Sî-fân-ngâ Sû 1

1Hâ-poi he Â-mùn ke lai-é Yok-sî-â cho Yù-thai-vòng ke sṳ̀-thoi, Song-chú khí-sṳ pûn Sî-fân-ngâ ke sin-sit. Sî-fân-ngâ he Kú-sṳ ke lai-é, Kî-thai-li ke sûn-é, Â-mâ-li-ngâ ke chên-sûn, Hî-sî-kâ-vòng#1:1 “vòng”: Hî-pak-lòi-vùn mò liá-chak sṳ. ke hièn-sûn.

Song-chú Sṳ́m-phan ke Ngit-è

2Song-chú kóng: “Ngài oi chha̍t-tái tui thi-song chhù-me̍t van-vu̍t. 3Ngài oi chhù-me̍t ngìn-lui lâu chéu-chhu, khûng-chûng ke tiâu-é lâu hói-tú ke ǹg. Ngài oi sṳ́ fái-ngìn vang-thet#1:3 “Ngài oi sṳ́ fái-ngìn vang-thet”: Hî-pak-lòi-vùn he “pin pan-kiok-sa̍k lâu fái-ngìn”.; Ngài oi chiông ngìn-lui tui thi-song chién-chhù. Ngài — Song-chú án-ngiòng siên-pu lé.

4“Ngài oi chhûn-sú chit-fa̍t he̍t chhai Yâ-lu-sat-lâng lâu Yù-thai ke pak-siang. Ngài oi chién-chhù ke thi-fông pai Pâ-li̍t ke chhìn-khóng, mò-ngìn voi ki-tet ke-têu sṳ-fung Pâ-li̍t ke chi-sṳ̂. 5Ngài oi sêu-me̍t ke-têu sông-to vuk-táng hi pai ngit, ngie̍t, sên-sṳ̀n ke ngìn. Ngài ya oi sêu-me̍t ke-têu kin-pai Ngài, hiong Ngài fat-sṳ, yu hiong Mí-le̍t-kûng#1:5 “Mí-le̍t-kûng”: Hî-pak-lòi-vùn fat-yîm Mâ-le̍t-khâm, he Â-mùn-ngìn ke sṳ̀n-siong, nang-ngoi yit-ke miàng he Mô-lo̍k. fat-sṳ ke ngìn. 6Ngài oi sêu-me̍t ke-têu vat-thèu mò-oi chai thèn Ngài, lâu ke-têu m̀ chhìm Ngài, m̀ khiù Ngài ke ngìn.”

7Oi chhai Chṳ-kô ke Song-chú mien-chhièn tiâm-chhin, yîn-vi Song-chú sṳ́m-phan ke ngit-è voi to lé. Song-chú chún-phi sên-ngì, chiông Kì ke ngìn-hak fûn-phe̍t vì-sṳn lé. 8Song-chú kóng: “Chhai Ngài nâ chhṳ-kâ ke chṳ́-mìn lòi hien-chi ke-ngit, Ngài oi chit-fa̍t liâng-chhiu, vòng-chṳ́, lâu yit-chhiet ho̍k ngoi-pâng fûng-siu̍k ke ngìn. 9Chhai ke-ngit, Ngài oi chit-fa̍t ke-têu kin-vi ká-sṳ̀n, ngi̍p sṳ̀n-meu m̀-kám tha̍p mùn-khiâm ke ngìn#1:9 “kin-vi ká-sṳ̀n, ngi̍p sṳ̀n-meu m̀-kám tha̍p mùn-khiâm ke ngìn”: Chhâm-kháu Sat-mû-ngí Ki-song 5:4-5. Ya yû ho̍k-chá kié-sṳt cho “pok-siok khiùng-ngìn”.; kì-têu sióng-oi chiông khiòng-phau lâu kúi-cha chhióng-lòi ke tûng-sî tôi-mân kì-têu ke sṳ̀n-meu#1:9 “sṳ̀n-meu” ya-he yi̍t-cho “chú-ngìn ke vuk-hâ”..”

