Yok-nâ Sû 2

Yok-nâ ke Khì-tó

1Yok-nâ chhai ǹg tú-sṳ́ hiong Song-chú — kì ke Song-ti khì-tó:

2Song-chú â, ngài tù-tó châi-nan ke sṳ̀ khiù-ham Ngì,

Ngì yû tap-yin ngài.

Ngài tui yîm-kiên tú hiong Ngì khién-khiù,

Ngì thâng ngài ke khì-khiù.

3Ngì chiông ngài te̍p-lo̍k chhṳ̂m-hói,

to chhṳ̂m-chhṳ̂m ke hói-tái;

thai-súi pâu-vì ngài,

Ngì ke thai-long khièm-tén ngài.

4Ngài sióng, ngài yí-kîn tui Ngì mien-chhièn pûn Ngì kiuk-chéu,

chúng-he ngài hàn oi ngióng-mong Ngì ke sṳn-thien#2:4 “chúng-he ... sṳn-thien” ya-he yi̍t-cho “ngióng cho-tet chai khon-tó Ngì ke sṳn-thien nè?”.

5Thai-súi khièm-tén ngài, hoi ngài théu-hi m̀-chhut;

ngài ham chhai thai-hói chhin-chhṳ̂m ke só-chhai;

hói-chhó chhàn-he̍t ngài ke thèu-nà.

6Ngài hâ-to chung-sân ke kiok-hâ,

lòi-to mùn-chhôn yún-yén só-tén ke yîm-kiên.

Chúng-he Song-chú — ngài ke Song-ti â,

Ngì tui yîm-kiên ke tî-poi chiông ngài sâng-sâng kiu chhut-lòi.

7Ngài kám-kok chhṳ-kâ ke sâng-miang voi mò-thet ke sṳ̀,

Song-chú â, ngài chhiu sióng-ngiam Ngì;

ngài ke khì-tó ngi̍p-to Ngì ke sṳn-thien,

tha̍t-to Ngì ke mien-chhièn.

8Ke-têu kin-pai hî-ká ngiéu-siong ke,

kì-têu yí-kîn vok-thet tui Ngì ke sṳ̀n-sîm#2:8 “tui Ngì ke sṳ̀n-sîm” ya-he yi̍t-cho “Ngì ke chhṳ̀-oi”..

9Chúng-he ngài oi chhong-kô kám-chhia Ngì;

ngài oi hiong Ngì hien-chi,

vàn yit-chhiet só hí ke ngien.

Chṳ́n-kiu he tui Song-chú lòi!

10Heu-lòi, Song-chú min-lin ke-thiàu thai-ǹg chiông Yok-nâ phi chhai sâ-thân, thai-ǹg chhiu cheu án-ngiòng cho.

Currently Selected:

Yok-nâ Sû 2: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)