Ni xi kamá 24
24
Bi̱ tsꞌén tsꞌaxiéꞌá yojoo̱ Pabloo̱ ngindyi̱ko̱n nda̱ xtitjón xi ꞌmí Firii̱
1Kó xi ma ún ni̱xtjin ngijee̱, nda̱ xi ꞌmí Ananiyaa̱ xi chináꞌmi xi ꞌniú nkꞌa xaá jachó na̱xi̱ńdáꞌniú Sesarea̱, nínga tsoꞌbájo̱ chiboa xota̱ xi xchá ko̱jo ngo nda̱ xi ꞌboxiéꞌáná xi ꞌmí Tértulo̱, kui jaá jachókoón nda̱ xtitjoón tsi̱ꞌe̱ nga ko̱óngítaꞌin ngase Pabloo̱. 2Kó ngije jachójoo̱ Pabloo̱, nda̱ xi ꞌmí Tértuloo̱ ítsꞌi̱yanii̱ nga yíngítaꞌin, nga bi̱ katsoó nda̱ xtitjón Firii̱:
–Ndokꞌóchji̱ì ji, nda̱ xtitjón, nga xió kjiꞌi nangíná, kó ti̱ bo̱a̱ ti̱ tsꞌén ndokꞌóchji̱ì, ngatꞌa̱ ta̱ngatꞌanii̱ kjo̱a̱kjíntakóo̱n nga achichí ni xi ndakjiꞌi kjima na̱xi̱ńdáná. 3Ngatsjéni̱xtjin kó ta̱ són tjisákójne̱ ngayeje kui nii̱, ta̱ngatꞌanii̱ ji nda̱ xtitjón Firi̱, kó achichí ndokꞌóchjì boeꞌéjne̱ ji. 4Ta̱nga tsi̱ꞌe̱ nga tsiejín kꞌo̱ndíyájne̱ nga ko̱ndókjo̱a̱jojne̱ ji, ꞌniú míꞌaá ngo kjo̱a̱nda tsi̱ꞌe̱ nga ko̱nda̱ꞌyé chiíjne̱ ngotjón. 5Kui nda̱a̱, jè ꞌniú tsꞌéntsjájne̱ kjo̱a̱xti, kó ngayeje són nga̱sondiee̱ tsoꞌbá nga jó tjín tjítsꞌén xota̱ jundíoo̱, ko̱jo nga kui xi ngito̱ko̱o̱ xota̱ xi chji̱a̱ni Nasaree̱t tjítsꞌén yojoo̱, 6kó ngaskande kamámejeén katsꞌéndándí na̱ngo̱xi̱jne̱, kó kuíni nga kandobájne̱. 7Ta̱nga nda̱xá xí ꞌmí Lisiaa̱ katsanginjin tsi̱ꞌe̱, nga katsꞌénxchán kó jaꞌáxínyindsa̱jne̱, 8nga katsangiya xota̱ xi yíngítaꞌin tsi̱ꞌe̱ nga kjo̱chókoón ji, kó ka̱ma ti̱ jii si̱ꞌinkijintsꞌoe, tsi̱ꞌe̱ nga xche̱ ji nga ja̱koxi̱ boá ngayeje ni xi ndyi̱fongitaꞌinjne̱.
