Li-vi Ki 5

Hien Su̍k-chhui-chi ke Thiàu-li

1Hâ-poi he hien su̍k-chhui-chi ke thiàu-li.

Na-he yû-ngìn pûn-ngìn ham-to fap-thìn cho-chṳn ke sṳ̀, m̀-hén chiông kì só khon-tó, só tî ke kóng chhut-lòi, kì chhiu yû-chhui, yit-thin oi sṳ̀n-tâm chhui ke chit-ngim.

2Na-he yû-ngìn vù-yi chûng miâ-tó lî-ngì song ngin-thin mò chhiang-li ke tûng-sî, mò-lun yâ-chhu, thèu-sâng, phà-chhùng ke sṳ̂-thí, kì chhiu mò chhiang-li lé, kì chhiu-son yû-chhui.

3Na-he yû-ngìn vù-yi chûng miâ-tó só-yû tui ngìn sṳ̂n-thí chhut-lòi ke ô-chô tûng-sî, mò-lun ke he má-ke, kì chhiu mò chhiang-li lé; kì yit fat-hien chhṳ-kâ só-cho ke, chhiu-son yû-chhui.

4Na-he yû-ngìn vù-yi chûng sùi-phien fat-sṳ, mò-lun he hó-yi ya-he fái-yi, ya mò-lun chhai má-ke sṳ-song sùi-phien fat-sṳ, kì yit fat-hien chhṳ-kâ só-cho ke, chhiu-son yû-chhui.

5Ngìn yû-chhui, chhiu yit-thin oi ngin-chhui. 6Kì yit-thin oi vi só-fam ke chhui khiên yit-chak mièn-yòng-mà ya-he sân-yòng-mà, hien-pûn Song-chú cho su̍k-chhui-chi. Chi-sṳ̂ oi vi kì ke chhui hàng su̍k-chhui-lî.

7Na-he yû-ngìn mâi m̀-hí yit-chak yòng-è, kì yit-thin oi vi só-fam ke chhui tai lióng-chak pân-kiêu ya-he lióng-chak ngie̍t-kap-è to Song-chú mien-chhièn, yit-chak cho su̍k-chhui-chi, nang-ngoi yit-chak cho sêu-fa-chi. 8Kì oi chiông liá lióng-chak tiâu-é tai-to chi-sṳ̂ ke-vi; chi-sṳ̂ oi siên hien su̍k-chhui-chi. Kì oi ngiú-thôn tiâu-é ke kiáng-kîn, chúng-he m̀-hó chiông kì ke thèu ngiú thôn-thet, 9yèn-heu chiông yit-si̍t-é hiet fin chhai chi-thàn sùn, chhûn-tó ke hiet chhiòn-phu tó chhai chi-thàn kiok ke-vi. Liá he su̍k-chhui-chi. 10Chiap-tén, kì oi cheu thiàu-li hien nang-ngoi yit-chak tiâu-é cho sêu-fa-chi. Chi-sṳ̂ oi cheu liá fông-fap vi liá-ke ngìn só-fam ke chhui hien su̍k-chhui-chi, kì chhiu tet-tó sa-miên.

11Na-he yû-ngìn mâi m̀-hí lióng-chak pân-kiêu ya-he lióng-chak ngie̍t-kap-è, kì cho-tet vi chhṳ-kâ só-fam ke chhui hien yit kûng-kîn ke yu-mien-fún cho su̍k-chhui-chi; chúng-he cho-m̀-tet kâ-song kám-lám-yù ya-he nen-hiông, yîn-vi liá he su̍k-chhui-chi, m̀-he su-chi. 12Kì oi chiông yu-mien-fún tai-to chi-sṳ̂ ke-vi; chi-sṳ̂ oi yá yit-kha̍k mien-fún cho thoi-péu, piong chhai chi-thàn táng lòi sêu, cho fó-chi hien-pûn Song-chú. Liá he su̍k-chhui-chi. 13Chi-sṳ̂ oi cheu liá fông-fap vi liá-ke ngìn só-fam ke chhui hien su̍k-chhui-chi, kì chhiu tet-tó sa-miên. Chhûn-tó ke mien-fún oi cheu su-chi ke thiàu-li kûi-pûn chi-sṳ̂.

Su̍k-ko-sṳt-chi ke Thiàu-li

14Song-chú hiong Mô-sî siên-pu yî-ha ke thiàu-li. 15Na-he yû-ngìn vù-yi chûng mò chiông yin-kôi kûi-pûn Song-chú ke sṳn-vu̍t hien chhut-lòi, kì yit-thin oi vi só-fam ke chhui khiên yit-chak mò khiet-tiám ke mièn-yòng-kú lòi, hien-pûn Song-chú cho su̍k-ko-sṳt-chi. Yòng ke ka-chhṳ̍t oi cheu sṳn-só ke phêu-chún kiet-thin. 16Kì yit-thin oi phòi mò hien chhut-lòi ke phu-fun, nang-ngoi hàn-oi kâ pak-fûn chṳ̂ ngi-sṳ̍p. Kì oi chiông liá-têu kâu-pûn chi-sṳ̂; chi-sṳ̂ oi vi kì hien mièn-yòng-kú cho su̍k-ko-sṳt-chi lòi thoi kì su̍k-chhui, kì chhiu tet-tó sa-miên.

17Na-he yû-ngìn vù-yi chûng fam-chhui, vì-fán Song-chú ke kim-lin, kì chhiu yû-chhui, yit-thin oi sṳ̀n-tâm chhui ke chit-ngim. 18Kì yit-thin oi khiên yit-chak mò khiet-tiám ke mièn-yòng-kú to chi-sṳ̂ ke-vi cho su̍k-ko-sṳt-chi. Yòng ke ka-chhṳ̍t oi cheu sṳn-só ke phêu-chún kiet-thin. Chi-sṳ̂ oi vi kì vù-yi chûng só fam ke ko-sṳt hàng su̍k-chhui-lî, kì chhiu tet-tó sa-miên. 19Liá he vi-tó kì tet-chhui Song-chú só-hien ke su̍k-ko-sṳt-chi.

Currently Selected:

Li-vi Ki 5: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Li-vi Ki 5

Videos for Li-vi Ki 5

Leviticus 4-5:13

Spoken Gospel

Leviticus 5:14-6:7

Spoken Gospel

Li-vi Ki 5

Popular Bible Verses from
Li-vi Ki 5

Videos for Li-vi Ki 5

Leviticus 4-5:13

Leviticus 5:14-6:7

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 5

Li-vi Ki 5

Popular Bible Verses from Li-vi Ki 5

Videos for Li-vi Ki 5

Leviticus 4-5:13

Leviticus 5:14-6:7

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 5

Popular Bible Verses from
Li-vi Ki 5