Mìn-su Ki 21

Tá-yàng Kâ-nàm-ngìn

1He̍t chhai nàm-phu ke Kâ-nàm-ngìn Â-lâ-tet-vòng thâng-kóng Yî-set-lie̍t-ngìn oi hàng Â-thâ-lìm liá-thiàu lu lòi, chhiu kûng-tá kì-têu, chok-chéu kí-hâ sà. 2Só-yî Yî-set-lie̍t-ngìn hiong Song-chú hí-ngien kóng: “Na-he Ngì pûn ngài-têu tá-yàng liá-têu ngìn, ngài-têu chhiu mò thiàu-khien chiông kì-têu lâu kì-têu ke sàng-sṳ fung-hien#21:2 “mò thiàu-khien ... fung-hien”: Só-yû vàn-chhiòn fung-hien pûn Song-chú ke tûng-sî yí-kîn mò-fap pûn-ngìn sṳ́-yung, só-yî yit-thin oi kâ-song fí-me̍t. pûn Ngì, fí-me̍t kì-têu ke sàng.” 3Song-chú thâng kì-têu ke khì-khiù, chiông Kâ-nàm-ngìn kâu chhai kì-têu ke sú. Só-yî Yî-set-lie̍t-ngìn chha̍t-tái fí-me̍t kì-têu lâu kì-têu ke sàng-sṳ; ke thi-fông chhiu ham-cho Hò-ngí-mâ#21:3 “Hò-ngí-mâ” yi-sṳ he “fí-me̍t”..

Thùng-sà

4Yî-set-lie̍t-ngìn lì-khôi Hò-ngí-sân, hiong Fùng-hói ke lu hàng, vi-liáu he oi lit-ko Yî-tûng thi-khî. Chhai lu-song, ngìn-mìn fàn-chhau to kóng m̀-tet; 5kì-têu chhiu koai-yen Song-ti lâu Mô-sî kóng: “Cho-má-ke chiông ngài-têu thu-chhut Âi-khi̍p, oi ngài-têu sí chhai liá mò hó-sṳ̍t yu mò-súi ke khóng-yâ? Ngài-têu sṳ̍t-chhai thûn m̀-hâ liá án nàn-sṳ̍t ke tûng-sî lé!” 6Só-yî Song-chú ham thu̍k-sà chin-ngi̍p ngìn-mìn tông-chûng; tông-tô Yî-set-lie̍t-ngìn pûn thu̍k-sà ngâu sí-thet. 7Ngìn-mìn lòi-kien Mô-sî, kóng: “Ngài-têu yû fam-chhui, yîn-vi ngài-têu koai-yen Song-chú lâu ngì. Liá-ha khiù ngì khì-tó Song-chú, sṳ́ liá-têu sà lì-khôi ngài-têu.” Mô-sî chhiu vi ngìn-mìn khì-tó. 8Song-chú fûn-fu Mô-sî chu-chho yit-thiàu thùng-sà, koa chhai su-kun táng, pûn thu̍k-sà ngâu-tó ke ngìn na-he khon-tó liá-sà chhiu m̀-voi sí. 9Só-yî Mô-sî chu-chho yit-thiàu thùng-sà, koa chhai su-kun táng. Pûn thu̍k-sà ngâu-tó ke ngìn yit khon-tó liá thùng-sà chhiu m̀-voi sí.

Tui Hò-ngí-sân to Mô-ap ke Sân-lak

10Yî-set-lie̍t-ngìn chai hiong-chhièn hàng, chhai Â-pak ôn-yàng. 11Lì-khôi Â-pak yî-heu, kì-têu chhai Mô-ap-thi ke tûng-phién, khóng-yâ tî-poi ke Â-pâ-lìm fông-thi ôn-yàng, 12heu-lòi yu to Sat-lie̍t sân-lak ôn-yàng. 13Kì-têu tui ke-vi chai hiong-chhièn hàng, chhai Â-nun sân-lak pet-phién ke khóng-yâ ôn-yàng; liá khóng-yâ chhṳ̍t-to Â-mô-li-ngìn ke thi-kie. (Â-nun sân-lak he Mô-ap-ngìn lâu Â-mô-li-ngìn chûng-kiên ke kie-han.) 14Só-yî, Song-chú ke Chan-ki song kóng:

“...... Sû-fap thi-khî ke Oâ-ha̍p-pak-sàng, Â-nun ke sân-lak,

15lâu chhûn-ngi̍p Â-ngí-sàng chhṳ̍t-to Mô-ap piên-kie ke sân-kia.”

16Kì-têu tui ke-vi to yit-ke miàng ôn-to Pí-ngí#21:16 “Pí-ngí” yi-sṳ he “chiáng”. ke thi-fông. Song-chú chhai ke-vi tui Mô-sî kóng: “Ngì hi seu-si̍p ngìn-mìn, Ngài oi pûn kì-têu súi lîm.” 17Ke-sṳ̀, Yî-set-lie̍t-ngìn chhong án-ngiòng ke yit-sú kô:

“Chiáng â, oi yúng-chhut súi lòi;

ngài-têu oi chhong-kô khin-chuk.

18Liá he liâng-chhiu — mìn-kiên ke chûn-kui ngìn

yung khièn-chhóng lâu koái-kun-é yet ke chiáng.”

Kì-têu tui khóng-yâ sái-to Mâ-thâ-nâ, 19chai tui ke-vi to Nâ-ha̍p-lie̍t, chai to Pâ-ma̍t, 20tui Pâ-ma̍t to Mô-ap-thi ke sân-lak, chhiu-he yén-yén khon tet-tó khóng-yâ ke Pí-sṳ̂-kâ sân-táng.

