1 Samuee̱ 2
2
Só xi kisie na̱ Anaa̱
1Kósꞌe̱ na̱ Anaa̱, bi̱ tsꞌén tsíchji̱a̱a̱ Néná nga kisie kui soó:
¡Ini̱ma̱na achichí tsjá maá kjo̱a̱a̱ Néná!
¡Néná boá xi tsjá ngaꞌniúna!
¡Jè ka̱mana kuichjiáꞌa an kondra̱na,
ngatꞌa̱ achichí tsjá mána kjo̱a̱a̱ kjo̱a̱ꞌnaxiéꞌáa̱!
2Jmíjín ingo xi bo̱a̱ tsꞌén tsjie xikoó Néná,
ngatꞌa̱ jmíjín ingo xi xikoó Jí.
¡Ti̱nde jmíjín ingo xi ka̱maa̱ skónná xikótsꞌèn tsꞌénkónná Néná!
3¡Ngata̱ ndokjo̱a̱jínjnú én nkꞌakon xi tsꞌénkjién xotaa̱!
¡Ti̱nde ngata̱ bo̱a̱jín tsꞌén ndokjo̱a̱jnú xikoó xota̱ xi nkꞌakon ꞌboxié yojoo̱!
Ngatꞌa̱ Néná, Néná xí tjiín kjo̱a̱kjíntakón boá,
kó kuí boá xi be, ko̱jo xi tsꞌénjeé ni xi tsꞌén xotaa̱.
4Yáchjonyá xi tsꞌénkjién xota̱ xi ꞌniuú, Néná skjítꞌó,
ta̱nga xota̱ xi jmí ngaꞌniújiín, sakó ngaꞌniuú.
5Xota̱ xi tsꞌangii̱ nichiniee̱ ngasꞌe̱,
ngotꞌe̱ ꞌne̱, nichinie ndyi̱botiñáni yojoo̱.
Ta̱nga xota̱ xi bojó kamaá ngasꞌe̱,
ngotꞌe̱ ꞌne̱, je ta̱ ꞌbongirií nichinie.
Tji̱e̱nga kui xota̱chjo̱on xí ndi̱ kamá ngasꞌe̱,
ngotꞌe̱ ꞌne̱, ngaskande yito ndí beꞌé,
kó kui xota̱chjo̱on xi kjín ndí kisꞌiee̱ ngasꞌe̱,
kuí boá xi je jetjié ngotꞌe̱ ꞌne̱.
6Néná boá xi tsjá kjo̱a̱mindyioo̱n,
kó ti̱ Kuí boá xi foaꞌáxín nga.
Kuí boá xi tsꞌénkjatjajénná nga̱tsjo̱ó,
kó ti̱ Kuí boá xi tsꞌénkjinijíngí nginíná nga.
7Néná boá xi tsjáná kjo̱a̱cho̱o̱n,
kó ti̱ Kuí boá xi tsjáná kjo̱a̱ni̱ma̱a̱ nga,
Kuí boá xi tsjáná kjo̱a̱ni̱ma̱takoón,
kó ti̱ Kuí boá xi kjininkꞌáná nga.
8Néná boá xi ngi̱jin chojoo̱ tsꞌénkjastjíe̱nni ngo xota̱ xi ni̱ma̱,
kó ndeskande ngi̱jin xtjieé, kjininkꞌani ngo xota̱ xi ni chjieén,
tsi̱ꞌe̱ nga ki̱a̱ nijan ko̱tíxomajo̱ xota̱ xi botixómaá,
kó kꞌuieé ngo ngi̱ndie nínga botíxoma xi yandikón.
¡Ngatꞌa̱ tsi̱ꞌe̱ Néná boá ngi̱ndie nínga tikónsón tꞌanangii̱,
kó Kuí boá xi ki̱a̱ íjñasón nga̱sondiee̱!
9Néná boá xi koo̱n chi̱bo̱a̱ se xota̱ xi kui ꞌniátakón,
ta̱nga xota̱ xi ndajiín, ki̱a̱ nínga jñoó ko̱yà,
¡ngatꞌa̱ jmíjín xi sa̱ꞌín, nga ngaꞌniú xí kuí tsi̱ꞌe̱ soboá sa̱ꞌínkjién!
