Ni xi kamá 16
16
Timoo̱ bi̱ tsꞌén nijan kijíjo̱ Pabloo̱ ko̱jo Silaa̱
1Kó nga jachó Pabloo̱ na̱xi̱ńdáꞌniú Nderbe̱ ko̱jo na̱xi̱ńdáꞌniú Listra̱, ki̱a̱ kasakoo̱ ngo nda̱ xi sꞌijii̱n Kjisoo̱ kui xi ꞌmí Timo̱, ndií ngo xota̱chjo̱on xi jundío̱ xi ti̱ bo̱a̱ ti̱ tsꞌén sꞌijii̱n Kjisoo̱ nga, kó na̱ꞌmii̱ nda̱ ngriengo̱ boá, 2kó já ntsꞌie xi chji̱a̱ni na̱xi̱ńdáꞌniú Listra̱ ko̱jo na̱xi̱ńdáꞌniú Ikonio̱ achichí nda tsíchji̱a̱ kjo̱a̱a̱ kui nda̱a̱. 3Pabloo̱ kamámejeén kijíjo̱ Timoo̱, ta̱nga ngindiee̱ nga kjo̱jo, katsꞌeén sirkunsisioo̱n tsi̱ꞌe̱ nga chꞌójín ka̱maa̱ xota̱ jundío̱ xi síndo kui ngi̱ndiee̱, ngatꞌa̱ ngayeje kui jaá be nga na̱ꞌmii̱ Timoo̱ nda̱ ngriengo̱ boá. 4Kó xikótsꞌèn ndyi̱foaꞌa ngayeje na̱xi̱ńdá, katsꞌénkꞌasꞌiee̱n kjo̱a̱botíxoma xi je ja̱bo̱a̱ índajo̱ já apostroo̱, ko̱jo xota̱ xi xchaá na̱ngo̱xi̱i̱ xi chji̱a̱ni na̱xi̱ńdáꞌniú Jerusale̱n nga sa̱ꞌínkjatjosón kui xotaa̱. 5Kó bo̱a̱ tsꞌén kui xota̱ na̱ngo̱xi̱i̱ ꞌniú kisꞌijin ngasee̱ Kjisoo̱, kó ndyiojón ndyiojón kamákjín ngase.
Bi̱ tsꞌén akakoo̱ ngo ni Pabloo̱ kjo̱a̱a̱ nda̱ xi chji̱a̱ni Masendonia̱
6Kó nga jaꞌa nangi Frijia̱ ko̱jo Ngalasia̱, A̱si̱énni̱xtjii̱n Néná katsjandièjiín nga tsíchji̱a̱ eén Néná nangi Asia̱, 7kó nga jachó tsindioó nangi Misia̱ kamámejeén nga ko̱e̱je̱ nangi Bitinia̱, ta̱nga A̱si̱énni̱xtjii̱n Néná katsjandièjiín nga ki̱a̱ kijí. 8Kó nga jaꞌa tiña nangi Misia̱, jatjajen nga jachó na̱xi̱ńdáꞌniú Troa̱. 9Kó nga jñoó Pabloo̱ akakoo̱ ngo ni, nínga kamábe ngo nda̱ xi chji̱a̱ni nangi Masendonia̱ xi sikónkixi̱ nga ꞌniú tsíꞌaá, nga bi̱ katsoó: “Ti̱tjè chií ji nangi Masendonia̱, kó tasíke̱jejne̱.” 10Kó ngije akakoo̱ kui nii̱ Pabloo̱, tji̱e̱nmá ikꞌíjñandajne̱ yojojne̱ nga kongínjne̱ nangi Masendonia̱, ngatꞌa̱ jè yàjne̱ nga ja̱koxi̱ boá nga Néná ki̱a̱ tsꞌénchji̱a̱jne̱, tsi̱ꞌe̱ nga kꞌuiníjmi̱jne̱ éntjatsi̱e̱e̱ Néná kuí ngi̱ndiee̱.
