1 Xota̱ Tesalónika̱ 4
4
Bi̱ tsꞌén íni̱jmì Pabloo̱ kjo̱a̱a̱ kjo̱a̱mindyion xi tsja maa̱ Néná
1Kjo̱a̱a̱ ni xi chaja ngasee̱, jún ntsꞌie, ꞌniú chjiáꞌájne̱ ko̱jo ꞌniú botíxomajne̱ ngi̱yaa̱ jaꞌeén Ndi̱a̱ná Kjisoo̱, tsi̱ꞌe̱ nga ndyiojón ndyiojón nda ngase tsꞌén ku̱i̱ndyionjnú xikótsꞌèn tsja maa̱ Néná, xikótsꞌèn akakoyájne̱ ji̱n. Nga ja̱koxi̱, ja̱ jè bo̱a̱ ndyi̱niꞌánjnú.
2Ngatꞌa̱ jún jè yàjnú kui kjo̱a̱botíxoma xi je katseꞌéjne̱ jún, kui xi íjñá Ndi̱a̱ná Kjisoo̱. 3Ngatꞌa̱ Néná mejeén nga jún tsjietsꞌén ku̱i̱ndyionjnú ngindyi̱ko̱n kui, nga xín si̱ꞌankjaꞌájnúu̱ yojojnú kjo̱a̱tondoo̱. 4Nga chjiéngá nga ngo nga ngojnú ngatamakjínjnú xikótsꞌèn xcha̱ndikónjnú ko̱jo nga tsjietsꞌén si̱ꞌankjiénjnú yojojnú. 5Nga jmí tsi ni xi mejeén ini̱ma̱jnú xi si̱ꞌánjnú xikoó xota̱ xi tjín nga̱sondiee̱ xi bejín Néná. 6Ngata̱ ngojín jún xi mongikjo̱a̱a̱ ntsꞌi̱e̱, ko̱jo tsi kꞌo̱ṉcha̱jo kjo̱a̱a̱ kui nii̱, ngatꞌa̱ Ndi̱a̱ná xí tsꞌénngojó kjo̱a̱a̱ ngayeje kui nii̱, xikótsꞌèn je kiꞌmíyà kixi̱ kixi̱jne̱ ji̱n. 7Ngatꞌa̱ Néná jmí tsi tsíchji̱a̱ná tsi̱ꞌe̱ nga ni xi ndándí ku̱i̱ndyionjin, tsíchji̱a̱na tsi̱ꞌe̱ nga ni xi tsjiee̱ xi ku̱i̱ndyionjin. 8Kó kuíni nga, kui xota̱ xi ꞌbijñátꞌaxín kui ni xi tjibókoyaá, jmí tsi xotaa̱ xi ꞌbijñátꞌaxín, Néná boá xi ꞌbijñátꞌaxín, kui Néná xi je katsjájnú A̱si̱énni̱xtjii̱n.
9Kó kjo̱a̱a̱ nga kꞌuiéjnú kjo̱a̱tjó xi ꞌbéná xikoó tsi ngo ntsꞌié, nde chjiénjín nga xo̱jo̱n kuitꞌajnúꞌun kui nii̱, ngatꞌa̱ ti̱kuíní Néná xi je akóyájnú nga chjiéngá ja̱kꞌi̱e̱ ja̱ngaján si̱ꞌantjójnú xingi̱jnú. 10Ngatꞌa̱ ti̱ ja̱koxi̱ boá nga tjójnú ngayeje ntsꞌié xí síndo ngayeje nangi Masendonia̱. Ta̱nga ꞌniú ndyi̱chjiáꞌájne̱, jún já ntsꞌie, nga ꞌniú ngase ka̱matjójnú. 11Kó ti̱ꞌánjnú ngo kjo̱a̱ꞌniú, nga xió tsꞌén ku̱i̱ndyionjnú, ko̱jo nga xájnú xí si̱ꞌánjnú, ko̱jo nga ndsa̱jnú xí si̱ꞌanxájo̱jnú xikótsꞌèn je atixomájnúꞌun, 12tsi̱ꞌe̱ nga nda tsꞌén ku̱i̱ndyionjnú ngi̱jii̱n xota̱ xi sꞌijinjiín Néná, ko̱jo tsi̱ꞌe̱ nga jmí ni xcha̱jàjínjnú.
