1 Xota̱ Tesalónika̱ 2
2
Bi̱ tsꞌén íni̱jmì Pabloo̱ xikótsꞌèn katsꞌénxá ngi̱jii̱n xota̱ na̱ngo̱xi̱ xi chji̱a̱ni Tesalónika̱
1Ngatꞌa̱ ti̱ juún yàjnú, já ntsꞌie, nga jmí tsi ta̱kjo̱a̱ndaní nga tsangínchonjne̱ jún. 2Kó ti̱ yàjnú nga ndatsi tsie kjo̱a̱ni̱ma̱ ikitjatiójne̱ ngasꞌe̱ ki̱a̱ na̱xi̱ńdáꞌniú Filipo̱, Néná katsjájne̱ ngaꞌniú nga kiꞌmíyàjne̱ jún éntjatsi̱e̱e̱, kó nga ꞌniú kixindyiajne̱ ndatsi kjín má xi kondra̱jne̱ kisꞌińdo. 3Kjiꞌanga kiꞌmíyàjne̱ eén, jmí tsi bo̱a̱jín kjiꞌi ni xi kiꞌmíyàjne̱, ti̱nde jmíjiín ni xi ndándí, ti̱nde jmí tsi kandokjo̱a̱jne̱ tsi̱ꞌe̱ nga tjín xí xꞌi̱ṉcha̱jojne̱. 4Ta̱sá ndokjo̱a̱jne̱ xikoó xota̱ xi Néná je katsꞌénjo̱ꞌo, ko̱jo xi Néná katsꞌénꞌniátakón tsi̱ꞌe̱ nga ku̱i̱ꞌíni̱jmì éntjatsi̱e̱e̱, kó kuíni nga bo̱a̱ tsꞌén ndokjo̱a̱jne̱, jmí tsi kjo̱a̱a̱ nga xotaa̱ xi ko̱e̱ꞌéjne̱ kjo̱a̱tsja, ta̱sá Néná xí katseꞌéjne̱ kjo̱a̱tsja, kui Néná xí kotꞌa kókjiꞌi ini̱ma̱ná. 5Kó ti̱ jè yàjnú nga jmíni̱xtjin nga én ixiꞌá kandokjo̱a̱jojne̱ jún, ti̱nde kichꞌíṉcha̱jojínjne̱ tsi̱ꞌe̱ nga to̱n kichjiáꞌájne̱. Néná xí chistiko̱ kjo̱a̱a̱ kui nii̱. 6Ti̱nde jmíni̱xtjin nga ikindyiséjne̱ tsi xotaa̱, ko̱jo tsi jún, ko̱jo tsi kje̱ꞌe xota̱ xi katsꞌéndikónjne̱, ndatsi kamá tsí jún ikꞌíniéjne̱ yojojne̱ kjo̱a̱a̱ nga apostroo̱ Kristoo̱ ji̱n. 7Ta̱nga ta̱sá tjó kiniꞌánjo̱jne̱ jún, xikó maá ngo na̱an xi tsꞌénxchá, ko̱jo xi koo̱n ndií. 8Achichí ꞌniú tjójne̱ jún, kó jmí tsi ta̱ éntjatsi̱e̱e̱ Néná tsí xi kiniꞌánkꞌasꞌienjne̱, ngaskande kamá katseꞌéjne̱ kjo̱a̱mindyionjne̱ nga, ngatꞌa̱ achichí ꞌniú tjó kamájne̱ jún. 9Ngatjaꞌátsjienjnú jún já ntsꞌie, kótsꞌèn kiniꞌánxájne̱ ko̱jo jendajne̱, ngatꞌa̱ nga ni̱xtjin ko̱jo nga ni̱xtji̱e̱n kiniꞌánxájne̱, tsi̱ꞌe̱ nga jmí tsi jún ikꞌíniéjne̱ yojojne̱ nga ikꞌíni̱jmìjne̱ éntjatsi̱e̱e̱ Néná.
