2 Xota̱ Tesalónika̱ 3
3
Bi̱ tsꞌén tsíꞌá Pabloo̱ nga ko̱ndókjo̱a̱a̱ Néná
1Kó nga fetꞌani já ntsꞌie, kjiꞌanga ko̱ndókjo̱a̱jnúu̱ Néná ndókjo̱a̱tjéjnú ji̱n, tsi̱ꞌe̱ nga eén Ndi̱a̱ná, kjo̱chó ngayeje ngi̱ndie kó xcha̱ndikón, xikó kamá ngi̱jinjnú. 2Kó ndókjo̱a̱jnúu̱ Néná tsi̱ꞌe̱ nga xín sa̱ꞌínkjaꞌajne̱ ngayeje xota̱ xi chꞌokon ko̱jo xi ndajín. Ngatꞌa̱ jmí tsi ngayeje xotaa̱ xi sꞌijii̱n Néná. 3Ta̱nga Ndi̱a̱ná tsꞌénkjátjosón ni xi chji̱a̱, kó kuí xí sa̱ꞌín nga ꞌniú ku̱i̱ndyiajnú, kó xín sa̱ꞌínkjaꞌaboaꞌájnú xindajín. 4ꞌNiátakónjne̱ Ndi̱a̱ná kjo̱a̱a̱ jún, kjo̱a̱a̱ ni xi ndyi̱niꞌánjnú, ko̱jo ni xi sꞌe̱ si̱ꞌánjnú, kui ni xi je akakoyájne̱. 5Kó Ndi̱a̱ná ngatakoyájnú nga bo̱a̱ tsꞌén si̱ꞌantjójnú xikótsꞌèn tsꞌéntjó Néná, kó ti̱ꞌanchíkjo̱a̱jnú ni xi ndyi̱bitjajinjnú, xikótsꞌèn katsꞌénchíkjo̱a̱ Kristoo̱.
Bi̱ tsꞌén íni̱jmì Pabloo̱ kjo̱a̱a̱ nga chjiéngá sa̱ꞌínxá xota̱ na̱ngo̱xi̱ xi chji̱a̱ni na̱xi̱ńdáꞌniú Tesalónika̱
6Jún ntsꞌie, ngo kjo̱a̱botíxoma ko̱e̱ꞌéjne̱: Ngi̱yaa̱ jaꞌeén Ndi̱a̱ná Jesukristoo̱, xín ti̱ꞌankjaꞌajnúu̱ yojojnú ngayeje ntsꞌié xi mejénjiín sa̱ꞌín xá xí nda ko̱jo xi fítji̱ngijín kui kjo̱a̱bokoyá xi ji̱n katseꞌéjne̱ jún. 7Ngatꞌa̱ jún je yàjnú kótsꞌèn chja̱ꞌángíjne̱ ji̱n, ngatꞌa̱ jmí tsi kamámejénjínjne̱ kiniꞌánjne̱ xá xí nda nga kixindyionjne̱ ngi̱jinjnú. 8Ti̱nde jmí tsi nichiniee̱ ngo xota̱ ta̱xkiya kichiniejne̱, sꞌe̱ ikꞌíchjíjínjne̱. Ta̱sá ꞌniú kiniꞌánxájne̱ nga ni̱xtjin ko̱jo nga ni̱xtji̱e̱n, tsi̱ꞌe̱ nga jmí tsi jún ikꞌíniéjne̱ yojojne̱. 9Kó bo̱a̱ kiniꞌánjne̱, jmí tsi kjo̱a̱a̱ tsi jmíjínjne̱ kjo̱a̱nda, ta̱sá tsi̱ꞌe̱ nga ngo chi̱bo̱a̱ xi nda ka̱majne̱ xi jún kongintjingíjnú. 10Ngatꞌa̱ kjiꞌanga kixindyionjinjne̱ jún, katseꞌéjne̱ ngo kjo̱a̱botíxoma xi bi̱ tsó: Tsi tjín xi mejénjiín sa̱ꞌínxá, jmíjiín kjo̱a̱nda nga ka̱ma skji̱ni̱e̱ nichinie. 11Ngatꞌa̱ jè kandaꞌyájne̱ nga tjín ngi̱jinjnú xota̱ xi jmí xá xí nda ndyi̱tsꞌènjín, kó ni xi kuijín ndasee̱n kui xi ndyi̱tsangijin yojoo̱. 12Kui xota̱ xi̱ꞌba̱, ndyi̱botíxomajne̱ ko̱jo ꞌniú ndyi̱ndokjo̱a̱jojne̱, ngatꞌaa̱ Ndi̱a̱ná Jesukristoo̱, nga xió tsꞌén sa̱ꞌínxá tsi̱ꞌe̱ nga ku̱i̱e̱je̱e̱n ni xi skji̱ni̱e̱, ko̱jo ni xi kꞌuí.