10Néná boá xi sa̱ꞌínkjié kondra̱a̱,
kó ta̱ngatꞌanii̱ kui xotaa̱, sa̱ꞌínkjaꞌatꞌeni ndeskande nkꞌajmii̱.
Néná boá xi sa̱ꞌínjeé ngaskande nínga fetꞌanii̱ nga̱sondiee̱.
Kuí boá xi tsja̱á ngaꞌniú nda̱ re xi tsi̱ꞌe̱,
ko̱jo Kuí boá xi tsja̱á ngaꞌniú nda̱ xi je jaꞌájin Kui.
Samuee̱ ko̱jo ndií chináꞌmi Elii̱
11Jaskan Elkanaa̱ kijí nginí ndiꞌaa̱ ki̱a̱ na̱xi̱ńdáꞌniú Ramaa̱, kó kui nda̱chií ki̱a̱ kisꞌijña nga katsꞌén xaá Néná, nga nijan katsꞌénxájo̱ chináꞌmi Elii̱.
12Kó jaá Elii̱ achichí nga ndajín kamá, ngatꞌa̱ kamábendikónjín Néná. 13Kó kamángaá já chináꞌmii̱ ko̱jo xota̱ na̱xi̱ńdaá nga kjiꞌanga tjín xí katsꞌénkꞌasꞌien ngo kjo̱a̱tjó, nda̱ mosoo̱ chináꞌmii̱ jachó nga tjiyátsjà ngo ki̱cha̱ntꞌi̱u̱a̱ xi ján tji̱ kisꞌiee̱, tji̱e̱nga tjíchján yojoo̱, 14kó ta̱ ngo ndi̱yà katsangisꞌien kui nii̱ ngi̱yaa̱ tikoó, ko̱jo tsi ngi̱ya ti̱ji̱ì, ko̱jo tsi nínga tjíchján nii̱, kó ngayeje yojo xi tsaꞌa kuí ki̱cha̱ntꞌi̱u̱a̱a̱, tsi̱ꞌe̱ kui chináꞌmii̱ kamá. Bo̱a̱ kiniꞌánjo̱ ngayeje xota̱ Israee̱l, ko̱jo xota̱ xi jachó ki̱a̱ na̱xi̱ńdáꞌniú Siloo̱.
15Kó ti̱ bo̱a̱ ti̱ tsꞌén, ngindiee̱ nga kꞌuítí xinieé kui cho̱o̱, nda̱ mosoo̱ chináꞌmii̱ kijíkón tiña, kó bi̱ katsoó nda̱ xi katsꞌénkꞌasꞌien kui cho̱o̱: Te̱ꞌée̱ chináꞌmii̱ yojo xi ma ꞌbítsjó, ngatꞌa̱ skjíbéjín yojo xi je kachján, yojo xi xkjuién boá xi skjíbé.
16Kó tsi kui nda̱a̱ xi bi̱ katsó: Tjón xinieé tꞌítíjnú, sꞌe̱ jaskan chjábé jí ni xi mejeén ini̱ma̱a̱. Bi̱ kiꞌmií: Jmí, ngatꞌa̱ chjiéngá ngotꞌe̱ má bi̱ nga ko̱e̱ꞌéní, ngatꞌa̱ tsi jmí, skjíbé kjo̱a̱ꞌniú án.
17Kuíni nga jé xí katsꞌén kui já xo̱ngo̱ò achichí nga ndikón kamá ngindyi̱ko̱n Néná, ngatꞌa̱ kui jaá katsꞌénchꞌó kjo̱a̱tjó xi kiniꞌánkꞌasꞌiee̱n Néná.
18Kó nda̱chí Samuee̱ ki̱a̱ katsꞌénxá ngindyi̱ko̱n Néná.
Elii̱ katsꞌénchikonñé na̱ Anaa̱
Kó Samuee̱ tsajá ngo efoo̱nd xi ńjño lino̱ kamándani. 19Kó na̱aa̱n katsꞌéndaa̱ ngo chi̱nga ndio, kó xki̱ nó xki̱ nó, kijíjo̱ ndií kjiꞌanga nijan kijí ko̱jo xi̱ꞌii̱n, nga kijínijíngí nga kijítsꞌenkꞌásꞌieén kjo̱a̱tjó Néná, xikótsꞌèn je kamángaá.