Bi̱ tsꞌén jachó Pabloo̱ ko̱jo Silaa̱ na̱xi̱ńdá Filipo̱
11Kó ki̱a̱ na̱xi̱ńdáꞌniú Troa̱ kachjábéjne̱ ngo tjotso je xi tsanginyájne̱, tsi̱ꞌe̱ nga jachó kixi̱ kixi̱jne̱ tji̱ngi̱ Samotrasia̱, kó nga kamángindyiojón jáchójne̱ na̱xi̱ńdáꞌniú Neápoli̱, 12kó tsangínjne̱ xtji̱e̱e̱n Filipo̱, na̱xi̱ńdáꞌniú xí tjón xi chji̱a̱ni nangi Masendonia̱, ko̱jo ngo kolonia̱ nínga síndo kjín xota̱ Roma̱, kó ki̱a̱ kixindyionjne̱ kjín ni̱xtjin. 13Kó ngo ni̱xtjin ndikón jataxiejne̱ na̱xi̱ńdaá, nga tsangínjne̱ tꞌa ndejeèꞌ, nínga kiniꞌánkjójne̱ nga ki̱a̱ tikón ngo ngi̱ndie nínga ndokjo̱a̱a̱ Néná, kó ki̱a̱ kixindyionjne̱, kó ki̱a̱ kandokjo̱a̱jojne̱ eén Néná ínchjín xí kamátikó kuí ngi̱ndiee̱. 14Kó ngo kui xota̱chjo̱on xi ꞌmí na̱ Lindia̱, xi chji̱a̱ni na̱xi̱ńdáꞌniú Tiatira̱ xi botiñá ńjño nda ńjño tsjakon xi a̱si̱én koán ndyi̱yaꞌa, kui xota̱chjo̱on ꞌniú kamábendikón Néná, kó tsintꞌié eén, kó Ndi̱a̱ná katsꞌénꞌinda ini̱ma̱a̱ tsi̱ꞌe̱ nga asiénnijoo̱n én xí tsíchji̱a̱ Pabloo̱. 15Kó nga kastindá kuí xota̱chjo̱on, ko̱jo xota̱ ngi̱ya ndiꞌaa̱, jaskan ꞌniú tsíꞌájne̱ nga bi̱ katsó:
–Tsi jún xi bo̱a̱ ꞌmíjnú nga ja̱koxi̱ nga an sꞌijinna Ndi̱a̱ná, ndibá ni̱ꞌankjaꞌyájnú ndiꞌana.
Kó ꞌniú katsꞌénjne̱ nga ki̱a̱ ku̱i̱ndyionjne̱ ndiꞌaa̱.
16Kó nga ndyi̱mongínjne̱ ndi̱yà nga ndyi̱mongínndokjo̱a̱jne̱ Néná, ki̱a̱ kasakojne̱ ngo tsa̱kjìn xí tsꞌénxájo̱ ngo a̱siénni̱xtjin xi kotꞌasoón xotaa̱, moso̱ kamá kui tsa̱kji̱ín, kó achichí to̱n katsꞌén ndi̱a̱a̱ nga askotꞌasón. 17Kó kui tsa̱kji̱ín tji̱e̱nmá kijítji̱ngijne̱ ji̱n ko̱jo Pabloo̱, kó askjandáyà má nga bi̱ katsó:
–¡Kui jmi̱i̱, Néná xí tikón ndiꞌakꞌajmi jàn ndyi̱tsꞌènxájo̱, kó kuí xí ndyi̱tsóyàjnú ndi̱yà xí kꞌo̱xiéꞌájnú!
18Kui tsa̱kji̱ín kjín ni̱xtjin nga ta̱soboá bo̱a̱ katsó, ngaskande nga ngiti̱ kichikjo̱a̱jiín Pabloo̱, kó kamáxtií, kósꞌe̱ bi̱ katsoó kui a̱siénni̱xtjin xindajín xi tikónjii̱n kui tsa̱kji̱ín:
–¡Jaꞌeén Jesukristoo̱ xi bo̱a̱ tꞌíxiánñaa, nga kjo̱tje ji ngi̱jin yojoo̱ kui tsa̱kji̱ín!
Kó ti̱ kjiꞌa jatjo kui a̱si̱énni̱xtjii̱n.
