Hò-sî-â Sû 4

Song-chú Chit-phi Yî-set-lie̍t-ngìn

1Yî-set-lie̍t-ngìn â, ngì-têu oi chu-yi thâng Song-chú tui liá thi-fông ngìn-mìn ke chit-phi. Kì kóng: “Liá-vi ke ngìn mò sṳ̀n-sṳ̍t, ya mò oi-sîm; kì-têu m̀ sṳ̀n-ngin Ngài he Song-ti. 2Kì-têu ká fat-sṳ, kóng fâ-liâu, hiûng-sat, cho-chhe̍t, hàng kiên-yìm; kì-têu yit-chhṳ̍t fam-chhui, hiet-on lièn-lièn. 3Só-yî, liá thi-fông voi cho thiên-hôn; ngìn-mìn chhiòn-phu voi hot-sí. Só-yû fî-khìm chéu-chhu, sṳm-chṳ súi-tú ke ǹg-lui, chhiòn-phu voi sêu-me̍t.”

Song-chú Chit-phi Chi-sṳ̂

4Song-chú kóng: “Chi-sṳ̂ â, ngì-têu m̀-hó chit-phi ngìn-mìn, ya m̀-sṳ́ khúng-ko kì-têu, yîn-vi Ngài oi khúng-ko ke chhiu-he ngì-têu#4:4 “yîn-vi ... ngì-têu”: Hî-pak-lòi-vùn he “ngì-têu ke ngìn-mìn chhiu-chhiong ke-têu khúng-ko chi-sṳ̂ ke ngìn”.. 5Ngì-têu ke hàng-vì khî m̀-chang, mò fûn ngit-ya, ke-têu siên-tî ya khiung-yong tiet-tó. Ngài oi sêu-me̍t ngì-têu ke â-mê — Yî-set-lie̍t. 6Ngài ke chṳ́-mìn oi me̍t-mòng, yîn-vi kì-têu m̀ sṳ̀n-ngin Ngài. Ngì liá-têu chi-sṳ̂ m̀ sṳ̀n-ngin Ngài, yu khî-chhie̍t Ngài — Song-ti ke kau-hiun. Só-yî Ngài oi khî-chhie̍t ngì-têu, m̀ pûn ngì-têu ke chṳ́-sûn cho Ngài ke chi-sṳ̂.

7“Ngì-têu liá-khiùn chi-sṳ̂, ngì-têu ngìn ye̍t-tô chhiu ye̍t kám tet-chhui Ngài, só-yî Ngài oi sṳ́ ngì-têu ke kông-yùng pien-cho kien-seu. 8Ngài ke chṳ́-mìn fam-chhui, sa hiuk-phì ngì-têu, só-yî ngì-têu oi kì-têu tô-tô fam-chhui. 9Chiông-lòi ngì-têu yit-thin oi lâu ngìn-mìn khiung-yong su chit-fa̍t, cheu ngì-têu ke só-hàng só-cho khiung-yong tù-tó po-yin. 10Ngì-têu hau sṳ̍t, chúng-he sṳ̍t m̀-páu; ngì-têu hàng kiên-yìm, chúng-he chṳ́-sûn mò kha-tô; yîn-vi ngì-têu lì-khôi Ngài — Song-chú, hi-thèn phe̍t ke sṳ̀n-mìn.”

Song-chú Chit-phi Pai Ngiéu-siong ke Chhui

11Song-chú kóng: “Sîn-chiú lâu ló-chiú hoi Ngài ke chṳ́-mìn thèu-nó mò chhîn-chhú. 12Kì-têu hi khiù-mun su-thèu, thâng-chhiùng su-kî ke chṳ́-sṳ. Yìm-lon ke sîm-lìn mì-fe̍t kì-têu hi hàng kiên-yìm, yén-lì kì-têu ke Song-ti. 13Kì-têu chhai sân-táng hien-chi, chhai sân-kông táng ke thai-su hâ sêu-hiông, yîn-vi kì-têu chhai su-yáng hâ kám-kok liòng-sóng.

“Só-yî, ngì-têu ke moi-é hi cho kî-ńg; ngì-têu ke sîm-khiû lâu ngìn hàng kiên-yìm. 14Chúng-he, Ngài mò chit-fa̍t kì-têu, yîn-vi ngì-têu ya lâu sṳ̀n-meu ke kî-ńg hàng kiên-yìm, lâu kì-têu khiung-ha hiong sṳ̀n-mìn hien-chi. Chhiu-chhiong siu̍k-ngî kóng ke: ‘Mò chṳ-sṳt ke ngìn-mìn yit-thin voi sôi.’

15“Sûi-yèn ngì liá-têu Yî-set-lie̍t-ngìn phoi-ngia̍k Ngài, Ngài hî-mong Yù-thai-ngìn m̀-voi fam khiung-yong ke chhui. Ngì-têu m̀-hó hi Kit-kap, ya m̀-hó sông-hi Pak-Â-vùn#4:15 “Pak-Â-vùn” yi-sṳ he “Sià-ok ke kâ” ya-he “Ngiéu-siong ke kâ”. Pak-Â-vùn chhai liá-vi khó-nèn chṳ́ “Pak-thi̍t-li”, yi-sṳ he “Song-ti ke kâ”. Chhai 5:8 lâu 10:5 ya yû khiung-yong ke fân-yi̍t. lî-pai, m̀-hó chhai ke-têu só-chhai chṳ́-tén Ngài — yún-sên Song-chú ke sṳn-miàng fat-sṳ. 16Yî-set-lie̍t-ngìn lâu ngiù-mà khiung-yong án ngang-kiáng, Ngài ngióng-nèn mu̍k-yông kì-têu, chhiong chhai chhó-chhòng mu̍k-yông yòng-khiùn yit-yong nè? 17Yî-set-lie̍t-ngìn#4:17 “Yî-set-lie̍t-ngìn”: Hî-pak-lòi-vùn chhṳ̍t-yi̍t he Yî-fap-lièn, chṳ́ pet-koet Yî-set-lie̍t tông-chûng chhin-thai ke kî-chhu̍k. Chhai pún-sû tui liá-chiet khôi-sṳ́ chhòng-theu yû liá-chúng ke fân-yi̍t. pûn ngiéu-siong mì-tó. Yù-chhai kì-têu hàng chhâ-lu! 18Kì-têu lâu chiú-chui ke ngìn cho phèn-yû. Kì-têu ki-siu̍k ko fong-thong yìm-lon ke sên-fa̍t, fôn-hí cho kien-seu ke sṳ, sa mò fôn-hí tet-tó chûn-yùng. 19Kì-têu voi pûn yìm-lon chok-hi, chhiong pûn liùng-kién-fûng kién-chéu; kì-têu voi hiong ke-têu sṳ̀n-mìn hien-chi chṳ-to kien-seu.”#4:19 Chhai 17 to 19 chiet, Hî-pak-lòi-vùn ke yi-sṳ mò chhîn-chhú.

Currently Selected:

Hò-sî-â Sû 4: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Hò-sî-â Sû 4

Videos for Hò-sî-â Sû 4

Hosea 4-10

BibleProject

Hosea 4-5

Spoken Gospel

Hò-sî-â Sû 4

Popular Bible Verses from
Hò-sî-â Sû 4

Videos for Hò-sî-â Sû 4

Hosea 4-10

Hosea 4-5

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 4

Hò-sî-â Sû 4

Popular Bible Verses from Hò-sî-â Sû 4

Videos for Hò-sî-â Sû 4

Hosea 4-10

Hosea 4-5

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 4

Popular Bible Verses from
Hò-sî-â Sû 4