Bi̱ tsꞌén íni̱jmì Pabloo̱ xikó ka̱ma nga kjo̱e̱ꞌe Ndi̱a̱ná
13Jún ntsꞌie, mejénjne̱ nga xcha̱jnú kjo̱a̱a̱ xota̱ xi je jesoón, tsi̱ꞌe̱ nga jmí kjo̱a̱ndasen kꞌuiéjínjnú xikoó xota̱ xi ngasee̱ xi jmíjiín kjo̱a̱chiyá. 14Ngatꞌa̱ tsi sꞌijinná nga Kjisoo̱ kꞌien kó jaꞌáꞌyaá, ti̱ bo̱a̱ ti̱ tsꞌén chjiéngá sꞌi̱jinná nga Néná sa̱ꞌínkjaꞌaá kui xota̱ xi jesón nga sꞌijii̱n Kjisoo̱.
15Ngatꞌa̱ kui ni xi ndyi̱ꞌmìyájne̱ eén Ndi̱a̱ná boá, nga ñá xi ta̱kó tindyión nga̱sondiee̱ nga kji̱ndi̱bá nginí Ndi̱a̱ná, ki̱a̱jín kongíntjóo̱n kui xota̱ xi je jesoón. 16Ngatꞌa̱ ko̱nda̱ꞌyá ngo nda̱ xi tsjá kjo̱a̱, kósꞌe̱ ku̱i̱chji̱a̱ ndítsjie ngito̱ko̱o̱, kó kjo̱ni̱e̱ tjioo̱ Néná, sꞌe̱ Ndi̱a̱ná kji̱ndi̱bájayani ndiꞌakꞌajmii̱, kó kui xota̱ xi sꞌijii̱n Kristoo̱ xi je jesoón, kuí xí tjón kjo̱a̱ꞌáꞌyaá. 17Jaskan kongín ñá, kui xi ta̱kó tindyión nga̱sondie, si̱ꞌankjínijíngíná ñá, ko̱jo kui xota̱ xi je jesoón nínga tikón ṉdi̱i̱, tsi̱ꞌe̱ nga ki̱a̱ ngi̱jinꞌa̱sie̱èn sa̱kóná Ndi̱a̱ná, kó bo̱a̱ tsꞌén ku̱i̱ndyionjo̱ Ndi̱a̱ná ngatsjéni̱xtjin. 18Kó kuíni nga ja̱kꞌi̱e̱ ja̱ngaján te̱ꞌéngaꞌniújnúu̱ xingi̱jnú nga si̱ꞌankjiénjnú kui eén.
Currently Selected:
1 Xota̱ Tesalónika̱ 4: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
1 Xota̱ Tesalónika̱ 4
4
Bi̱ tsꞌén íni̱jmì Pabloo̱ kjo̱a̱a̱ kjo̱a̱mindyion xi tsja maa̱ Néná
1Kjo̱a̱a̱ ni xi chaja ngasee̱, jún ntsꞌie, ꞌniú chjiáꞌájne̱ ko̱jo ꞌniú botíxomajne̱ ngi̱yaa̱ jaꞌeén Ndi̱a̱ná Kjisoo̱, tsi̱ꞌe̱ nga ndyiojón ndyiojón nda ngase tsꞌén ku̱i̱ndyionjnú xikótsꞌèn tsja maa̱ Néná, xikótsꞌèn akakoyájne̱ ji̱n. Nga ja̱koxi̱, ja̱ jè bo̱a̱ ndyi̱niꞌánjnú.
2Ngatꞌa̱ jún jè yàjnú kui kjo̱a̱botíxoma xi je katseꞌéjne̱ jún, kui xi íjñá Ndi̱a̱ná Kjisoo̱. 3Ngatꞌa̱ Néná mejeén nga jún tsjietsꞌén ku̱i̱ndyionjnú ngindyi̱ko̱n kui, nga xín si̱ꞌankjaꞌájnúu̱ yojojnú kjo̱a̱tondoo̱. 4Nga chjiéngá nga ngo nga ngojnú ngatamakjínjnú xikótsꞌèn xcha̱ndikónjnú ko̱jo nga tsjietsꞌén si̱ꞌankjiénjnú yojojnú. 5Nga jmí tsi ni xi mejeén ini̱ma̱jnú xi si̱ꞌánjnú xikoó xota̱ xi tjín nga̱sondiee̱ xi bejín Néná. 6Ngata̱ ngojín jún xi mongikjo̱a̱a̱ ntsꞌi̱e̱, ko̱jo tsi kꞌo̱ṉcha̱jo kjo̱a̱a̱ kui nii̱, ngatꞌa̱ Ndi̱a̱ná xí tsꞌénngojó kjo̱a̱a̱ ngayeje kui nii̱, xikótsꞌèn je kiꞌmíyà kixi̱ kixi̱jne̱ ji̱n. 7Ngatꞌa̱ Néná jmí tsi tsíchji̱a̱ná tsi̱ꞌe̱ nga ni xi ndándí ku̱i̱ndyionjin, tsíchji̱a̱na tsi̱ꞌe̱ nga ni xi tsjiee̱ xi ku̱i̱ndyionjin. 8Kó kuíni nga, kui xota̱ xi ꞌbijñátꞌaxín kui ni xi tjibókoyaá, jmí tsi xotaa̱ xi ꞌbijñátꞌaxín, Néná boá xi ꞌbijñátꞌaxín, kui Néná xi je katsjájnú A̱si̱énni̱xtjii̱n.