19Ta̱nga ndi̱a̱a̱ kui tsa̱kji̱ín kamábe nga ngiti̱ sa̱ꞌínjín ngase to̱n, ta̱ngatꞌaa̱ nga sa̱ꞌínxá kuí tsa̱kji̱ín, kó katsoboá Pabloo̱ ko̱jo Silaa̱, kósꞌe̱ kijíjo̱ ngindyi̱ko̱n jáxaá, ki̱a̱ nínga tikón ndi̱tsen ndo̱bo̱a̱xa̱á, 20kó jachójo̱ nínga síndo ne ndo̱bo̱a̱xa̱á, sꞌe̱ bi̱ katsó:
–Kui já jundíoo̱, achichí ndyi̱tsꞌènxtí kꞌi̱e̱ na̱xi̱ńdáꞌniúná, 21kó ndyi̱bokoyá kjo̱a̱xcha̱á ni xi tsjandièjín kjo̱a̱kitii̱ nga ka̱ma si̱ꞌán, ngatꞌa̱ nga na̱xi̱ńdá Roma̱ ndokjo̱a̱ ñá.
22Kó bo̱a̱ tsꞌén xota̱ na̱xi̱ńdaá kondra̱ kijií kui jaá, kó já ne ndo̱bo̱a̱xa̱á katsjákjo̱a̱ tsi̱ꞌe̱ nga kachjeꞌéxiín ńjño xi ndyi̱yajá, sꞌe̱ akjaa̱ ńꞌniú, 23kó ngije akja tsa̱nga̱ tsa̱nga̱a̱, akjaꞌya ndo̱bo̱a̱yà, kó katseꞌeékjo̱a̱ nda̱ xi konda ndo̱bo̱a̱ya̱à nga ꞌniú nda skondá, 24kui nda̱ xi katseꞌeé kjo̱a̱a̱, katsangisꞌien kui jaá ngaskande ngi̱ya ꞌniuú ndo̱bo̱a̱ya̱à, sꞌe̱ ikítꞌa se Pabloo̱ ko̱jo Silaa̱ jó yá yiꞌi.
25Ta̱nga mején mára masien ni̱xtji̱e̱n, tji̱e̱nga Pabloo̱ ko̱jo Silaa̱ ndyi̱chji̱a̱a̱, ko̱jo ndyi̱siee̱ só xi ndaa̱ Néná, kó tji̱e̱nga já xí nijan síndojo̱ ngi̱ya ndo̱bo̱a̱ya̱à ndyi̱ntꞌiè, 26ta̱niján má kjindibá ngo kjo̱a̱ndikón ꞌniú xí ítsanieyá ngayeje xoó ndo̱bo̱a̱ya̱à, kó ti̱ kjiꞌa katjoxꞌá ngayeje nga̱ntjo̱a̱a̱ ndo̱bo̱a̱ya̱à, kó ngayeje já xí ndyi̱a̱ꞌniú ndo̱bo̱a̱ya̱à, katjondó ńꞌniúki̱cha̱ xi síndotaꞌniúní. 27Kó nga jaꞌaá nda̱jun xi tsꞌénkonda ndo̱bo̱a̱ya̱à, kamábe nga je tji̱e̱nti̱xa̱ nga̱ntjo̱a̱a̱ ndo̱bo̱a̱ya̱à, kó tsꞌaxié ki̱cha̱ xi kjitꞌaa̱, kó ti̱kuii tjítsꞌénkꞌién yojoo̱ katsaki, ngatꞌa̱ katsꞌénkjó nga jera̱ jatjo chejé já xí síndoꞌniú ndo̱bo̱a̱ya̱à. 28Ta̱nga Pabloo̱ ꞌniú tsíchji̱a̱ nga bi̱ katsó:
–¡Ngata̱ jmí ni niꞌínjíi̱n yojòo̱, ngatꞌa̱ kꞌi̱e̱ tindyionyejejne̱!
