Ni xi kamá 27
27
Bi̱ tsꞌén kanangiya Pabloo̱ na̱xi̱ńdá Roma̱
1Kó ngije katseꞌékjo̱a̱ nga katsangiyajne̱ nangi Italia̱, Pabloo̱ ko̱jo já xí nijan kisꞌijñajo̱ ndo̱bo̱a̱yà, kiniꞌánkꞌasꞌiee̱n ngo nda̱jun ngito̱ko̱ xi ꞌmí Julio̱ xi chji̱a̱ni jájuún nda̱ xtitjoón. 2Kó tsanginyájne̱ ngo tjotso je xi chji̱a̱ni na̱xi̱ńdáꞌniú Andramitio̱ xi je makjí má ki̱a̱ nangi Asia̱, kó ki̱a̱ nijan tikónjo̱jne̱ nda̱ xi ꞌmí Aristarkoo̱, xi chji̱a̱ni Tesalónika̱, na̱xi̱ńdá xi chji̱a̱ni nangi Masendonia̱, 3kó nga kamángindyiojón jáchójne̱ na̱xi̱ńdá xi ꞌmí Sindo̱n, nínga nda̱ xi ꞌmí Julioo̱, achichí nda katsꞌénjo̱ Pabloo̱, ngatꞌa̱ katsjandieè nga kijíkatsijee̱n xota̱ xi nda yaꞌa ko̱jo nga nda katsꞌénseén kui xotaa̱. 4Kó ngije jatjojne̱ na̱xi̱ńdáꞌniú Sindo̱n, ki̱a̱ ikitjajne̱ tꞌa tji̱ngi̱ Chipre̱, ngatꞌa̱ tjo̱o̱ ndáchíkoón kondra̱ kamájne̱, 5kó ngije ikitjatjíyajonjne̱ na̱xi̱ńdáꞌniú Sisilia̱ ko̱jo na̱xi̱ńdáꞌniú Panfilia̱, jáchójne̱ na̱xi̱ńdáꞌniú Mira̱ ngo na̱xi̱ńdá xi chji̱a̱ni nangi Lisia̱.
6Kó nda̱ ngito̱ko̱o̱ jájuún ki̱a̱ kasakoo̱ ngo tjotso je xi chji̱a̱ni na̱xi̱ńdáꞌniú Alejandriya̱ xi tsꞌénfí nangi Italia̱, kó ki̱a̱ katsꞌénkꞌasꞌienjne̱ kui tjotso jee̱ tsi̱ꞌe̱ nga tsangín ndojójne̱. 7Achichí kjín ni̱xtjin nga inda inda kijí tjotso je xi timayajne̱, kó ta̱ꞌya jáchójne̱ kje̱n na̱xi̱ńdáꞌniú Jnindo̱, ngatꞌa̱ ta̱kó ꞌniú tji̱e̱n tjo̱o̱ ndáchíkoón, kó ki̱a̱ ikitjajne̱ kje̱n tꞌa na̱xi̱ńdáꞌniú Salmo̱n nga ikitjatjíyajonjne̱ tji̱ngi̱ Kreta̱, 8kó ta̱ꞌya tsꞌénfí tjotso jee̱ tꞌa ndáchíkoón, sꞌe̱ jáchójne̱ ngo ngi̱ndie xi ꞌmí Bueno Puerto̱, tiñaa̱ na̱xi̱ńdáꞌniú Lasea̱.
9Kó ngije jaꞌa kjín ni̱xtjin, ngije ngiti̱ májín ta̱ chiboa mińtja̱jin ndáchíkoón, ngatꞌa̱ je kjimatiña cho̱nchꞌaàn, kuíni nga Pabloo̱, bi̱ tsꞌén atíxomaa̱ kui jaá, 10nga bi̱ katsoó:
–Jún bo̱a̱ já, beriíko̱n an nga ꞌniú ndikón kjiꞌi nga bi̱ tsꞌén ndyi̱mongín, ko̱jo nga xcha̱ja tjotso jee̱ ko̱jo chꞌià xí yaꞌa, kó ngaskande tsi ndajín ni̱xtjin ngaskande ñá ko̱yà.
