Mìn-su Ki 7

Kok Chhu̍k-chóng Fung-hien Chi-vu̍t

1Mô-sî tap-hó sṳn-chong-phùng ke-ngit, kì yung sṳn-yù kò sṳn-chong-phùng lâu tî-poi tú só-yû ke yung-hi, chi-thàn, lâu chi-thàn táng só-yû ke yung-phín, sṳ́ kì-têu fûn-phe̍t vì-sṳn. 2Yî-set-lie̍t kok kî-chhu̍k ke liâng-chhiu, chhiu-he kok-chhu̍k chhu̍k-chóng, he kón-lî ngìn-khiéu tên-ki ke ngìn, 3tai kì-têu ke lî-vu̍t lòi, hien-pûn Song-chú: yû liuk-liòng phùng-pu-chhâ, sṳ̍p-ngi chak ngiù-kú. Mî lióng-ke liâng-chhiu hien yit-liòng phùng-pu-chhâ, mî yit-ke liâng-chhiu hien yit-chak ngiù-kú.

Kì-têu chiông liá-têu tûng-sî hien chhai sṳn-chong-phùng chhièn yî-heu, 4Song-chú tui Mô-sî kóng: 5“Ngì oi sû-hâ liá-têu lî-vu̍t cho sṳn-chong-phùng ke yung-thù, cheu Li-vi-ngìn kûng-chok ke sî-yeu pûn-pûn kì-têu.”

6Só-yî Mô-sî chiông phùng-pu-chhâ lâu ngiù-kú kâu-pûn Li-vi-ngìn. 7Kì chiông lióng-liòng chhâ, si-chak ngiù, cheu Kiet-sun chṳ́-sûn kûng-chok ke sî-yeu kâu-pûn kì-têu, 8yu chiông si-liòng chhâ, pat-chak ngiù, cheu Mí-lâ-li chṳ́-sûn kûng-chok ke sî-yeu kâu-pûn kì-têu. Kì-têu chhiòn-phu oi chhai chi-sṳ̂ Â-lùn ke lai-é Yî-thâ-mâ ke chṳ́-fî hâ-poi chṳp-hàng ngim-vu. 9Chúng-he Mô-sî mò chiông chhâ ya-he ngiù kâu-pûn Kô-hot ke chṳ́-sûn, yîn-vi kì-têu fu-chit yung kiên-thèu kông sṳn-vu̍t.

10Kok liâng-chhiu ya tai-lòi khin-chuk hien-thàn tién-lî ke lî-vu̍t. Tông kì-têu yi-phi hó chiông lî-vu̍t hien chhai chi-thàn táng ke sṳ̀, 11Song-chú tui Mô-sî kóng: “Ngì oi lâu kì-têu kóng, chhai sṳ̍p-ngi ngit tông-chûng, tak-ngit oi-yû yit-ke liâng-chhiu vi hien-thàn tién-lî hien lî-vu̍t.”

12-83Kì-têu cheu yî-ha ke sun-si hien kì-têu ke lî-vu̍t.

Thi-yit ngit, hien lî-vu̍t ke he Yù-thai kî-chhu̍k ke liâng-chhiu Â-mí-nâ-tha̍t ke lai-é Nâ-sun.

Thi-ngi ngit, hien lî-vu̍t ke he Yî-sat-kâ kî-chhu̍k ke liâng-chhiu Sû-ap ke lai-é Nâ-thán-ngia̍p.

Thi-sâm ngit, hien lî-vu̍t ke he Sî-pu-lùn kî-chhu̍k ke liâng-chhiu Hî-lùn ke lai-é Yî-li-ap.

Thi-si ngit, hien lî-vu̍t ke he Lî-phien kî-chhu̍k ke liâng-chhiu Sṳ-tiû-ngí ke lai-é Yî-li-siuk.

Thi-ńg ngit, hien lî-vu̍t ke he Sî-mién kî-chhu̍k ke liâng-chhiu Sû-li-sâ-thoi ke lai-é Sṳ-lu-me̍t.

Thi-liuk ngit, hien lî-vu̍t ke he Kâ-tet kî-chhu̍k ke liâng-chhiu Tiû-ngí ke lai-é Yî-li-ngâ-sat.