10Song-chú kóng: “Chhai ke-ngit, ngì-têu voi thâng-tó chhai Yâ-lu-sat-lâng ke Ǹg-mùn yû ôi-kieu ke sâng, chhai sàng ke Sîn-khî yû chhin-sê ke kieu-sâng, sân-kông táng yû pên-sân ke thai-hióng sâng. 11He̍t chhai tâi-vô thi-khî ke ngìn â, oi thai-sâng kieu! Yîn-vi Kâ-nàm ke sên-lî-ngìn lûng-chúng voi me̍t-mòng, yung ngiùn-è cho mâi-mai ke chhiòn-phu su chién-chhù.

12“Ke-sṳ̀, Ngài oi yung tên-fó sêu-chhà Yâ-lu-sat-lâng. Ngài voi chit-fa̍t ke-têu chhṳ-mân, chhiong chhîn-chiú liù chhai chhṳ̀m-tái ke chiú-châ táng ke ngìn; kì-têu sîm-tú sióng: ‘Song-chú m̀-voi su-fuk, ya m̀-voi kong-fo.’ 13Kì-têu ke chhòi-pó voi pûn-ngìn chhióng-chéu, kì-têu ke vuk pûn-ngìn chhak-thet; kì-têu yún-yén mò fap-thu he̍t chhṳ-kâ só-hí ke vuk, lîm m̀-tó chhṳ-kâ phù-thò-yèn chhut-sán ke chiú.”

14Song-chú ke thai ngit-è voi to lé, chhin-kiak chhiu voi to! Ke-ngit he pî-chhám ke yit-ngit. Ke-sṳ̀, lièn chui yúng-kám ke chan-sṳ ya voi thung-khú to hêm â-mê-ôi ô! 15Ke-ngit he fat-khién ke ngit-è, he kip-nan thung-khú ke ngit-è, he fông-fi me̍t-mòng ke ngit-è, he vû-thiên am-thi ke ngit-è, he vû-yùn châ-mân thai-thi ke ngit-è. 16Ke-ngit voi chhûng-mân siông-chhṳ̀ ke sâng, he kûng-kit kiên-ku sàng lâu kô-thap ke ngit-è.

17Song-chú kóng: “Ngài oi kong liá-têu châi-nan chhai ngìn ke sṳ̂n-hong, sṳ́ kì-têu chhiong mô-muk ke ngìn chhìm mò-lu hó-hàng khiung-yong. Kì-têu tet-chhui Ngài, só-yî kì-têu ke hiet voi chhiong lá-sap-súi pûn-ngìn tó-thet, kì-têu ke sṳ̂n-sṳ̂ voi chhiong pun pûn-ngìn fit-thet.”

18Chhai Song-chú fat-khién ke ngit-è, kì-têu ke kîm-ngiùn kiu kì-têu m̀-tó. Kì ngie̍t-chhìn ke fó oi chhin-kiak sêu-thet chhiòn sṳ-kie, chha̍t-tái sêu-me̍t sṳ-kiên-ngìn.

Currently Selected:

Sî-fân-ngâ Sû 1: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Sî-fân-ngâ Sû 1

Video for Sî-fân-ngâ Sû 1

Zephaniah 1-2

BibleProject

Sî-fân-ngâ Sû 1

Popular Bible Verses from
Sî-fân-ngâ Sû 1

Video for Sî-fân-ngâ Sû 1

Zephaniah 1-2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sî-fân-ngâ Sû 1

Sî-fân-ngâ Sû 1

Popular Bible Verses from Sî-fân-ngâ Sû 1

Video for Sî-fân-ngâ Sû 1

Zephaniah 1-2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sî-fân-ngâ Sû 1

Popular Bible Verses from
Sî-fân-ngâ Sû 1