20Kó chináꞌmi Elii̱ katsꞌénchikonñé Elkanaa̱ ko̱jo chjo̱ón nga bi̱ katsó: Néná ngatsjaá xota̱ tji̱e̱ xi kꞌuieé kui xota̱chjo̱on, ta̱ngatꞌanii̱ kui ndí xí katsꞌénkꞌasꞌiee̱n Néná. Kósꞌe̱ kijí nginí ngi̱ndie nínga chji̱a̱ni.
21Kó Néná katsꞌénchikonñé na̱ Anaa̱, kó tsaꞌá nginí ngase ndí, kó kisꞌiee̱ ngi ján ndí xíꞌín, ko̱jo ngi jó ndí ínchjín.
Kó nda̱ xo̱ngò Samuee̱ kjimaxchá ngase ngindyi̱ko̱n Néná.
Ni xi ndajín xi katsꞌén jaá Elii̱
22Elii̱ je ꞌniú kamáxchá, kó tsintꞌié ngayeje ni xi katsꞌén ndií ki̱a̱ ngayeje na̱xi̱ńdá Israee̱l, ko̱jo kótsꞌèn nga ndií, kisꞌiejo̱ ínchjín xí katsꞌénxá ki̱a̱ nga̱ntjo̱a̱a̱ Ndiꞌandikón nínga matikó xotaa̱, 23kó bi̱ katsoó:
Míkjo̱a̱a̱ nga bo̱a̱ kjiꞌi kon ni xi niꞌánjnú. Jè tsintꞌie an ngayeje ni xi ndajín xi niꞌánjnú, xi katsóyàna ngayeje xotaa̱. 24Jmí já, ndajín kjiꞌi kui ni xi tsꞌéntꞌie an, ngatꞌa̱ jún boá xi ndyi̱niꞌánjnú nga ndyi̱tsꞌénjé xotaa̱ Néná. 25Tsi ngo nda̱ sa̱ꞌínjé kondra̱a̱ kje̱ꞌe nda̱, Néná boá xi sa̱ꞌínjeé kuí, ta̱nga tsi ngo xota̱ sa̱ꞌínjé kondra̱a̱ Néná, ꞌyá xí sa̱ꞌínjeé xi bo̱a̱ sa̱ꞌiín.
Ta̱nga kui jaá nde tsintꞌiéꞌénjiín ni xi katsó na̱ꞌmii̱, kuíni nga Néná je bo̱a̱ katsó nga sa̱ꞌínkꞌién.
26Tji̱e̱nga nda̱chí Samuee̱ kjimaxchá ngase, kó Néná ko̱jo xota̱ na̱xi̱ńdaá nda kasasiee̱n.
Ngo nda̱chji̱ni̱e̱ꞌén katsꞌénxchánjo̱ Elii̱
27Kó ngo nda̱ xi chji̱a̱ni Néná jachókoón Elii̱, kó bi̱ katsoó:
Bi̱ tsó Néná: Xota̱ ndiꞌaa̱ na̱ꞌmíi̱, a ako cha̱n cha̱njínñáa̱ yojona, kjiꞌanga mosoo̱ nda̱ ree̱ nangi Ejipto̱ kamá. 28A kuijín na̱ꞌmíi̱ xi jaꞌajin an ngi̱jii̱n ngayeje xota̱ tji̱e̱e̱ Israee̱l, tsi̱ꞌe̱ nga kui xi ka̱ma chináꞌmina, kó nga kui xi ko̱e̱je̱nijíngí nínga tikón ṉchandikónna, tsi̱ꞌe̱ nga ku̱i̱ꞌítí ni sije̱e̱n, ko̱jo nga kui xi ko̱a̱ja̱ ńjño ndioo̱ ngindyikón án, ko̱jo nga xota̱ ndiꞌaa̱, an katsjáa̱ ngayeje kjo̱a̱tjó xi jachójo̱ xota̱ Israee̱l. 29Kó míkjo̱a̱a̱ nga kamáyendikínjín ji kjo̱a̱tjó ko̱jo chji̱e̱, xi an atixoma an, tsi̱ꞌe̱ nga ki̱a̱ kiniꞌánkꞌasꞌien ndiꞌandikónna. Kó míkjo̱a̱a̱ nga tjón ndíi̱ yendikín jí, kó jmí tsi tjón án, kó tiniꞌínyiꞌi ji nga ndyi̱kjinie ni xi ꞌniú nda ngase xi ndyi̱tsꞌènkꞌásꞌiénna xota̱ na̱xi̱ńdána Israee̱l.
