Amoo̱ 2
2
Én kondra̱ tsi̱ꞌe̱ na̱xi̱ńdá Moaa̱b
1Bi̱ tsó Ndi̱a̱ná kui xi Néná:
Kjo̱a̱a̱ ján jé xí katsꞌén xota̱ xi chji̱a̱ni na̱xi̱ńdá Moaa̱b,
kó ta̱ngatꞌanii̱ xi ma nijón jeé, nga sa̱ꞌinjetakónjáa̱n,
ngatꞌa̱ ítí ńdaa̱ ree̱ na̱xi̱ńdá Endoo̱n, ngaskande nga ndiso kamá,
2kuíni nga kꞌuitíña An na̱xi̱ńdá Moaa̱b,
kó kui ndiꞌií xi sa̱ꞌínkjié ndo̱bo̱a̱xa̱á na̱xi̱ńdáꞌniú Kerioo̱t nga,
kó ngi̱jii̱n kui kjo̱a̱see̱, kju̱i̱e̱són xota̱ na̱xi̱ńdá Moaa̱b,
ngi̱jii̱n xota̱ xi ndyi̱kjandayà kjo̱a̱xcha̱án, ko̱jo nga kjifonie tjioo̱.
3¡Án boá xi kjoaꞌaxín An nendiꞌamasien xi botixómaá,
kó nijan sa̱ꞌinkjiesón An kui, ko̱jo xota̱ xi ngito̱ko̱o̱! Tsó Ndi̱a̱ná kui xi Néná.
Én kondra̱ tsi̱ꞌe̱ na̱xi̱ńdá Jundáa̱
4Bi̱ tsó Ndi̱a̱ná kui xi Néná:
Kjo̱a̱a̱ ján jé xí katsꞌén xota̱ xi chji̱a̱ni na̱xi̱ńdá Jundáa̱,
kó ta̱ngatꞌanii̱ xi ma nijón jeé, nga sa̱ꞌinjetakónjáa̱n,
ngatꞌa̱ katsꞌénchꞌó kjo̱a̱kitina,
kó kamábendikónjín kjo̱a̱botíxomana,
kó ta̱ngatꞌanii̱ kjo̱a̱ndisoo̱ nga xín ndi̱yà kijí,
kó ki̱a̱ kijítji̱ngi ne xi katsꞌéndikón xota̱ xi xchaá.
5Kuíni nga ndiꞌí sa̱ꞌinkjindibánié An na̱xi̱ńdá Jundáa̱,
kó kuí ndiꞌií xi sa̱ꞌínkjié ngi̱ndie ꞌniuú na̱xi̱ńdáꞌniú Jerusalee̱n nga.
Én kondra̱ tsi̱ꞌe̱ na̱xi̱ńdá Israee̱l
6Bi̱ tsó Ndi̱a̱ná kui xi Néná:
Kjo̱a̱a̱ ján jé xí katsꞌén xota̱ xi chji̱a̱ni na̱xi̱ńdá Israee̱l,
kó ta̱ngatꞌanii̱ xi ma nijón jeé, nga sa̱ꞌinjetakónjáa̱n,
ngatꞌa̱ ta̱ngatꞌanii̱ to̱o̱n, nga atíñá xota̱ xi kixi̱i̱,
kó ta̱ngatꞌanii̱ ngo ꞌniú ndié, nga atíñá xota̱ xi ni̱ma̱a̱.
7Kó ngaskande xa̱ xi tjiín nga̱són to̱ko̱ xota̱ xi ni̱ma̱a̱ mamejeén,
tsꞌénkjátsón ndi̱yà xí tjimá xota̱ xi ni̱ma̱kjo̱a̱a̱,
kó ngo na̱ꞌmi ko̱jo ngo ndí, ti̱kuii tsa̱kjìn ndyi̱foyojojo̱ nga joó,
ngatꞌa̱ mejeén nga sa̱ꞌínkjatsón Jaꞌén tsjiena.
8Kó ki̱a̱ ndyi̱foyojosón ńjño xi to̱n ikꞌíjñangini,
ki̱a̱ tꞌa ta̱jñà ṉchandikónní,
kó ki̱a̱ ndiꞌaa̱ nee̱ ndyi̱ꞌbi bino̱ xi tsꞌatsieni xota̱ xi to̱n íchjítjéni yojoo̱.
9An xi ngindyi̱ko̱n kui, katsꞌenkjié An xota̱ Amoo̱r,
kui xota̱ xi nkꞌa kamá xikoó yákoón,
kó ꞌniú kamá xikoó yáꞌáxka̱a̱,
Án boá xi katsꞌenkjatsón Án to xi tsajaá nkꞌaa̱,
ko̱jo ja̱ma̱ xi kisꞌiee̱ ngindiee̱.