11Ta̱nga nda̱ ngito̱ko̱o̱ jájuún katsꞌén ngasee̱ xki̱ ni xi katsó nda̱ xi tsi̱ꞌe̱ tjotso jee̱, ko̱jo nda̱ xi tsꞌénxájo̱ ta̱bo̱a̱jiín ni xi katsó Pabloo̱. 12Kó nga kui ngi̱ndie jàn ndajín má kjiꞌi nga ki̱a̱ kjo̱a̱ꞌaa̱ cho̱nchꞌaàn, kó ta̱ mején ngayejee̱ nga katsꞌénkjó nga ta̱sá ndatsi kjo̱tjo ki̱a̱a̱ sꞌe̱ sa̱ꞌín kjo̱a̱ꞌniú tsi̱ꞌe̱ nga kjo̱chó na̱xi̱ńdáꞌniú Fenise̱, ngo na̱xi̱ńdáꞌniú xi tikóntꞌa ndáchíkón xi chji̱a̱ni Kreta̱, xi kisꞌijñaa̱ ngo ngi̱ndie nínga ka̱maa̱ nda tsꞌén kjo̱a̱ꞌaa̱ cho̱nchꞌaàn.
Bi̱ tsꞌén kitsjien ngo tjo̱ꞌniú ngi̱jin ndáchíkoón
13Kó katsꞌénkjó kui jaá nga ta̱kó ka̱ma ko̱e̱je̱ ndojóra, ngatꞌa̱ je ítsꞌi̱yanii̱ ngo ndí tjo̱ inda xi kitsjien xtji̱e̱e̱n na̱ngi, jatjo kó ki̱a̱ kijí xi ingoboaá tji̱ngi̱ Kreta̱. 14Ta̱nga jaskan kjindibá ngo tjo̱ꞌniú xtji̱e̱e̱n tꞌa tji̱ngi̱i̱ xi ítsanieyá má tjotso je xi ꞌmí Euroklindoo̱n, 15kó tjo̱o̱ iskjifé tjotsojne̱, kó ngiti̱ kamájínjne̱ ikjienda ngatꞌa̱ xtji̱e̱e̱n kje̱n tsꞌénbeꞌé tjo̱o̱ ndáchíkoón, ta̱sá chjínií katseꞌéndièjne̱ nga kijíjo̱jne̱ tjo̱o̱ ta̱ nínga kamámejénrií. 16Kósꞌe̱ ikitjajne̱ xtji̱e̱e̱n nga̱xto̱n ngo ndí tji̱ngi̱ xi ꞌmí Klaunda̱, nínga tjo̱o̱ ngiti̱ ꞌniújín tji̱e̱n, kó achichí kjo̱a̱ni̱ma̱ kisꞌingijne̱ nga kiniꞌánkijinjne̱ tjotso chichií, 17ngije katsꞌénkꞌasꞌien tjotso chichií ngi̱ya tjotso jee̱, kui jaá íkjá ńꞌniú tjotso jee̱ tsi̱ꞌe̱ nga katsjaa̱ ngaꞌniú, kó achichí katsakjónní tsi ki̱a̱ kjojñáꞌniú tjotso jee̱ ngi̱jin tsomí xi ꞌmí Sirtee̱, kósꞌe̱ yején ńjñoo̱ tjotso jee̱, sꞌe̱ katsjandieè tsi̱ꞌe̱ nga ta̱ nínga mejénrií tjo̱o̱ kijíjo̱. 18Ta̱nga nga kamángindyiojón ꞌniú ngase kitsjien tjo̱o̱, kó kuíni nga atítsojo ngayeje chꞌià xí tsꞌényaꞌa tjotso jee̱ ngi̱jin ndáchíkoón, 19kó xi ma jaán ni̱xtjin, ti̱kuii jaá tsꞌajmi ngándá yeje ngi̱jin ndáchíkoón ni xi niꞌánkjién nga niꞌánxájo̱ tjotso jee̱. 20Kó kjín ni̱xtjin nga ngiti̱ kamáyàjín tsꞌueé ko̱jo ńñoo, kó nga ta̱nisién ꞌniú kamá tjo̱ xi kamánié ji̱n kó je nde ngiti̱ ndyi̱chiyájínjne̱ tsi kjo̱tjoꞌa ngasejne̱ yojojne̱.