30Kuíni nga bi̱ tsóni Néná xí tsi̱ꞌe̱ Israee̱l: Nga ja̱koxi̱, bo̱a̱ kixian an nga xota̱ ndiꞌáa̱, ko̱jo xota̱ ndiꞌaa̱ na̱ꞌmíi̱ ngatsjéni̱xtjin nga ngindyikón án sa̱ꞌínxá, ta̱nga ngotꞌe̱ ꞌne̱, bi̱ tsó Néná: ¡Ngiti̱ bo̱a̱jín ka̱ma ngase! Ngatꞌa̱ xota̱ xi bendikónna, Án boá xi sa̱ꞌin an nga ti̱ xcha̱ndikón ndatsa kui nga, kó xi tsꞌenchꞌóna, ni̱ma̱kjo̱a̱ si̱ꞌanjo̱ nga. 31Jè ndibá ni̱xtjin nga sa̱ꞌinkjatsón án ngaꞌniú xí tjiín jí, ko̱jo xi tjiín xota̱ ndiꞌaa̱ na̱ꞌmíi̱, tsi̱ꞌe̱ nga nde ngojín xi kꞌuíndo ngaskande nga ka̱maxchá. 32Xche̱ ji nga ni̱ma̱kjo̱a̱ si̱ꞌan xota̱ ndiꞌáa̱, kó jmíni̱xtjin kꞌuié xota̱ xi kꞌuíndo ngaskande nga ka̱maxchá, tji̱e̱nga Néná tsie ni tsja̱a xota̱ Israee̱l. 33Ta̱nga ngo nda̱ xi xota̱ tji̱e̱e̱ kꞌuijñára An ki̱a̱ tꞌa ṉchanna, ngaskande nga kꞌo̱ ndiꞌí ndyikin ji, ko̱jo nga sꞌi̱kitsie maá kjo̱a̱ndasen ini̱ma̱a̱, kó ngayeje xota̱ xi ki̱a̱ katsen ndiꞌáa̱, nde kji̱e̱ xchájín ka̱ma nga ko̱ya.
34Kó kui nii̱ xi xikoó tsi ngo chi̱bo̱a̱ ka̱maa̱ ji, xi kji̱ndi̱bánié nga jó ndíi̱ kui xi Ofnii̱ ko̱jo Finee̱, ngatꞌa̱ nga joó nga ta̱ ngo tsí ni̱xtjin nga kju̱i̱e̱són.
35Kó An sa̱ꞌinkjastjíe̱n An ngo chináꞌmi xi ꞌniátakón An ka̱ma, xi sa̱ꞌínxá xikó tsꞌén mejeén ini̱ma̱na, ko̱jo xikó tsꞌén tsꞌenkjó Án, kó kuí boá xi tsjáa̱ nga kꞌuieé xota̱ tji̱e̱ ko̱jo nga ꞌniú kꞌuíndo xota̱ ndiꞌaa̱, kó ndyiojón ndyiojón ki̱a̱ sa̱ꞌínxátꞌaa̱ kui nda̱ xi An kjoaꞌajin An.
36Kó kui xota̱ xi kꞌo̱ngii̱ yojoo̱ xi chji̱a̱ni xota̱ ndiꞌáa̱, ko̱e̱je̱ nínga tikón kui chináꞌmii̱, kó ki̱a̱ kꞌuijñáxtien ngindyi̱ko̱n kui nda̱a̱, nga ku̱i̱ꞌa ngo to̱ntiboa ko̱jo tsi ngo ndso̱ꞌba nichinie, kó bi̱ ka̱tso̱: ꞌNiú míꞌaá nga ko̱e̱ꞌéní ngo xá kꞌi̱e̱e̱, tsi̱ꞌe̱ nga sa̱kóna ngo ndso̱ꞌba nichinie.
