Yok-ngí Sû 1

Ngìn-mìn vi Nùng-chok-vu̍t ke Sún-fái Pî-sông

1Hâ-poi he Song-chú pûn Pí-thú-ngí ke lai-é Yok-ngí ke sin-sit.

2Chóng-ló#1:2 “Chóng-ló” ya-he yi̍t-cho “Ló-ngìn-kâ”, 1:14 khiung-yong. â, ngì-têu oi thâng,

Yù-thai ke ngìn-mìn â, oi chu-yi thâng!

Ngì-têu ke sṳ̀-thoi ya-he chú-siên ke sṳ̀-thoi kám yû fat-sên ko liá-chúng sṳ?

3Lâu ngì-têu ke chṳ́-ńg kóng,

hó pûn kì-têu lâu kì-têu ke chṳ́-ńg kóng,

sṳ-sṳ thoi-thoi, liù-chhòn hâ-hi.

4Yit-khiùn yit-khiùn ke chhó-máng thìn chhai nùng-chok-vu̍t mien-táng.

Thai chhó-máng sṳ̍t-chhûn ke, se chhó-máng lòi sṳ̍t;

se chhó-máng sṳ̍t-chhûn ke, yu chhó-máng lòi sṳ̍t;

yu chhó-máng sṳ̍t-chhûn ke, vò-hà lòi sṳ̍t.

5Chiú-chui ke ngìn â, hó siáng ko-lòi kieu lé!

Hau-chiú ke ngìn â, oi ôi-sông thai-kieu!

Yîn-vi kiuk sîn-chiú ke phù-thò mò pan-ti̍t lé.

6Yû yit-chhui chhó-máng chhîm-fam ngài-têu ke thú-thi.

Kì-têu tông khiòng-thai, tô-to mò fap-thu son;

kì-têu ke ngà-chhṳ́ chhiong sṳ̂-é ke ngà-chhṳ́ án-li.

7Kì-têu fí-fái ngài-têu ke phù-thò-su,

chiông vù-fâ-kó-su sṳ̍t-to kông-kông.

Kì-têu lièn su-koáng ke phì ya khie-to chhiang-chhiang,

sṳ́ su-koáng pien-cho pha̍k-pha̍k.

8Ngì-têu oi chhin-kieu!

Chhiong se-moi-é yîn-vi vi-fûn-fû sí-thet chok mà-sâm thai-kieu.

9Sṳn-thien tú m̀-voi chai yû ńg-kuk lâu mî-chiú,

chi-sṳ̂ yîn-vi mò chi-vu̍t hó hien-pûn Song-chú lòi pî-sông.

10Thièn-yèn fông-thet,

thai-thi chhî-liòng;

yîn-vi ńg-kuk fí-fái,

chhiòn-mò sîn-chiú,

kám-lám-yù ya tông-khiam.

11Kâng-chung-ngìn â, ngì-têu voi tông sṳt-mong!

Chóng phù-thò-yèn ke â, ngì-têu voi thai-kieu!

Yîn-vi thai-ma̍k, séu-ma̍k,

lâu só-yû nùng-chok-vu̍t chhiòn-phu fí-fái chhiang-chhiang.

12Phù-thò-su, vù-fâ-kó-su châu-thet;

sa̍k-liù-su, chûng-su, phìn-kó-su

lâu só-yû ke kó-su chhiòn-phu châu-thet;

ngìn ke hí-lo̍k ya chhiòn-phu sêu-sṳt lé.

13Chhai chi-thàn fu̍k-sṳ ke chi-sṳ̂ â,

ngì-têu oi chok mà-sâm thai-kieu!

Oi ngi̍p sṳn-thien kûi am-pû kieu-chṳ̂!

Yîn-vi m̀-voi chai yû ńg-kuk, mî-chiú hó hien-pûn ngì-têu ke Song-ti lé.

14Ngì-têu oi siên-pu kim-sṳ̍t, kí-hàng sṳ̀n-sṳn ke chhi-fi!

Oi seu-si̍p ke-têu chóng-ló lâu Yù-thai só-yû ke ngìn-mìn,

chin-ngi̍p Song-chú — ngì-têu Song-ti ke sṳn-thien,

hiong Song-chú ôi-khiù!

15Song-chú ke ngit-è voi to lé!

Chhiòn-nèn-chá oi kong châi-nan lé!

Ke ngit-è he ngióng-pân tet-ngìn-kiâng â!

16Nùng-chok-vu̍t chhai ngài-têu ngién-chhièn fí-fái lé;

ngài-têu Song-ti ke sṳn-thien mò fôn-hí khoai-lo̍k.

17Chúng-chṳ́ chhiòn-phu chhai nài-kak tú mièn-thet lé,

mò kuk hó-tún;

kuk-chhông chhiòn-phu mò-yung thet-hi lé.

18Thèu-sâng chhin-ve chhin-kieu.

Ngiù-khiùn chûng-sông chûng-hâ,

yîn-vi chhìm mò chhó hó-sṳ̍t;

yòng-khiùn ya khiung-yong su-khú.

19Song-chú â, ngài hiong Ngì ôi-khiù,

yîn-vi fó sêu-thet yâ-thi ke chhó-chhòng,

fó-yam sêu-chhiang thièn-yèn ke su-é.

20Yâ-chhu ya hiong Ngì choi so̍k-so̍k;

yîn-vi hò-pa-súi châu-thet,

fó chiông chhó-chhòng sêu-thet lé.

Currently Selected:

Yok-ngí Sû 1: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)