̱, asíko̱jo xota̱ jundíoo̱, ngatꞌa̱ katsakjónnií Marndokeoo̱, 4ngatꞌa̱ achichí kamáyàndikón ki̱a̱ ndiꞌaa̱ ree̱, kó ngayeje nangi ꞌniú kandaꞌyá kjo̱a̱a̱ kui, kó ndyiojón ndyiojón kamáyàndikón ngase.
5Kó xota̱ jundíoo̱ ki̱cha̱ndojó katsꞌénkꞌiénni ngayeje kondra̱a̱, kó katsꞌénkjié, sꞌe̱ ta̱ ni xi mejénrií katsꞌénjo̱. 6Ki̱a̱ na̱xi̱ńdáꞌniú Susa̱, xota̱ jundíoo̱ ún úchán má xota̱ xi̱ꞌin xi katsꞌénkjiesón, 7kó ti̱ katsꞌénkꞌién Parsandataa̱, ko̱jo Ndalfoo̱n, ko̱jo Aspataa̱, 8ko̱jo Porataa̱, ko̱jo Andaliyaa̱, ko̱jo Arindataa̱, 9ko̱jo Parmastaa̱, ko̱jo Arisaii̱, ko̱jo Arindaii̱, ko̱jo Baisataa̱, 10kuí boá xi kamá nga tie ndií Amaa̱n, kui xi na̱ꞌmi kamánii̱ Amendataa̱, kondra̱a̱ xota̱ jundíoo̱, ta̱nga jmí nii̱ kui xotaa̱ iskjíbejín.
11Ti̱kuii ni̱xtjii̱n kiꞌmíyaà ree̱ kótjín má xota̱ xi jesón na̱xi̱ńdáꞌniú Susa̱, 12kósꞌe̱ ree̱, bi̱ katsoó na̱ re Estee̱r:
—Ki̱a̱ na̱xi̱ńdáꞌniú Susa̱, xota̱ jundíoo̱ ún úchán má jáxíꞌín xi katsꞌénkjiesón, ko̱jo nga tie ndií Amaa̱n, ¡kó yajín ñá mí ni xi katsꞌén ngase ngayeje nangi xi ngasee̱! Kó ngotꞌe̱ ꞌne̱, mí ni xi chjiéꞌé ngase ji, kó an tsjaa.
13Kó na̱ re Estee̱r, bi̱ katsoó ree̱:
—Tsi sasieén kui nii̱ ji re, mejénna nga ko̱e̱ꞌéndièe̱ xota̱ jundío̱ xi síndo na̱xi̱ńdáꞌniú Susa̱, tsi̱ꞌe̱ nga ndyiojón ti̱ ngatsꞌénkjátjosón kjo̱a̱kitii̱ xikó katsꞌén ngotꞌe̱ nga, kó nga tijenboáꞌá yojoo̱ kꞌiee̱n nga tie ndií Amaa̱n.
14Kó ree̱ katsjákjo̱a̱ tsi̱ꞌe̱ nga bo̱a̱ ka̱ma. Kó katseꞌé ngo kjo̱a̱ ki̱a̱ na̱xi̱ńdáꞌniú Susa̱, kó ikjienboaꞌa yojoo̱ kꞌiee̱n nga tie ndií Amaa̱n.
15Xota̱ jundío̱ xi kisꞌińdo na̱xi̱ńdáꞌniú Susaa̱, ti̱ kamátikó ni̱xtjin tienijoón sá Andaa̱r nga, kó ján úchán xota̱ xi̱ꞌin katsꞌénkjiesón, ta̱nga jmí nii̱ kui xotaa̱ iskjíbejín.