29Kósꞌe̱ kui nda̱juu̱n ndo̱bo̱a̱ya̱à tsíꞌá ngo ndiꞌí xí katsꞌéntsijee̱n, sꞌe̱ tsꞌasꞌien monga monga ngi̱ya ndo̱bo̱a̱ya̱à, kó kjifotsié má nga tsꞌéntsakjónní, sꞌe̱ asiéntikoó kje̱n nínga síndo Pabloo̱ ko̱jo Silaa̱, 30kó tsꞌaxié nga jó kui jaá ndo̱bo̱a̱ya̱à, kósꞌe̱ bi̱ katsó nga asíyaá:
–Jún bo̱a̱ já, mí xí sa̱ꞌin an tsi̱ꞌe̱ nga kjo̱tjoꞌa an.
31Kó kui jaá bi̱ katsó:
–Ti̱ꞌinsꞌijin ji Ndi̱a̱ná Jesukristoo̱, kó kjo̱tjoꞌa ji ko̱jo xota̱ ngi̱ya ndiꞌàa̱.
32Kó kandokjo̱a̱jo eén Néná kuí nda̱ xi konda ndo̱bo̱a̱ya̱à ko̱jo ngayeje xota̱ xi síndo ndiꞌaa̱. 33Kó kui nda̱a̱, ti̱kuii chi̱bo̱a̱a̱ ni̱xtji̱e̱e̱n aniéjón nínga oo̱n Pabloo̱ ko̱jo Silaa̱, kósꞌe̱ kui ko̱jo ngayeje xota̱ ngi̱ya ndiꞌaa̱ kastindá. 34Sꞌe̱ jaskan kijíjo̱ ndiꞌaa̱, kósꞌe̱ katsjaá nichinie, kó kui nda̱juu̱n ko̱jo xota̱ ngi̱ya ndiꞌaa̱ achichí tsja kamaá ngije kisꞌijii̱n Néná.
35Nga kamángindyiojón nga ta̱jñó ngasee̱, já ne ndo̱bo̱a̱xa̱á katsangiya jájún xi ko̱e̱je̱tsóyaà nda̱jun xi konda ndo̱bo̱a̱ya̱à tsi̱ꞌe̱ nga kꞌo̱xié Pabloo̱ ko̱jo Silaa̱. 36Kó nda̱jun xi konda ndo̱bo̱a̱ya̱à, bi̱ katsoó Pabloo̱:
–Já ne ndo̱bo̱a̱xa̱á je katsjánakjo̱a̱ nga kꞌoxiéjnúꞌun, kó jè ka̱ma xió kongínjnú.
37Ta̱nga Pabloo̱, bi̱ katsoó jájuún:
–Ji̱n xi já Roma̱ ji̱n, ikꞌiéjne̱ ko̱jo akjajne̱ ngindyi̱ko̱n xota̱ na̱xi̱ńdaá ngi̱ndiee̱ nga kꞌuiyájne̱ mí jé xí kiniꞌánjne̱, kósꞌe̱ kanangisꞌienjne̱ ndo̱bo̱a̱yà, a kó ngotꞌe̱ ꞌne̱ mejeén já ne ndo̱bo̱a̱xa̱á nga kꞌo̱xiéꞌmájne̱. ¡Ta̱nga jmí! Kui ngatjandibákꞌaxié soboájne̱.
38Kó jájuún kijítsꞌenkintꞌié já ne ndo̱bo̱a̱xa̱á kui nii̱, kósꞌe̱ achichí katsakjónní ngije tsintꞌié nga na̱xi̱ńdá Roma̱ chji̱a̱ni kui jaá. 39Sꞌe̱ já ne ndo̱bo̱a̱xa̱á tsꞌaxié ndo̱bo̱a̱ya̱à kui jaá, kó ꞌniú tsíꞌáa̱ tsi̱ꞌe̱ nga kjo̱tjo ngi̱jii̱n na̱xi̱ńdáꞌniuú. 40Kó ngije jatjo ndo̱bo̱a̱yà Pabloo̱ ko̱jo Silaa̱ kijí ndiꞌaa̱ kui xota̱chjo̱on xi ꞌmí na̱ Lindiaa̱, kósꞌe̱ ngije kamábe já ntsꞌiee̱ katsjángaꞌniuú, sꞌe̱ jatjo kui ngi̱ndiee̱.
