Li-vi Ki 1

Sêu-fa-chi ke Thiàu-li

1Song-chú tui sṳn-chong-phùng chûng ham Mô-sî, fûn-fu kì 2hiong Yî-set-lie̍t ngìn-mìn siên-pu yî-ha ke thiàu-li.

Ngì-têu tông-chûng na yû-ngìn hien sên-ngì pûn Song-chú, oi hien ngiù-khiùn chûng ke ngiù, ya-he yòng-khiùn chûng ke yòng.

3Na-he kì hien ngiù cho sêu-fa-chi, yit-thin oi yung mò khiet-tiám ke ngiù-kú, khiên kì to sṳn-chong-phùng mùn-héu, Song-chú chhiu voi chiap-na̍p. 4Kì oi chiông sú piong chhai thèu-sâng ke thèu-nà táng; liá sêu-fa-chi chhiu su chiap-na̍p, nèn thoi kì su̍k-chhui. 5Kì oi chhai Song-chú mien-chhièn chiông liá-chak ngiù-kú chhṳ̀-sí; Â-lùn-chhu̍k ke chi-sṳ̂ oi hien sên-ngì ke hiet, yèn-heu chiông liá-hiet hia chhai sṳn-chong-phùng mùn-héu ke chi-thàn si chû-vì. 6Chiap-tén, ke-ngìn oi pok sên-ngì ke phì, chiông ngiuk chhiet-cho yit-te yit-te; 7ke-têu chi-sṳ̂ oi chiông chhèu piong chhai chi-thàn táng, tiám-fó, 8chiông ngiuk, thèu-nà lâu yù chhiòn-phu piong chhai chi-thàn ke chhèu-fó táng-kô lòi sêu. 9Ke-ngìn yit-thin oi yung súi chiông sên-ngì ke puk-nui lâu heu-thúi sé-chhiang; chi-sṳ̂ oi chiông sên-ngì chhiòn-phu piong chhai chi-thàn táng hien-cho sêu-fa-chi. Liá fó-chi ke hiông-mi he Song-chú só fôn-hí ke.

10Na-he kì hien mièn-yòng ya-he sân-yòng cho sêu-fa-chi, kì yit-thin oi yung mò khiet-tiám ke yòng-kú. 11Kì oi chhai chi-thàn ke pet-phién, chhai Song-chú mien-chhièn chiông liá-chak yòng-kú chhṳ̀-thet; Â-lùn-chhu̍k ke chi-sṳ̂ oi chiông sên-ngì ke hiet hia chhai chi-thàn ke si chû-vì. 12Ke-ngìn chiông ngiuk chhiet cho-te yî-heu, chi-sṳ̂ oi chiông ngiuk, thèu-nà lâu yù chhiòn-phu piong chhai chi-thàn ke chhèu-fó táng-kô lòi sêu. 13Ke-ngìn yit-thin oi yung súi chiông sên-ngì ke puk-nui lâu heu-thúi sé-chhiang; chi-sṳ̂ oi chiông sên-ngì chhiòn-phu piong chhai chi-thàn táng hien-cho sêu-fa-chi. Liá fó-chi ke hiông-mi he Song-chú só fôn-hí ke.

14Na-he kì hien tiâu-é pûn Song-chú cho sêu-fa-chi, kì yit-thin oi yung pân-kiêu ya-he ngie̍t-kap-è. 15Chi-sṳ̂ oi chiông tiâu-é tai-to chi-thàn chhièn, ngiú-thôn kì ke thèu-nà, chiông thèu-nà piong chhai thàn-táng lòi sêu, chiông tiâu-é piong chhai thàn-sùn, pûn kì ke hiet liù-châu. 16Ke-ngìn oi chiông tiâu-é ke kôi lâu liù chhai tî-poi ke tûng-sî khiung-ha nâ-thet, te̍p chhai chi-thàn tûng-phién tó-fôi ke thi-fông. 17Kì oi nâ-tén tiâu-é ke lióng-chak yi̍t-kap, chiông tiâu-é chhá-khôi, chúng-he m̀-hó chhá thôn-thet; yèn-heu chi-sṳ̂ oi chiông sên-ngì piong chhai chi-thàn táng, chhai chhèu-fó táng-kô, hien-cho sêu-fa-chi. Liá fó-chi ke hiông-mi he Song-chú só fôn-hí ke.

Currently Selected:

Li-vi Ki 1: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)