Li-vi Ki 20

Sí-hìn ke Thiàu-li

1Song-chú fûn-fu Mô-sî 2hiong Yî-set-lie̍t-ngìn siên-pu: “Ngì-têu tông-chûng, mò-lun Yî-set-lie̍t-ngìn ya-he chhiam-he̍t ke lî-hak, na-he yû-ngìn chiông chhṳ-kâ ke chṳ́-ńg hien-pûn sià-sṳ̀n Mô-lo̍k, yit-thin oi phan sí-hìn; ngìn-mìn oi yung sa̍k-thèu te̍p-sí kì. 3Ngài oi tui ke-ngìn pien-mien, chiông kì tui Ngài ke chṳ́-mìn chûng chhù-thet; yîn-vi kì chiông chhṳ-kâ ke chṳ́-ńg hien-pûn Mô-lo̍k, tá-lá-sap Ngài ke sṳn-só, vú-yu̍k Ngài ke sṳn-miàng. 4Ká-sṳ́ ke-ngìn chiông chhṳ-kâ ke chṳ́-ńg hien-pûn Mô-lo̍k, chúng-he ngìn-mìn cha-yi mò khon-tó, m̀ chiông kì chhú-sí, 5Ngài oi chhîn-chhṳ tui-fu kì lâu kì ke chhiòn-kâ; Ngài ya oi tui-fu ke-têu lâu kì khiung-ha poi-phan Ngài hi-pai Mô-lo̍k ke ngìn. Ngài oi tui Ngài ke chṳ́-mìn chûng chiông kì-têu chhù-thet.

6“Na-he yû-ngìn hi kâu-kúi ya-he hi-mun hàng sià-su̍t ke, thèn kì-têu poi-phan Ngài, Ngài oi tui-fu kì, tui Ngài ke chṳ́-mìn chûng chiông kì chhù-thet. 7Só-yî, ngì-têu oi chiông chhṳ-kâ fûn-phe̍t vì-sṳn, sàng-cho sṳn-kiet, yîn-vi Ngài he Song-chú — ngì-têu ke Song-ti. 8Ngì-têu oi kiún-sú sṳ̍t-hàng Ngài ke fap-li̍t, yîn-vi Ngài he sṳ́ ngì-têu sàng-cho sṳn-kiet ke Song-chú.

9“Mò-lun má-ngìn chu-ma fu-mû, yit-thin oi phan sí-hìn; kì he chhui yû yin-tet ke.

10“Na yû-ngìn lâu lìn-sa ke pû-ngiòng sṳ̂-thûng, kiên-fû lâu yìm-fu chhiòn-phu oi phan sí-hìn. 11Na yû-ngìn lâu kiâ-pâ ke pû-ngiòng sṳ̂-thûng, siû-yu̍k kiâ-pâ, lióng-sà chhiòn-phu oi phan sí-hìn; kì-têu he chhui yû yin-tet ke. 12Na yû-ngìn lâu sîm-khiû sṳ̂-thûng, lióng-sà chhiòn-phu oi phan sí-hìn; kì-têu lon-lùn, he chhui yû yin-tet ke. 13Na-yû nàm-ngìn lâu nàm-ngìn yû sin koân-he, kì-têu he cho chit-ok ke sṳ, lióng-sà yit-thin oi phan sí-hìn; kì-têu he chhui yû yin-tet ke. 14Na yû-ngìn thó pû-ngiòng, yu lâu chhông-mîn-ôi sṳ̂-thûng, sâm-sà lûng-chúng oi yung fó sêu-sí, lòi sṳ́ ngì-têu tông-chûng ke vû-ve sêu chhiang-chhiang. 15Na-yû nàm-ngìn lâu chhu-lui yû sin koân-he, nàm-ngìn yit-thin oi phan sí-hìn, ngì-têu ya oi chhṳ̀-sí ke chhu-lui. 16Na-yû ńg-ngìn chhîn-khiun chhu-lui, lâu chhu-lui yû sin koân-he, yit-thin oi chiông ńg-ngìn lâu chhu-lui chhṳ̀-sí; kì-têu he chhui yû yin-tet ke.