9Kó ngayeje xota̱ jundío̱ xi síndo ki̱a̱a̱, ti̱ nijan kamá kui jaá nga bo̱a̱ kjiꞌi kui nii̱ katsó. 10Nda̱ xtitjoón ta̱ tsja yejeén Pabloo̱ tsi̱ꞌe̱ nga ku̱i̱chji̱a̱, kó Pabloo̱ bi̱ katsó:
–Achichí tsjátjínna nga kuichjiá an nga kꞌoxiéꞌá an yojona ngindyikin ji, ngatꞌa̱ jè be an nga je kjín nónií nga ji xi tindyin ji nendiꞌamasiee̱n kui na̱xi̱ńdaá. 11Ti̱ ji ka̱ma ko̱si̱ye nga, nga sꞌe̱ tjínraá tsi ta̱ tiejó ni̱xtjin nga kijítsꞌéndíkón án Néná na̱xi̱ńdáꞌniú Jerusale̱n. 12Kó ta̱ꞌyajín xi kamábena nga tjín xi tsꞌénchji̱a̱tijo̱ an, ti̱nde jmí xota̱ tsꞌénmindyiatsobéjáa̱n ki̱a̱ ndi̱tsen na̱ngo̱xi̱i̱, ko̱jo ngi̱ya ndiꞌa nínga ndokjo̱a̱ eén Néná ko̱jo tsi ki̱a̱ na̱xi̱ńdáꞌniuú, 13ti̱nde jmí chi̱bo̱a̱jiín kui xotaa̱ kjo̱a̱a̱ ni xi ndyi̱bongítaꞌinna. 14Ta̱nga ngo tsí ni xi ku̱i̱e̱je̱ntsꞌoa an, nga Ne xi tsi̱ꞌe̱ xota̱ tji̱e̱ xchána xí tjítsꞌendikón án, xikó kjiꞌi ndi̱yà tja̱tsi̱e̱e̱ xi kje̱ꞌe tjín ndyi̱tsoó kui xotaa̱, ngatꞌa̱ sꞌijinna ngayeje ni xi kjitꞌa xo̱jo̱n kjo̱a̱kitii̱ Néná, ko̱jo xo̱jo̱n xi katsꞌénꞌindó jáchji̱ni̱e̱ꞌe̱én Néná, 15kó ti̱ bo̱a̱ ti̱ tsꞌén sꞌijinna xikótsꞌèn sꞌijii̱n kui xotaa̱, kó tsꞌénkoyàa̱ nga Néná sa̱ꞌínkjaꞌáꞌyaá xota̱ xi je jesoón, tsi xi kixi̱ ko̱jo tsi xi kixi̱jín. 16Kó kuíni nga ta̱ ngatsjéni̱xtjin nga nda tikón kjo̱a̱kjíntakónna, nga chꞌójín tjítsꞌen an ngindyi̱ko̱n Néná ko̱jo ngindyi̱ko̱n xotaa̱.
17Jaskan ngije jaꞌa kjín nó nga kistsoꞌbá an kje̱ꞌe ngi̱ndie, jéꞌe̱ ngiñá an na̱xi̱ńdána tsi̱ꞌe̱ nga tsja an chji̱e̱ ko̱jo kjo̱a̱nda, 18kó kui nii̱ tjítsꞌen an ndi̱tsee̱n na̱ngo̱xi̱i̱ nga chiboa já jundío̱ kamábena nga katsꞌentsjie an yojona, xikótsꞌèn tikón nga si̱ꞌan kui nii̱, kó nde kjínjín xota̱ xi tjimájo̱na ko̱jo jmí kjo̱a̱se kisꞌiejín, 19kjiꞌanga kamábena já jundío̱ xi chji̱a̱ni nangi Asia̱ ki̱a̱ na̱ngo̱xi̱i̱, kó kuí jaá xi chjiéngá ka̱ma kjo̱e̱ꞌe kꞌi̱e̱e̱ nga ko̱óngítaꞌinna, tsi tjín ni xi tjiín kondra̱ tsa̱ꞌa̱n. 20Kó tsi jmí, kui xi síndo kꞌi̱e̱e̱ ngatíchji̱a̱ tsi mí jeé xí kasakoo̱ nga katsꞌen an kjiꞌanga kijí an ngindyi̱ko̱n xota̱xá jundíoo̱, 21axa̱ márií tsi kjiꞌanga kisꞌijñajìi̱n, ꞌniú tsíchji̱a̱ an nga bi̱ kixiáa̱n: “Ngotꞌe̱ ꞌne̱ jún ndyi̱niꞌánjéjnúꞌun ta̱ngatꞌanii̱ nga sꞌijinna nga kjo̱a̱ꞌáꞌyaá xota̱ xi je jesoón.”
22Kó Firii̱ ngije tsintꞌié kuí nii̱, ngatꞌa̱ je ꞌniú jè be cha̱n cha̱n kjo̱a̱a̱ ndi̱yà tja̱tsi̱e̱e̱, íjñátꞌaxín kui kjo̱a̱a̱, sꞌe̱ bi̱ katsó:
–Kjiꞌanga kjo̱e̱ꞌe nda̱ ngito̱ko̱o̱ jájún xi ꞌmí Lisiaa̱, nda skuie ngase an kjo̱a̱ xi tsa̱jún.
23Kósꞌe̱ Firii̱ katsangiya nda̱jun ngito̱ko̱ xi nkꞌa ngase xaá tsi̱ꞌe̱ nga ta̱kó ngatꞌíjñáꞌniúrá Pabloo̱, ta̱nga nga tsjandiè chií nga ku̱i̱ꞌíjñandé, ko̱jo nga tsja̱ákjo̱a̱ nga ka̱ma kjo̱chókoón xota̱ xi nda be tsi̱ꞌe̱ nga tsja̱á ni xi chjieén.