Currently Selected:
Ni xi kamá 16: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Ni xi kamá 16
16
Timoo̱ bi̱ tsꞌén nijan kijíjo̱ Pabloo̱ ko̱jo Silaa̱
1Kó nga jachó Pabloo̱ na̱xi̱ńdáꞌniú Nderbe̱ ko̱jo na̱xi̱ńdáꞌniú Listra̱, ki̱a̱ kasakoo̱ ngo nda̱ xi sꞌijii̱n Kjisoo̱ kui xi ꞌmí Timo̱, ndií ngo xota̱chjo̱on xi jundío̱ xi ti̱ bo̱a̱ ti̱ tsꞌén sꞌijii̱n Kjisoo̱ nga, kó na̱ꞌmii̱ nda̱ ngriengo̱ boá, 2kó já ntsꞌie xi chji̱a̱ni na̱xi̱ńdáꞌniú Listra̱ ko̱jo na̱xi̱ńdáꞌniú Ikonio̱ achichí nda tsíchji̱a̱ kjo̱a̱a̱ kui nda̱a̱. 3Pabloo̱ kamámejeén kijíjo̱ Timoo̱, ta̱nga ngindiee̱ nga kjo̱jo, katsꞌeén sirkunsisioo̱n tsi̱ꞌe̱ nga chꞌójín ka̱maa̱ xota̱ jundío̱ xi síndo kui ngi̱ndiee̱, ngatꞌa̱ ngayeje kui jaá be nga na̱ꞌmii̱ Timoo̱ nda̱ ngriengo̱ boá. 4Kó xikótsꞌèn ndyi̱foaꞌa ngayeje na̱xi̱ńdá, katsꞌénkꞌasꞌiee̱n kjo̱a̱botíxoma xi je ja̱bo̱a̱ índajo̱ já apostroo̱, ko̱jo xota̱ xi xchaá na̱ngo̱xi̱i̱ xi chji̱a̱ni na̱xi̱ńdáꞌniú Jerusale̱n nga sa̱ꞌínkjatjosón kui xotaa̱. 5Kó bo̱a̱ tsꞌén kui xota̱ na̱ngo̱xi̱i̱ ꞌniú kisꞌijin ngasee̱ Kjisoo̱, kó ndyiojón ndyiojón kamákjín ngase.
Bi̱ tsꞌén akakoo̱ ngo ni Pabloo̱ kjo̱a̱a̱ nda̱ xi chji̱a̱ni Masendonia̱
6Kó nga jaꞌa nangi Frijia̱ ko̱jo Ngalasia̱, A̱si̱énni̱xtjii̱n Néná katsjandièjiín nga tsíchji̱a̱ eén Néná nangi Asia̱, 7kó nga jachó tsindioó nangi Misia̱ kamámejeén nga ko̱e̱je̱ nangi Bitinia̱, ta̱nga A̱si̱énni̱xtjii̱n Néná katsjandièjiín nga ki̱a̱ kijí. 8Kó nga jaꞌa tiña nangi Misia̱, jatjajen nga jachó na̱xi̱ńdáꞌniú Troa̱. 9Kó nga jñoó Pabloo̱ akakoo̱ ngo ni, nínga kamábe ngo nda̱ xi chji̱a̱ni nangi Masendonia̱ xi sikónkixi̱ nga ꞌniú tsíꞌaá, nga bi̱ katsoó: “Ti̱tjè chií ji nangi Masendonia̱, kó tasíke̱jejne̱.” 10Kó ngije akakoo̱ kui nii̱ Pabloo̱, tji̱e̱nmá ikꞌíjñandajne̱ yojojne̱ nga kongínjne̱ nangi Masendonia̱, ngatꞌa̱ jè yàjne̱ nga ja̱koxi̱ boá nga Néná ki̱a̱ tsꞌénchji̱a̱jne̱, tsi̱ꞌe̱ nga kꞌuiníjmi̱jne̱ éntjatsi̱e̱e̱ Néná kuí ngi̱ndiee̱.