16Kó xota̱ jundío̱ xi ngasee̱ kui xi kisꞌińdo nangi nínga atíxoma ree̱, kui xi kamátikó tsi̱ꞌe̱ nga kꞌo̱xiéꞌá yojoo̱, ngiti̱ jmí ni katsꞌénjo̱jín kondra̱a̱, kó ichítié ko̱jo kan ún mi̱ má xota̱ xi katsꞌénkjiesón, ta̱nga jmí nii̱ kui xotaa̱ iskjíbejín nga. 17Ni̱xtjin tiejaán sá Andaa̱r boá nga bo̱a̱ kamaá, kó ni̱xtjin tienijoón kui saá katsꞌénkjaꞌyá, sꞌe̱ ni̱xtjii̱n nichinie ko̱jo sꞌué katsꞌén kui ni̱xtjii̱n. 18Ta̱nga xota̱ jundío̱ xi kisꞌińdo ki̱a̱ na̱xi̱ńdáꞌniú Susaa̱ kamátikó ni̱xtjin tiejaán, ko̱jo ni̱xtjin tienijoón kui saá, kó ni̱xtjin tjiꞌuún, katsꞌénkjaꞌyá, kó ni̱xtjii̱n nichinie ko̱jo sꞌué katsꞌén kui ni̱xtjii̱n. 19Kuíni nga xota̱ jundío̱ xi síndo nangi xi jmí xójiín nga ngo foaꞌatjiyajoo̱n, ndeskande koó kjiꞌa, nga ni̱xtjin tienijoón sá Andaa̱r boá nga tsꞌén sꞌué, nga kjinie xtín nichinie, ko̱jo nga ja̱kꞌi̱e̱ ja̱ngaján tsjaá ni xkjín.
Sꞌué xi katsꞌén xota̱ jundíoo̱
20Kó Marndokeoo̱ katsꞌénꞌindó kui eén kjo̱a̱a̱ ni xi kamaá, kó katsangiyaa̱ xo̱jo̱o̱n ngayeje xota̱ jundío̱ xi síndo nangi nínga botixómá re Asueroo̱, ngayeje xi kjin ko̱jo xi tiña síndo, 21kó katsjaákjo̱a̱ nga xki̱ nó xki̱ nó, ni̱xtjin tienijoón ko̱jo ni̱xtjin tjiꞌuún sá Andaa̱r sa̱ꞌín kui sꞌueé, 22tsi̱ꞌe̱ nga si̱ꞌankjaꞌátsjien ni̱xtjin nga xota̱ jundíoo̱ kisꞌiee̱ kjo̱a̱xió kui ko̱jo kondra̱a̱, ko̱jo nga kui saá boá nga kjo̱a̱ndasee̱n, kjo̱a̱tsja kamá. Kó nga ni̱xtjin xa̱ꞌya̱a̱, ni̱xtjii̱n sꞌué kamá. Ko̱jo nga kui ni̱xtjii̱n xi ni̱xtjii̱n nichinie, ko̱jo kjo̱a̱tsja, ko̱jo nga ja̱kꞌi̱e̱ ja̱ngaján tsja̱á ni xkjín, ko̱jo ni̱xtjin nga ko̱síko̱jo xota̱ ni̱ma̱a̱ boá. 23Kó xota̱ jundíoo̱ katsjátsꞌoá nga sa̱ꞌínkjatjosón kui ni xi je ítsꞌi̱yanii̱ nga katsꞌén, xikó tsꞌén katsꞌénꞌindó Marndokeoo̱. 24Ngatꞌa̱ Amaa̱n ndií Amendataa̱, xota̱ tji̱e̱e̱ Angaa̱j, kui xi kondra̱a̱ xota̱ jundíoo̱, ja̱bo̱a̱ jè índa kótsꞌèn sa̱ꞌinkjié ngayejee̱, kó ngo kjo̱a̱chꞌáṉcha katsꞌén, tsi̱ꞌe̱ nga sku̱i̱e̱ kjiꞌání nga sa̱ꞌínkꞌién ko̱jo sa̱ꞌínkjié xota̱ jundíoo̱. 25Ta̱nga kjiꞌanga na̱ re Estee̱r jachó ngindyi̱ko̱n ree̱, kui ree̱ katsjákjo̱a̱ nga ka̱manda ngo xo̱jo̱n, xi kjitꞌa nga ti̱kuii Amaa̱n kꞌo̱kanieé ni ndajín xi je índa kondraa̱ xota̱ jundíoo̱, kuíni nga ikjienboaꞌani kui, ko̱jo ngayeje ndií. 26Kuíni nga kui ni̱xtjii̱n Purii̱n kiꞌmí, kjo̱a̱a̱ kui jaꞌén xi puu̱r ꞌmií, kui xi kjo̱a̱chꞌáṉcha̱ tsoó, ko̱jo kjo̱a̱a̱ ni xi katsó kui xo̱jo̱o̱n, ko̱jo kjo̱a̱a̱ ni xi kuí má kui xotaa̱ kamábe ko̱jo kamaá.