21Kó nga je kjín ni̱xtjin nga ngiti̱ ndyi̱chiniéjín ji̱n ṉño̱, ti̱chaa̱n jastjíe̱n Pabloo̱ kósꞌe̱ bi̱ katsó:
–Jún já, tsi jún xi kiniꞌánjnúꞌun xki̱ nga jatjo jàn tji̱ngi̱ Kreta̱, ta̱sara̱ bo̱a̱jín kamáná ñá ko̱jo tjotso je xi timayá. 22Kó ngotꞌe̱ ꞌne̱ te̱ꞌéngaꞌniújnúu̱ yojojnú, ngatꞌa̱ nde ngojín jún xi ko̱yàjnú, ndatsi tjotso jee̱ xcha̱ja. 23Ngatꞌa̱ kó ni̱xtji̱e̱n ngo ndítsjie xi katsangiya Néná tsíchji̱a̱jona, kui Néná xi chjiá an ko̱jo xi tjítsꞌen an xaá, 24kó bi̱ katsóna: “Ngata̱ ndakinjín má ji Pablo̱, ngatꞌa̱ chjiéngá kjóchichíi̱n nda̱ xtitjón xi ꞌmí Sesaa̱, kó Néná jè katsjandieè ji ko̱jo ngayeje xota̱ xi nijan tjimájoo̱ ngi̱jin ndaá nga ko̱yàjínjnú.” 25Kó kuíni já, te̱ꞌéngaꞌniújnúu̱ yojojnú, ngatꞌa̱ ꞌniákón án Néná, kó bee̱ko̱n an nga kjo̱tjosón kui ni xi tsíchji̱a̱jona kui ndítsjiee̱. 26Ta̱nga chjiéngá ngo tji̱ngi̱ kjojñáꞌniú tjotsoná.
27Mejeén jó xomana̱ jaꞌa nga timajinjne̱ ndáchíkón xi ꞌmí Andriatikoo̱ nga kijíjo̱jne̱ kꞌi̱e̱ kijíjo̱jne̱ jàn tjoó, nga mején mara̱ masien ni̱xtji̱e̱n já xí ndyi̱tsꞌènxájo̱ tjotso jee̱ kamábe nga je kjimatiñajne̱ tꞌa chji̱ndi̱e̱ nínga tikón ngo tꞌanangi. 28Tsꞌachi̱bo̱a̱ kókjiꞌi na̱nga̱ ndáfoaa̱, kó kantjiꞌún ngo metro̱ nga na̱nga̱, kósꞌe̱ ngi̱chí boaꞌá ngase ti̱ tsꞌachi̱bo̱a̱ má nginí ingo ndi̱yà, kó je kan yito Metro̱ tjiín nga na̱nga̱ ki̱a̱a̱. 29Kó ta̱ngatꞌanii̱ nga ndyi̱tsakjoón tsi ndi̱jo̱ stíkjojójo̱, xtji̱e̱e̱n nga̱xto̱n tjotso jee̱ tsꞌajmijin ngi̱jin ndáchíkoón nijón ki̱cha̱tji̱ xi bojñáꞌniúní tjotso jee̱, kó kamámejeén nga tsá si̱si̱én. 30Kó já xí tsꞌénxájo̱ tjotso jee̱ katsꞌénkjó nga ko̱ngaa̱ tjotso jee̱, kó kuíni nga ítsꞌi̱yanii̱ nga tsꞌenje̱ngi tjotso xi̱xi̱i̱, ti̱xꞌi̱a̱n ja̱ katsꞌén xi ki̱cha̱ xi tsꞌénkasién tjotso jee̱ tsꞌenje̱ngi xtji̱e̱e̱n to̱ko̱ tjotso jee̱ katsꞌén, 31kó Pabloo̱ katsóyaà nda̱jun ngito̱ko̱o̱ ko̱jo jájuún, kó bi̱ katsoó:
–Tsi kui jaá kꞌi̱e̱jín kꞌuíndo ngi̱yaa̱ tjotso jee̱, ti̱nde jún kjo̱tjoꞌajínjnú nga.
32Kósꞌe̱ bo̱a̱ tsꞌén jájuún tsatie ńꞌniuú tjotso chichií, kó tsꞌajmijin ngi̱jin ndáchíkoón.