10Án boá xi tsꞌaxiéjnúꞌun nangi Ejipto̱,
kósꞌe̱ kijíjo̱jnúꞌun yichán nó ki̱a̱ nangi kixií,
tsi̱ꞌe̱ nga ku̱i̱tjásꞌi̱e̱njnú, kó tsa̱jún ka̱ma tꞌanangii̱ xota̱ Amoo̱r.
11Kó ndíjnú jaꞌajin An nga katsꞌen An jáchji̱ni̱e̱ꞌén,
kó já xo̱ngòjnú indotꞌaxín An xi katsꞌen an xota̱ nasareo̱.
A bo̱a̱jín kjíꞌí kui nii̱, jún xota̱ Israee̱l. Tsó Ndi̱a̱ná kui xi Néná.
12Ta̱nga jún kiniꞌánjnúu̱ kjo̱a̱ꞌniú já nasareoo̱ nga kamáchꞌi̱,
kó katseꞌéndièjínjnú nga jáchji̱ni̱e̱ꞌe̱én ka̱tso̱yà én xí kixiyatjóo̱n.
13Kuíni nga jún xota̱ Israee̱l,
¡Án boá xi sa̱ꞌinkjítiejnúꞌun nga̱són tꞌanangii̱,
xikó maá tsi ngo karreta̱ xi tjikítsie maá to ndso̱ko̱a̱n ṉño̱pan xi tjítsꞌénkjítiejnú!
14Ka̱májín kjo̱tjongii̱ yojoo̱ xota̱ xi tsaá,
ti̱nde xota̱ xi ꞌniuú, ka̱májiín sa̱ꞌínkjién ngaꞌniuú,
ti̱nde xota̱ xi chꞌokoo̱n, ka̱májiín kjo̱tjongii̱ yojoo̱.
15Já xí tsꞌénkjién yáchjonyaá kjo̱chíkjo̱a̱jiín,
ti̱nde xota̱ xi tsá mongaa̱, ka̱májiín kjo̱tjoꞌaa̱ yojoo̱,
ti̱nde xota̱ xi ndi̱je̱ síndosoón, ka̱májiín kjo̱tjoꞌaa̱ yojoo̱ nga.
16¡Ngaskande xota̱ xi ꞌniú chꞌokon ngase nga kjaán,
xi ko̱nga kjiꞌixtí kui ni̱xtjii̱n! Tsó Ndi̱a̱ná kui xi Néná.
Currently Selected:
Amoo̱ 2: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Amoo̱ 2
2
Én kondra̱ tsi̱ꞌe̱ na̱xi̱ńdá Moaa̱b
1Bi̱ tsó Ndi̱a̱ná kui xi Néná:
Kjo̱a̱a̱ ján jé xí katsꞌén xota̱ xi chji̱a̱ni na̱xi̱ńdá Moaa̱b,
kó ta̱ngatꞌanii̱ xi ma nijón jeé, nga sa̱ꞌinjetakónjáa̱n,
ngatꞌa̱ ítí ńdaa̱ ree̱ na̱xi̱ńdá Endoo̱n, ngaskande nga ndiso kamá,
2kuíni nga kꞌuitíña An na̱xi̱ńdá Moaa̱b,
kó kui ndiꞌií xi sa̱ꞌínkjié ndo̱bo̱a̱xa̱á na̱xi̱ńdáꞌniú Kerioo̱t nga,
kó ngi̱jii̱n kui kjo̱a̱see̱, kju̱i̱e̱són xota̱ na̱xi̱ńdá Moaa̱b,
ngi̱jii̱n xota̱ xi ndyi̱kjandayà kjo̱a̱xcha̱án, ko̱jo nga kjifonie tjioo̱.
3¡Án boá xi kjoaꞌaxín An nendiꞌamasien xi botixómaá,
kó nijan sa̱ꞌinkjiesón An kui, ko̱jo xota̱ xi ngito̱ko̱o̱! Tsó Ndi̱a̱ná kui xi Néná.
Én kondra̱ tsi̱ꞌe̱ na̱xi̱ńdá Jundáa̱
4Bi̱ tsó Ndi̱a̱ná kui xi Néná:
Kjo̱a̱a̱ ján jé xí katsꞌén xota̱ xi chji̱a̱ni na̱xi̱ńdá Jundáa̱,
kó ta̱ngatꞌanii̱ xi ma nijón jeé, nga sa̱ꞌinjetakónjáa̱n,
ngatꞌa̱ katsꞌénchꞌó kjo̱a̱kitina,
kó kamábendikónjín kjo̱a̱botíxomana,
kó ta̱ngatꞌanii̱ kjo̱a̱ndisoo̱ nga xín ndi̱yà kijí,
kó ki̱a̱ kijítji̱ngi ne xi katsꞌéndikón xota̱ xi xchaá.