27Kuíni nga xota̱ jundíoo̱, ko̱jo xota̱ tji̱e̱e̱, chjiéngá sa̱ꞌín kui sꞌueé jó ni̱xtjin xki̱ nó xki̱ nó, xikótsꞌèn ítꞌa xo̱jo̱n Marndokeoo̱. 28Kó nga kui ni̱xtjii̱n sa̱ꞌínkjaꞌátsjien ngayeje xota̱ tji̱e̱e̱, ko̱jo ngayeje xtín xota̱, ko̱jo ngayeje nangi, ko̱jo ngayeje na̱xi̱ńdáꞌniú, kó nga ni̱xtjin Purii̱n ngayeje xota̱ jundíoo̱ sku̱i̱e̱ndikón, ko̱jo nga ngayeje xota̱ tji̱e̱e̱ ngatsjéni̱xtjin nga sa̱ꞌínkjaꞌátsjien.
29Kó na̱ re Estee̱r, ndií Abiayii̱l, ko̱jo Marndokeoo̱ xota̱ jundíoo̱, kisꞌiee̱ xá nga katsꞌénꞌindó kui xo̱jo̱n xi ma joó xi chji̱a̱ kjo̱a̱a̱ ni̱xtjin Purii̱n. 30Kó Marndokeoo̱ katsangiyaa̱ xo̱jo̱n ngayeje xota̱ jundío̱ xi kisꞌińdo, nga úchán ko̱jo kan yito nangi xi atíxoma re Asueroo̱, nga katsꞌénkjién én xí kixi̱ ko̱jo xi tjiín kjo̱a̱xió. 31Kó atíxoma nga si̱ꞌankjatjosón sꞌué Purii̱n kjiꞌanga kjo̱chó ni̱xtjii̱n, xikótsꞌèn Marndokeoo̱ ko̱jo na̱ re Estee̱r katsjákjo̱a̱ kjo̱a̱a̱ kui nii̱, tsi̱ꞌe̱ xota̱ jundíoo̱ ko̱jo xota̱ tji̱e̱e̱. Kó ti̱ kjiꞌa katseꞌeé kjo̱a̱botíxoma xikótsꞌèn sa̱ꞌínkjaꞌa kjindiá yojoo̱, ko̱jo nga ni̱ma̱ ka̱tso̱ nga ku̱i̱chji̱a̱a̱ Néná. 32Kó na̱ re Estee̱r boá xi atíxoma, kótsꞌèn chjiéngá si̱ꞌan sꞌué Purii̱n, kó kui nii̱ ki̱a̱ akjatꞌa chꞌo̱ xo̱jo̱o̱n.