24Kó ngije kjín ni̱xtjin jaꞌa, jachó nginí Firii̱ nga nijan tsoꞌbájo̱ chjo̱ón xi ꞌmí na̱ Ndrusilaa̱, xi xota̱chjo̱on jundío̱, kó Firii̱ katsangiya nga kijíchjaꞌaá Pabloo̱, kó tsintꞌieé ni xi tsíchji̱a̱ Pabloo̱ kjo̱a̱a̱ kjo̱a̱sꞌijii̱n Jesukristoo̱. 25Ta̱nga kjiꞌanga tsíchji̱a̱ Pabloo̱ kjo̱a̱a̱ nga chjiéngá kixi̱ ku̱i̱ndyión nga jmí ni chꞌokjiꞌi si̱ꞌán jàn, ko̱jo nga si̱ꞌanchji̱ni̱e̱ so̱bo̱a̱ yojoná nga ndakjiꞌi ni xi si̱ꞌán, ngatꞌa̱ nga sꞌe̱ kjo̱chó ni̱xtjin nga Néná ka̱tso̱yà tsi nda ko̱jo tsi ndajín kiniꞌán, sꞌe̱ Firii̱ achichí katsakjónní nga tsintꞌié kuí nii̱, kósꞌe̱ bi̱ katsó:
–Ta̱sá tꞌen ji ngotꞌe̱, jaskan kuichjiá ngiñaá kjiꞌanga ka̱maꞌana.
26Kó Firii̱ askoyaá nga Pabloo̱ to̱n tsja̱á, kuíni nga achichí kjín ndi̱yà tsíchji̱a̱a̱ tsi̱ꞌe̱ nga kui ku̱i̱chji̱a̱jo. 27Jó nó jaꞌa nga bo̱a̱ kamá, sꞌe̱ Firii̱ jaskan je xaá, kó ngajoo̱ kisꞌijña nda̱ xi ꞌmí Porsio Festoo̱, kó Firii̱ kamámejeén nga nda kisꞌijñajo̱ xota̱ jundíoo̱, kuíni nga ndo̱bo̱a̱yà íjñára Pabloo̱.
Currently Selected:
Ni xi kamá 24: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Ni xi kamá 24
24
Bi̱ tsꞌén tsꞌaxiéꞌá yojoo̱ Pabloo̱ ngindyi̱ko̱n nda̱ xtitjón xi ꞌmí Firii̱
1Kó xi ma ún ni̱xtjin ngijee̱, nda̱ xi ꞌmí Ananiyaa̱ xi chináꞌmi xi ꞌniú nkꞌa xaá jachó na̱xi̱ńdáꞌniú Sesarea̱, nínga tsoꞌbájo̱ chiboa xota̱ xi xchá ko̱jo ngo nda̱ xi ꞌboxiéꞌáná xi ꞌmí Tértulo̱, kui jaá jachókoón nda̱ xtitjoón tsi̱ꞌe̱ nga ko̱óngítaꞌin ngase Pabloo̱. 2Kó ngije jachójoo̱ Pabloo̱, nda̱ xi ꞌmí Tértuloo̱ ítsꞌi̱yanii̱ nga yíngítaꞌin, nga bi̱ katsoó nda̱ xtitjón Firii̱:
–Ndokꞌóchji̱ì ji, nda̱ xtitjón, nga xió kjiꞌi nangíná, kó ti̱ bo̱a̱ ti̱ tsꞌén ndokꞌóchji̱ì, ngatꞌa̱ ta̱ngatꞌanii̱ kjo̱a̱kjíntakóo̱n nga achichí ni xi ndakjiꞌi kjima na̱xi̱ńdáná. 3Ngatsjéni̱xtjin kó ta̱ són tjisákójne̱ ngayeje kui nii̱, ta̱ngatꞌanii̱ ji nda̱ xtitjón Firi̱, kó achichí ndokꞌóchjì boeꞌéjne̱ ji. 4Ta̱nga tsi̱ꞌe̱ nga tsiejín kꞌo̱ndíyájne̱ nga ko̱ndókjo̱a̱jojne̱ ji, ꞌniú míꞌaá ngo kjo̱a̱nda tsi̱ꞌe̱ nga ko̱nda̱ꞌyé chiíjne̱ ngotjón. 5Kui nda̱a̱, jè ꞌniú tsꞌéntsjájne̱ kjo̱a̱xti, kó ngayeje són nga̱sondiee̱ tsoꞌbá nga jó tjín tjítsꞌén xota̱ jundíoo̱, ko̱jo nga kui xi ngito̱ko̱o̱ xota̱ xi chji̱a̱ni Nasaree̱t tjítsꞌén yojoo̱, 6kó ngaskande kamámejeén katsꞌéndándí na̱ngo̱xi̱jne̱, kó kuíni nga kandobájne̱. 7Ta̱nga nda̱xá xí ꞌmí Lisiaa̱ katsanginjin tsi̱ꞌe̱, nga katsꞌénxchán kó jaꞌáxínyindsa̱jne̱, 8nga katsangiya xota̱ xi yíngítaꞌin tsi̱ꞌe̱ nga kjo̱chókoón ji, kó ka̱ma ti̱ jii si̱ꞌinkijintsꞌoe, tsi̱ꞌe̱ nga xche̱ ji nga ja̱koxi̱ boá ngayeje ni xi ndyi̱fongitaꞌinjne̱.