Currently Selected:
1 Samuee̱ 2: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
1 Samuee̱ 2
2
Só xi kisie na̱ Anaa̱
1Kósꞌe̱ na̱ Anaa̱, bi̱ tsꞌén tsíchji̱a̱a̱ Néná nga kisie kui soó:
¡Ini̱ma̱na achichí tsjá maá kjo̱a̱a̱ Néná!
¡Néná boá xi tsjá ngaꞌniúna!
¡Jè ka̱mana kuichjiáꞌa an kondra̱na,
ngatꞌa̱ achichí tsjá mána kjo̱a̱a̱ kjo̱a̱ꞌnaxiéꞌáa̱!
2Jmíjín ingo xi bo̱a̱ tsꞌén tsjie xikoó Néná,
ngatꞌa̱ jmíjín ingo xi xikoó Jí.
¡Ti̱nde jmíjín ingo xi ka̱maa̱ skónná xikótsꞌèn tsꞌénkónná Néná!
3¡Ngata̱ ndokjo̱a̱jínjnú én nkꞌakon xi tsꞌénkjién xotaa̱!
¡Ti̱nde ngata̱ bo̱a̱jín tsꞌén ndokjo̱a̱jnú xikoó xota̱ xi nkꞌakon ꞌboxié yojoo̱!
Ngatꞌa̱ Néná, Néná xí tjiín kjo̱a̱kjíntakón boá,
kó kuí boá xi be, ko̱jo xi tsꞌénjeé ni xi tsꞌén xotaa̱.
4Yáchjonyá xi tsꞌénkjién xota̱ xi ꞌniuú, Néná skjítꞌó,
ta̱nga xota̱ xi jmí ngaꞌniújiín, sakó ngaꞌniuú.
5Xota̱ xi tsꞌangii̱ nichiniee̱ ngasꞌe̱,
ngotꞌe̱ ꞌne̱, nichinie ndyi̱botiñáni yojoo̱.
Ta̱nga xota̱ xi bojó kamaá ngasꞌe̱,
ngotꞌe̱ ꞌne̱, je ta̱ ꞌbongirií nichinie.
Tji̱e̱nga kui xota̱chjo̱on xí ndi̱ kamá ngasꞌe̱,
ngotꞌe̱ ꞌne̱, ngaskande yito ndí beꞌé,
kó kui xota̱chjo̱on xi kjín ndí kisꞌiee̱ ngasꞌe̱,
kuí boá xi je jetjié ngotꞌe̱ ꞌne̱.
6Néná boá xi tsjá kjo̱a̱mindyioo̱n,
kó ti̱ Kuí boá xi foaꞌáxín nga.
Kuí boá xi tsꞌénkjatjajénná nga̱tsjo̱ó,
kó ti̱ Kuí boá xi tsꞌénkjinijíngí nginíná nga.
7Néná boá xi tsjáná kjo̱a̱cho̱o̱n,
kó ti̱ Kuí boá xi tsjáná kjo̱a̱ni̱ma̱a̱ nga,
Kuí boá xi tsjáná kjo̱a̱ni̱ma̱takoón,
kó ti̱ Kuí boá xi kjininkꞌáná nga.
8Néná boá xi ngi̱jin chojoo̱ tsꞌénkjastjíe̱nni ngo xota̱ xi ni̱ma̱,
kó ndeskande ngi̱jin xtjieé, kjininkꞌani ngo xota̱ xi ni chjieén,
tsi̱ꞌe̱ nga ki̱a̱ nijan ko̱tíxomajo̱ xota̱ xi botixómaá,
kó kꞌuieé ngo ngi̱ndie nínga botíxoma xi yandikón.
¡Ngatꞌa̱ tsi̱ꞌe̱ Néná boá ngi̱ndie nínga tikónsón tꞌanangii̱,
kó Kuí boá xi ki̱a̱ íjñasón nga̱sondiee̱!
9Néná boá xi koo̱n chi̱bo̱a̱ se xota̱ xi kui ꞌniátakón,
ta̱nga xota̱ xi ndajiín, ki̱a̱ nínga jñoó ko̱yà,
¡ngatꞌa̱ jmíjín xi sa̱ꞌín, nga ngaꞌniú xí kuí tsi̱ꞌe̱ soboá sa̱ꞌínkjién!