33Kó ngije tjisísi̱e̱én, Pabloo̱ tsíchji̱a̱jo ngayeje jaá tsi̱ꞌe̱ nga skji̱ni̱e̱ chií nichinie, kó bi̱ katsoó:
–Jè jó xomana̱nii̱ nga ndyi̱tsjayojoféjínjnú ko̱jo nga tindyionkjindiájnú. 34Ta̱sá ti̱ꞌánjnú ngo kjo̱a̱nda chi̱ni̱e̱ chiíjnú nichinie, chjiéngá bo̱a̱ si̱ꞌánjnú tsi mejénjnú ku̱i̱ndyionjnú, ngatꞌa̱ nde ngojín tsja̱tokó xcha̱ja.
35Kó ngije tsíchji̱a̱ kui eén, Pabloo̱ iskjíbé ngo pan, kósꞌe̱ katsjaá ndokꞌóchjì Néná ngindyi̱ko̱n ngayeje kui jaá, kó akjángá, sꞌe̱ iskjinie, 36kó ngayejee̱ nga tsja kamaá, kó ti̱ iskjinie kui jaá nga. 37Kó xi ndyi̱a̱jne̱ ngi̱ya tjotso jee̱, jó úchán ichítié ko̱jo kan jun xota̱ majne̱ ngayejejne̱. 38Kó jaskan ngije iskjinie ngayeje ni xi kamámejeén, tsꞌajmijin to ndso̱ko̱a̱n ṉño̱paa̱n ngi̱jin ndáchíkoón tsi̱ꞌe̱ nga kamáxtja̱ ngase tjotso jee̱.
Bi̱ tsꞌén kamáxi̱ tjotso jee̱
39Kó ngije kisisie̱èn, já xí tsꞌénxájo̱ tjotso jee̱ nde kamábejín tꞌanangii̱, ta̱nga kamábe ngo tꞌa chji̱ndi̱e̱e̱ ndáchíkoón, kó katsꞌénkjó nga ki̱a̱ skjién boaꞌá tꞌa tjotso jee̱ kui ngi̱ndiee̱. 40Kó tsatie ńꞌniuú ki̱cha̱tji̱ xi bojñáꞌniúní tjotso jee̱, kó ki̱a̱ índomasien ngi̱jin ndáchíkoón, kó katsꞌénxa̱n yejee̱ yáńdyindá xi niꞌánkjieén nga niꞌánkjí tjotso jee̱, sꞌe̱ iskjininkꞌa ńjño xi tikón to̱ko̱ tjotso jee̱, kósꞌe̱ katsꞌénkjí tjotso jee̱ xtji̱e̱e̱n tꞌa chji̱ndi̱e̱e̱. 41Ta̱nga kui tjotso jee̱ jachó nínga jó ngaꞌniuú ndáfoaa̱ tjín, kó ki̱a̱ kisꞌinijín ꞌniú tsomií tꞌa chji̱ndi̱e̱e̱, kó to̱ko̱ tjotso jee̱ kasasienijínꞌniú ngi̱jin tsomií, kó ngiti̱ ka̱májín kamátíyaá, tji̱e̱nga xtji̱e̱e̱n tjatsꞌen tjotso jee̱ je katjoxꞌá nga yeꞌétꞌaa̱ tjo̱o̱ ndáchíkoón. 42Kó kui jájuún kamámejeén katsꞌénkꞌién ngayeje já xí ndyi̱fí ꞌniuú, tsi̱ꞌe̱ nga skji̱sónjín nga ko̱nga, 43ta̱nga nda̱ ngito̱ko̱o̱ jájuún, xi kamámejeén tsꞌaxiéꞌá Pabloo̱, katsjandièjín nga si̱ꞌankꞌien kui jaá, kó ta̱sá katsjákjo̱a̱ tsi̱ꞌe̱ nga xi maa̱ chíkji̱so̱ón kui tjón ngatꞌajmijin yojoo̱ ngi̱jin ndáfoaa̱, tsi̱ꞌe̱ nga kjo̱chó nga̱són kixí jàn, 44kó xi májiín chíkji̱so̱ón, yátie ko̱jo xi̱i̱ tjotso jee̱ katsꞌénkjién nga iskjísón, kó ngayejee̱ nga jatjoꞌaa̱ yojoo̱ nga jachó tꞌa chji̱ndi̱e̱e̱.
