2 Xota̱ Tesalónika̱ 1
1
Bi̱ tsꞌén katsꞌéntinde Pabloo̱ xota̱ na̱ngo̱xi̱ xi chji̱a̱ni na̱xi̱ńdáꞌniú Tesalónika̱
1An Pabloo̱, ko̱jo Silbanoo̱, ko̱jo Timoo̱ niꞌántindejne̱ jún xota̱ na̱ngo̱xi̱i̱ Néná xí Na̱ꞌminá, ko̱jo Ndi̱a̱ná Jesukristoo̱ xi tindyiónjnú na̱xi̱ńdáꞌniú Tesalónika̱. 2Néná xí Na̱ꞌminá, ko̱jo Ndi̱a̱ná Jesukristoo̱, ngatsjájnú kjo̱a̱ndaa̱ ko̱jo kjo̱a̱xioó.
Bi̱ tsꞌén íni̱jmì Pabloo̱ ni xi ka̱mataꞌin xotaa̱ kjiꞌanga kjo̱e̱ꞌe nginí Kristoo̱
3Jún ntsꞌie, ngatsjéni̱xtjin chjiéngá ko̱e̱ꞌéjne̱ ndokꞌóchjì Néná kjo̱a̱a̱ jún, xikótsꞌèn chjiéngá nga ko̱e̱ꞌé, ngatꞌa̱ kjimatsie kui kjo̱a̱sꞌijinjnú, ko̱jo kui kjo̱a̱tjó xi je tjínjnú ngayejejnú, ko̱jo kjo̱a̱a̱ nga ꞌniú kjimatjójnú xota̱ xi ngasee̱. 4Kuíni nga tsja májne̱ kjo̱a̱a̱ jún ngi̱jii̱n xota̱ na̱ngo̱xi̱ xi ngasee̱ Néná, kjo̱a̱a̱ kui kjo̱a̱tsiekon, ko̱jo kjo̱a̱sꞌijin xi tjínjnú nga tjimíyotji̱ngijnú, ko̱jo kui kjo̱a̱ni̱ma̱ xi ndyi̱niꞌánchíkjo̱a̱jnú. 5Kuí nii̱ xi tsꞌénbokóná nga Néná kixi̱ tsꞌén skotsíjee̱n mí nii̱ xi nda ko̱jo tsi mí nii̱ xi ndajín xi ndyi̱tsꞌèn xotaa̱. Néná tsꞌénboaꞌaxki̱jnú nga kuí boá xi ko̱tíxomájnú jún, kuíni nga kjo̱a̱ni̱ma̱ ndyi̱bitjatiójnú.
6Ngatꞌa̱ kixi̱ kjíꞌí nga Néná sa̱ꞌínkjaꞌatio kjo̱a̱ni̱ma̱ kui xota̱ xi ndyi̱tsꞌènkjáꞌatiojnú kjo̱a̱ni̱ma̱ jún. 7Kó jún xi ndyi̱bitjatiójnú kjo̱a̱ni̱ma̱ tsja̱ajnú ngo kjo̱a̱niꞌánkjaꞌyá xikoó ji̱n. Kui nii̱ ka̱ma kjiꞌanga Ndi̱a̱ná Kjisoo̱ kjo̱e̱ꞌekákó yojoo̱ nga kji̱ndi̱bájo̱ni ndiꞌakꞌajmi jàn ndítsjiee̱ xi tjiín ngaꞌniú. 8Ngi̱jii̱n ndiꞌí kji̱ndi̱báni, tsi̱ꞌe̱ nga sa̱ꞌínjeé ngayeje xota̱ xi kamábejín Néná, ti̱nde tsintꞌiéꞌénjiín éntjatsi̱e̱e̱ Ndi̱a̱ná Jesukristoo̱. 9Kui xotaa̱, Néná sa̱ꞌínkjié ngatsjéni̱xtjin, kó kjin kꞌuíndonii̱ nínga tikón Ndi̱a̱ná, ko̱jo kjo̱a̱jee̱, ko̱jo ngaꞌniuú. 10Bo̱a̱ ka̱ma ni̱xtjin nga kjo̱e̱ꞌe Ndi̱a̱ná, tsi̱ꞌe̱ nga xota̱ tsjiee̱ tsja̱á kjo̱a̱je, kó ngayeje xota̱ xi je kisꞌijii̱n kui, tsja ka̱maa̱ nga sku̱i̱e̱. Ngi̱jii̱n kui xotaa̱ je tindyiónjnú jún, ngatꞌa̱ jè kisꞌijinjnú ni xi je kiꞌmíyàjne̱ ko̱jo ni xi kiniꞌánjne̱ ji̱n.