Bi̱ tsꞌén jachó Pabloo̱ ko̱jo Silaa̱ na̱xi̱ńdá Filipo̱
11Kó ki̱a̱ na̱xi̱ńdáꞌniú Troa̱ kachjábéjne̱ ngo tjotso je xi tsanginyájne̱, tsi̱ꞌe̱ nga jachó kixi̱ kixi̱jne̱ tji̱ngi̱ Samotrasia̱, kó nga kamángindyiojón jáchójne̱ na̱xi̱ńdáꞌniú Neápoli̱, 12kó tsangínjne̱ xtji̱e̱e̱n Filipo̱, na̱xi̱ńdáꞌniú xí tjón xi chji̱a̱ni nangi Masendonia̱, ko̱jo ngo kolonia̱ nínga síndo kjín xota̱ Roma̱, kó ki̱a̱ kixindyionjne̱ kjín ni̱xtjin. 13Kó ngo ni̱xtjin ndikón jataxiejne̱ na̱xi̱ńdaá, nga tsangínjne̱ tꞌa ndejeèꞌ, nínga kiniꞌánkjójne̱ nga ki̱a̱ tikón ngo ngi̱ndie nínga ndokjo̱a̱a̱ Néná, kó ki̱a̱ kixindyionjne̱, kó ki̱a̱ kandokjo̱a̱jojne̱ eén Néná ínchjín xí kamátikó kuí ngi̱ndiee̱. 14Kó ngo kui xota̱chjo̱on xi ꞌmí na̱ Lindia̱, xi chji̱a̱ni na̱xi̱ńdáꞌniú Tiatira̱ xi botiñá ńjño nda ńjño tsjakon xi a̱si̱én koán ndyi̱yaꞌa, kui xota̱chjo̱on ꞌniú kamábendikón Néná, kó tsintꞌié eén, kó Ndi̱a̱ná katsꞌénꞌinda ini̱ma̱a̱ tsi̱ꞌe̱ nga asiénnijoo̱n én xí tsíchji̱a̱ Pabloo̱. 15Kó nga kastindá kuí xota̱chjo̱on, ko̱jo xota̱ ngi̱ya ndiꞌaa̱, jaskan ꞌniú tsíꞌájne̱ nga bi̱ katsó:
–Tsi jún xi bo̱a̱ ꞌmíjnú nga ja̱koxi̱ nga an sꞌijinna Ndi̱a̱ná, ndibá ni̱ꞌankjaꞌyájnú ndiꞌana.
Kó ꞌniú katsꞌénjne̱ nga ki̱a̱ ku̱i̱ndyionjne̱ ndiꞌaa̱.
16Kó nga ndyi̱mongínjne̱ ndi̱yà nga ndyi̱mongínndokjo̱a̱jne̱ Néná, ki̱a̱ kasakojne̱ ngo tsa̱kjìn xí tsꞌénxájo̱ ngo a̱siénni̱xtjin xi kotꞌasoón xotaa̱, moso̱ kamá kui tsa̱kji̱ín, kó achichí to̱n katsꞌén ndi̱a̱a̱ nga askotꞌasón. 17Kó kui tsa̱kji̱ín tji̱e̱nmá kijítji̱ngijne̱ ji̱n ko̱jo Pabloo̱, kó askjandáyà má nga bi̱ katsó:
–¡Kui jmi̱i̱, Néná xí tikón ndiꞌakꞌajmi jàn ndyi̱tsꞌènxájo̱, kó kuí xí ndyi̱tsóyàjnú ndi̱yà xí kꞌo̱xiéꞌájnú!
18Kui tsa̱kji̱ín kjín ni̱xtjin nga ta̱soboá bo̱a̱ katsó, ngaskande nga ngiti̱ kichikjo̱a̱jiín Pabloo̱, kó kamáxtií, kósꞌe̱ bi̱ katsoó kui a̱siénni̱xtjin xindajín xi tikónjii̱n kui tsa̱kji̱ín:
–¡Jaꞌeén Jesukristoo̱ xi bo̱a̱ tꞌíxiánñaa, nga kjo̱tje ji ngi̱jin yojoo̱ kui tsa̱kji̱ín!
Kó ti̱ kjiꞌa jatjo kui a̱si̱énni̱xtjii̱n.