Currently Selected:
Ni xi kamá 27: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Ni xi kamá 27
27
Bi̱ tsꞌén kanangiya Pabloo̱ na̱xi̱ńdá Roma̱
1Kó ngije katseꞌékjo̱a̱ nga katsangiyajne̱ nangi Italia̱, Pabloo̱ ko̱jo já xí nijan kisꞌijñajo̱ ndo̱bo̱a̱yà, kiniꞌánkꞌasꞌiee̱n ngo nda̱jun ngito̱ko̱ xi ꞌmí Julio̱ xi chji̱a̱ni jájuún nda̱ xtitjoón. 2Kó tsanginyájne̱ ngo tjotso je xi chji̱a̱ni na̱xi̱ńdáꞌniú Andramitio̱ xi je makjí má ki̱a̱ nangi Asia̱, kó ki̱a̱ nijan tikónjo̱jne̱ nda̱ xi ꞌmí Aristarkoo̱, xi chji̱a̱ni Tesalónika̱, na̱xi̱ńdá xi chji̱a̱ni nangi Masendonia̱, 3kó nga kamángindyiojón jáchójne̱ na̱xi̱ńdá xi ꞌmí Sindo̱n, nínga nda̱ xi ꞌmí Julioo̱, achichí nda katsꞌénjo̱ Pabloo̱, ngatꞌa̱ katsjandieè nga kijíkatsijee̱n xota̱ xi nda yaꞌa ko̱jo nga nda katsꞌénseén kui xotaa̱. 4Kó ngije jatjojne̱ na̱xi̱ńdáꞌniú Sindo̱n, ki̱a̱ ikitjajne̱ tꞌa tji̱ngi̱ Chipre̱, ngatꞌa̱ tjo̱o̱ ndáchíkoón kondra̱ kamájne̱, 5kó ngije ikitjatjíyajonjne̱ na̱xi̱ńdáꞌniú Sisilia̱ ko̱jo na̱xi̱ńdáꞌniú Panfilia̱, jáchójne̱ na̱xi̱ńdáꞌniú Mira̱ ngo na̱xi̱ńdá xi chji̱a̱ni nangi Lisia̱.
6Kó nda̱ ngito̱ko̱o̱ jájuún ki̱a̱ kasakoo̱ ngo tjotso je xi chji̱a̱ni na̱xi̱ńdáꞌniú Alejandriya̱ xi tsꞌénfí nangi Italia̱, kó ki̱a̱ katsꞌénkꞌasꞌienjne̱ kui tjotso jee̱ tsi̱ꞌe̱ nga tsangín ndojójne̱. 7Achichí kjín ni̱xtjin nga inda inda kijí tjotso je xi timayajne̱, kó ta̱ꞌya jáchójne̱ kje̱n na̱xi̱ńdáꞌniú Jnindo̱, ngatꞌa̱ ta̱kó ꞌniú tji̱e̱n tjo̱o̱ ndáchíkoón, kó ki̱a̱ ikitjajne̱ kje̱n tꞌa na̱xi̱ńdáꞌniú Salmo̱n nga ikitjatjíyajonjne̱ tji̱ngi̱ Kreta̱, 8kó ta̱ꞌya tsꞌénfí tjotso jee̱ tꞌa ndáchíkoón, sꞌe̱ jáchójne̱ ngo ngi̱ndie xi ꞌmí Bueno Puerto̱, tiñaa̱ na̱xi̱ńdáꞌniú Lasea̱.
9Kó ngije jaꞌa kjín ni̱xtjin, ngije ngiti̱ májín ta̱ chiboa mińtja̱jin ndáchíkoón, ngatꞌa̱ je kjimatiña cho̱nchꞌaàn, kuíni nga Pabloo̱, bi̱ tsꞌén atíxomaa̱ kui jaá, 10nga bi̱ katsoó:
–Jún bo̱a̱ já, beriíko̱n an nga ꞌniú ndikón kjiꞌi nga bi̱ tsꞌén ndyi̱mongín, ko̱jo nga xcha̱ja tjotso jee̱ ko̱jo chꞌià xí yaꞌa, kó ngaskande tsi ndajín ni̱xtjin ngaskande ñá ko̱yà.