17“Na yû-ngìn thó chhṳ-kâ chhîn chí-moi, mò-lun he mò khiung â-mê ya-he mò khiung â-pâ ke chí-moi, pí-chhṳ́ yû sin koân-he, kì-têu yit-thin oi kûng-khôi su vú-yu̍k, pûn-ngìn kiuk-chhut kì-têu ke sa-khî. Kì lâu chhṳ-kâ ke chí-moi yû lon-lùn ke koân-he, yit-thin oi tâm-tông kì ke chhui-ngiak. 18Na yû-ngìn lâu kîn-khì nui ke ńg-ngìn yû sin koân-he, yit-thin oi chiông lióng-sà kiuk-chhut sa-khî, yîn-vi kì-têu fam-tó yû-koân mò chhiang-li ke thiàu-li.

19“Cho-m̀-tet lâu â-kû ya-he â-yì yû sin koân-he, liá he fam lon-lùn ke chhui; lióng-sà yit-thin voi tâm-tông chhṳ-kâ ke chhui-ngiak. 20Na yû-ngìn lâu pak-mê ya-he suk-mê yû lon-lùn ke koân-he, chhiu-he vú-yu̍k â-pak, â-suk; lióng-sà oi tâm-tông chhṳ-kâ ke chhui, to sí voi mò chṳ́-ńg. 21Na yû-ngìn thó â-só ya-he ló-thâi sîm-khiû, chhiu-he vú-yu̍k chhṳ-kâ ke hiûng-thi, liá he mò chhiang-li ke sṳ; lióng-sà to sí voi mò chṳ́-ńg.

22“Ngì-têu oi chûn-sú Ngài yit-chhiet ke fap-li̍t, sṳ̍t-hàng Ngài yit-chhiet ke thiàu-li, án-ngiòng, Ngài oi thu ngì-têu ngi̍p-hi ke Kâ-nàm-thi chhiu m̀-voi chiông ngì-têu phi chhut-hi. 23Ngì-têu cho-m̀-tet ho̍k ke-thi siên-chhièn chhu-mìn ke fûng-siu̍k si̍p-koan; yîn-vi kì-têu cho liá yit-chhiet ke sṳ, Ngài chhin-nâu kì-têu, oi chiông kì-têu kiuk-chéu, pûn ngì-têu ngi̍p-hi. 24Ngài sṳt yin-hí, ngì-têu oi sṳ̀n-su kì-têu ke thú-thi; Ngài oi chiông ke-te liù-nen-lâu-me̍t ke thú-thi su-pûn ngì-têu cho sán-ngia̍p. Ngài he Song-chú — ngì-têu ke Song-ti; Ngài chiông ngì-têu lâu lie̍t-koet fûn-khôi. 25Só-yî, ngì-têu yit-thin oi fûn-phe̍t chhiang-li lâu mò chhiang-li ke fî-niâu chéu-chhu. Ngì-têu cho-m̀-tet sṳ̍t mò chhiang-li ke chhu-lui lâu tiâu-é; Ngài yí-kîn siên-pu kì-têu he mò chhiang-li ke, nâ-lòi sṳ̍t voi sṳ́ ngì-têu mò chhiang-li. 26Ngì-têu oi sṳn-kiet, oi kûi-su̍k Ngài; yîn-vi Ngài he Song-chú, he sṳn-kiet ke. Ngài chiông ngì-têu lâu lie̍t-koet fûn-khôi, oi sṳ́ ngì-têu cho Ngài ke chṳ́-mìn.

27“Só-yû kâu-kúi ya-he son-miang ke nàm-ńg yit-thin oi phan sí-hìn; ngìn-mìn oi yung sa̍k-thèu te̍p-sí kì-têu. Liá-chúng ngìn he chhui yû yin-tet ke.”

Currently Selected:

Li-vi Ki 20: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Li-vi Ki 20

Videos for Li-vi Ki 20

Leviticus 19-20

Spoken Gospel

Ep. 45 Genesis 19 Part 2: Can God Redeem Even the Worst Family History?

The Bible Show

Li-vi Ki 20

Popular Bible Verses from
Li-vi Ki 20

Videos for Li-vi Ki 20

Leviticus 19-20

Ep. 45 Genesis 19 Part 2: Can God Redeem Even the Worst Family History?

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 20

Li-vi Ki 20

Popular Bible Verses from Li-vi Ki 20

Videos for Li-vi Ki 20

Leviticus 19-20

Ep. 45 Genesis 19 Part 2: Can God Redeem Even the Worst Family History?

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 20

Popular Bible Verses from
Li-vi Ki 20