Currently Selected:
Na̱ Estee̱r (Ebreo̱) 9: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Na̱ Estee̱r (Ebreo̱) 9
9
Nga katsꞌén xota̱ jundíoo̱
1Ni̱xtjin tiejaán sá xí ma tiejoó, kui xi ꞌmí sá Andaa̱r, kjiꞌanga chjiéngá si̱ꞌankjatjosón ni xi atíxoma ree̱ ki̱a̱ kjo̱a̱kitii̱, ti̱kuii ni̱xtjin kjiꞌanga kondraa̱ je ndyi̱koyaa̱ nga sa̱ꞌínkjié xota̱ jundíoo̱ katsaki. ¡Ta̱nga bo̱a̱jín ka̱má, ngatꞌa̱ xota̱ jundíoo̱ ta̱sá kuí katsꞌeén xota̱ xi katsꞌénchꞌó kuí! 2Kó ngayeje nangi nínga atíxoma re Asueroo̱, xota̱ jundíoo̱ kamátikó xki̱ na̱xi̱ńdáꞌniú, tsi̱ꞌe̱ nga skjánjo̱ xota̱ xi kamámejeén nga katsꞌénkjié, kó nde ta̱ꞌyajín xi katsꞌeén, ngatꞌa̱ ngayeje nangi nínga kandakonni. 3Kó ngayeje ngito̱ko̱o̱ nangi, ko̱jo ngito̱ko̱o̱ xtín nangi, ko̱jo xota̱ xi nkꞌa xaá xi tsꞌénxátꞌaa̱ ree̱, asíko̱jo xota̱ jundíoo̱, ngatꞌa̱ katsakjónnií Marndokeoo̱, 4ngatꞌa̱ achichí kamáyàndikón ki̱a̱ ndiꞌaa̱ ree̱, kó ngayeje nangi ꞌniú kandaꞌyá kjo̱a̱a̱ kui, kó ndyiojón ndyiojón kamáyàndikón ngase.
5Kó xota̱ jundíoo̱ ki̱cha̱ndojó katsꞌénkꞌiénni ngayeje kondra̱a̱, kó katsꞌénkjié, sꞌe̱ ta̱ ni xi mejénrií katsꞌénjo̱. 6Ki̱a̱ na̱xi̱ńdáꞌniú Susa̱, xota̱ jundíoo̱ ún úchán má xota̱ xi̱ꞌin xi katsꞌénkjiesón, 7kó ti̱ katsꞌénkꞌién Parsandataa̱, ko̱jo Ndalfoo̱n, ko̱jo Aspataa̱, 8ko̱jo Porataa̱, ko̱jo Andaliyaa̱, ko̱jo Arindataa̱, 9ko̱jo Parmastaa̱, ko̱jo Arisaii̱, ko̱jo Arindaii̱, ko̱jo Baisataa̱, 10kuí boá xi kamá nga tie ndií Amaa̱n, kui xi na̱ꞌmi kamánii̱ Amendataa̱, kondra̱a̱ xota̱ jundíoo̱, ta̱nga jmí nii̱ kui xotaa̱ iskjíbejín.
11Ti̱kuii ni̱xtjii̱n kiꞌmíyaà ree̱ kótjín má xota̱ xi jesón na̱xi̱ńdáꞌniú Susa̱, 12kósꞌe̱ ree̱, bi̱ katsoó na̱ re Estee̱r:
—Ki̱a̱ na̱xi̱ńdáꞌniú Susa̱, xota̱ jundíoo̱ ún úchán má jáxíꞌín xi katsꞌénkjiesón, ko̱jo nga tie ndií Amaa̱n, ¡kó yajín ñá mí ni xi katsꞌén ngase ngayeje nangi xi ngasee̱! Kó ngotꞌe̱ ꞌne̱, mí ni xi chjiéꞌé ngase ji, kó an tsjaa.
13Kó na̱ re Estee̱r, bi̱ katsoó ree̱:
—Tsi sasieén kui nii̱ ji re, mejénna nga ko̱e̱ꞌéndièe̱ xota̱ jundío̱ xi síndo na̱xi̱ńdáꞌniú Susa̱, tsi̱ꞌe̱ nga ndyiojón ti̱ ngatsꞌénkjátjosón kjo̱a̱kitii̱ xikó katsꞌén ngotꞌe̱ nga, kó nga tijenboáꞌá yojoo̱ kꞌiee̱n nga tie ndií Amaa̱n.
14Kó ree̱ katsjákjo̱a̱ tsi̱ꞌe̱ nga bo̱a̱ ka̱ma. Kó katseꞌé ngo kjo̱a̱ ki̱a̱ na̱xi̱ńdáꞌniú Susa̱, kó ikjienboaꞌa yojoo̱ kꞌiee̱n nga tie ndií Amaa̱n.