10Jún ko̱jo Néná xí chistiko̱jnú, nga ji̱n xi xota̱ tsjie ji̱n, xota̱ xi kixi̱, ko̱jo xota̱ xi jmíjín xi chꞌo tsꞌén kandokjo̱a̱taꞌin kamájne̱ nga kisꞌiṉtjajne̱ ngi̱jinjnú jún xi sꞌijinjnú Néná. 11Jún jè yàjnú nga xikótsꞌénjo̱ na̱ꞌmii̱ ngo ndí, bo̱a̱ katsꞌenjo̱jnúꞌun nga ngo nga ngojnú nga ꞌniú tsíchji̱a̱jojnúꞌun, ko̱jo nga katsjangaꞌniújnúꞌun. 12Kó kiꞌmíyàjne̱ nga kixi̱ ku̱i̱ṉtsomajnú xikótsꞌèn mejeén Néná, kui Néná xí tsíchji̱a̱jnú tsi̱ꞌe̱ nga kui xi ko̱tíxomájnú, kó sa̱kójnú kjo̱a̱jee̱.
13Kó kuíni nga ji̱n ngatsjéni̱xtjin boeꞌéjne̱ ndokꞌóchjì Néná, ngatꞌa̱ nga kandaꞌyájnú eén Néná xí ikꞌíni̱jmìjne̱, kachjábéjnú jmí tsi xikoó eén xotaa̱, ta̱sá xikoó nga én xí ja̱koxi̱i̱ Néná, kui én xí bosíkjoyajnú jún xi sꞌijinjnú Néná. 14Ngatꞌa̱ jún, já ntsꞌie, ti̱ bo̱a̱ ti̱ kamátaꞌinjnú xikoó xota̱ na̱ngo̱xi̱i̱ Néná xí chji̱a̱ni Kristo̱ Kjisoo̱ ki̱a̱ nangi Jundea̱, ngatꞌa̱ ti̱ ikitjatiójnú kjo̱a̱ni̱ma̱ ngi̱ya tsja xota̱ nangijnú, kó ti̱ kui nii̱ xi kamaá kui xota̱ na̱ngo̱xi̱i̱ ngi̱ya tsja xota̱ jundío̱ xi sꞌijinjiín Kjisoo̱. 15Kuí boá kui xotaa̱ xi katsꞌénkꞌién Ndi̱a̱ná Kjisoo̱, kó ti̱ katsꞌénkꞌién jáchji̱ni̱e̱ꞌe̱én Néná nga, kó tsangatji̱ngijne̱ ji̱n. Kui xotaa̱ tsjájiín kjo̱a̱tsja Néná, kó kondraa̱ ngayeje xotaa̱ síndo. 16Kó katsjandièjín nga kandokjo̱a̱jojne̱ xota̱ xi jundío̱jiín, tsi̱ꞌe̱ nga ti̱ bo̱a̱ ti̱ tsꞌén kjo̱tjoꞌa nga. Bo̱a̱ tsꞌén nga tsie ngase jé tsꞌén xikó kjiꞌi xi je katsꞌén. Ta̱nga ngotꞌe̱ ꞌne̱, jè jeꞌenié kui xotaa̱ kjo̱a̱xcha̱án Néná.
Bi̱ tsꞌén íni̱jmì Pabloo̱ nga kamámején kijíkatsijee̱n nginií xota̱ na̱ngo̱xi̱i̱ na̱xi̱ńdáꞌniú Tesalónika̱
17Ta̱nga ji̱n já ntsꞌie, chiboa ni̱xtjin ngije jatjojne̱ ngi̱ndiejnú, ndatsi kamáyàjínjne̱ jún, ta̱nga ini̱ma̱jne̱ ki̱a̱ tikónjo̱jnú, kó achichí kamámejénjne̱ nga tsangíntsitsijen nginíjne̱ jún. 18Kamámejénjne̱ nga tsangínchonjne̱ jún, kó kjénní nga an Pabloo̱, kjín ndi̱yà kamámejénna nga kijí an, ta̱nga xindajín Satanaa̱ katsjandièjínna. 19Ngatꞌa̱ kjiꞌanga kji̱ndi̱bá nginí Ndi̱a̱ná Jesukristoo̱, mí ni xi ndyi̱chiyájne̱. Axa̱ mí ni xi tsja ka̱majne̱. Axa̱ mí ni xi tsja̱ajne̱ kjo̱a̱je. A júnjín bo̱a̱. 20Ngatꞌa̱ jún boá xi ja̱koxi̱ nga kjo̱a̱jejne̱ ko̱jo kjo̱a̱tsjajne̱.
