Hò-sî-â Sû 2

1Só-yî, Yî-set-lie̍t-ngìn â, ngì-têu oi hiong chhṳ-kâ ke hiûng-thi kóng: “Ngì-têu he Song-ti ke chṳ́-mìn”; hiong chí-moi kóng: “Ngì-têu he Song-chú só thung-siak ke.”

Mò Sú Chṳ̂n-chiet ke Kô-me̍t — Mò Chûng-sṳ̍t ke Yî-set-lie̍t

2Oi lâu ngì-têu ke â-mê phien-lun, yîn-vi kì yí-kîn m̀-he Ngài ke pû-ngiòng, Ngài ya m̀-he kiâ ló-kûng. Oi khien kì chhù-thet mân-mien ke yìm-lon, m̀-hó chai hién-chhut hiûng-phù hi yín-yu ngìn. 3Na-he kì m̀-thâng, Ngài oi thot-thet kì ke sâm-fu, sṳ́ kì chhak-sṳ̂n lu-thí, chhiong chang chhut-se ke-sṳ̀ khiung-yong. Ngài oi sṳ́ kì chhiong khóng-yâ, chhiong sâ-mo̍k, sṳ́ kì choi-châu to sí. 4Ngài mò-oi siak kì ke chṳ́-ńg, yîn-vi kì-têu he yìm-fu kiung ke. 5Kì-têu ke â-mê fam kiên-yìm, he m̀-tî kien-seu ke kî-ńg#2:4-5 “he yìm-fu kiung ke ... kien-seu ke kî-ńg” ya-he yi̍t-cho “chhiong kì-têu ke â-mê, chhiong ke kî-ńg khiung-yong m̀-tî kien-seu”.. Kì ngiàm-ngiàm ngiam-ngiam kóng: “Ngài oi hi-kho ke-têu chhìn-lòng; yîn-vi ngài ke sṳ̍t-vu̍t, súi, yòng-mô, pu-liau, kám-lám-yù lâu chiú chhiòn-phu he kì-têu pûn ngài ke.”

6Só-yî, Ngài oi yung net-è cho lì-pâ set-tén kì ke lu; Ngài oi cho vì-chhiòng, sṳ́ kì lièn se-lu ya chhìm m̀-tó. 7Kì sióng-oi lâu khie-kô thêu-chéu, chúng-he kiuk m̀-tó kì-têu; kì tak só-chhai hi chhìm, chúng-he chhìm m̀-tó. Só-yî kì kóng: “Ngài hàn-he chón-to ngièn-tán ke ló-kûng ke-vi hi! Yî-chhièn lâu kì khiung-ha ke kông-kín pí liá-ha kha-hó!”

8Kì m̀ sṳ̀n-ngin pûn kì ńg-kuk, sîn-chiú lâu kám-lám-yù ke he Ngài; khì-sṳ̍t lièn kì hien-pûn Pâ-li̍t sṳ̀n-mìn ke kîm-ngiùn ya he Ngài thai-fông pûn kì ke. 9Só-yî, to sû-kot ke sṳ̀, Ngài oi nâ-chón Ngài pûn kì ke ńg-kuk, to cho-chiú ke sṳ̀-chiet, Ngài oi sû-chón Ngài pûn kì ke sîn-chiú; Ngài ya oi chhióng chón Ngài pûn kì châ vû-sṳ̂n ke yòng-mô lâu pu-liau. 10Ngài oi chhai kì ke-têu khie-kô mien-chhièn chiông kì ke sâm-fu thot chhiang-chhiang; mò-ngìn cho-tet tui Ngài sú-chûng chiông kì kiu-chéu. 11Ngài oi thìn-thet kì só-yû ke fôn-lo̍k, kim-chṳ́ kì ke ngièn-chiet, ngie̍t-chhû, ôn-sit-ngit, lâu yit-chhiet ke chûng-kau thai-fi. 12Ngài oi phai-fái kì ke phù-thò-su lâu vù-fâ-kó-su, yîn-vi kì kóng: “Liá-têu he ngài ke-têu chhìn-lòng sóng-pûn ngài ke.” Ngài oi sṳ́ kì ke kó-yèn sàng-cho fông-lìm; yâ-chhu oi lòi sṳ̍t ke-têu kó-chṳ́. 13Ngài oi phan kì; yîn-vi kì chhai chiet-ngit hiong ke-têu Pâ-li̍t sêu-hiông, yung ngí-vàn lâu chû-pó lòi tá-pan, thèn khie-kô chéu, sa chiông Ngài m̀ ki-tet. Ngài — Song-chú án-ngiòng siên-pu lé.