11Kuíni nga, nga ndokjo̱a̱jne̱ Néná ngatsjéni̱xtjin ndokjo̱a̱tjéjne̱ jún, tsi̱ꞌe̱ nga Néná ko̱a̱ꞌa̱xki̱jnú nga ko̱jo jún boá xi tindyionjinjnú ngi̱jii̱n xota̱ xi tsíchji̱a̱a̱ kui. Kó ti̱ ndokjo̱a̱jne̱ Néná, tsi̱ꞌe̱ nga sa̱ꞌínkjatjosón nga sa̱ꞌínkjién ngaꞌniuú, kjo̱a̱a̱ ngayeje ni xi nda xi mejénjnú si̱ꞌánjnú ta̱ngatꞌanii̱ nga sꞌijinjnú. 12Bo̱a̱ tsꞌén Ndi̱a̱ná Jesukristoo̱, kꞌuieé kjo̱a̱je ngatꞌaa̱ jún, kó ngatꞌaa̱ kui nga kꞌuiéjnú kjo̱a̱je jún, ta̱ngatꞌanii̱ kjo̱a̱ndaa̱ Néná xí Na̱ꞌmii̱, ko̱jo Ndi̱a̱ná Jesukristoo̱.
Currently Selected:
2 Xota̱ Tesalónika̱ 1: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
2 Xota̱ Tesalónika̱ 1
1
Bi̱ tsꞌén katsꞌéntinde Pabloo̱ xota̱ na̱ngo̱xi̱ xi chji̱a̱ni na̱xi̱ńdáꞌniú Tesalónika̱
1An Pabloo̱, ko̱jo Silbanoo̱, ko̱jo Timoo̱ niꞌántindejne̱ jún xota̱ na̱ngo̱xi̱i̱ Néná xí Na̱ꞌminá, ko̱jo Ndi̱a̱ná Jesukristoo̱ xi tindyiónjnú na̱xi̱ńdáꞌniú Tesalónika̱. 2Néná xí Na̱ꞌminá, ko̱jo Ndi̱a̱ná Jesukristoo̱, ngatsjájnú kjo̱a̱ndaa̱ ko̱jo kjo̱a̱xioó.
Bi̱ tsꞌén íni̱jmì Pabloo̱ ni xi ka̱mataꞌin xotaa̱ kjiꞌanga kjo̱e̱ꞌe nginí Kristoo̱
3Jún ntsꞌie, ngatsjéni̱xtjin chjiéngá ko̱e̱ꞌéjne̱ ndokꞌóchjì Néná kjo̱a̱a̱ jún, xikótsꞌèn chjiéngá nga ko̱e̱ꞌé, ngatꞌa̱ kjimatsie kui kjo̱a̱sꞌijinjnú, ko̱jo kui kjo̱a̱tjó xi je tjínjnú ngayejejnú, ko̱jo kjo̱a̱a̱ nga ꞌniú kjimatjójnú xota̱ xi ngasee̱. 4Kuíni nga tsja májne̱ kjo̱a̱a̱ jún ngi̱jii̱n xota̱ na̱ngo̱xi̱ xi ngasee̱ Néná, kjo̱a̱a̱ kui kjo̱a̱tsiekon, ko̱jo kjo̱a̱sꞌijin xi tjínjnú nga tjimíyotji̱ngijnú, ko̱jo kui kjo̱a̱ni̱ma̱ xi ndyi̱niꞌánchíkjo̱a̱jnú. 5Kuí nii̱ xi tsꞌénbokóná nga Néná kixi̱ tsꞌén skotsíjee̱n mí nii̱ xi nda ko̱jo tsi mí nii̱ xi ndajín xi ndyi̱tsꞌèn xotaa̱. Néná tsꞌénboaꞌaxki̱jnú nga kuí boá xi ko̱tíxomájnú jún, kuíni nga kjo̱a̱ni̱ma̱ ndyi̱bitjatiójnú.