Currently Selected:
1 Xota̱ Tesalónika̱ 2: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
1 Xota̱ Tesalónika̱ 2
2
Bi̱ tsꞌén íni̱jmì Pabloo̱ xikótsꞌèn katsꞌénxá ngi̱jii̱n xota̱ na̱ngo̱xi̱ xi chji̱a̱ni Tesalónika̱
1Ngatꞌa̱ ti̱ juún yàjnú, já ntsꞌie, nga jmí tsi ta̱kjo̱a̱ndaní nga tsangínchonjne̱ jún. 2Kó ti̱ yàjnú nga ndatsi tsie kjo̱a̱ni̱ma̱ ikitjatiójne̱ ngasꞌe̱ ki̱a̱ na̱xi̱ńdáꞌniú Filipo̱, Néná katsjájne̱ ngaꞌniú nga kiꞌmíyàjne̱ jún éntjatsi̱e̱e̱, kó nga ꞌniú kixindyiajne̱ ndatsi kjín má xi kondra̱jne̱ kisꞌińdo. 3Kjiꞌanga kiꞌmíyàjne̱ eén, jmí tsi bo̱a̱jín kjiꞌi ni xi kiꞌmíyàjne̱, ti̱nde jmíjiín ni xi ndándí, ti̱nde jmí tsi kandokjo̱a̱jne̱ tsi̱ꞌe̱ nga tjín xí xꞌi̱ṉcha̱jojne̱. 4Ta̱sá ndokjo̱a̱jne̱ xikoó xota̱ xi Néná je katsꞌénjo̱ꞌo, ko̱jo xi Néná katsꞌénꞌniátakón tsi̱ꞌe̱ nga ku̱i̱ꞌíni̱jmì éntjatsi̱e̱e̱, kó kuíni nga bo̱a̱ tsꞌén ndokjo̱a̱jne̱, jmí tsi kjo̱a̱a̱ nga xotaa̱ xi ko̱e̱ꞌéjne̱ kjo̱a̱tsja, ta̱sá Néná xí katseꞌéjne̱ kjo̱a̱tsja, kui Néná xí kotꞌa kókjiꞌi ini̱ma̱ná. 5Kó ti̱ jè yàjnú nga jmíni̱xtjin nga én ixiꞌá kandokjo̱a̱jojne̱ jún, ti̱nde kichꞌíṉcha̱jojínjne̱ tsi̱ꞌe̱ nga to̱n kichjiáꞌájne̱. Néná xí chistiko̱ kjo̱a̱a̱ kui nii̱. 6Ti̱nde jmíni̱xtjin nga ikindyiséjne̱ tsi xotaa̱, ko̱jo tsi jún, ko̱jo tsi kje̱ꞌe xota̱ xi katsꞌéndikónjne̱, ndatsi kamá tsí jún ikꞌíniéjne̱ yojojne̱ kjo̱a̱a̱ nga apostroo̱ Kristoo̱ ji̱n. 7Ta̱nga ta̱sá tjó kiniꞌánjo̱jne̱ jún, xikó maá ngo na̱an xi tsꞌénxchá, ko̱jo xi koo̱n ndií. 8Achichí ꞌniú tjójne̱ jún, kó jmí tsi ta̱ éntjatsi̱e̱e̱ Néná tsí xi kiniꞌánkꞌasꞌienjne̱, ngaskande kamá katseꞌéjne̱ kjo̱a̱mindyionjne̱ nga, ngatꞌa̱ achichí ꞌniú tjó kamájne̱ jún. 9Ngatjaꞌátsjienjnú jún já ntsꞌie, kótsꞌèn kiniꞌánxájne̱ ko̱jo jendajne̱, ngatꞌa̱ nga ni̱xtjin ko̱jo nga ni̱xtji̱e̱n kiniꞌánxájne̱, tsi̱ꞌe̱ nga jmí tsi jún ikꞌíniéjne̱ yojojne̱ nga ikꞌíni̱jmìjne̱ éntjatsi̱e̱e̱ Néná.