Tá-yàng Â-mô-li-vòng lâu Pâ-sân-vòng

(Sṳ̂n-min Ki 2:26–3:11)

21Yî-set-lie̍t-ngìn phai sṳ́-chá hi-kien Â-mô-li-ngìn ke vòng Sî-fèn, kóng: 22“Chhiáng chún ngài-têu kîn-ko ngì ke thi-kie. Ngài-têu lâu ngài-têu ke thèu-sâng m̀-voi lì-khôi thai-lu, hàng-to thièn-tú ya-he phù-thò-yèn hi; ngài-têu ya m̀ lîm ngì-têu chiáng-tú ke súi. Ngài-têu tân-chhiang hàng vòng ke thai-lu, yit-chhṳ̍t thûng-ko ngì ke thú-thi.”

23Chúng-he Sî-fèn m̀ chún Yî-set-lie̍t-ngìn kîn-ko kì ke thú-thi. Kì seu-si̍p kiûn-chhui to khóng-yâ hi, chhai Ngâ-chha̍p kûng-tá Yî-set-lie̍t-ngìn. 24Chúng-he Yî-set-lie̍t-ngìn chhṳ̀-thet kì lâu kì ke kiûn-chhui, yu cham-liâng kì ke thú-thi, tui Â-nun sân-lak hiong-pet chhṳ̍t-to Ngâ-pok sân-lak, chhiu-he Â-mùn-ngìn ke piên-kie, yîn-vi Â-mùn-ngìn yû chhin kiên-ku ke piên-kie fòng-phi. 25Yî-set-lie̍t-ngìn cham-liâng Â-mô-li-ngìn só-yû ke sàng-sṳ, pâu-hàm Hî-sṳ̍t-pún lâu chû-vì ke chhûn-chông; Yî-set-lie̍t-ngìn chhiu he̍t chhai ke-vi. 26Hî-sṳ̍t-pún he Â-mô-li-vòng Sî-fèn ke sú-tû; Sî-fèn sṳt kûng-tá yî-chhièn ke Mô-ap-vòng, cham-liâng kì só-yû ke thú-thi, chhṳ̍t-to Â-nun sân-lak. 27Só-yî sṳ̂-ngìn kóng:

“To Sî-fèn-vòng ke sàng Hî-sṳ̍t-pún lòi!

Ngài-têu oi khon kì chhùng-sîn hí-ko.

28Yîn-vi yû fó tui Hî-sṳ̍t-pún-sàng fat-chhut,

yû fó-yam tui Sî-fèn ke sàng chhut-lòi,

fí-me̍t Mô-ap ke Â-ngí-sàng,

thûn-me̍t Â-nun sân-lak song-yù ke sân-khî.

29Mô-ap-ngìn â, ngì-têu yû châi-fo lé!

Pai Kî-mat ke ngìn â, ngì-têu me̍t-mòng lé!

Liá sṳ̀n-mìn pet ngì-têu ke nàm-ngìn thò-chéu,

sṳ́ ngì-têu ke fu-ńg pûn Â-mô-li-vòng Sî-fèn chok-hi.

30Liá-ha ngài-têu sa kì-têu,

Hî-sṳ̍t-pún chhṳ̍t-to Tí-pún chhiu me̍t-thet;

ngài-têu fí-me̍t kì-têu,

chhṳ̍t-to Mí-tí-pâ fu-khiun ke Nò-fap.”#21:30 Liá-chiet ngièn-vùn mò chhîn-chhú, ya khó-nèn yi̍t-cho: “Liá-ha kì-têu ke heu-thoi me̍t-thet, tui Hî-sṳ̍t-pún chhṳ̍t-to Tí-pún, tui Nâ-hiûn to Mí-tí-pâ fu-khiun ke Nò-fap.”

31Só-yî Yî-set-lie̍t-ngìn he̍t chhai Â-mô-li-ngìn ke thi-fông. 32Mô-sî phai-ngìn hi tá-tham Ngâ-chhia-sàng; Yî-set-lie̍t-ngìn cham-liâng Ngâ-chhia lâu chû-vì ke sàng-chṳ́n, chiông he̍t chhai ke-vi ke Â-mô-li-ngìn kiuk-chéu.

33Heu-lòi Yî-set-lie̍t-ngìn to-chón-lòi, hiong Pâ-sân ke lu hi. Pâ-sân-vòng Ngo̍k tai-liâng kiûn-chhui to Yî-tet-lòi kûng-tá kì-têu. 34Song-chú tui Mô-sî kóng: “M̀-sṳ́ kiâng kì! Ngài oi chiông kì, kì ke ngìn-mìn, hàn-yû kì ke thú-thi chhiòn-phu kâu chhai ngì ke sú-chûng. Ngì ngióng-pân tui-thai he̍t chhai Hî-sṳ̍t-pún ke Â-mô-li-vòng Sî-fèn, ya oi cheu-yong tui-thai Pâ-sân-vòng.” 35Só-yî, Yî-set-lie̍t-ngìn chhṳ̀-thet Ngo̍k lâu kì ke-têu lai-é, hàn-yû kì só-yû ke ngìn-mìn, yit-ke ya mò liù-hâ, yu cham-liâng kì ke thú-thi.

Currently Selected:

Mìn-su Ki 21: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mìn-su Ki 21

Video for Mìn-su Ki 21

Numbers 20-21

Spoken Gospel

Mìn-su Ki 21

Popular Bible Verses from
Mìn-su Ki 21

Video for Mìn-su Ki 21

Numbers 20-21

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 21

Mìn-su Ki 21

Popular Bible Verses from Mìn-su Ki 21

Video for Mìn-su Ki 21

Numbers 20-21

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 21

Popular Bible Verses from
Mìn-su Ki 21