9Kó ngayeje xota̱ jundío̱ xi síndo ki̱a̱a̱, ti̱ nijan kamá kui jaá nga bo̱a̱ kjiꞌi kui nii̱ katsó. 10Nda̱ xtitjoón ta̱ tsja yejeén Pabloo̱ tsi̱ꞌe̱ nga ku̱i̱chji̱a̱, kó Pabloo̱ bi̱ katsó:
–Achichí tsjátjínna nga kuichjiá an nga kꞌoxiéꞌá an yojona ngindyikin ji, ngatꞌa̱ jè be an nga je kjín nónií nga ji xi tindyin ji nendiꞌamasiee̱n kui na̱xi̱ńdaá. 11Ti̱ ji ka̱ma ko̱si̱ye nga, nga sꞌe̱ tjínraá tsi ta̱ tiejó ni̱xtjin nga kijítsꞌéndíkón án Néná na̱xi̱ńdáꞌniú Jerusale̱n. 12Kó ta̱ꞌyajín xi kamábena nga tjín xi tsꞌénchji̱a̱tijo̱ an, ti̱nde jmí xota̱ tsꞌénmindyiatsobéjáa̱n ki̱a̱ ndi̱tsen na̱ngo̱xi̱i̱, ko̱jo ngi̱ya ndiꞌa nínga ndokjo̱a̱ eén Néná ko̱jo tsi ki̱a̱ na̱xi̱ńdáꞌniuú, 13ti̱nde jmí chi̱bo̱a̱jiín kui xotaa̱ kjo̱a̱a̱ ni xi ndyi̱bongítaꞌinna. 14Ta̱nga ngo tsí ni xi ku̱i̱e̱je̱ntsꞌoa an, nga Ne xi tsi̱ꞌe̱ xota̱ tji̱e̱ xchána xí tjítsꞌendikón án, xikó kjiꞌi ndi̱yà tja̱tsi̱e̱e̱ xi kje̱ꞌe tjín ndyi̱tsoó kui xotaa̱, ngatꞌa̱ sꞌijinna ngayeje ni xi kjitꞌa xo̱jo̱n kjo̱a̱kitii̱ Néná, ko̱jo xo̱jo̱n xi katsꞌénꞌindó jáchji̱ni̱e̱ꞌe̱én Néná, 15kó ti̱ bo̱a̱ ti̱ tsꞌén sꞌijinna xikótsꞌèn sꞌijii̱n kui xotaa̱, kó tsꞌénkoyàa̱ nga Néná sa̱ꞌínkjaꞌáꞌyaá xota̱ xi je jesoón, tsi xi kixi̱ ko̱jo tsi xi kixi̱jín. 16Kó kuíni nga ta̱ ngatsjéni̱xtjin nga nda tikón kjo̱a̱kjíntakónna, nga chꞌójín tjítsꞌen an ngindyi̱ko̱n Néná ko̱jo ngindyi̱ko̱n xotaa̱.