Thi-chhit ngit, hien lî-vu̍t ke he Yî-fap-lièn kî-chhu̍k ke liâng-chhiu Â-mí-fut ke lai-é Yî-li-sâ-mâ.

Thi-pat ngit, hien lî-vu̍t ke he Mâ-nâ-sî kî-chhu̍k ke liâng-chhiu Pí-thai-siuk ke lai-é Kâ-mâ-lie̍t.

Thi-kiú ngit, hien lî-vu̍t ke he Phien-ngâ-mén kî-chhu̍k ke liâng-chhiu Kî-tô-nì ke lai-é Â-pí-tan.

Thi-sṳ̍p ngit, hien lî-vu̍t ke he Tan kî-chhu̍k ke liâng-chhiu Â-mí-sâ-thoi ke lai-é Â-hî-yî-chhia.

Thi sṳ̍p-yit ngit, hien lî-vu̍t ke he Â-sat kî-chhu̍k ke liâng-chhiu Ngò-làn ke lai-é Pha-kiet.

Thi sṳ̍p-ngi ngit, hien lî-vu̍t ke he Nâ-fut-thâ-li kî-chhu̍k ke liâng-chhiu Yî-nàm ke lai-é Â-hî-lâ.

Tak-ke liâng-chhiu só-hien ke lî-vu̍t vàn-chhiòn khiung-yong:

Yit-chak ngiùn-phàn, chhûng yit-tiám ńg kûng-kîn, lâu yit-chak ngiùn-vón, chhûng pat-pak kûng-khiet, chhiòn-phu cheu sṳn-só ke phêu-chún, tî-poi chông-mân kiâu-yù ke yu-mien-fún cho su-chi;

yit-ke kîm thia̍p-é, chhûng yit-pak yit-sṳ̍p kûng-khiet, chông-tén hiông;

yit-chak se ngiù-kú, yit-chak mièn-yòng-kú, yit-chak yit-se thai ke se-yòng-kú cho sêu-fa-chi;

yit-chak sân-yòng-kú cho su̍k-chhui-chi;

lióng-chak ngiù-kú, ńg-chak mièn-yòng-kú, ńg-chak sân-yòng-kú, ńg-chak yit-se thai ke se-yòng-kú cho phìn-ôn-chi.

84-88Sṳ̍p-ngi ke liâng-chhiu vi hien-thàn tién-lî só-hien ke lî-vu̍t chúng-su he:

Sṳ̍p-ngi ke ngiùn-phàn lâu sṳ̍p-ngi chak ngiùn-vón, chúng-khiung chhûng ngi-sṳ̍p chhit tiám liuk kûng-kîn;

sṳ̍p-ngi ke kîm thia̍p-é, chúng-khiung chhûng yit-tiám sâm-ngi kûng-kîn, chhiòn-phu chông-mân hiông;

sṳ̍p-ngi chak se ngiù-kú, sṳ̍p-ngi chak mièn-yòng-kú, sṳ̍p-ngi chak yit-se thai ke se-yòng-kú, lâu khiung-ha hien ke su-chi cho sêu-fa-chi;

sṳ̍p-ngi chak sân-yòng-kú cho su̍k-chhui-chi;

ngi-sṳ̍p si-chak ngiù-kú, liuk-sṳ̍p chak mièn-yòng-kú, liuk-sṳ̍p chak sân-yòng-kú, liuk-sṳ̍p chak yit-se thai ke se-yòng-kú cho phìn-ôn-chi.

89Mô-sî chin-ngi̍p sṳn-chong-phùng, oi tui Song-chú kóng-fa ke sṳ̀, kì thâng-tó Song-chú tui yok-khui su̍k-chhui ke koi-é táng, lióng-ke kî-lu-pak chûng-kiên, tui kì kóng-fa.

Currently Selected:

Mìn-su Ki 7: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mìn-su Ki 7

Video for Mìn-su Ki 7

Numbers 7-8

Spoken Gospel

Mìn-su Ki 7

Popular Bible Verses from
Mìn-su Ki 7

Video for Mìn-su Ki 7

Numbers 7-8

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 7

Mìn-su Ki 7

Popular Bible Verses from Mìn-su Ki 7

Video for Mìn-su Ki 7

Numbers 7-8

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 7

Popular Bible Verses from
Mìn-su Ki 7