10Néná boá xi sa̱ꞌínkjié kondra̱a̱,
kó ta̱ngatꞌanii̱ kui xotaa̱, sa̱ꞌínkjaꞌatꞌeni ndeskande nkꞌajmii̱.
Néná boá xi sa̱ꞌínjeé ngaskande nínga fetꞌanii̱ nga̱sondiee̱.
Kuí boá xi tsja̱á ngaꞌniú nda̱ re xi tsi̱ꞌe̱,
ko̱jo Kuí boá xi tsja̱á ngaꞌniú nda̱ xi je jaꞌájin Kui.
Samuee̱ ko̱jo ndií chináꞌmi Elii̱
11Jaskan Elkanaa̱ kijí nginí ndiꞌaa̱ ki̱a̱ na̱xi̱ńdáꞌniú Ramaa̱, kó kui nda̱chií ki̱a̱ kisꞌijña nga katsꞌén xaá Néná, nga nijan katsꞌénxájo̱ chináꞌmi Elii̱.
12Kó jaá Elii̱ achichí nga ndajín kamá, ngatꞌa̱ kamábendikónjín Néná. 13Kó kamángaá já chináꞌmii̱ ko̱jo xota̱ na̱xi̱ńdaá nga kjiꞌanga tjín xí katsꞌénkꞌasꞌien ngo kjo̱a̱tjó, nda̱ mosoo̱ chináꞌmii̱ jachó nga tjiyátsjà ngo ki̱cha̱ntꞌi̱u̱a̱ xi ján tji̱ kisꞌiee̱, tji̱e̱nga tjíchján yojoo̱, 14kó ta̱ ngo ndi̱yà katsangisꞌien kui nii̱ ngi̱yaa̱ tikoó, ko̱jo tsi ngi̱ya ti̱ji̱ì, ko̱jo tsi nínga tjíchján nii̱, kó ngayeje yojo xi tsaꞌa kuí ki̱cha̱ntꞌi̱u̱a̱a̱, tsi̱ꞌe̱ kui chináꞌmii̱ kamá. Bo̱a̱ kiniꞌánjo̱ ngayeje xota̱ Israee̱l, ko̱jo xota̱ xi jachó ki̱a̱ na̱xi̱ńdáꞌniú Siloo̱.
15Kó ti̱ bo̱a̱ ti̱ tsꞌén, ngindiee̱ nga kꞌuítí xinieé kui cho̱o̱, nda̱ mosoo̱ chináꞌmii̱ kijíkón tiña, kó bi̱ katsoó nda̱ xi katsꞌénkꞌasꞌien kui cho̱o̱: Te̱ꞌée̱ chináꞌmii̱ yojo xi ma ꞌbítsjó, ngatꞌa̱ skjíbéjín yojo xi je kachján, yojo xi xkjuién boá xi skjíbé.
16Kó tsi kui nda̱a̱ xi bi̱ katsó: Tjón xinieé tꞌítíjnú, sꞌe̱ jaskan chjábé jí ni xi mejeén ini̱ma̱a̱. Bi̱ kiꞌmií: Jmí, ngatꞌa̱ chjiéngá ngotꞌe̱ má bi̱ nga ko̱e̱ꞌéní, ngatꞌa̱ tsi jmí, skjíbé kjo̱a̱ꞌniú án.
17Kuíni nga jé xí katsꞌén kui já xo̱ngo̱ò achichí nga ndikón kamá ngindyi̱ko̱n Néná, ngatꞌa̱ kui jaá katsꞌénchꞌó kjo̱a̱tjó xi kiniꞌánkꞌasꞌiee̱n Néná.
18Kó nda̱chí Samuee̱ ki̱a̱ katsꞌénxá ngindyi̱ko̱n Néná.
Elii̱ katsꞌénchikonñé na̱ Anaa̱
Kó Samuee̱ tsajá ngo efoo̱nd xi ńjño lino̱ kamándani. 19Kó na̱aa̱n katsꞌéndaa̱ ngo chi̱nga ndio, kó xki̱ nó xki̱ nó, kijíjo̱ ndií kjiꞌanga nijan kijí ko̱jo xi̱ꞌii̱n, nga kijínijíngí nga kijítsꞌenkꞌásꞌieén kjo̱a̱tjó Néná, xikótsꞌèn je kamángaá.