13Kó jún já ntsꞌie, ngata̱ fendajo̱jínjnú nga si̱ꞌánjnú ni xi ndaa̱. 14Kó tsi tjín xí ku̱i̱ntꞌiéꞌénjiín ni xi ndyi̱ꞌmìjne̱ ngi̱yaa̱ kui xo̱jo̱o̱n, tsitsíjen cha̱n cha̱njnúu̱ ꞌyá kuí bo̱a̱, kó ngata̱ ki̱a̱jín niꞌánkamajo̱jnú, tsi̱ꞌe̱ nga soboá ka̱maa̱. 15Ta̱nga ngata̱ kondra̱jínjnú niꞌánjnú, ta̱sá tatíxomájnúu̱ xikó niꞌánjo̱ ngo ntsꞌié.
Pabloo̱ bi̱ tsꞌén katsꞌénkjietꞌa xo̱jo̱o̱n
16Ndi̱a̱ná xi tsi̱ꞌe̱ kjo̱a̱xioó ngatsjájnú ngatsjéni̱xtjin kjo̱a̱xioó ngi̱jii̱n ta̱jmì niní xi ku̱i̱tjájinjnú. Ndi̱a̱ná ngatꞌíjñajo̱jnú ngayejejnú.
17An Pabloo̱, án má bo̱a̱ xi tjítsꞌenꞌindójnúꞌun kui kjo̱a̱tindee̱. Kuí bí kui chi̱bo̱a̱ xi bokó nga tsangiyàa̱ xo̱jo̱n xotaa̱, bo̱a̱ tsꞌén tsꞌenꞌindó an. 18Ndi̱a̱ná Jesukristoo̱ ngatsjájnú kjo̱a̱ndaa̱ ngayeje jún. Bo̱a̱ kjiꞌi.
Currently Selected:
2 Xota̱ Tesalónika̱ 3: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
2 Xota̱ Tesalónika̱ 3
3
Bi̱ tsꞌén tsíꞌá Pabloo̱ nga ko̱ndókjo̱a̱a̱ Néná
1Kó nga fetꞌani já ntsꞌie, kjiꞌanga ko̱ndókjo̱a̱jnúu̱ Néná ndókjo̱a̱tjéjnú ji̱n, tsi̱ꞌe̱ nga eén Ndi̱a̱ná, kjo̱chó ngayeje ngi̱ndie kó xcha̱ndikón, xikó kamá ngi̱jinjnú. 2Kó ndókjo̱a̱jnúu̱ Néná tsi̱ꞌe̱ nga xín sa̱ꞌínkjaꞌajne̱ ngayeje xota̱ xi chꞌokon ko̱jo xi ndajín. Ngatꞌa̱ jmí tsi ngayeje xotaa̱ xi sꞌijii̱n Néná. 3Ta̱nga Ndi̱a̱ná tsꞌénkjátjosón ni xi chji̱a̱, kó kuí xí sa̱ꞌín nga ꞌniú ku̱i̱ndyiajnú, kó xín sa̱ꞌínkjaꞌaboaꞌájnú xindajín. 4ꞌNiátakónjne̱ Ndi̱a̱ná kjo̱a̱a̱ jún, kjo̱a̱a̱ ni xi ndyi̱niꞌánjnú, ko̱jo ni xi sꞌe̱ si̱ꞌánjnú, kui ni xi je akakoyájne̱. 5Kó Ndi̱a̱ná ngatakoyájnú nga bo̱a̱ tsꞌén si̱ꞌantjójnú xikótsꞌèn tsꞌéntjó Néná, kó ti̱ꞌanchíkjo̱a̱jnú ni xi ndyi̱bitjajinjnú, xikótsꞌèn katsꞌénchíkjo̱a̱ Kristoo̱.