10Jún ko̱jo Néná xí chistiko̱jnú, nga ji̱n xi xota̱ tsjie ji̱n, xota̱ xi kixi̱, ko̱jo xota̱ xi jmíjín xi chꞌo tsꞌén kandokjo̱a̱taꞌin kamájne̱ nga kisꞌiṉtjajne̱ ngi̱jinjnú jún xi sꞌijinjnú Néná. 11Jún jè yàjnú nga xikótsꞌénjo̱ na̱ꞌmii̱ ngo ndí, bo̱a̱ katsꞌenjo̱jnúꞌun nga ngo nga ngojnú nga ꞌniú tsíchji̱a̱jojnúꞌun, ko̱jo nga katsjangaꞌniújnúꞌun. 12Kó kiꞌmíyàjne̱ nga kixi̱ ku̱i̱ṉtsomajnú xikótsꞌèn mejeén Néná, kui Néná xí tsíchji̱a̱jnú tsi̱ꞌe̱ nga kui xi ko̱tíxomájnú, kó sa̱kójnú kjo̱a̱jee̱.
13Kó kuíni nga ji̱n ngatsjéni̱xtjin boeꞌéjne̱ ndokꞌóchjì Néná, ngatꞌa̱ nga kandaꞌyájnú eén Néná xí ikꞌíni̱jmìjne̱, kachjábéjnú jmí tsi xikoó eén xotaa̱, ta̱sá xikoó nga én xí ja̱koxi̱i̱ Néná, kui én xí bosíkjoyajnú jún xi sꞌijinjnú Néná. 14Ngatꞌa̱ jún, já ntsꞌie, ti̱ bo̱a̱ ti̱ kamátaꞌinjnú xikoó xota̱ na̱ngo̱xi̱i̱ Néná xí chji̱a̱ni Kristo̱ Kjisoo̱ ki̱a̱ nangi Jundea̱, ngatꞌa̱ ti̱ ikitjatiójnú kjo̱a̱ni̱ma̱ ngi̱ya tsja xota̱ nangijnú, kó ti̱ kui nii̱ xi kamaá kui xota̱ na̱ngo̱xi̱i̱ ngi̱ya tsja xota̱ jundío̱ xi sꞌijinjiín Kjisoo̱. 15Kuí boá kui xotaa̱ xi katsꞌénkꞌién Ndi̱a̱ná Kjisoo̱, kó ti̱ katsꞌénkꞌién jáchji̱ni̱e̱ꞌe̱én Néná nga, kó tsangatji̱ngijne̱ ji̱n. Kui xotaa̱ tsjájiín kjo̱a̱tsja Néná, kó kondraa̱ ngayeje xotaa̱ síndo. 16Kó katsjandièjín nga kandokjo̱a̱jojne̱ xota̱ xi jundío̱jiín, tsi̱ꞌe̱ nga ti̱ bo̱a̱ ti̱ tsꞌén kjo̱tjoꞌa nga. Bo̱a̱ tsꞌén nga tsie ngase jé tsꞌén xikó kjiꞌi xi je katsꞌén. Ta̱nga ngotꞌe̱ ꞌne̱, jè jeꞌenié kui xotaa̱ kjo̱a̱xcha̱án Néná.
Bi̱ tsꞌén íni̱jmì Pabloo̱ nga kamámején kijíkatsijee̱n nginií xota̱ na̱ngo̱xi̱i̱ na̱xi̱ńdáꞌniú Tesalónika̱
17Ta̱nga ji̱n já ntsꞌie, chiboa ni̱xtjin ngije jatjojne̱ ngi̱ndiejnú, ndatsi kamáyàjínjne̱ jún, ta̱nga ini̱ma̱jne̱ ki̱a̱ tikónjo̱jnú, kó achichí kamámejénjne̱ nga tsangíntsitsijen nginíjne̱ jún. 18Kamámejénjne̱ nga tsangínchonjne̱ jún, kó kjénní nga an Pabloo̱, kjín ndi̱yà kamámejénna nga kijí an, ta̱nga xindajín Satanaa̱ katsjandièjínna. 19Ngatꞌa̱ kjiꞌanga kji̱ndi̱bá nginí Ndi̱a̱ná Jesukristoo̱, mí ni xi ndyi̱chiyájne̱. Axa̱ mí ni xi tsja ka̱majne̱. Axa̱ mí ni xi tsja̱ajne̱ kjo̱a̱je. A júnjín bo̱a̱. 20Ngatꞌa̱ jún boá xi ja̱koxi̱ nga kjo̱a̱jejne̱ ko̱jo kjo̱a̱tsjajne̱.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014