19Ta̱nga ndi̱a̱a̱ kui tsa̱kji̱ín kamábe nga ngiti̱ sa̱ꞌínjín ngase to̱n, ta̱ngatꞌaa̱ nga sa̱ꞌínxá kuí tsa̱kji̱ín, kó katsoboá Pabloo̱ ko̱jo Silaa̱, kósꞌe̱ kijíjo̱ ngindyi̱ko̱n jáxaá, ki̱a̱ nínga tikón ndi̱tsen ndo̱bo̱a̱xa̱á, 20kó jachójo̱ nínga síndo ne ndo̱bo̱a̱xa̱á, sꞌe̱ bi̱ katsó:
–Kui já jundíoo̱, achichí ndyi̱tsꞌènxtí kꞌi̱e̱ na̱xi̱ńdáꞌniúná, 21kó ndyi̱bokoyá kjo̱a̱xcha̱á ni xi tsjandièjín kjo̱a̱kitii̱ nga ka̱ma si̱ꞌán, ngatꞌa̱ nga na̱xi̱ńdá Roma̱ ndokjo̱a̱ ñá.
22Kó bo̱a̱ tsꞌén xota̱ na̱xi̱ńdaá kondra̱ kijií kui jaá, kó já ne ndo̱bo̱a̱xa̱á katsjákjo̱a̱ tsi̱ꞌe̱ nga kachjeꞌéxiín ńjño xi ndyi̱yajá, sꞌe̱ akjaa̱ ńꞌniú, 23kó ngije akja tsa̱nga̱ tsa̱nga̱a̱, akjaꞌya ndo̱bo̱a̱yà, kó katseꞌeékjo̱a̱ nda̱ xi konda ndo̱bo̱a̱ya̱à nga ꞌniú nda skondá, 24kui nda̱ xi katseꞌeé kjo̱a̱a̱, katsangisꞌien kui jaá ngaskande ngi̱ya ꞌniuú ndo̱bo̱a̱ya̱à, sꞌe̱ ikítꞌa se Pabloo̱ ko̱jo Silaa̱ jó yá yiꞌi.
25Ta̱nga mején mára masien ni̱xtji̱e̱n, tji̱e̱nga Pabloo̱ ko̱jo Silaa̱ ndyi̱chji̱a̱a̱, ko̱jo ndyi̱siee̱ só xi ndaa̱ Néná, kó tji̱e̱nga já xí nijan síndojo̱ ngi̱ya ndo̱bo̱a̱ya̱à ndyi̱ntꞌiè, 26ta̱niján má kjindibá ngo kjo̱a̱ndikón ꞌniú xí ítsanieyá ngayeje xoó ndo̱bo̱a̱ya̱à, kó ti̱ kjiꞌa katjoxꞌá ngayeje nga̱ntjo̱a̱a̱ ndo̱bo̱a̱ya̱à, kó ngayeje já xí ndyi̱a̱ꞌniú ndo̱bo̱a̱ya̱à, katjondó ńꞌniúki̱cha̱ xi síndotaꞌniúní. 27Kó nga jaꞌaá nda̱jun xi tsꞌénkonda ndo̱bo̱a̱ya̱à, kamábe nga je tji̱e̱nti̱xa̱ nga̱ntjo̱a̱a̱ ndo̱bo̱a̱ya̱à, kó tsꞌaxié ki̱cha̱ xi kjitꞌaa̱, kó ti̱kuii tjítsꞌénkꞌién yojoo̱ katsaki, ngatꞌa̱ katsꞌénkjó nga jera̱ jatjo chejé já xí síndoꞌniú ndo̱bo̱a̱ya̱à. 28Ta̱nga Pabloo̱ ꞌniú tsíchji̱a̱ nga bi̱ katsó:
–¡Ngata̱ jmí ni niꞌínjíi̱n yojòo̱, ngatꞌa̱ kꞌi̱e̱ tindyionyejejne̱!