Bi̱ tsꞌén íni̱jmì Pabloo̱ kjo̱a̱a̱ nga chjiéngá sa̱ꞌínxá xota̱ na̱ngo̱xi̱ xi chji̱a̱ni na̱xi̱ńdáꞌniú Tesalónika̱
6Jún ntsꞌie, ngo kjo̱a̱botíxoma ko̱e̱ꞌéjne̱: Ngi̱yaa̱ jaꞌeén Ndi̱a̱ná Jesukristoo̱, xín ti̱ꞌankjaꞌajnúu̱ yojojnú ngayeje ntsꞌié xi mejénjiín sa̱ꞌín xá xí nda ko̱jo xi fítji̱ngijín kui kjo̱a̱bokoyá xi ji̱n katseꞌéjne̱ jún. 7Ngatꞌa̱ jún je yàjnú kótsꞌèn chja̱ꞌángíjne̱ ji̱n, ngatꞌa̱ jmí tsi kamámejénjínjne̱ kiniꞌánjne̱ xá xí nda nga kixindyionjne̱ ngi̱jinjnú. 8Ti̱nde jmí tsi nichiniee̱ ngo xota̱ ta̱xkiya kichiniejne̱, sꞌe̱ ikꞌíchjíjínjne̱. Ta̱sá ꞌniú kiniꞌánxájne̱ nga ni̱xtjin ko̱jo nga ni̱xtji̱e̱n, tsi̱ꞌe̱ nga jmí tsi jún ikꞌíniéjne̱ yojojne̱. 9Kó bo̱a̱ kiniꞌánjne̱, jmí tsi kjo̱a̱a̱ tsi jmíjínjne̱ kjo̱a̱nda, ta̱sá tsi̱ꞌe̱ nga ngo chi̱bo̱a̱ xi nda ka̱majne̱ xi jún kongintjingíjnú. 10Ngatꞌa̱ kjiꞌanga kixindyionjinjne̱ jún, katseꞌéjne̱ ngo kjo̱a̱botíxoma xi bi̱ tsó: Tsi tjín xi mejénjiín sa̱ꞌínxá, jmíjiín kjo̱a̱nda nga ka̱ma skji̱ni̱e̱ nichinie. 11Ngatꞌa̱ jè kandaꞌyájne̱ nga tjín ngi̱jinjnú xota̱ xi jmí xá xí nda ndyi̱tsꞌènjín, kó ni xi kuijín ndasee̱n kui xi ndyi̱tsangijin yojoo̱. 12Kui xota̱ xi̱ꞌba̱, ndyi̱botíxomajne̱ ko̱jo ꞌniú ndyi̱ndokjo̱a̱jojne̱, ngatꞌaa̱ Ndi̱a̱ná Jesukristoo̱, nga xió tsꞌén sa̱ꞌínxá tsi̱ꞌe̱ nga ku̱i̱e̱je̱e̱n ni xi skji̱ni̱e̱, ko̱jo ni xi kꞌuí.
13Kó jún já ntsꞌie, ngata̱ fendajo̱jínjnú nga si̱ꞌánjnú ni xi ndaa̱. 14Kó tsi tjín xí ku̱i̱ntꞌiéꞌénjiín ni xi ndyi̱ꞌmìjne̱ ngi̱yaa̱ kui xo̱jo̱o̱n, tsitsíjen cha̱n cha̱njnúu̱ ꞌyá kuí bo̱a̱, kó ngata̱ ki̱a̱jín niꞌánkamajo̱jnú, tsi̱ꞌe̱ nga soboá ka̱maa̱. 15Ta̱nga ngata̱ kondra̱jínjnú niꞌánjnú, ta̱sá tatíxomájnúu̱ xikó niꞌánjo̱ ngo ntsꞌié.
Pabloo̱ bi̱ tsꞌén katsꞌénkjietꞌa xo̱jo̱o̱n
16Ndi̱a̱ná xi tsi̱ꞌe̱ kjo̱a̱xioó ngatsjájnú ngatsjéni̱xtjin kjo̱a̱xioó ngi̱jii̱n ta̱jmì niní xi ku̱i̱tjájinjnú. Ndi̱a̱ná ngatꞌíjñajo̱jnú ngayejejnú.
17An Pabloo̱, án má bo̱a̱ xi tjítsꞌenꞌindójnúꞌun kui kjo̱a̱tindee̱. Kuí bí kui chi̱bo̱a̱ xi bokó nga tsangiyàa̱ xo̱jo̱n xotaa̱, bo̱a̱ tsꞌén tsꞌenꞌindó an. 18Ndi̱a̱ná Jesukristoo̱ ngatsjájnú kjo̱a̱ndaa̱ ngayeje jún. Bo̱a̱ kjiꞌi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014