17Jaskan ngije jaꞌa kjín nó nga kistsoꞌbá an kje̱ꞌe ngi̱ndie, jéꞌe̱ ngiñá an na̱xi̱ńdána tsi̱ꞌe̱ nga tsja an chji̱e̱ ko̱jo kjo̱a̱nda, 18kó kui nii̱ tjítsꞌen an ndi̱tsee̱n na̱ngo̱xi̱i̱ nga chiboa já jundío̱ kamábena nga katsꞌentsjie an yojona, xikótsꞌèn tikón nga si̱ꞌan kui nii̱, kó nde kjínjín xota̱ xi tjimájo̱na ko̱jo jmí kjo̱a̱se kisꞌiejín, 19kjiꞌanga kamábena já jundío̱ xi chji̱a̱ni nangi Asia̱ ki̱a̱ na̱ngo̱xi̱i̱, kó kuí jaá xi chjiéngá ka̱ma kjo̱e̱ꞌe kꞌi̱e̱e̱ nga ko̱óngítaꞌinna, tsi tjín ni xi tjiín kondra̱ tsa̱ꞌa̱n. 20Kó tsi jmí, kui xi síndo kꞌi̱e̱e̱ ngatíchji̱a̱ tsi mí jeé xí kasakoo̱ nga katsꞌen an kjiꞌanga kijí an ngindyi̱ko̱n xota̱xá jundíoo̱, 21axa̱ márií tsi kjiꞌanga kisꞌijñajìi̱n, ꞌniú tsíchji̱a̱ an nga bi̱ kixiáa̱n: “Ngotꞌe̱ ꞌne̱ jún ndyi̱niꞌánjéjnúꞌun ta̱ngatꞌanii̱ nga sꞌijinna nga kjo̱a̱ꞌáꞌyaá xota̱ xi je jesoón.”
22Kó Firii̱ ngije tsintꞌié kuí nii̱, ngatꞌa̱ je ꞌniú jè be cha̱n cha̱n kjo̱a̱a̱ ndi̱yà tja̱tsi̱e̱e̱, íjñátꞌaxín kui kjo̱a̱a̱, sꞌe̱ bi̱ katsó:
–Kjiꞌanga kjo̱e̱ꞌe nda̱ ngito̱ko̱o̱ jájún xi ꞌmí Lisiaa̱, nda skuie ngase an kjo̱a̱ xi tsa̱jún.
23Kósꞌe̱ Firii̱ katsangiya nda̱jun ngito̱ko̱ xi nkꞌa ngase xaá tsi̱ꞌe̱ nga ta̱kó ngatꞌíjñáꞌniúrá Pabloo̱, ta̱nga nga tsjandiè chií nga ku̱i̱ꞌíjñandé, ko̱jo nga tsja̱ákjo̱a̱ nga ka̱ma kjo̱chókoón xota̱ xi nda be tsi̱ꞌe̱ nga tsja̱á ni xi chjieén.
24Kó ngije kjín ni̱xtjin jaꞌa, jachó nginí Firii̱ nga nijan tsoꞌbájo̱ chjo̱ón xi ꞌmí na̱ Ndrusilaa̱, xi xota̱chjo̱on jundío̱, kó Firii̱ katsangiya nga kijíchjaꞌaá Pabloo̱, kó tsintꞌieé ni xi tsíchji̱a̱ Pabloo̱ kjo̱a̱a̱ kjo̱a̱sꞌijii̱n Jesukristoo̱. 25Ta̱nga kjiꞌanga tsíchji̱a̱ Pabloo̱ kjo̱a̱a̱ nga chjiéngá kixi̱ ku̱i̱ndyión nga jmí ni chꞌokjiꞌi si̱ꞌán jàn, ko̱jo nga si̱ꞌanchji̱ni̱e̱ so̱bo̱a̱ yojoná nga ndakjiꞌi ni xi si̱ꞌán, ngatꞌa̱ nga sꞌe̱ kjo̱chó ni̱xtjin nga Néná ka̱tso̱yà tsi nda ko̱jo tsi ndajín kiniꞌán, sꞌe̱ Firii̱ achichí katsakjónní nga tsintꞌié kuí nii̱, kósꞌe̱ bi̱ katsó:
–Ta̱sá tꞌen ji ngotꞌe̱, jaskan kuichjiá ngiñaá kjiꞌanga ka̱maꞌana.
26Kó Firii̱ askoyaá nga Pabloo̱ to̱n tsja̱á, kuíni nga achichí kjín ndi̱yà tsíchji̱a̱a̱ tsi̱ꞌe̱ nga kui ku̱i̱chji̱a̱jo. 27Jó nó jaꞌa nga bo̱a̱ kamá, sꞌe̱ Firii̱ jaskan je xaá, kó ngajoo̱ kisꞌijña nda̱ xi ꞌmí Porsio Festoo̱, kó Firii̱ kamámejeén nga nda kisꞌijñajo̱ xota̱ jundíoo̱, kuíni nga ndo̱bo̱a̱yà íjñára Pabloo̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014