29Kósꞌe̱ kui nda̱juu̱n ndo̱bo̱a̱ya̱à tsíꞌá ngo ndiꞌí xí katsꞌéntsijee̱n, sꞌe̱ tsꞌasꞌien monga monga ngi̱ya ndo̱bo̱a̱ya̱à, kó kjifotsié má nga tsꞌéntsakjónní, sꞌe̱ asiéntikoó kje̱n nínga síndo Pabloo̱ ko̱jo Silaa̱, 30kó tsꞌaxié nga jó kui jaá ndo̱bo̱a̱ya̱à, kósꞌe̱ bi̱ katsó nga asíyaá:
–Jún bo̱a̱ já, mí xí sa̱ꞌin an tsi̱ꞌe̱ nga kjo̱tjoꞌa an.
31Kó kui jaá bi̱ katsó:
–Ti̱ꞌinsꞌijin ji Ndi̱a̱ná Jesukristoo̱, kó kjo̱tjoꞌa ji ko̱jo xota̱ ngi̱ya ndiꞌàa̱.
32Kó kandokjo̱a̱jo eén Néná kuí nda̱ xi konda ndo̱bo̱a̱ya̱à ko̱jo ngayeje xota̱ xi síndo ndiꞌaa̱. 33Kó kui nda̱a̱, ti̱kuii chi̱bo̱a̱a̱ ni̱xtji̱e̱e̱n aniéjón nínga oo̱n Pabloo̱ ko̱jo Silaa̱, kósꞌe̱ kui ko̱jo ngayeje xota̱ ngi̱ya ndiꞌaa̱ kastindá. 34Sꞌe̱ jaskan kijíjo̱ ndiꞌaa̱, kósꞌe̱ katsjaá nichinie, kó kui nda̱juu̱n ko̱jo xota̱ ngi̱ya ndiꞌaa̱ achichí tsja kamaá ngije kisꞌijii̱n Néná.
35Nga kamángindyiojón nga ta̱jñó ngasee̱, já ne ndo̱bo̱a̱xa̱á katsangiya jájún xi ko̱e̱je̱tsóyaà nda̱jun xi konda ndo̱bo̱a̱ya̱à tsi̱ꞌe̱ nga kꞌo̱xié Pabloo̱ ko̱jo Silaa̱. 36Kó nda̱jun xi konda ndo̱bo̱a̱ya̱à, bi̱ katsoó Pabloo̱:
–Já ne ndo̱bo̱a̱xa̱á je katsjánakjo̱a̱ nga kꞌoxiéjnúꞌun, kó jè ka̱ma xió kongínjnú.
37Ta̱nga Pabloo̱, bi̱ katsoó jájuún:
–Ji̱n xi já Roma̱ ji̱n, ikꞌiéjne̱ ko̱jo akjajne̱ ngindyi̱ko̱n xota̱ na̱xi̱ńdaá ngi̱ndiee̱ nga kꞌuiyájne̱ mí jé xí kiniꞌánjne̱, kósꞌe̱ kanangisꞌienjne̱ ndo̱bo̱a̱yà, a kó ngotꞌe̱ ꞌne̱ mejeén já ne ndo̱bo̱a̱xa̱á nga kꞌo̱xiéꞌmájne̱. ¡Ta̱nga jmí! Kui ngatjandibákꞌaxié soboájne̱.
38Kó jájuún kijítsꞌenkintꞌié já ne ndo̱bo̱a̱xa̱á kui nii̱, kósꞌe̱ achichí katsakjónní ngije tsintꞌié nga na̱xi̱ńdá Roma̱ chji̱a̱ni kui jaá. 39Sꞌe̱ já ne ndo̱bo̱a̱xa̱á tsꞌaxié ndo̱bo̱a̱ya̱à kui jaá, kó ꞌniú tsíꞌáa̱ tsi̱ꞌe̱ nga kjo̱tjo ngi̱jii̱n na̱xi̱ńdáꞌniuú. 40Kó ngije jatjo ndo̱bo̱a̱yà Pabloo̱ ko̱jo Silaa̱ kijí ndiꞌaa̱ kui xota̱chjo̱on xi ꞌmí na̱ Lindiaa̱, kósꞌe̱ ngije kamábe já ntsꞌiee̱ katsjángaꞌniuú, sꞌe̱ jatjo kui ngi̱ndiee̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014