5Kuíni nga ndiꞌí sa̱ꞌinkjindibánié An na̱xi̱ńdá Jundáa̱,
kó kuí ndiꞌií xi sa̱ꞌínkjié ngi̱ndie ꞌniuú na̱xi̱ńdáꞌniú Jerusalee̱n nga.
Én kondra̱ tsi̱ꞌe̱ na̱xi̱ńdá Israee̱l
6Bi̱ tsó Ndi̱a̱ná kui xi Néná:
Kjo̱a̱a̱ ján jé xí katsꞌén xota̱ xi chji̱a̱ni na̱xi̱ńdá Israee̱l,
kó ta̱ngatꞌanii̱ xi ma nijón jeé, nga sa̱ꞌinjetakónjáa̱n,
ngatꞌa̱ ta̱ngatꞌanii̱ to̱o̱n, nga atíñá xota̱ xi kixi̱i̱,
kó ta̱ngatꞌanii̱ ngo ꞌniú ndié, nga atíñá xota̱ xi ni̱ma̱a̱.
7Kó ngaskande xa̱ xi tjiín nga̱són to̱ko̱ xota̱ xi ni̱ma̱a̱ mamejeén,
tsꞌénkjátsón ndi̱yà xí tjimá xota̱ xi ni̱ma̱kjo̱a̱a̱,
kó ngo na̱ꞌmi ko̱jo ngo ndí, ti̱kuii tsa̱kjìn ndyi̱foyojojo̱ nga joó,
ngatꞌa̱ mejeén nga sa̱ꞌínkjatsón Jaꞌén tsjiena.
8Kó ki̱a̱ ndyi̱foyojosón ńjño xi to̱n ikꞌíjñangini,
ki̱a̱ tꞌa ta̱jñà ṉchandikónní,
kó ki̱a̱ ndiꞌaa̱ nee̱ ndyi̱ꞌbi bino̱ xi tsꞌatsieni xota̱ xi to̱n íchjítjéni yojoo̱.
9An xi ngindyi̱ko̱n kui, katsꞌenkjié An xota̱ Amoo̱r,
kui xota̱ xi nkꞌa kamá xikoó yákoón,
kó ꞌniú kamá xikoó yáꞌáxka̱a̱,
Án boá xi katsꞌenkjatsón Án to xi tsajaá nkꞌaa̱,
ko̱jo ja̱ma̱ xi kisꞌiee̱ ngindiee̱.
10Án boá xi tsꞌaxiéjnúꞌun nangi Ejipto̱,
kósꞌe̱ kijíjo̱jnúꞌun yichán nó ki̱a̱ nangi kixií,
tsi̱ꞌe̱ nga ku̱i̱tjásꞌi̱e̱njnú, kó tsa̱jún ka̱ma tꞌanangii̱ xota̱ Amoo̱r.
11Kó ndíjnú jaꞌajin An nga katsꞌen An jáchji̱ni̱e̱ꞌén,
kó já xo̱ngòjnú indotꞌaxín An xi katsꞌen an xota̱ nasareo̱.
A bo̱a̱jín kjíꞌí kui nii̱, jún xota̱ Israee̱l. Tsó Ndi̱a̱ná kui xi Néná.
12Ta̱nga jún kiniꞌánjnúu̱ kjo̱a̱ꞌniú já nasareoo̱ nga kamáchꞌi̱,
kó katseꞌéndièjínjnú nga jáchji̱ni̱e̱ꞌe̱én ka̱tso̱yà én xí kixiyatjóo̱n.
13Kuíni nga jún xota̱ Israee̱l,
¡Án boá xi sa̱ꞌinkjítiejnúꞌun nga̱són tꞌanangii̱,
xikó maá tsi ngo karreta̱ xi tjikítsie maá to ndso̱ko̱a̱n ṉño̱pan xi tjítsꞌénkjítiejnú!
14Ka̱májín kjo̱tjongii̱ yojoo̱ xota̱ xi tsaá,
ti̱nde xota̱ xi ꞌniuú, ka̱májiín sa̱ꞌínkjién ngaꞌniuú,
ti̱nde xota̱ xi chꞌokoo̱n, ka̱májiín kjo̱tjongii̱ yojoo̱.
15Já xí tsꞌénkjién yáchjonyaá kjo̱chíkjo̱a̱jiín,
ti̱nde xota̱ xi tsá mongaa̱, ka̱májiín kjo̱tjoꞌaa̱ yojoo̱,
ti̱nde xota̱ xi ndi̱je̱ síndosoón, ka̱májiín kjo̱tjoꞌaa̱ yojoo̱ nga.
16¡Ngaskande xota̱ xi ꞌniú chꞌokon ngase nga kjaán,
xi ko̱nga kjiꞌixtí kui ni̱xtjii̱n! Tsó Ndi̱a̱ná kui xi Néná.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014