Song-chú Thung-siak Kì ke Chṳ́-mìn

14Khon â, Ngài oi tai kì to khóng-yâ, ôn-ví kì, hó-choi khien kì. 15Ngài oi chiông phù-thò-yèn vàn kì, sṳ́ “Châi-nan Sân-lak” sàng-cho “Hî-mong Mùn”; chhai ke-vi, kì voi thâng Ngài ke fa, chhiong kì heu-sâng lì-khôi Âi-khi̍p ke sṳ̀ khiung-yong. 16Ke-sṳ̀, kì voi sṳ̀n-ngin Ngài — Song-chú cho kì ke ló-kûng, mò chai chiông Ngài ham-cho Pâ-li̍t#2:16 “Pâ-li̍t”: Kâ-nàm-ngìn sṳ̀n-mìn ke miàng, yi-sṳ he “chú” ya-he “chú-ngìn”; nang-ngoi yit-ke yi-sṳ he “ló-kûng”.. 17Ngài oi ham kì chiông ke-têu Pâ-li̍t piong m̀ ki-tet, chhie̍t-tui cho-m̀-tet chai thì-hí kì-têu ke miàng.

18Ke-sṳ̀, Ngài oi lâu fî-khìm, chéu-chhu, phà-chhùng li̍p-yok, ham kì-têu m̀-hó sông-hoi Ngài ke chṳ́-mìn. Ngài oi fí-me̍t kiûng-chien, tô-kiam, thìn-chṳ́ chan-chên, pûn Ngài ke chṳ́-mìn hióng-su thai-phìn.

19Yî-set-lie̍t â, Ngài oi thó ngì yún-yén cho Ngài ke pû-ngiòng.

Ngài oi yung kûng-ngi, kûng-phìn, chhṳ̀-oi lâu lìn-mén cho phín-kîm lòi thó ngì.

20Ngài ya oi yung sṳ̀n-sṳ̍t lòi thó ngì;

ngì chhiu voi chṳn-kîn ngin-sṳt Ngài — Song-chú.

21-22Ke-sṳ̀, Ngài oi thâng Ngài chṳ́-mìn Yî-set-lie̍t#2:21-22 “Yî-set-lie̍t”: Hî-pak-lòi-vùn chhṳ̍t-yi̍t he “Yâ-sṳ̂-lie̍t”, chhâm-kháu 1:4, 11. ke khì-tó;

Ngài oi ham thiên kong kâm-lu chṳ̂-yun thai-thi,

thi chhiu voi chhut-sán ńg-kuk, sîn-chiú lâu kám-lám-yù.

23Ngài oi chiông Ngài ke chṳ́-mìn chung chhai liá-te thú-thi;

Ngài oi tui “Mò Su-tó Lìn-mén” ke sṳ̂-hàng lìn-mén;

Ngài oi tui “M̀-he Ngài Chṳ́-mìn” ke kóng: “Ngì-têu he Ngài ke chṳ́-mìn”.

Kì-têu thin-chho̍k voi kóng: “Ngì he ngài-têu ke Song-ti.”

Currently Selected:

Hò-sî-â Sû 2: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Hò-sî-â Sû 2

Videos for Hò-sî-â Sû 2

Hosea 1-3

BibleProject

Hosea 2-3

Spoken Gospel

Hò-sî-â Sû 2

Popular Bible Verses from
Hò-sî-â Sû 2

Videos for Hò-sî-â Sû 2

Hosea 1-3

Hosea 2-3

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 2

Hò-sî-â Sû 2

Popular Bible Verses from Hò-sî-â Sû 2

Videos for Hò-sî-â Sû 2

Hosea 1-3

Hosea 2-3

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 2

Popular Bible Verses from
Hò-sî-â Sû 2