6Ngatꞌa̱ kixi̱ kjíꞌí nga Néná sa̱ꞌínkjaꞌatio kjo̱a̱ni̱ma̱ kui xota̱ xi ndyi̱tsꞌènkjáꞌatiojnú kjo̱a̱ni̱ma̱ jún. 7Kó jún xi ndyi̱bitjatiójnú kjo̱a̱ni̱ma̱ tsja̱ajnú ngo kjo̱a̱niꞌánkjaꞌyá xikoó ji̱n. Kui nii̱ ka̱ma kjiꞌanga Ndi̱a̱ná Kjisoo̱ kjo̱e̱ꞌekákó yojoo̱ nga kji̱ndi̱bájo̱ni ndiꞌakꞌajmi jàn ndítsjiee̱ xi tjiín ngaꞌniú. 8Ngi̱jii̱n ndiꞌí kji̱ndi̱báni, tsi̱ꞌe̱ nga sa̱ꞌínjeé ngayeje xota̱ xi kamábejín Néná, ti̱nde tsintꞌiéꞌénjiín éntjatsi̱e̱e̱ Ndi̱a̱ná Jesukristoo̱. 9Kui xotaa̱, Néná sa̱ꞌínkjié ngatsjéni̱xtjin, kó kjin kꞌuíndonii̱ nínga tikón Ndi̱a̱ná, ko̱jo kjo̱a̱jee̱, ko̱jo ngaꞌniuú. 10Bo̱a̱ ka̱ma ni̱xtjin nga kjo̱e̱ꞌe Ndi̱a̱ná, tsi̱ꞌe̱ nga xota̱ tsjiee̱ tsja̱á kjo̱a̱je, kó ngayeje xota̱ xi je kisꞌijii̱n kui, tsja ka̱maa̱ nga sku̱i̱e̱. Ngi̱jii̱n kui xotaa̱ je tindyiónjnú jún, ngatꞌa̱ jè kisꞌijinjnú ni xi je kiꞌmíyàjne̱ ko̱jo ni xi kiniꞌánjne̱ ji̱n.
11Kuíni nga, nga ndokjo̱a̱jne̱ Néná ngatsjéni̱xtjin ndokjo̱a̱tjéjne̱ jún, tsi̱ꞌe̱ nga Néná ko̱a̱ꞌa̱xki̱jnú nga ko̱jo jún boá xi tindyionjinjnú ngi̱jii̱n xota̱ xi tsíchji̱a̱a̱ kui. Kó ti̱ ndokjo̱a̱jne̱ Néná, tsi̱ꞌe̱ nga sa̱ꞌínkjatjosón nga sa̱ꞌínkjién ngaꞌniuú, kjo̱a̱a̱ ngayeje ni xi nda xi mejénjnú si̱ꞌánjnú ta̱ngatꞌanii̱ nga sꞌijinjnú. 12Bo̱a̱ tsꞌén Ndi̱a̱ná Jesukristoo̱, kꞌuieé kjo̱a̱je ngatꞌaa̱ jún, kó ngatꞌaa̱ kui nga kꞌuiéjnú kjo̱a̱je jún, ta̱ngatꞌanii̱ kjo̱a̱ndaa̱ Néná xí Na̱ꞌmii̱, ko̱jo Ndi̱a̱ná Jesukristoo̱.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014