15Xota̱ jundío̱ xi kisꞌińdo na̱xi̱ńdáꞌniú Susaa̱, ti̱ kamátikó ni̱xtjin tienijoón sá Andaa̱r nga, kó ján úchán xota̱ xi̱ꞌin katsꞌénkjiesón, ta̱nga jmí nii̱ kui xotaa̱ iskjíbejín.
16Kó xota̱ jundío̱ xi ngasee̱ kui xi kisꞌińdo nangi nínga atíxoma ree̱, kui xi kamátikó tsi̱ꞌe̱ nga kꞌo̱xiéꞌá yojoo̱, ngiti̱ jmí ni katsꞌénjo̱jín kondra̱a̱, kó ichítié ko̱jo kan ún mi̱ má xota̱ xi katsꞌénkjiesón, ta̱nga jmí nii̱ kui xotaa̱ iskjíbejín nga. 17Ni̱xtjin tiejaán sá Andaa̱r boá nga bo̱a̱ kamaá, kó ni̱xtjin tienijoón kui saá katsꞌénkjaꞌyá, sꞌe̱ ni̱xtjii̱n nichinie ko̱jo sꞌué katsꞌén kui ni̱xtjii̱n. 18Ta̱nga xota̱ jundío̱ xi kisꞌińdo ki̱a̱ na̱xi̱ńdáꞌniú Susaa̱ kamátikó ni̱xtjin tiejaán, ko̱jo ni̱xtjin tienijoón kui saá, kó ni̱xtjin tjiꞌuún, katsꞌénkjaꞌyá, kó ni̱xtjii̱n nichinie ko̱jo sꞌué katsꞌén kui ni̱xtjii̱n. 19Kuíni nga xota̱ jundío̱ xi síndo nangi xi jmí xójiín nga ngo foaꞌatjiyajoo̱n, ndeskande koó kjiꞌa, nga ni̱xtjin tienijoón sá Andaa̱r boá nga tsꞌén sꞌué, nga kjinie xtín nichinie, ko̱jo nga ja̱kꞌi̱e̱ ja̱ngaján tsjaá ni xkjín.
Sꞌué xi katsꞌén xota̱ jundíoo̱
20Kó Marndokeoo̱ katsꞌénꞌindó kui eén kjo̱a̱a̱ ni xi kamaá, kó katsangiyaa̱ xo̱jo̱o̱n ngayeje xota̱ jundío̱ xi síndo nangi nínga botixómá re Asueroo̱, ngayeje xi kjin ko̱jo xi tiña síndo, 21kó katsjaákjo̱a̱ nga xki̱ nó xki̱ nó, ni̱xtjin tienijoón ko̱jo ni̱xtjin tjiꞌuún sá Andaa̱r sa̱ꞌín kui sꞌueé, 22tsi̱ꞌe̱ nga si̱ꞌankjaꞌátsjien ni̱xtjin nga xota̱ jundíoo̱ kisꞌiee̱ kjo̱a̱xió kui ko̱jo kondra̱a̱, ko̱jo nga kui saá boá nga kjo̱a̱ndasee̱n, kjo̱a̱tsja kamá. Kó nga ni̱xtjin xa̱ꞌya̱a̱, ni̱xtjii̱n sꞌué kamá. Ko̱jo nga kui ni̱xtjii̱n xi ni̱xtjii̱n nichinie, ko̱jo kjo̱a̱tsja, ko̱jo nga ja̱kꞌi̱e̱ ja̱ngaján tsja̱á ni xkjín, ko̱jo ni̱xtjin nga ko̱síko̱jo xota̱ ni̱ma̱a̱ boá. 23Kó xota̱ jundíoo̱ katsjátsꞌoá nga sa̱ꞌínkjatjosón kui ni xi je ítsꞌi̱yanii̱ nga katsꞌén, xikó tsꞌén katsꞌénꞌindó Marndokeoo̱. 