11Ta̱nga nda̱ ngito̱ko̱o̱ jájuún katsꞌén ngasee̱ xki̱ ni xi katsó nda̱ xi tsi̱ꞌe̱ tjotso jee̱, ko̱jo nda̱ xi tsꞌénxájo̱ ta̱bo̱a̱jiín ni xi katsó Pabloo̱. 12Kó nga kui ngi̱ndie jàn ndajín má kjiꞌi nga ki̱a̱ kjo̱a̱ꞌaa̱ cho̱nchꞌaàn, kó ta̱ mején ngayejee̱ nga katsꞌénkjó nga ta̱sá ndatsi kjo̱tjo ki̱a̱a̱ sꞌe̱ sa̱ꞌín kjo̱a̱ꞌniú tsi̱ꞌe̱ nga kjo̱chó na̱xi̱ńdáꞌniú Fenise̱, ngo na̱xi̱ńdáꞌniú xi tikóntꞌa ndáchíkón xi chji̱a̱ni Kreta̱, xi kisꞌijñaa̱ ngo ngi̱ndie nínga ka̱maa̱ nda tsꞌén kjo̱a̱ꞌaa̱ cho̱nchꞌaàn.
Bi̱ tsꞌén kitsjien ngo tjo̱ꞌniú ngi̱jin ndáchíkoón
13Kó katsꞌénkjó kui jaá nga ta̱kó ka̱ma ko̱e̱je̱ ndojóra, ngatꞌa̱ je ítsꞌi̱yanii̱ ngo ndí tjo̱ inda xi kitsjien xtji̱e̱e̱n na̱ngi, jatjo kó ki̱a̱ kijí xi ingoboaá tji̱ngi̱ Kreta̱. 14Ta̱nga jaskan kjindibá ngo tjo̱ꞌniú xtji̱e̱e̱n tꞌa tji̱ngi̱i̱ xi ítsanieyá má tjotso je xi ꞌmí Euroklindoo̱n, 15kó tjo̱o̱ iskjifé tjotsojne̱, kó ngiti̱ kamájínjne̱ ikjienda ngatꞌa̱ xtji̱e̱e̱n kje̱n tsꞌénbeꞌé tjo̱o̱ ndáchíkoón, ta̱sá chjínií katseꞌéndièjne̱ nga kijíjo̱jne̱ tjo̱o̱ ta̱ nínga kamámejénrií. 16Kósꞌe̱ ikitjajne̱ xtji̱e̱e̱n nga̱xto̱n ngo ndí tji̱ngi̱ xi ꞌmí Klaunda̱, nínga tjo̱o̱ ngiti̱ ꞌniújín tji̱e̱n, kó achichí kjo̱a̱ni̱ma̱ kisꞌingijne̱ nga kiniꞌánkijinjne̱ tjotso chichií, 17ngije katsꞌénkꞌasꞌien tjotso chichií ngi̱ya tjotso jee̱, kui jaá íkjá ńꞌniú tjotso jee̱ tsi̱ꞌe̱ nga katsjaa̱ ngaꞌniú, kó achichí katsakjónní tsi ki̱a̱ kjojñáꞌniú tjotso jee̱ ngi̱jin tsomí xi ꞌmí Sirtee̱, kósꞌe̱ yején ńjñoo̱ tjotso jee̱, sꞌe̱ katsjandieè tsi̱ꞌe̱ nga ta̱ nínga mejénrií tjo̱o̱ kijíjo̱. 18Ta̱nga nga kamángindyiojón ꞌniú ngase kitsjien tjo̱o̱, kó kuíni nga atítsojo ngayeje chꞌià xí tsꞌényaꞌa tjotso jee̱ ngi̱jin ndáchíkoón, 19kó xi ma jaán ni̱xtjin, ti̱kuii jaá tsꞌajmi ngándá yeje ngi̱jin ndáchíkoón ni xi niꞌánkjién nga niꞌánxájo̱ tjotso jee̱. 20Kó kjín ni̱xtjin nga ngiti̱ kamáyàjín tsꞌueé ko̱jo ńñoo, kó nga ta̱nisién ꞌniú kamá tjo̱ xi kamánié ji̱n kó je nde ngiti̱ ndyi̱chiyájínjne̱ tsi kjo̱tjoꞌa ngasejne̱ yojojne̱.