9Kó kjo̱a̱a̱ nga kꞌuiéjnú kjo̱a̱tjó xi ꞌbéná xikoó tsi ngo ntsꞌié, nde chjiénjín nga xo̱jo̱n kuitꞌajnúꞌun kui nii̱, ngatꞌa̱ ti̱kuíní Néná xi je akóyájnú nga chjiéngá ja̱kꞌi̱e̱ ja̱ngaján si̱ꞌantjójnú xingi̱jnú. 10Ngatꞌa̱ ti̱ ja̱koxi̱ boá nga tjójnú ngayeje ntsꞌié xí síndo ngayeje nangi Masendonia̱. Ta̱nga ꞌniú ndyi̱chjiáꞌájne̱, jún já ntsꞌie, nga ꞌniú ngase ka̱matjójnú. 11Kó ti̱ꞌánjnú ngo kjo̱a̱ꞌniú, nga xió tsꞌén ku̱i̱ndyionjnú, ko̱jo nga xájnú xí si̱ꞌánjnú, ko̱jo nga ndsa̱jnú xí si̱ꞌanxájo̱jnú xikótsꞌèn je atixomájnúꞌun, 12tsi̱ꞌe̱ nga nda tsꞌén ku̱i̱ndyionjnú ngi̱jii̱n xota̱ xi sꞌijinjiín Néná, ko̱jo tsi̱ꞌe̱ nga jmí ni xcha̱jàjínjnú.
Bi̱ tsꞌén íni̱jmì Pabloo̱ xikó ka̱ma nga kjo̱e̱ꞌe Ndi̱a̱ná
13Jún ntsꞌie, mejénjne̱ nga xcha̱jnú kjo̱a̱a̱ xota̱ xi je jesoón, tsi̱ꞌe̱ nga jmí kjo̱a̱ndasen kꞌuiéjínjnú xikoó xota̱ xi ngasee̱ xi jmíjiín kjo̱a̱chiyá. 14Ngatꞌa̱ tsi sꞌijinná nga Kjisoo̱ kꞌien kó jaꞌáꞌyaá, ti̱ bo̱a̱ ti̱ tsꞌén chjiéngá sꞌi̱jinná nga Néná sa̱ꞌínkjaꞌaá kui xota̱ xi jesón nga sꞌijii̱n Kjisoo̱.
15Ngatꞌa̱ kui ni xi ndyi̱ꞌmìyájne̱ eén Ndi̱a̱ná boá, nga ñá xi ta̱kó tindyión nga̱sondiee̱ nga kji̱ndi̱bá nginí Ndi̱a̱ná, ki̱a̱jín kongíntjóo̱n kui xota̱ xi je jesoón. 16Ngatꞌa̱ ko̱nda̱ꞌyá ngo nda̱ xi tsjá kjo̱a̱, kósꞌe̱ ku̱i̱chji̱a̱ ndítsjie ngito̱ko̱o̱, kó kjo̱ni̱e̱ tjioo̱ Néná, sꞌe̱ Ndi̱a̱ná kji̱ndi̱bájayani ndiꞌakꞌajmii̱, kó kui xota̱ xi sꞌijii̱n Kristoo̱ xi je jesoón, kuí xí tjón kjo̱a̱ꞌáꞌyaá. 17Jaskan kongín ñá, kui xi ta̱kó tindyión nga̱sondie, si̱ꞌankjínijíngíná ñá, ko̱jo kui xota̱ xi je jesoón nínga tikón ṉdi̱i̱, tsi̱ꞌe̱ nga ki̱a̱ ngi̱jinꞌa̱sie̱èn sa̱kóná Ndi̱a̱ná, kó bo̱a̱ tsꞌén ku̱i̱ndyionjo̱ Ndi̱a̱ná ngatsjéni̱xtjin. 18Kó kuíni nga ja̱kꞌi̱e̱ ja̱ngaján te̱ꞌéngaꞌniújnúu̱ xingi̱jnú nga si̱ꞌankjiénjnú kui eén.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014