Nâ-fùng Sû 3

1Chhám lé, liá liù ngìn-hiet ke sàng-sṳ!

Chhiòn-sàng chhûng-mân cha-khî lâu khiòng-phau;

mân-phien yû-ngìn chhióng-kiap, m̀-sṳt thìn.

2Piên-sâng pi̍t-po̍k hióng! Chhâ-lin lung-lung-kún!

Chan-mâ pêu chhiong pî! Chan-chhâ phung-phung chéu!

3Khì-pîn chhûng-fûng, tô-kông kiam-yáng!

Sṳ̂n-sṳ̂ tôi-sân, sṳ̂-kut vù-su;

ngìn hàng thîn-thûng, chhiu kang tiet-tó.

4Kî-ńg Nì-nì-mì oi su chit-fa̍t;

kì tá-pan to chiâng-chiâng lòi mì-ngìn.

Kì ke yìm-lon yín-yu lie̍t-koet;

kì hàng sià-su̍t khî-phien van-chhu̍k.

5Song-chú — Van-kiûn ke Ngièn-soi kóng:

Nì-nì-mì â, Ngài he ngì ke thi̍t-ngìn;

Ngài oi hiên ngì ke khiùn-è, lòi-miâng ngì ke mien,

pûn lie̍t-koet khon-tó ngì chhak-sṳ̂n lu-thí,

pûn van-mìn khon-tó ngì án kien-seu.

6Ngài oi chiông ô-chô tûng-sî vok chhai ngì sṳ̂n-song,

án-ngiòng siû-yu̍k ngì;

ngìn oi muk tâng-tâng khon-tén ngì.

7Khon-tó ngì ke ngìn hak-to tá-lon-thui.

Kì-têu kóng: Nì-nì-mì fông-thet lé!

Yû má-ngìn thùng-chhìn kì nè?

Má-ngìn hén ôn-ví kì nè?

8Nì-nì-mì â, ngì yû pí Âi-khi̍p ke sú-tû Tí-pí-sṳ̂ kha-khiòng mò? Kì yû yit-thiàu hò-kiêu vì-tén kì, chhiong sàng-chhiòng án-ngiòng pó-fu kì — Nì-lò-hò he kì ke fòng-phi. 9Kú-sṳ̍t lâu Âi-khi̍p he kì ke li̍t-liong; kì ke khièn-li̍t vù-khiùng. Fut lâu Li-pí-â he kì ke thùng-mèn-koet. 10Chúng-he Tí-pí-sṳ̂ ke ngìn-mìn sa pûn-ngìn chok-to ngoi-koet hi lé. Kì-têu ke ô-nga-é chhai kiê-thèu hong-mî pûn-ngìn phiâng-sí; kì-têu ke thai-kôn kui-ngìn pûn thiet-lien só-tén, pûn-ngìn yung ngiâm-khiêu lòi fûn-phi, yèn-heu tai-chéu.

11Nì-nì-mì â, ngì ya voi chui-to mì-mì chhṳ̀-chhṳ̀; ngì ya voi sióng-oi sám ngì ke thi̍t-ngìn. 12Ngì ke sàng-pó chhiòn-phu chhiong vù-fâ-kó-su, mân-mân siuk-súi ke kó-chṳ́, su yit-yèu, kó-chṳ́ chhiu tiet-lo̍k ngìn ke choi-khûng tú! 13Ngì ke chan-sṳ chhiòn-phu chhiong ngiôn-ngio̍k ke se-moi-é. Ngì mò fap-thu chhai thi̍t-ngìn mien-chhièn pó-ví sàng-mùn; ngì ke mùn-chhôn voi pûn fó sêu-thet. 14Ngì oi tún-súi, fòng-phi thi̍t-ngìn pâu-vì! Ngì oi kâ-khiòng fòng-phi! Ngì oi tha̍p-nài cho-chôn, yi-phi chôn-mù! 15Ngì mò-lun ngióng-pân cho, hàn-he oi pûn-ngìn sêu-sí, ya-he pûn-ngìn chhṳ̀-sí. Ngì voi chhiong nùng-chok-vu̍t pûn chhó-máng sṳ̍t-to kông-kông.

Thèu-pái ngì kiung-chṳ́ chhiong chhó-máng án-kiak án-tô; 16ngì cho sên-lî ke ngìn pí thiên-táng ke sên-é kha-tô! Chúng-he liá-ha chhiòn-phu chhiong chhó-máng thui-hok pî-chéu lé#3:16 “thui-hok pî-chéu lé” ya-he yi̍t-cho “sṳ̍t-chhiang ńg-kuk chhiu pî-chéu lé”.. 17Ngì ke liâng-chhiu chhiong yit-khiùn chhó-máng, hòn-thiên khong chhai chhiòng-phung tú, ngit-thèu yit chhut-lòi chhiu chhiòn-phu pî-chéu; mò-ngìn tî kì-têu to nai-vi hi.

18Â-sut fòng-ti â, ngì ke-têu thai-sṳ̀n chhiòn-phu vang-thet; ngì ke kôn-yèn chhiòn-phu soi sí lé. Ngì ke ngìn-mìn fûn-san chhai sân-tú, mò-ngìn tai kì-têu chón-lòi. 19Ngì ke sún-sông mò fap-thu pú-kiu; ngì ke sông-héu mò fap-thu yî-hó. Só-yû thâng-tó ngì fái sêu-sit ke ngìn chhiòn-phu fôn-hí phok-sú. Ngì chhòng-kiú ke phau-hàng, yû má-ngìn mò su-ko ngì ke ô-chô-châi nè?

Currently Selected:

Nâ-fùng Sû 3: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Nâ-fùng Sû 3

Videos for Nâ-fùng Sû 3

Nahum 3

BibleProject

Nahum 2:3-3:19

Spoken Gospel

Nâ-fùng Sû 3

Popular Bible Verses from
Nâ-fùng Sû 3

Videos for Nâ-fùng Sû 3

Nahum 3

Nahum 2:3-3:19

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Nâ-fùng Sû 3

Nâ-fùng Sû 3

Popular Bible Verses from Nâ-fùng Sû 3

Videos for Nâ-fùng Sû 3

Nahum 3

Nahum 2:3-3:19

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Nâ-fùng Sû 3

Popular Bible Verses from
Nâ-fùng Sû 3