21Kó nga je kjín ni̱xtjin nga ngiti̱ ndyi̱chiniéjín ji̱n ṉño̱, ti̱chaa̱n jastjíe̱n Pabloo̱ kósꞌe̱ bi̱ katsó:
–Jún já, tsi jún xi kiniꞌánjnúꞌun xki̱ nga jatjo jàn tji̱ngi̱ Kreta̱, ta̱sara̱ bo̱a̱jín kamáná ñá ko̱jo tjotso je xi timayá. 22Kó ngotꞌe̱ ꞌne̱ te̱ꞌéngaꞌniújnúu̱ yojojnú, ngatꞌa̱ nde ngojín jún xi ko̱yàjnú, ndatsi tjotso jee̱ xcha̱ja. 23Ngatꞌa̱ kó ni̱xtji̱e̱n ngo ndítsjie xi katsangiya Néná tsíchji̱a̱jona, kui Néná xi chjiá an ko̱jo xi tjítsꞌen an xaá, 24kó bi̱ katsóna: “Ngata̱ ndakinjín má ji Pablo̱, ngatꞌa̱ chjiéngá kjóchichíi̱n nda̱ xtitjón xi ꞌmí Sesaa̱, kó Néná jè katsjandieè ji ko̱jo ngayeje xota̱ xi nijan tjimájoo̱ ngi̱jin ndaá nga ko̱yàjínjnú.” 25Kó kuíni já, te̱ꞌéngaꞌniújnúu̱ yojojnú, ngatꞌa̱ ꞌniákón án Néná, kó bee̱ko̱n an nga kjo̱tjosón kui ni xi tsíchji̱a̱jona kui ndítsjiee̱. 26Ta̱nga chjiéngá ngo tji̱ngi̱ kjojñáꞌniú tjotsoná.
27Mejeén jó xomana̱ jaꞌa nga timajinjne̱ ndáchíkón xi ꞌmí Andriatikoo̱ nga kijíjo̱jne̱ kꞌi̱e̱ kijíjo̱jne̱ jàn tjoó, nga mején mara̱ masien ni̱xtji̱e̱n já xí ndyi̱tsꞌènxájo̱ tjotso jee̱ kamábe nga je kjimatiñajne̱ tꞌa chji̱ndi̱e̱ nínga tikón ngo tꞌanangi. 28Tsꞌachi̱bo̱a̱ kókjiꞌi na̱nga̱ ndáfoaa̱, kó kantjiꞌún ngo metro̱ nga na̱nga̱, kósꞌe̱ ngi̱chí boaꞌá ngase ti̱ tsꞌachi̱bo̱a̱ má nginí ingo ndi̱yà, kó je kan yito Metro̱ tjiín nga na̱nga̱ ki̱a̱a̱. 29Kó ta̱ngatꞌanii̱ nga ndyi̱tsakjoón tsi ndi̱jo̱ stíkjojójo̱, xtji̱e̱e̱n nga̱xto̱n tjotso jee̱ tsꞌajmijin ngi̱jin ndáchíkoón nijón ki̱cha̱tji̱ xi bojñáꞌniúní tjotso jee̱, kó kamámejeén nga tsá si̱si̱én. 30Kó já xí tsꞌénxájo̱ tjotso jee̱ katsꞌénkjó nga ko̱ngaa̱ tjotso jee̱, kó kuíni nga ítsꞌi̱yanii̱ nga tsꞌenje̱ngi tjotso xi̱xi̱i̱, ti̱xꞌi̱a̱n ja̱ katsꞌén xi ki̱cha̱ xi tsꞌénkasién tjotso jee̱ tsꞌenje̱ngi xtji̱e̱e̱n to̱ko̱ tjotso jee̱ katsꞌén, 31kó Pabloo̱ katsóyaà nda̱jun ngito̱ko̱o̱ ko̱jo jájuún, kó bi̱ katsoó:
–Tsi kui jaá kꞌi̱e̱jín kꞌuíndo ngi̱yaa̱ tjotso jee̱, ti̱nde jún kjo̱tjoꞌajínjnú nga.
32Kósꞌe̱ bo̱a̱ tsꞌén jájuún tsatie ńꞌniuú tjotso chichií, kó tsꞌajmijin ngi̱jin ndáchíkoón.