24Ngatꞌa̱ Amaa̱n ndií Amendataa̱, xota̱ tji̱e̱e̱ Angaa̱j, kui xi kondra̱a̱ xota̱ jundíoo̱, ja̱bo̱a̱ jè índa kótsꞌèn sa̱ꞌinkjié ngayejee̱, kó ngo kjo̱a̱chꞌáṉcha katsꞌén, tsi̱ꞌe̱ nga sku̱i̱e̱ kjiꞌání nga sa̱ꞌínkꞌién ko̱jo sa̱ꞌínkjié xota̱ jundíoo̱. 25Ta̱nga kjiꞌanga na̱ re Estee̱r jachó ngindyi̱ko̱n ree̱, kui ree̱ katsjákjo̱a̱ nga ka̱manda ngo xo̱jo̱n, xi kjitꞌa nga ti̱kuii Amaa̱n kꞌo̱kanieé ni ndajín xi je índa kondraa̱ xota̱ jundíoo̱, kuíni nga ikjienboaꞌani kui, ko̱jo ngayeje ndií. 26Kuíni nga kui ni̱xtjii̱n Purii̱n kiꞌmí, kjo̱a̱a̱ kui jaꞌén xi puu̱r ꞌmií, kui xi kjo̱a̱chꞌáṉcha̱ tsoó, ko̱jo kjo̱a̱a̱ ni xi katsó kui xo̱jo̱o̱n, ko̱jo kjo̱a̱a̱ ni xi kuí má kui xotaa̱ kamábe ko̱jo kamaá.
27Kuíni nga xota̱ jundíoo̱, ko̱jo xota̱ tji̱e̱e̱, chjiéngá sa̱ꞌín kui sꞌueé jó ni̱xtjin xki̱ nó xki̱ nó, xikótsꞌèn ítꞌa xo̱jo̱n Marndokeoo̱. 28Kó nga kui ni̱xtjii̱n sa̱ꞌínkjaꞌátsjien ngayeje xota̱ tji̱e̱e̱, ko̱jo ngayeje xtín xota̱, ko̱jo ngayeje nangi, ko̱jo ngayeje na̱xi̱ńdáꞌniú, kó nga ni̱xtjin Purii̱n ngayeje xota̱ jundíoo̱ sku̱i̱e̱ndikón, ko̱jo nga ngayeje xota̱ tji̱e̱e̱ ngatsjéni̱xtjin nga sa̱ꞌínkjaꞌátsjien.
29Kó na̱ re Estee̱r, ndií Abiayii̱l, ko̱jo Marndokeoo̱ xota̱ jundíoo̱, kisꞌiee̱ xá nga katsꞌénꞌindó kui xo̱jo̱n xi ma joó xi chji̱a̱ kjo̱a̱a̱ ni̱xtjin Purii̱n. 30Kó Marndokeoo̱ katsangiyaa̱ xo̱jo̱n ngayeje xota̱ jundío̱ xi kisꞌińdo, nga úchán ko̱jo kan yito nangi xi atíxoma re Asueroo̱, nga katsꞌénkjién én xí kixi̱ ko̱jo xi tjiín kjo̱a̱xió. 31Kó atíxoma nga si̱ꞌankjatjosón sꞌué Purii̱n kjiꞌanga kjo̱chó ni̱xtjii̱n, xikótsꞌèn Marndokeoo̱ ko̱jo na̱ re Estee̱r katsjákjo̱a̱ kjo̱a̱a̱ kui nii̱, tsi̱ꞌe̱ xota̱ jundíoo̱ ko̱jo xota̱ tji̱e̱e̱. Kó ti̱ kjiꞌa katseꞌeé kjo̱a̱botíxoma xikótsꞌèn sa̱ꞌínkjaꞌa kjindiá yojoo̱, ko̱jo nga ni̱ma̱ ka̱tso̱ nga ku̱i̱chji̱a̱a̱ Néná. 32Kó na̱ re Estee̱r boá xi atíxoma, kótsꞌèn chjiéngá si̱ꞌan sꞌué Purii̱n, kó kui nii̱ ki̱a̱ akjatꞌa chꞌo̱ xo̱jo̱o̱n.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014