20Kó chináꞌmi Elii̱ katsꞌénchikonñé Elkanaa̱ ko̱jo chjo̱ón nga bi̱ katsó: Néná ngatsjaá xota̱ tji̱e̱ xi kꞌuieé kui xota̱chjo̱on, ta̱ngatꞌanii̱ kui ndí xí katsꞌénkꞌasꞌiee̱n Néná. Kósꞌe̱ kijí nginí ngi̱ndie nínga chji̱a̱ni.
21Kó Néná katsꞌénchikonñé na̱ Anaa̱, kó tsaꞌá nginí ngase ndí, kó kisꞌiee̱ ngi ján ndí xíꞌín, ko̱jo ngi jó ndí ínchjín.
Kó nda̱ xo̱ngò Samuee̱ kjimaxchá ngase ngindyi̱ko̱n Néná.
Ni xi ndajín xi katsꞌén jaá Elii̱
22Elii̱ je ꞌniú kamáxchá, kó tsintꞌié ngayeje ni xi katsꞌén ndií ki̱a̱ ngayeje na̱xi̱ńdá Israee̱l, ko̱jo kótsꞌèn nga ndií, kisꞌiejo̱ ínchjín xí katsꞌénxá ki̱a̱ nga̱ntjo̱a̱a̱ Ndiꞌandikón nínga matikó xotaa̱, 23kó bi̱ katsoó:
Míkjo̱a̱a̱ nga bo̱a̱ kjiꞌi kon ni xi niꞌánjnú. Jè tsintꞌie an ngayeje ni xi ndajín xi niꞌánjnú, xi katsóyàna ngayeje xotaa̱. 24Jmí já, ndajín kjiꞌi kui ni xi tsꞌéntꞌie an, ngatꞌa̱ jún boá xi ndyi̱niꞌánjnú nga ndyi̱tsꞌénjé xotaa̱ Néná. 25Tsi ngo nda̱ sa̱ꞌínjé kondra̱a̱ kje̱ꞌe nda̱, Néná boá xi sa̱ꞌínjeé kuí, ta̱nga tsi ngo xota̱ sa̱ꞌínjé kondra̱a̱ Néná, ꞌyá xí sa̱ꞌínjeé xi bo̱a̱ sa̱ꞌiín.
Ta̱nga kui jaá nde tsintꞌiéꞌénjiín ni xi katsó na̱ꞌmii̱, kuíni nga Néná je bo̱a̱ katsó nga sa̱ꞌínkꞌién.
26Tji̱e̱nga nda̱chí Samuee̱ kjimaxchá ngase, kó Néná ko̱jo xota̱ na̱xi̱ńdaá nda kasasiee̱n.
Ngo nda̱chji̱ni̱e̱ꞌén katsꞌénxchánjo̱ Elii̱
27Kó ngo nda̱ xi chji̱a̱ni Néná jachókoón Elii̱, kó bi̱ katsoó:
Bi̱ tsó Néná: Xota̱ ndiꞌaa̱ na̱ꞌmíi̱, a ako cha̱n cha̱njínñáa̱ yojona, kjiꞌanga mosoo̱ nda̱ ree̱ nangi Ejipto̱ kamá. 28A kuijín na̱ꞌmíi̱ xi jaꞌajin an ngi̱jii̱n ngayeje xota̱ tji̱e̱e̱ Israee̱l, tsi̱ꞌe̱ nga kui xi ka̱ma chináꞌmina, kó nga kui xi ko̱e̱je̱nijíngí nínga tikón ṉchandikónna, tsi̱ꞌe̱ nga ku̱i̱ꞌítí ni sije̱e̱n, ko̱jo nga kui xi ko̱a̱ja̱ ńjño ndioo̱ ngindyikón án, ko̱jo nga xota̱ ndiꞌaa̱, an katsjáa̱ ngayeje kjo̱a̱tjó xi jachójo̱ xota̱ Israee̱l. 29Kó míkjo̱a̱a̱ nga kamáyendikínjín ji kjo̱a̱tjó ko̱jo chji̱e̱, xi an atixoma an, tsi̱ꞌe̱ nga ki̱a̱ kiniꞌánkꞌasꞌien ndiꞌandikónna. Kó míkjo̱a̱a̱ nga tjón ndíi̱ yendikín jí, kó jmí tsi tjón án, kó tiniꞌínyiꞌi ji nga ndyi̱kjinie ni xi ꞌniú nda ngase xi ndyi̱tsꞌènkꞌásꞌiénna xota̱ na̱xi̱ńdána Israee̱l.