33Kó ngije tjisísi̱e̱én, Pabloo̱ tsíchji̱a̱jo ngayeje jaá tsi̱ꞌe̱ nga skji̱ni̱e̱ chií nichinie, kó bi̱ katsoó:
–Jè jó xomana̱nii̱ nga ndyi̱tsjayojoféjínjnú ko̱jo nga tindyionkjindiájnú. 34Ta̱sá ti̱ꞌánjnú ngo kjo̱a̱nda chi̱ni̱e̱ chiíjnú nichinie, chjiéngá bo̱a̱ si̱ꞌánjnú tsi mejénjnú ku̱i̱ndyionjnú, ngatꞌa̱ nde ngojín tsja̱tokó xcha̱ja.
35Kó ngije tsíchji̱a̱ kui eén, Pabloo̱ iskjíbé ngo pan, kósꞌe̱ katsjaá ndokꞌóchjì Néná ngindyi̱ko̱n ngayeje kui jaá, kó akjángá, sꞌe̱ iskjinie, 36kó ngayejee̱ nga tsja kamaá, kó ti̱ iskjinie kui jaá nga. 37Kó xi ndyi̱a̱jne̱ ngi̱ya tjotso jee̱, jó úchán ichítié ko̱jo kan jun xota̱ majne̱ ngayejejne̱. 38Kó jaskan ngije iskjinie ngayeje ni xi kamámejeén, tsꞌajmijin to ndso̱ko̱a̱n ṉño̱paa̱n ngi̱jin ndáchíkoón tsi̱ꞌe̱ nga kamáxtja̱ ngase tjotso jee̱.
Bi̱ tsꞌén kamáxi̱ tjotso jee̱
39Kó ngije kisisie̱èn, já xí tsꞌénxájo̱ tjotso jee̱ nde kamábejín tꞌanangii̱, ta̱nga kamábe ngo tꞌa chji̱ndi̱e̱e̱ ndáchíkoón, kó katsꞌénkjó nga ki̱a̱ skjién boaꞌá tꞌa tjotso jee̱ kui ngi̱ndiee̱. 40Kó tsatie ńꞌniuú ki̱cha̱tji̱ xi bojñáꞌniúní tjotso jee̱, kó ki̱a̱ índomasien ngi̱jin ndáchíkoón, kó katsꞌénxa̱n yejee̱ yáńdyindá xi niꞌánkjieén nga niꞌánkjí tjotso jee̱, sꞌe̱ iskjininkꞌa ńjño xi tikón to̱ko̱ tjotso jee̱, kósꞌe̱ katsꞌénkjí tjotso jee̱ xtji̱e̱e̱n tꞌa chji̱ndi̱e̱e̱. 41Ta̱nga kui tjotso jee̱ jachó nínga jó ngaꞌniuú ndáfoaa̱ tjín, kó ki̱a̱ kisꞌinijín ꞌniú tsomií tꞌa chji̱ndi̱e̱e̱, kó to̱ko̱ tjotso jee̱ kasasienijínꞌniú ngi̱jin tsomií, kó ngiti̱ ka̱májín kamátíyaá, tji̱e̱nga xtji̱e̱e̱n tjatsꞌen tjotso jee̱ je katjoxꞌá nga yeꞌétꞌaa̱ tjo̱o̱ ndáchíkoón. 42Kó kui jájuún kamámejeén katsꞌénkꞌién ngayeje já xí ndyi̱fí ꞌniuú, tsi̱ꞌe̱ nga skji̱sónjín nga ko̱nga, 43ta̱nga nda̱ ngito̱ko̱o̱ jájuún, xi kamámejeén tsꞌaxiéꞌá Pabloo̱, katsjandièjín nga si̱ꞌankꞌien kui jaá, kó ta̱sá katsjákjo̱a̱ tsi̱ꞌe̱ nga xi maa̱ chíkji̱so̱ón kui tjón ngatꞌajmijin yojoo̱ ngi̱jin ndáfoaa̱, tsi̱ꞌe̱ nga kjo̱chó nga̱són kixí jàn, 44kó xi májiín chíkji̱so̱ón, yátie ko̱jo xi̱i̱ tjotso jee̱ katsꞌénkjién nga iskjísón, kó ngayejee̱ nga jatjoꞌaa̱ yojoo̱ nga jachó tꞌa chji̱ndi̱e̱e̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014