Hò-sî-â Sû 13

Yî-set-lie̍t ke Chui-heu Sṳ́m-phan

1Yî-chhièn, Yî-fap-lièn kî-chhu̍k kóng-fa ke sṳ̀, Yî-set-lie̍t khì-thâ ke kî-chhu̍k chhiòn-phu pi̍t-pi̍t-chhat; kì-têu chhiòn-phu kin-chhung Yî-fap-lièn. Chúng-he Yî-fap-lièn pai Pâ-li̍t, fam-liáu chhui, chhiu me̍t-mòng lé. 2Liá-ha, kì-têu ki-siu̍k fam-chhui, cheu chhṳ-kâ ke sióng-fap lâu kî-su̍t, yung ngiùn-è chu-chho ngiéu-siong, yèn-heu kóng: “Hiong kì-têu hien-chi â!” Kì-têu kin-yèn lâu ngiù-siong chîm-choi#13:2 “yèn-heu kóng ... chîm-choi” Hî-pak-lòi-vùn ke yi-sṳ mò chhîn-chhú.! 3Só-yî, liá-têu ngìn chhiòn-phu oi chhiong tá-chó ke mùng-sâ-yên lâu lu-súi, ngit-thèu yit chhut-lòi chhiu mò-thet. Kì-têu oi chhiong vò-thàng ke phang-é, yu chhiong fó-yên pûn fûng kién-chéu.

4Song-chú kóng: “Ngài he Song-chú, he thu ngì-têu chhut Âi-khi̍p ke Song-ti. Chhù-liáu Ngài, ngì-têu mò phe̍t ke Song-ti; chṳ́-yû Ngài he ngì-têu ke kiu-chú. 5Chhai tông-châu ke khóng-yâ, Ngài chhîn-sṳ̂n khon-ku ngì-têu; 6chúng-he ngì-têu yit ngi̍p-to liá chhin-phì ke thú-thi, yîn-vi mò sèu-sṳ̍t mò sèu-chok chhiu chhṳ-mân kiêu-ngau. Yèn-heu, ngì-têu chhiu m̀ ki-tet Ngài lé. 7Só-yî, Ngài oi chhiong sṳ̂-é kûng-kit ngì-têu, chhiong pau-é mài-fu̍k chhai lu-sùn tén-tén ngì-têu. 8Ngài oi chhiong sṳt-lo̍k se yùng-chṳ́ ke yùng-mà kûng-kit ngì-têu, chhá-lie̍t ngì-têu. Ngài oi chhiong hiûng-ok ke sṳ̂-é tông-chhòng thûn-sṳ̍t ngì-têu, chhiong yâ-chhu chiông ngì-têu chhá-to lan-lan.

9“Yî-set-lie̍t-ngìn â, Ngài oi fí-me̍t ngì-têu! Yîn-vi ngì-têu fán-tui Ngài, chhiu-he fán-tui ngì-têu ke pông-chhu-chá. 10Ngì-têu sṳt hiong Ngài yêu-khiù sat-li̍p kiûn-vòng lâu tak sàng-sṳ ke kôn-chóng. Kì-têu yû kiu-ko ngì-têu mò? Liá-ha ngì-têu ke kiûn-vòng lâu kôn-chóng chhai nai-vi nè? 11Ngài chhai fat-khién ke tông-chûng pûn ngì-têu kiûn-vòng, ya chhai thai fat-khién chûng chiông kì-têu fi-thet.

12“Yî-set-lie̍t-ngìn ke chhui-ok, ko-fam chhiòn-phu yû ki-liu̍k, he fûng-tén khong hí-lòi ke. 13Yî-set-lie̍t-ngìn hàn-yû kî-fi, chúng-he kì-têu mò chṳ-fi, kin-yèn mò pá-ak liá kî-fi. Kì-têu chhiong sán-khì to ke ô-nga-é, m̀-hén chhut mû-thôi. 14Ngài kám oi tui yîm-kiên chiông Yî-set-lie̍t-ngìn kiu chhut-lòi? Ngài kám oi#13:14 “Ngài kám oi ... Ngài kám oi” yû-têu yi̍t-pún cheu yit kú yi̍t-pún fân-yi̍t cho “Ngài oi ... Ngài oi”. tui sí ke khièn-sṳ chṳ̂-ha chiông kì-têu piong chhut-lòi? Sí-mòng â, ngì ke châi-hoi chhai nai-vi? Yîm-kiên â, ngì ke fí-me̍t chhai nai-vi? Ngài mò-oi chai lìn-mén liá-têu ngìn-mìn lé. 15Sûi-yèn Yî-set-lie̍t chhiong yâ-chhó chhe-to mân-phien he#13:15 “chhiong yâ-chhó chhe-to mân-phien he” ya-he yi̍t-cho “chhai hiûng-thi tông-chûng meu-sṳn”., Ngài oi ham tûng-fûng tui khóng-yâ chhôi-lòi, chiông súi-ngièn lâu chiáng-súi chhôi-châu; Ngài oi chhióng-chéu kì-têu só-yû ke chhòi-pó. 16Sat-mâ-li-â oi yîn-vi phoi-ngia̍k Ngài su chit-fa̍t. Ke-vi ke ngìn oi yîn-vi chan-chên sí-thet; ô-nga-é oi pûn-ngìn te̍p-sí; yû sṳ̂n-hong ke fu-ńg ya oi pûn-ngìn pho tú-sṳ́.”

Currently Selected:

Hò-sî-â Sû 13: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Hò-sî-â Sû 13

Videos for Hò-sî-â Sû 13

Hosea 12-13

BibleProject

Hosea 11-14

Spoken Gospel

Hò-sî-â Sû 13

Popular Bible Verses from
Hò-sî-â Sû 13

Videos for Hò-sî-â Sû 13

Hosea 12-13

Hosea 11-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 13

Hò-sî-â Sû 13

Popular Bible Verses from Hò-sî-â Sû 13

Videos for Hò-sî-â Sû 13

Hosea 12-13

Hosea 11-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 13

Popular Bible Verses from
Hò-sî-â Sû 13