30Kuíni nga bi̱ tsóni Néná xí tsi̱ꞌe̱ Israee̱l: Nga ja̱koxi̱, bo̱a̱ kixian an nga xota̱ ndiꞌáa̱, ko̱jo xota̱ ndiꞌaa̱ na̱ꞌmíi̱ ngatsjéni̱xtjin nga ngindyikón án sa̱ꞌínxá, ta̱nga ngotꞌe̱ ꞌne̱, bi̱ tsó Néná: ¡Ngiti̱ bo̱a̱jín ka̱ma ngase! Ngatꞌa̱ xota̱ xi bendikónna, Án boá xi sa̱ꞌin an nga ti̱ xcha̱ndikón ndatsa kui nga, kó xi tsꞌenchꞌóna, ni̱ma̱kjo̱a̱ si̱ꞌanjo̱ nga. 31Jè ndibá ni̱xtjin nga sa̱ꞌinkjatsón án ngaꞌniú xí tjiín jí, ko̱jo xi tjiín xota̱ ndiꞌaa̱ na̱ꞌmíi̱, tsi̱ꞌe̱ nga nde ngojín xi kꞌuíndo ngaskande nga ka̱maxchá. 32Xche̱ ji nga ni̱ma̱kjo̱a̱ si̱ꞌan xota̱ ndiꞌáa̱, kó jmíni̱xtjin kꞌuié xota̱ xi kꞌuíndo ngaskande nga ka̱maxchá, tji̱e̱nga Néná tsie ni tsja̱a xota̱ Israee̱l. 33Ta̱nga ngo nda̱ xi xota̱ tji̱e̱e̱ kꞌuijñára An ki̱a̱ tꞌa ṉchanna, ngaskande nga kꞌo̱ ndiꞌí ndyikin ji, ko̱jo nga sꞌi̱kitsie maá kjo̱a̱ndasen ini̱ma̱a̱, kó ngayeje xota̱ xi ki̱a̱ katsen ndiꞌáa̱, nde kji̱e̱ xchájín ka̱ma nga ko̱ya.
34Kó kui nii̱ xi xikoó tsi ngo chi̱bo̱a̱ ka̱maa̱ ji, xi kji̱ndi̱bánié nga jó ndíi̱ kui xi Ofnii̱ ko̱jo Finee̱, ngatꞌa̱ nga joó nga ta̱ ngo tsí ni̱xtjin nga kju̱i̱e̱són.
35Kó An sa̱ꞌinkjastjíe̱n An ngo chináꞌmi xi ꞌniátakón An ka̱ma, xi sa̱ꞌínxá xikó tsꞌén mejeén ini̱ma̱na, ko̱jo xikó tsꞌén tsꞌenkjó Án, kó kuí boá xi tsjáa̱ nga kꞌuieé xota̱ tji̱e̱ ko̱jo nga ꞌniú kꞌuíndo xota̱ ndiꞌaa̱, kó ndyiojón ndyiojón ki̱a̱ sa̱ꞌínxátꞌaa̱ kui nda̱ xi An kjoaꞌajin An.
36Kó kui xota̱ xi kꞌo̱ngii̱ yojoo̱ xi chji̱a̱ni xota̱ ndiꞌáa̱, ko̱e̱je̱ nínga tikón kui chináꞌmii̱, kó ki̱a̱ kꞌuijñáxtien ngindyi̱ko̱n kui nda̱a̱, nga ku̱i̱ꞌa ngo to̱ntiboa ko̱jo tsi ngo ndso̱ꞌba nichinie, kó bi̱ ka̱tso̱: ꞌNiú míꞌaá nga ko̱e̱ꞌéní ngo xá kꞌi̱e̱e̱, tsi̱ꞌe̱ nga sa̱kóna ngo ndso̱ꞌba nichinie.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014